| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
சதுவிபத்திவண்ணனா
Catuvipattivaṇṇanā
336. யங் தங் புச்சி²ம்ஹாதி யங் த்வங் அபுச்சி²ம்ஹா. அகித்தயீதி அபா⁴ஸி. நோதி அம்ஹாகங் . தங் தங் ப்³யாகதந்தி யங் யங் புட்ட²ங், தங் ததே³வ ப்³யாகதங். அனஞ்ஞதா²தி அஞ்ஞதா² அகத்வா ப்³யாகதங்.
336.Yaṃ taṃ pucchimhāti yaṃ tvaṃ apucchimhā. Akittayīti abhāsi. Noti amhākaṃ . Taṃ taṃ byākatanti yaṃ yaṃ puṭṭhaṃ, taṃ tadeva byākataṃ. Anaññathāti aññathā akatvā byākataṃ.
யே து³ட்டு²ல்லா ஸா ஸீலவிபத்தீதி எத்த² கிஞ்சாபி ஸீலவிபத்தி நாம பஞ்ஹே நத்தி², அத² கோ² து³ட்டு²ல்லங் விஸ்ஸஜ்ஜேதுகாமதாயேதங் வுத்தங். சதூஸு ஹி விபத்தீஸு து³ட்டு²ல்லங் ஏகாய விபத்தியா ஸங்க³ஹிதங், அது³ட்டு²ல்லங் தீஹி விபத்தீஹி ஸங்க³ஹிதங். தஸ்மா ‘‘யே து³ட்டு²ல்லா ஸா ஸீலவிபத்தீ’’தி வத்வா தமேவ வித்தா²ரதோ த³ஸ்ஸேதுங் ‘‘பாராஜிகங் ஸங்கா⁴தி³ஸேஸோ ஸீலவிபத்தீதி வுச்சதீ’’தி ஆஹ.
Ye duṭṭhullā sā sīlavipattīti ettha kiñcāpi sīlavipatti nāma pañhe natthi, atha kho duṭṭhullaṃ vissajjetukāmatāyetaṃ vuttaṃ. Catūsu hi vipattīsu duṭṭhullaṃ ekāya vipattiyā saṅgahitaṃ, aduṭṭhullaṃ tīhi vipattīhi saṅgahitaṃ. Tasmā ‘‘ye duṭṭhullā sā sīlavipattī’’ti vatvā tameva vitthārato dassetuṃ ‘‘pārājikaṃ saṅghādiseso sīlavipattīti vuccatī’’ti āha.
இதா³னி திஸ்ஸன்னங் விபத்தீனங் வஸேன அது³ட்டு²ல்லங் த³ஸ்ஸேதுங் ‘‘து²ல்லச்சய’’ந்திஆதி³மாஹ. தத்த² யோ சாயங், அக்கோஸதி ஹஸாதி⁴ப்பாயோதி இத³ங் து³ப்³பா⁴ஸிதஸ்ஸ வத்து²த³ஸ்ஸனத்த²ங் வுத்தங்.
Idāni tissannaṃ vipattīnaṃ vasena aduṭṭhullaṃ dassetuṃ ‘‘thullaccaya’’ntiādimāha. Tattha yo cāyaṃ, akkosati hasādhippāyoti idaṃ dubbhāsitassa vatthudassanatthaṃ vuttaṃ.
அப்³பா⁴சிக்க²ந்தீதி ‘‘ததா²ஹங் ப⁴க³வதா த⁴ம்மங் தே³ஸிதங் ஆஜானாமீ’’தி வத³ந்தா அப்³பா⁴சிக்க²ந்தி.
Abbhācikkhantīti ‘‘tathāhaṃ bhagavatā dhammaṃ desitaṃ ājānāmī’’ti vadantā abbhācikkhanti.
அயங் ஸா ஆஜீவவிபத்திஸம்மதாதி அயங் ச²ஹி ஸிக்கா²பதே³ஹி ஸங்க³ஹிதா ஆஜீவவிபத்தி நாம சதுத்தா² விபத்தி ஸம்மதாதி எத்தாவதா ‘‘அது³ட்டு²ல்ல’’ந்தி இத³ங் விஸ்ஸஜ்ஜிதங் ஹோதி.
Ayaṃ sā ājīvavipattisammatāti ayaṃ chahi sikkhāpadehi saṅgahitā ājīvavipatti nāma catutthā vipatti sammatāti ettāvatā ‘‘aduṭṭhulla’’nti idaṃ vissajjitaṃ hoti.
இதா³னி ‘‘யே ச யாவததியகா’’தி பஞ்ஹங் விஸ்ஸஜ்ஜேதுங் ‘‘ஏகாத³ஸா’’திஆதி³மாஹ.
Idāni ‘‘ye ca yāvatatiyakā’’ti pañhaṃ vissajjetuṃ ‘‘ekādasā’’tiādimāha.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 2. சதுவிபத்திங் • 2. Catuvipattiṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சதுவிபத்திவண்ணனா • Catuvipattivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / சதுவிபத்திவண்ணனா • Catuvipattivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / சதுவிபத்திவண்ணனா • Catuvipattivaṇṇanā
