| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
ចតុវិបត្តិវណ្ណនា
Catuvipattivaṇṇanā
៣៣៦. យំ តំ បុច្ឆិម្ហាតិ ឯត្ថ និគ្គហិតតោ បរំ អការលោបោតិ អាហ ‘‘យំ តំ អបុច្ឆិម្ហា’’តិ ។ តត្ថ យន្តិ បញ្ហំ។ តន្តិ តុវំ។ ‘‘ត្វ’’ន្តិបិ បាឋោ, អយមេវត្ថោ។ តំ តទេវាតិ តំ តំ ឯវ បញ្ហំ។ អញ្ញថាតិ អញ្ញំ អាការំ។
336.Yaṃ taṃ pucchimhāti ettha niggahitato paraṃ akāralopoti āha ‘‘yaṃ taṃ apucchimhā’’ti . Tattha yanti pañhaṃ. Tanti tuvaṃ. ‘‘Tva’’ntipi pāṭho, ayamevattho. Taṃ tadevāti taṃ taṃ eva pañhaṃ. Aññathāti aññaṃ ākāraṃ.
យេ ទុដ្ឋុល្លា សា សីលវិបត្តីតិ ឯត្ថ ននុ សីលវិបត្តិំ បុច្ឆន្តោ បញ្ហោ នត្ថិ, កស្មា បន ‘‘សា សីលវិបត្តី’’តិ វិស្សជ្ជនំ វុត្តន្តិ អាហ ‘‘កិញ្ចាបី’’តិអាទិ។ ឯតន្តិ ‘‘យេ ទុដ្ឋុល្លា សា សីលវិបត្តី’’តិ វចនំ។ តមេវត្ថំ វិត្ថារេន្តោ អាហ ‘‘ចតូសុ ហី’’តិអាទិ។ វត្វាតិ សំខេបេន វត្វា។
Ye duṭṭhullā sā sīlavipattīti ettha nanu sīlavipattiṃ pucchanto pañho natthi, kasmā pana ‘‘sā sīlavipattī’’ti vissajjanaṃ vuttanti āha ‘‘kiñcāpī’’tiādi. Etanti ‘‘ye duṭṭhullā sā sīlavipattī’’ti vacanaṃ. Tamevatthaṃ vitthārento āha ‘‘catūsu hī’’tiādi. Vatvāti saṃkhepena vatvā.
តិស្សន្នំ វិបត្តីនន្តិ សីលវិបត្តិតោ អវសេសានំ តិស្សន្នំ វិបត្តីនំ។ តត្ថាតិ ‘‘ថុល្លច្ចយ’’ន្តិអាទិវចនេ។
Tissannaṃ vipattīnanti sīlavipattito avasesānaṃ tissannaṃ vipattīnaṃ. Tatthāti ‘‘thullaccaya’’ntiādivacane.
‘‘អព្ភាចិក្ខន្តី’’តិ បទស្ស កត្តារំ ទស្សេន្តោ អាហ ‘‘វទន្តា’’តិ។ ‘‘តថាហ’’ន្តិអាទិនា វទនាការំ ទស្សេតិ។
‘‘Abbhācikkhantī’’ti padassa kattāraṃ dassento āha ‘‘vadantā’’ti. ‘‘Tathāha’’ntiādinā vadanākāraṃ dasseti.
‘‘អយំ ឆហី’’តិ ឥមិនា អយំ សាតិ ឯត្ថ សាសទ្ទោ បទាលង្ការោតិ ទស្សេតិ។ ឯត្តាវតាតិ ឯត្តកេន ‘‘ថុល្លច្ចយ’’ន្តិអាទិវចនមត្តេន។ វិស្សជ្ជិតំ ហោតីតិ សម្ពន្ធោ។
‘‘Ayaṃ chahī’’ti iminā ayaṃ sāti ettha sāsaddo padālaṅkāroti dasseti. Ettāvatāti ettakena ‘‘thullaccaya’’ntiādivacanamattena. Vissajjitaṃ hotīti sambandho.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ២. ចតុវិបត្តិំ • 2. Catuvipattiṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / ចតុវិបត្តិវណ្ណនា • Catuvipattivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ចតុវិបត្តិវណ្ណនា • Catuvipattivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ចតុវិបត្តិវណ្ណនា • Catuvipattivaṇṇanā
