| Library / Tipiṭaka / තිපිටක • Tipiṭaka / පරිවාර-අට්‌ඨකථා • Parivāra-aṭṭhakathā |
චතුවිපත්‌තිවණ්‌ණනා
Catuvipattivaṇṇanā
336. යං තං පුච්‌ඡිම්‌හාති යං ත්‌වං අපුච්‌ඡිම්‌හා. අකිත්‌තයීති අභාසි. නොති අම්‌හාකං . තං තං බ්‍යාකතන්‌ති යං යං පුට්‌ඨං, තං තදෙව බ්‍යාකතං. අනඤ්‌ඤථාති අඤ්‌ඤථා අකත්‌වා බ්‍යාකතං.
336.Yaṃ taṃ pucchimhāti yaṃ tvaṃ apucchimhā. Akittayīti abhāsi. Noti amhākaṃ . Taṃ taṃ byākatanti yaṃ yaṃ puṭṭhaṃ, taṃ tadeva byākataṃ. Anaññathāti aññathā akatvā byākataṃ.
යෙ දුට්‌ඨුල්‌ලා සා සීලවිපත්‌තීති එත්‌ථ කිඤ්‌චාපි සීලවිපත්‌ති නාම පඤ්‌හෙ නත්‌ථි, අථ ඛො දුට්‌ඨුල්‌ලං විස්‌සජ්‌ජෙතුකාමතායෙතං වුත්‌තං. චතූසු හි විපත්‌තීසු දුට්‌ඨුල්‌ලං එකාය විපත්‌තියා සඞ්‌ගහිතං, අදුට්‌ඨුල්‌ලං තීහි විපත්‌තීහි සඞ්‌ගහිතං. තස්‌මා ‘‘යෙ දුට්‌ඨුල්‌ලා සා සීලවිපත්‌තී’’ති වත්‌වා තමෙව විත්‌ථාරතො දස්‌සෙතුං ‘‘පාරාජිකං සඞ්‌ඝාදිසෙසො සීලවිපත්‌තීති වුච්‌චතී’’ති ආහ.
Ye duṭṭhullā sā sīlavipattīti ettha kiñcāpi sīlavipatti nāma pañhe natthi, atha kho duṭṭhullaṃ vissajjetukāmatāyetaṃ vuttaṃ. Catūsu hi vipattīsu duṭṭhullaṃ ekāya vipattiyā saṅgahitaṃ, aduṭṭhullaṃ tīhi vipattīhi saṅgahitaṃ. Tasmā ‘‘ye duṭṭhullā sā sīlavipattī’’ti vatvā tameva vitthārato dassetuṃ ‘‘pārājikaṃ saṅghādiseso sīlavipattīti vuccatī’’ti āha.
ඉදානි තිස්‌සන්‌නං විපත්‌තීනං වසෙන අදුට්‌ඨුල්‌ලං දස්‌සෙතුං ‘‘ථුල්‌ලච්‌චය’’න්‌තිආදිමාහ. තත්‌ථ යො චායං, අක්‌කොසති හසාධිප්‌පායොති ඉදං දුබ්‌භාසිතස්‌ස වත්‌ථුදස්‌සනත්‌ථං වුත්‌තං.
Idāni tissannaṃ vipattīnaṃ vasena aduṭṭhullaṃ dassetuṃ ‘‘thullaccaya’’ntiādimāha. Tattha yo cāyaṃ, akkosati hasādhippāyoti idaṃ dubbhāsitassa vatthudassanatthaṃ vuttaṃ.
අබ්‌භාචික්‌ඛන්‌තීති ‘‘තථාහං භගවතා ධම්‌මං දෙසිතං ආජානාමී’’ති වදන්‌තා අබ්‌භාචික්‌ඛන්‌ති.
Abbhācikkhantīti ‘‘tathāhaṃ bhagavatā dhammaṃ desitaṃ ājānāmī’’ti vadantā abbhācikkhanti.
අයං සා ආජීවවිපත්‌තිසම්‌මතාති අයං ඡහි සික්‌ඛාපදෙහි සඞ්‌ගහිතා ආජීවවිපත්‌ති නාම චතුත්‌ථා විපත්‌ති සම්‌මතාති එත්‌තාවතා ‘‘අදුට්‌ඨුල්‌ල’’න්‌ති ඉදං විස්‌සජ්‌ජිතං හොති.
Ayaṃ sā ājīvavipattisammatāti ayaṃ chahi sikkhāpadehi saṅgahitā ājīvavipatti nāma catutthā vipatti sammatāti ettāvatā ‘‘aduṭṭhulla’’nti idaṃ vissajjitaṃ hoti.
ඉදානි ‘‘යෙ ච යාවතතියකා’’ති පඤ්‌හං විස්‌සජ්‌ජෙතුං ‘‘එකාදසා’’තිආදිමාහ.
Idāni ‘‘ye ca yāvatatiyakā’’ti pañhaṃ vissajjetuṃ ‘‘ekādasā’’tiādimāha.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 2. චතුවිපත්‌තිං • 2. Catuvipattiṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / චතුවිපත්‌තිවණ්‌ණනා • Catuvipattivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / චතුවිපත්‌තිවණ්‌ණනා • Catuvipattivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / චතුවිපත්‌තිවණ්‌ණනා • Catuvipattivaṇṇanā
