| Library / Tipiṭaka / ཏིཔིཊཀ • Tipiṭaka / པརིཝཱར-ཨཊྛཀཐཱ • Parivāra-aṭṭhakathā |
ཙཏུཝིཔཏྟིཝཎྞནཱ
Catuvipattivaṇṇanā
༣༣༦. ཡཾ ཏཾ པུཙྪིམྷཱཏི ཡཾ ཏྭཾ ཨཔུཙྪིམྷཱ། ཨཀིཏྟཡཱིཏི ཨབྷཱསི། ནོཏི ཨམྷཱཀཾ ། ཏཾ ཏཾ བྱཱཀཏནྟི ཡཾ ཡཾ པུཊྛཾ, ཏཾ ཏདེཝ བྱཱཀཏཾ། ཨནཉྙཐཱཏི ཨཉྙཐཱ ཨཀཏྭཱ བྱཱཀཏཾ།
336.Yaṃ taṃ pucchimhāti yaṃ tvaṃ apucchimhā. Akittayīti abhāsi. Noti amhākaṃ . Taṃ taṃ byākatanti yaṃ yaṃ puṭṭhaṃ, taṃ tadeva byākataṃ. Anaññathāti aññathā akatvā byākataṃ.
ཡེ དུཊྛུལླཱ སཱ སཱིལཝིཔཏྟཱིཏི ཨེཏྠ ཀིཉྩཱཔི སཱིལཝིཔཏྟི ནཱམ པཉྷེ ནཏྠི, ཨཐ ཁོ དུཊྛུལླཾ ཝིསྶཛྫེཏུཀཱམཏཱཡེཏཾ ཝུཏྟཾ། ཙཏཱུསུ ཧི ཝིཔཏྟཱིསུ དུཊྛུལླཾ ཨེཀཱཡ ཝིཔཏྟིཡཱ སངྒཧིཏཾ, ཨདུཊྛུལླཾ ཏཱིཧི ཝིཔཏྟཱིཧི སངྒཧིཏཾ། ཏསྨཱ ‘‘ཡེ དུཊྛུལླཱ སཱ སཱིལཝིཔཏྟཱི’’ཏི ཝཏྭཱ ཏམེཝ ཝིཏྠཱརཏོ དསྶེཏུཾ ‘‘པཱརཱཛིཀཾ སངྒྷཱདིསེསོ སཱིལཝིཔཏྟཱིཏི ཝུཙྩཏཱི’’ཏི ཨཱཧ།
Ye duṭṭhullā sā sīlavipattīti ettha kiñcāpi sīlavipatti nāma pañhe natthi, atha kho duṭṭhullaṃ vissajjetukāmatāyetaṃ vuttaṃ. Catūsu hi vipattīsu duṭṭhullaṃ ekāya vipattiyā saṅgahitaṃ, aduṭṭhullaṃ tīhi vipattīhi saṅgahitaṃ. Tasmā ‘‘ye duṭṭhullā sā sīlavipattī’’ti vatvā tameva vitthārato dassetuṃ ‘‘pārājikaṃ saṅghādiseso sīlavipattīti vuccatī’’ti āha.
ཨིདཱནི ཏིསྶནྣཾ ཝིཔཏྟཱིནཾ ཝསེན ཨདུཊྛུལླཾ དསྶེཏུཾ ‘‘ཐུལླཙྩཡ’’ནྟིཨཱདིམཱཧ། ཏཏྠ ཡོ ཙཱཡཾ, ཨཀྐོསཏི ཧསཱདྷིཔྤཱཡོཏི ཨིདཾ དུབྦྷཱསིཏསྶ ཝཏྠུདསྶནཏྠཾ ཝུཏྟཾ།
Idāni tissannaṃ vipattīnaṃ vasena aduṭṭhullaṃ dassetuṃ ‘‘thullaccaya’’ntiādimāha. Tattha yo cāyaṃ, akkosati hasādhippāyoti idaṃ dubbhāsitassa vatthudassanatthaṃ vuttaṃ.
ཨབྦྷཱཙིཀྑནྟཱིཏི ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམཱི’’ཏི ཝདནྟཱ ཨབྦྷཱཙིཀྑནྟི།
Abbhācikkhantīti ‘‘tathāhaṃ bhagavatā dhammaṃ desitaṃ ājānāmī’’ti vadantā abbhācikkhanti.
ཨཡཾ སཱ ཨཱཛཱིཝཝིཔཏྟིསམྨཏཱཏི ཨཡཾ ཚཧི སིཀྑཱཔདེཧི སངྒཧིཏཱ ཨཱཛཱིཝཝིཔཏྟི ནཱམ ཙཏུཏྠཱ ཝིཔཏྟི སམྨཏཱཏི ཨེཏྟཱཝཏཱ ‘‘ཨདུཊྛུལླ’’ནྟི ཨིདཾ ཝིསྶཛྫིཏཾ ཧོཏི།
Ayaṃ sā ājīvavipattisammatāti ayaṃ chahi sikkhāpadehi saṅgahitā ājīvavipatti nāma catutthā vipatti sammatāti ettāvatā ‘‘aduṭṭhulla’’nti idaṃ vissajjitaṃ hoti.
ཨིདཱནི ‘‘ཡེ ཙ ཡཱཝཏཏིཡཀཱ’’ཏི པཉྷཾ ཝིསྶཛྫེཏུཾ ‘‘ཨེཀཱདསཱ’’ཏིཨཱདིམཱཧ།
Idāni ‘‘ye ca yāvatatiyakā’’ti pañhaṃ vissajjetuṃ ‘‘ekādasā’’tiādimāha.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༢. ཙཏུཝིཔཏྟིཾ • 2. Catuvipattiṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཙཏུཝིཔཏྟིཝཎྞནཱ • Catuvipattivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཙཏུཝིཔཏྟིཝཎྞནཱ • Catuvipattivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཙཏུཝིཔཏྟིཝཎྞནཱ • Catuvipattivaṇṇanā
