| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਚਤੁવਿਪਤ੍ਤਿવਣ੍ਣਨਾ
Catuvipattivaṇṇanā
੩੩੬. ਯਂ ਤਂ ਪੁਚ੍ਛਿਮ੍ਹਾਤਿ ਯਂ ਤ੍વਂ ਅਪੁਚ੍ਛਿਮ੍ਹਾ। ਅਕਿਤ੍ਤਯੀਤਿ ਅਭਾਸਿ। ਨੋਤਿ ਅਮ੍ਹਾਕਂ । ਤਂ ਤਂ ਬ੍ਯਾਕਤਨ੍ਤਿ ਯਂ ਯਂ ਪੁਟ੍ਠਂ, ਤਂ ਤਦੇવ ਬ੍ਯਾਕਤਂ। ਅਨਞ੍ਞਥਾਤਿ ਅਞ੍ਞਥਾ ਅਕਤ੍વਾ ਬ੍ਯਾਕਤਂ।
336.Yaṃ taṃ pucchimhāti yaṃ tvaṃ apucchimhā. Akittayīti abhāsi. Noti amhākaṃ . Taṃ taṃ byākatanti yaṃ yaṃ puṭṭhaṃ, taṃ tadeva byākataṃ. Anaññathāti aññathā akatvā byākataṃ.
ਯੇ ਦੁਟ੍ਠੁਲ੍ਲਾ ਸਾ ਸੀਲવਿਪਤ੍ਤੀਤਿ ਏਤ੍ਥ ਕਿਞ੍ਚਾਪਿ ਸੀਲવਿਪਤ੍ਤਿ ਨਾਮ ਪਞ੍ਹੇ ਨਤ੍ਥਿ, ਅਥ ਖੋ ਦੁਟ੍ਠੁਲ੍ਲਂ વਿਸ੍ਸਜ੍ਜੇਤੁਕਾਮਤਾਯੇਤਂ વੁਤ੍ਤਂ। ਚਤੂਸੁ ਹਿ વਿਪਤ੍ਤੀਸੁ ਦੁਟ੍ਠੁਲ੍ਲਂ ਏਕਾਯ વਿਪਤ੍ਤਿਯਾ ਸਙ੍ਗਹਿਤਂ, ਅਦੁਟ੍ਠੁਲ੍ਲਂ ਤੀਹਿ વਿਪਤ੍ਤੀਹਿ ਸਙ੍ਗਹਿਤਂ। ਤਸ੍ਮਾ ‘‘ਯੇ ਦੁਟ੍ਠੁਲ੍ਲਾ ਸਾ ਸੀਲવਿਪਤ੍ਤੀ’’ਤਿ વਤ੍વਾ ਤਮੇવ વਿਤ੍ਥਾਰਤੋ ਦਸ੍ਸੇਤੁਂ ‘‘ਪਾਰਾਜਿਕਂ ਸਙ੍ਘਾਦਿਸੇਸੋ ਸੀਲવਿਪਤ੍ਤੀਤਿ વੁਚ੍ਚਤੀ’’ਤਿ ਆਹ।
Ye duṭṭhullā sā sīlavipattīti ettha kiñcāpi sīlavipatti nāma pañhe natthi, atha kho duṭṭhullaṃ vissajjetukāmatāyetaṃ vuttaṃ. Catūsu hi vipattīsu duṭṭhullaṃ ekāya vipattiyā saṅgahitaṃ, aduṭṭhullaṃ tīhi vipattīhi saṅgahitaṃ. Tasmā ‘‘ye duṭṭhullā sā sīlavipattī’’ti vatvā tameva vitthārato dassetuṃ ‘‘pārājikaṃ saṅghādiseso sīlavipattīti vuccatī’’ti āha.
ਇਦਾਨਿ ਤਿਸ੍ਸਨ੍ਨਂ વਿਪਤ੍ਤੀਨਂ વਸੇਨ ਅਦੁਟ੍ਠੁਲ੍ਲਂ ਦਸ੍ਸੇਤੁਂ ‘‘ਥੁਲ੍ਲਚ੍ਚਯ’’ਨ੍ਤਿਆਦਿਮਾਹ। ਤਤ੍ਥ ਯੋ ਚਾਯਂ, ਅਕ੍ਕੋਸਤਿ ਹਸਾਧਿਪ੍ਪਾਯੋਤਿ ਇਦਂ ਦੁਬ੍ਭਾਸਿਤਸ੍ਸ વਤ੍ਥੁਦਸ੍ਸਨਤ੍ਥਂ વੁਤ੍ਤਂ।
Idāni tissannaṃ vipattīnaṃ vasena aduṭṭhullaṃ dassetuṃ ‘‘thullaccaya’’ntiādimāha. Tattha yo cāyaṃ, akkosati hasādhippāyoti idaṃ dubbhāsitassa vatthudassanatthaṃ vuttaṃ.
ਅਬ੍ਭਾਚਿਕ੍ਖਨ੍ਤੀਤਿ ‘‘ਤਥਾਹਂ ਭਗવਤਾ ਧਮ੍ਮਂ ਦੇਸਿਤਂ ਆਜਾਨਾਮੀ’’ਤਿ વਦਨ੍ਤਾ ਅਬ੍ਭਾਚਿਕ੍ਖਨ੍ਤਿ।
Abbhācikkhantīti ‘‘tathāhaṃ bhagavatā dhammaṃ desitaṃ ājānāmī’’ti vadantā abbhācikkhanti.
ਅਯਂ ਸਾ ਆਜੀવવਿਪਤ੍ਤਿਸਮ੍ਮਤਾਤਿ ਅਯਂ ਛਹਿ ਸਿਕ੍ਖਾਪਦੇਹਿ ਸਙ੍ਗਹਿਤਾ ਆਜੀવવਿਪਤ੍ਤਿ ਨਾਮ ਚਤੁਤ੍ਥਾ વਿਪਤ੍ਤਿ ਸਮ੍ਮਤਾਤਿ ਏਤ੍ਤਾવਤਾ ‘‘ਅਦੁਟ੍ਠੁਲ੍ਲ’’ਨ੍ਤਿ ਇਦਂ વਿਸ੍ਸਜ੍ਜਿਤਂ ਹੋਤਿ।
Ayaṃ sā ājīvavipattisammatāti ayaṃ chahi sikkhāpadehi saṅgahitā ājīvavipatti nāma catutthā vipatti sammatāti ettāvatā ‘‘aduṭṭhulla’’nti idaṃ vissajjitaṃ hoti.
ਇਦਾਨਿ ‘‘ਯੇ ਚ ਯਾવਤਤਿਯਕਾ’’ਤਿ ਪਞ੍ਹਂ વਿਸ੍ਸਜ੍ਜੇਤੁਂ ‘‘ਏਕਾਦਸਾ’’ਤਿਆਦਿਮਾਹ।
Idāni ‘‘ye ca yāvatatiyakā’’ti pañhaṃ vissajjetuṃ ‘‘ekādasā’’tiādimāha.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੨. ਚਤੁવਿਪਤ੍ਤਿਂ • 2. Catuvipattiṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚਤੁવਿਪਤ੍ਤਿવਣ੍ਣਨਾ • Catuvipattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚਤੁવਿਪਤ੍ਤਿવਣ੍ਣਨਾ • Catuvipattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਚਤੁવਿਪਤ੍ਤਿવਣ੍ਣਨਾ • Catuvipattivaṇṇanā
