| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๘. จวนสุตฺตํ
8. Cavanasuttaṃ
๘. ‘‘ปญฺจหิ, ภิกฺขเว, ธเมฺมหิ สมนฺนาคโต ภิกฺขุ จวติ, นปฺปติฎฺฐาติ สทฺธเมฺมฯ กตเมหิ ปญฺจหิ? อสโทฺธ, ภิกฺขเว, ภิกฺขุ จวติ, นปฺปติฎฺฐาติ สทฺธเมฺม ฯ อหิริโก, ภิกฺขเว, ภิกฺขุ จวติ, นปฺปติฎฺฐาติ สทฺธเมฺมฯ อโนตฺตปฺปี, ภิกฺขเว, ภิกฺขุ จวติ, นปฺปติฎฺฐาติ สทฺธเมฺมฯ กุสีโต, ภิกฺขเว, ภิกฺขุ จวติ, นปฺปติฎฺฐาติ สทฺธเมฺมฯ ทุปฺปโญฺญ, ภิกฺขเว, ภิกฺขุ จวติ, นปฺปติฎฺฐาติ สทฺธเมฺมฯ อิเมหิ โข, ภิกฺขเว, ปญฺจหิ ธเมฺมหิ สมนฺนาคโต ภิกฺขุ จวติ, นปฺปติฎฺฐาติ สทฺธเมฺมฯ
8. ‘‘Pañcahi, bhikkhave, dhammehi samannāgato bhikkhu cavati, nappatiṭṭhāti saddhamme. Katamehi pañcahi? Asaddho, bhikkhave, bhikkhu cavati, nappatiṭṭhāti saddhamme . Ahiriko, bhikkhave, bhikkhu cavati, nappatiṭṭhāti saddhamme. Anottappī, bhikkhave, bhikkhu cavati, nappatiṭṭhāti saddhamme. Kusīto, bhikkhave, bhikkhu cavati, nappatiṭṭhāti saddhamme. Duppañño, bhikkhave, bhikkhu cavati, nappatiṭṭhāti saddhamme. Imehi kho, bhikkhave, pañcahi dhammehi samannāgato bhikkhu cavati, nappatiṭṭhāti saddhamme.
‘‘ปญฺจหิ , ภิกฺขเว, ธเมฺมหิ สมนฺนาคโต ภิกฺขุ น จวติ, ปติฎฺฐาติ สทฺธเมฺมฯ กตเมหิ ปญฺจหิ? สโทฺธ, ภิกฺขเว, ภิกฺขุ น จวติ , ปติฎฺฐาติ สทฺธเมฺมฯ หิรีมา, ภิกฺขเว, ภิกฺขุ น จวติ, ปติฎฺฐาติ สทฺธเมฺมฯ โอตฺตปฺปี, ภิกฺขเว, ภิกฺขุ น จวติ, ปติฎฺฐาติ สทฺธเมฺมฯ อารทฺธวีริโย, ภิกฺขเว, ภิกฺขุ น จวติ, ปติฎฺฐาติ สทฺธเมฺมฯ ปญฺญวา, ภิกฺขเว, ภิกฺขุ น จวติ, ปติฎฺฐาติ สทฺธเมฺมฯ อิเมหิ โข, ภิกฺขเว, ปญฺจหิ ธเมฺมหิ สมนฺนาคโต ภิกฺขุ น จวติ, ปติฎฺฐาติ สทฺธเมฺม’’ติฯ อฎฺฐมํฯ
‘‘Pañcahi , bhikkhave, dhammehi samannāgato bhikkhu na cavati, patiṭṭhāti saddhamme. Katamehi pañcahi? Saddho, bhikkhave, bhikkhu na cavati , patiṭṭhāti saddhamme. Hirīmā, bhikkhave, bhikkhu na cavati, patiṭṭhāti saddhamme. Ottappī, bhikkhave, bhikkhu na cavati, patiṭṭhāti saddhamme. Āraddhavīriyo, bhikkhave, bhikkhu na cavati, patiṭṭhāti saddhamme. Paññavā, bhikkhave, bhikkhu na cavati, patiṭṭhāti saddhamme. Imehi kho, bhikkhave, pañcahi dhammehi samannāgato bhikkhu na cavati, patiṭṭhāti saddhamme’’ti. Aṭṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๘. จวนสุตฺตวณฺณนา • 8. Cavanasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. มหาสุปินสุตฺตวณฺณนา • 6. Mahāsupinasuttavaṇṇanā
