| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. ཙཝནསུཏྟཾ
8. Cavanasuttaṃ
༨. ‘‘པཉྩཧི, བྷིཀྑཝེ, དྷམྨེཧི སམནྣཱགཏོ བྷིཀྑུ ཙཝཏི, ནཔྤཏིཊྛཱཏི སདྡྷམྨེ། ཀཏམེཧི པཉྩཧི? ཨསདྡྷོ, བྷིཀྑཝེ, བྷིཀྑུ ཙཝཏི, ནཔྤཏིཊྛཱཏི སདྡྷམྨེ ། ཨཧིརིཀོ, བྷིཀྑཝེ, བྷིཀྑུ ཙཝཏི, ནཔྤཏིཊྛཱཏི སདྡྷམྨེ། ཨནོཏྟཔྤཱི, བྷིཀྑཝེ, བྷིཀྑུ ཙཝཏི, ནཔྤཏིཊྛཱཏི སདྡྷམྨེ། ཀུསཱིཏོ, བྷིཀྑཝེ, བྷིཀྑུ ཙཝཏི, ནཔྤཏིཊྛཱཏི སདྡྷམྨེ། དུཔྤཉྙོ, བྷིཀྑཝེ, བྷིཀྑུ ཙཝཏི, ནཔྤཏིཊྛཱཏི སདྡྷམྨེ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ ཙཝཏི, ནཔྤཏིཊྛཱཏི སདྡྷམྨེ།
8. ‘‘Pañcahi, bhikkhave, dhammehi samannāgato bhikkhu cavati, nappatiṭṭhāti saddhamme. Katamehi pañcahi? Asaddho, bhikkhave, bhikkhu cavati, nappatiṭṭhāti saddhamme . Ahiriko, bhikkhave, bhikkhu cavati, nappatiṭṭhāti saddhamme. Anottappī, bhikkhave, bhikkhu cavati, nappatiṭṭhāti saddhamme. Kusīto, bhikkhave, bhikkhu cavati, nappatiṭṭhāti saddhamme. Duppañño, bhikkhave, bhikkhu cavati, nappatiṭṭhāti saddhamme. Imehi kho, bhikkhave, pañcahi dhammehi samannāgato bhikkhu cavati, nappatiṭṭhāti saddhamme.
‘‘པཉྩཧི , བྷིཀྑཝེ, དྷམྨེཧི སམནྣཱགཏོ བྷིཀྑུ ན ཙཝཏི, པཏིཊྛཱཏི སདྡྷམྨེ། ཀཏམེཧི པཉྩཧི? སདྡྷོ, བྷིཀྑཝེ, བྷིཀྑུ ན ཙཝཏི , པཏིཊྛཱཏི སདྡྷམྨེ། ཧིརཱིམཱ, བྷིཀྑཝེ, བྷིཀྑུ ན ཙཝཏི, པཏིཊྛཱཏི སདྡྷམྨེ། ཨོཏྟཔྤཱི, བྷིཀྑཝེ, བྷིཀྑུ ན ཙཝཏི, པཏིཊྛཱཏི སདྡྷམྨེ། ཨཱརདྡྷཝཱིརིཡོ, བྷིཀྑཝེ, བྷིཀྑུ ན ཙཝཏི, པཏིཊྛཱཏི སདྡྷམྨེ། པཉྙཝཱ, བྷིཀྑཝེ, བྷིཀྑུ ན ཙཝཏི, པཏིཊྛཱཏི སདྡྷམྨེ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ ན ཙཝཏི, པཏིཊྛཱཏི སདྡྷམྨེ’’ཏི། ཨཊྛམཾ།
‘‘Pañcahi , bhikkhave, dhammehi samannāgato bhikkhu na cavati, patiṭṭhāti saddhamme. Katamehi pañcahi? Saddho, bhikkhave, bhikkhu na cavati , patiṭṭhāti saddhamme. Hirīmā, bhikkhave, bhikkhu na cavati, patiṭṭhāti saddhamme. Ottappī, bhikkhave, bhikkhu na cavati, patiṭṭhāti saddhamme. Āraddhavīriyo, bhikkhave, bhikkhu na cavati, patiṭṭhāti saddhamme. Paññavā, bhikkhave, bhikkhu na cavati, patiṭṭhāti saddhamme. Imehi kho, bhikkhave, pañcahi dhammehi samannāgato bhikkhu na cavati, patiṭṭhāti saddhamme’’ti. Aṭṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. ཙཝནསུཏྟཝཎྞནཱ • 8. Cavanasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦. མཧཱསུཔིནསུཏྟཝཎྞནཱ • 6. Mahāsupinasuttavaṇṇanā
