| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. சவனஸுத்தவண்ணனா
8. Cavanasuttavaṇṇanā
8. அட்ட²மே ஸத்³தா⁴யாதி இமினா அதி⁴க³மஸத்³தா⁴ த³ஸ்ஸிதா. சதுப்³பி³தா⁴ ஹி ஸத்³தா⁴ – ஆக³மனீயஸத்³தா⁴, அதி⁴க³மஸத்³தா⁴, பஸாத³ஸத்³தா⁴, ஓகப்பனஸத்³தா⁴தி. தத்த² ஆக³மனீயஸத்³தா⁴ ஸப்³ப³ஞ்ஞுபோ³தி⁴ஸத்தானங் பவத்தா ஹோதி. ஆக³மனீயப்படிபதா³ய ஆக³தா ஹி ஸத்³தா⁴ ஸாதிஸயா மஹாபோ³தி⁴ஸத்தானங் பரோபதே³ஸேன வினா ஸத்³தெ⁴ய்யவத்து²ங் அவிபரீததோ க³ஹெத்வா அதி⁴முச்சனதோ. ஸச்சப்படிவேத⁴தோ ஆக³தஸத்³தா⁴ அதி⁴க³மஸத்³தா⁴ ஸுப்பபு³த்³தா⁴தீ³னங் விய. ‘‘ஸம்மாஸம்பு³த்³தோ⁴ ப⁴க³வா’’திஆதி³னா பு³த்³தா⁴தீ³ஸு உப்பஜ்ஜனகப்பஸாதோ³ பஸாத³ஸத்³தா⁴ மஹாகப்பினராஜாதீ³னங் விய. ‘‘ஏவமேத’’ந்தி ஓக்கந்தி³த்வா பக்க²ந்தி³த்வா ஸத்³த³ஹனவஸேன கப்பனங் ஓகப்பனங், ததே³வ ஸத்³தா⁴தி ஓகப்பனஸத்³தா⁴. தத்த² பஸாத³ஸத்³தா⁴ பரனெய்யரூபா ஹோதி, ஸவனமத்தேனபி பஸீத³னதோ. ஓகப்பனஸத்³தா⁴ ஸத்³தெ⁴ய்யங் வத்து²ங் ஓகா³ஹித்வா அனுபவிஸித்வா ‘‘ஏவமேத’’ந்தி பச்சக்க²ங் கரொந்தீ விய பவத்ததி.
8. Aṭṭhame saddhāyāti iminā adhigamasaddhā dassitā. Catubbidhā hi saddhā – āgamanīyasaddhā, adhigamasaddhā, pasādasaddhā, okappanasaddhāti. Tattha āgamanīyasaddhā sabbaññubodhisattānaṃ pavattā hoti. Āgamanīyappaṭipadāya āgatā hi saddhā sātisayā mahābodhisattānaṃ paropadesena vinā saddheyyavatthuṃ aviparītato gahetvā adhimuccanato. Saccappaṭivedhato āgatasaddhā adhigamasaddhā suppabuddhādīnaṃ viya. ‘‘Sammāsambuddho bhagavā’’tiādinā buddhādīsu uppajjanakappasādo pasādasaddhā mahākappinarājādīnaṃ viya. ‘‘Evameta’’nti okkanditvā pakkhanditvā saddahanavasena kappanaṃ okappanaṃ, tadeva saddhāti okappanasaddhā. Tattha pasādasaddhā paraneyyarūpā hoti, savanamattenapi pasīdanato. Okappanasaddhā saddheyyaṃ vatthuṃ ogāhitvā anupavisitvā ‘‘evameta’’nti paccakkhaṃ karontī viya pavattati.
சவனஸுத்தவண்ணனா நிட்டி²தா.
Cavanasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. சவனஸுத்தங் • 8. Cavanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. சவனஸுத்தவண்ணனா • 8. Cavanasuttavaṇṇanā
