| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৮. চৰনসুত্তৰণ্ণনা
8. Cavanasuttavaṇṇanā
৮. অট্ঠমে সদ্ধাযাতি ইমিনা অধিগমসদ্ধা দস্সিতা। চতুব্বিধা হি সদ্ধা – আগমনীযসদ্ধা, অধিগমসদ্ধা, পসাদসদ্ধা, ওকপ্পনসদ্ধাতি। তত্থ আগমনীযসদ্ধা সব্বঞ্ঞুবোধিসত্তানং পৰত্তা হোতি। আগমনীযপ্পটিপদায আগতা হি সদ্ধা সাতিসযা মহাবোধিসত্তানং পরোপদেসেন ৰিনা সদ্ধেয্যৰত্থুং অৰিপরীততো গহেত্ৰা অধিমুচ্চনতো। সচ্চপ্পটিৰেধতো আগতসদ্ধা অধিগমসদ্ধা সুপ্পবুদ্ধাদীনং ৰিয। ‘‘সম্মাসম্বুদ্ধো ভগৰা’’তিআদিনা বুদ্ধাদীসু উপ্পজ্জনকপ্পসাদো পসাদসদ্ধা মহাকপ্পিনরাজাদীনং ৰিয। ‘‘এৰমেত’’ন্তি ওক্কন্দিত্ৰা পক্খন্দিত্ৰা সদ্দহনৰসেন কপ্পনং ওকপ্পনং, তদেৰ সদ্ধাতি ওকপ্পনসদ্ধা। তত্থ পসাদসদ্ধা পরনেয্যরূপা হোতি, সৰনমত্তেনপি পসীদনতো। ওকপ্পনসদ্ধা সদ্ধেয্যং ৰত্থুং ওগাহিত্ৰা অনুপৰিসিত্ৰা ‘‘এৰমেত’’ন্তি পচ্চক্খং করোন্তী ৰিয পৰত্ততি।
8. Aṭṭhame saddhāyāti iminā adhigamasaddhā dassitā. Catubbidhā hi saddhā – āgamanīyasaddhā, adhigamasaddhā, pasādasaddhā, okappanasaddhāti. Tattha āgamanīyasaddhā sabbaññubodhisattānaṃ pavattā hoti. Āgamanīyappaṭipadāya āgatā hi saddhā sātisayā mahābodhisattānaṃ paropadesena vinā saddheyyavatthuṃ aviparītato gahetvā adhimuccanato. Saccappaṭivedhato āgatasaddhā adhigamasaddhā suppabuddhādīnaṃ viya. ‘‘Sammāsambuddho bhagavā’’tiādinā buddhādīsu uppajjanakappasādo pasādasaddhā mahākappinarājādīnaṃ viya. ‘‘Evameta’’nti okkanditvā pakkhanditvā saddahanavasena kappanaṃ okappanaṃ, tadeva saddhāti okappanasaddhā. Tattha pasādasaddhā paraneyyarūpā hoti, savanamattenapi pasīdanato. Okappanasaddhā saddheyyaṃ vatthuṃ ogāhitvā anupavisitvā ‘‘evameta’’nti paccakkhaṃ karontī viya pavattati.
চৰনসুত্তৰণ্ণনা নিট্ঠিতা।
Cavanasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৮. চৰনসুত্তং • 8. Cavanasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮. চৰনসুত্তৰণ্ণনা • 8. Cavanasuttavaṇṇanā
