| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
८. चवनसुत्तवण्णना
8. Cavanasuttavaṇṇanā
८. अट्ठमे सद्धायाति इमिना अधिगमसद्धा दस्सिता। चतुब्बिधा हि सद्धा – आगमनीयसद्धा, अधिगमसद्धा, पसादसद्धा, ओकप्पनसद्धाति। तत्थ आगमनीयसद्धा सब्बञ्ञुबोधिसत्तानं पवत्ता होति। आगमनीयप्पटिपदाय आगता हि सद्धा सातिसया महाबोधिसत्तानं परोपदेसेन विना सद्धेय्यवत्थुं अविपरीततो गहेत्वा अधिमुच्चनतो। सच्चप्पटिवेधतो आगतसद्धा अधिगमसद्धा सुप्पबुद्धादीनं विय। ‘‘सम्मासम्बुद्धो भगवा’’तिआदिना बुद्धादीसु उप्पज्जनकप्पसादो पसादसद्धा महाकप्पिनराजादीनं विय। ‘‘एवमेत’’न्ति ओक्कन्दित्वा पक्खन्दित्वा सद्दहनवसेन कप्पनं ओकप्पनं, तदेव सद्धाति ओकप्पनसद्धा। तत्थ पसादसद्धा परनेय्यरूपा होति, सवनमत्तेनपि पसीदनतो। ओकप्पनसद्धा सद्धेय्यं वत्थुं ओगाहित्वा अनुपविसित्वा ‘‘एवमेत’’न्ति पच्चक्खं करोन्ती विय पवत्तति।
8. Aṭṭhame saddhāyāti iminā adhigamasaddhā dassitā. Catubbidhā hi saddhā – āgamanīyasaddhā, adhigamasaddhā, pasādasaddhā, okappanasaddhāti. Tattha āgamanīyasaddhā sabbaññubodhisattānaṃ pavattā hoti. Āgamanīyappaṭipadāya āgatā hi saddhā sātisayā mahābodhisattānaṃ paropadesena vinā saddheyyavatthuṃ aviparītato gahetvā adhimuccanato. Saccappaṭivedhato āgatasaddhā adhigamasaddhā suppabuddhādīnaṃ viya. ‘‘Sammāsambuddho bhagavā’’tiādinā buddhādīsu uppajjanakappasādo pasādasaddhā mahākappinarājādīnaṃ viya. ‘‘Evameta’’nti okkanditvā pakkhanditvā saddahanavasena kappanaṃ okappanaṃ, tadeva saddhāti okappanasaddhā. Tattha pasādasaddhā paraneyyarūpā hoti, savanamattenapi pasīdanato. Okappanasaddhā saddheyyaṃ vatthuṃ ogāhitvā anupavisitvā ‘‘evameta’’nti paccakkhaṃ karontī viya pavattati.
चवनसुत्तवण्णना निट्ठिता।
Cavanasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. चवनसुत्तं • 8. Cavanasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ८. चवनसुत्तवण्णना • 8. Cavanasuttavaṇṇanā
