| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၈. စဝနသုတ္တဝဏ္ဏနာ
8. Cavanasuttavaṇṇanā
၈. အဋ္ဌမေ သဒ္ဓာယာတိ ဣမိနာ အဓိဂမသဒ္ဓာ ဒသ္သိတာ။ စတုဗ္ဗိဓာ ဟိ သဒ္ဓာ – အာဂမနီယသဒ္ဓာ, အဓိဂမသဒ္ဓာ, ပသာဒသဒ္ဓာ, ဩကပ္ပနသဒ္ဓာတိ။ တတ္ထ အာဂမနီယသဒ္ဓာ သဗ္ဗညုဗောဓိသတ္တာနံ ပဝတ္တာ ဟောတိ။ အာဂမနီယပ္ပဋိပဒာယ အာဂတာ ဟိ သဒ္ဓာ သာတိသယာ မဟာဗောဓိသတ္တာနံ ပရောပဒေသေန ဝိနာ သဒ္ဓေယ္ယဝတ္ထုံ အဝိပရီတတော ဂဟေတ္ဝာ အဓိမုစ္စနတော။ သစ္စပ္ပဋိဝေဓတော အာဂတသဒ္ဓာ အဓိဂမသဒ္ဓာ သုပ္ပဗုဒ္ဓာဒီနံ ဝိယ။ ‘‘သမ္မာသမ္ဗုဒ္ဓော ဘဂဝာ’’တိအာဒိနာ ဗုဒ္ဓာဒီသု ဥပ္ပဇ္ဇနကပ္ပသာဒော ပသာဒသဒ္ဓာ မဟာကပ္ပိနရာဇာဒီနံ ဝိယ။ ‘‘ဧဝမေတ’’န္တိ ဩက္ကန္ဒိတ္ဝာ ပက္ခန္ဒိတ္ဝာ သဒ္ဒဟနဝသေန ကပ္ပနံ ဩကပ္ပနံ, တဒေဝ သဒ္ဓာတိ ဩကပ္ပနသဒ္ဓာ။ တတ္ထ ပသာဒသဒ္ဓာ ပရနေယ္ယရူပာ ဟောတိ, သဝနမတ္တေနပိ ပသီဒနတော။ ဩကပ္ပနသဒ္ဓာ သဒ္ဓေယ္ယံ ဝတ္ထုံ ဩဂာဟိတ္ဝာ အနုပဝိသိတ္ဝာ ‘‘ဧဝမေတ’’န္တိ ပစ္စက္ခံ ကရောန္တီ ဝိယ ပဝတ္တတိ။
8. Aṭṭhame saddhāyāti iminā adhigamasaddhā dassitā. Catubbidhā hi saddhā – āgamanīyasaddhā, adhigamasaddhā, pasādasaddhā, okappanasaddhāti. Tattha āgamanīyasaddhā sabbaññubodhisattānaṃ pavattā hoti. Āgamanīyappaṭipadāya āgatā hi saddhā sātisayā mahābodhisattānaṃ paropadesena vinā saddheyyavatthuṃ aviparītato gahetvā adhimuccanato. Saccappaṭivedhato āgatasaddhā adhigamasaddhā suppabuddhādīnaṃ viya. ‘‘Sammāsambuddho bhagavā’’tiādinā buddhādīsu uppajjanakappasādo pasādasaddhā mahākappinarājādīnaṃ viya. ‘‘Evameta’’nti okkanditvā pakkhanditvā saddahanavasena kappanaṃ okappanaṃ, tadeva saddhāti okappanasaddhā. Tattha pasādasaddhā paraneyyarūpā hoti, savanamattenapi pasīdanato. Okappanasaddhā saddheyyaṃ vatthuṃ ogāhitvā anupavisitvā ‘‘evameta’’nti paccakkhaṃ karontī viya pavattati.
စဝနသုတ္တဝဏ္ဏနာ နိဋ္ဌိတာ။
Cavanasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. စဝနသုတ္တံ • 8. Cavanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၈. စဝနသုတ္တဝဏ္ဏနာ • 8. Cavanasuttavaṇṇanā
