| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. жзд̇анаагаран̣ийяасуд̇д̇ам̣
2. Cetanākaraṇīyasuttaṃ
2. 1 ‘‘сийлавад̇о, бхигкавз, сийласамбаннасса на жзд̇анааяа гаран̣ийяам̣ – ‘авиббадисааро мз уббаж̇ж̇ад̇уу’д̇и. д̇хаммад̇аа зсаа, бхигкавз, яам̣ сийлавад̇о сийласамбаннасса авиббадисааро уббаж̇ж̇ад̇и. авиббадисаарисса, бхигкавз, на жзд̇анааяа гаран̣ийяам̣ – ‘баамож̇ж̇ам̣ мз уббаж̇ж̇ад̇уу’д̇и. д̇хаммад̇аа зсаа, бхигкавз, яам̣ авиббадисаарисса баамож̇ж̇ам̣ ж̇ааяад̇и. бамуд̣̇ид̇асса, бхигкавз, на жзд̇анааяа гаран̣ийяам̣ – ‘бийд̇и мз уббаж̇ж̇ад̇уу’д̇и. д̇хаммад̇аа зсаа, бхигкавз, яам̣ бамуд̣̇ид̇асса бийд̇и уббаж̇ж̇ад̇и. бийд̇иманасса, бхигкавз, на жзд̇анааяа гаран̣ийяам̣ – ‘гааяо мз бассамбхад̇уу’д̇и. д̇хаммад̇аа зсаа, бхигкавз, яам̣ бийд̇иманасса гааяо бассамбхад̇и. бассад̣̇д̇хагааяасса, бхигкавз, на жзд̇анааяа гаран̣ийяам̣ – ‘сукам̣ взд̣̇ияаамий’д̇и. д̇хаммад̇аа зсаа, бхигкавз, яам̣ бассад̣̇д̇хагааяо сукам̣ взд̣̇ияад̇и. сукино, бхигкавз, на жзд̇анааяа гаран̣ийяам̣ – ‘жид̇д̇ам̣ мз самаад̇хияад̇уу’д̇и. д̇хаммад̇аа зсаа, бхигкавз, яам̣ сукино жид̇д̇ам̣ самаад̇хияад̇и. самаахид̇асса, бхигкавз, на жзд̇анааяа гаран̣ийяам̣ – ‘яат̇аабхууд̇ам̣ ж̇аанаами бассаамий’д̇и. д̇хаммад̇аа зсаа, бхигкавз, яам̣ самаахид̇о яат̇аабхууд̇ам̣ ж̇аанаад̇и бассад̇и. яат̇аабхууд̇ам̣, бхигкавз, ж̇аанад̇о бассад̇о на жзд̇анааяа гаран̣ийяам̣ – ‘ниб̣б̣инд̣̇аами вираж̇ж̇аамий’д̇и. д̇хаммад̇аа зсаа, бхигкавз, яам̣ яат̇аабхууд̇ам̣ ж̇аанам̣ бассам̣ ниб̣б̣инд̣̇ад̇и вираж̇ж̇ад̇и. ниб̣б̣иннасса 2, бхигкавз, вирад̇д̇асса на жзд̇анааяа гаран̣ийяам̣ – ‘вимуд̇д̇ин̃аан̣ад̣̇ассанам̣ сажчигаромий’д̇и. д̇хаммад̇аа зсаа, бхигкавз, яам̣ ниб̣б̣инно 3 вирад̇д̇о вимуд̇д̇ин̃аан̣ад̣̇ассанам̣ сажчигарод̇и.
2.4 ‘‘Sīlavato, bhikkhave, sīlasampannassa na cetanāya karaṇīyaṃ – ‘avippaṭisāro me uppajjatū’ti. Dhammatā esā, bhikkhave, yaṃ sīlavato sīlasampannassa avippaṭisāro uppajjati. Avippaṭisārissa, bhikkhave, na cetanāya karaṇīyaṃ – ‘pāmojjaṃ me uppajjatū’ti. Dhammatā esā, bhikkhave, yaṃ avippaṭisārissa pāmojjaṃ jāyati. Pamuditassa, bhikkhave, na cetanāya karaṇīyaṃ – ‘pīti me uppajjatū’ti. Dhammatā esā, bhikkhave, yaṃ pamuditassa pīti uppajjati. Pītimanassa, bhikkhave, na cetanāya karaṇīyaṃ – ‘kāyo me passambhatū’ti. Dhammatā esā, bhikkhave, yaṃ pītimanassa kāyo passambhati. Passaddhakāyassa, bhikkhave, na cetanāya karaṇīyaṃ – ‘sukhaṃ vediyāmī’ti. Dhammatā esā, bhikkhave, yaṃ passaddhakāyo sukhaṃ vediyati. Sukhino, bhikkhave, na cetanāya karaṇīyaṃ – ‘cittaṃ me samādhiyatū’ti. Dhammatā esā, bhikkhave, yaṃ sukhino cittaṃ samādhiyati. Samāhitassa, bhikkhave, na cetanāya karaṇīyaṃ – ‘yathābhūtaṃ jānāmi passāmī’ti. Dhammatā esā, bhikkhave, yaṃ samāhito yathābhūtaṃ jānāti passati. Yathābhūtaṃ, bhikkhave, jānato passato na cetanāya karaṇīyaṃ – ‘nibbindāmi virajjāmī’ti. Dhammatā esā, bhikkhave, yaṃ yathābhūtaṃ jānaṃ passaṃ nibbindati virajjati. Nibbinnassa 5, bhikkhave, virattassa na cetanāya karaṇīyaṃ – ‘vimuttiñāṇadassanaṃ sacchikaromī’ti. Dhammatā esā, bhikkhave, yaṃ nibbinno 6 viratto vimuttiñāṇadassanaṃ sacchikaroti.
‘‘ид̇и ко, бхигкавз, ниб̣б̣ид̣̇аавирааг̇о вимуд̇д̇ин̃аан̣ад̣̇ассанад̇т̇о вимуд̇д̇ин̃аан̣ад̣̇ассанаанисам̣со; яат̇аабхууд̇ан̃аан̣ад̣̇ассанам̣ ниб̣б̣ид̣̇аавирааг̇ад̇т̇ам̣ ниб̣б̣ид̣̇аавирааг̇аанисам̣сам̣; самаад̇хи яат̇аабхууд̇ан̃аан̣ад̣̇ассанад̇т̇о яат̇аабхууд̇ан̃аан̣ад̣̇ассанаанисам̣со; сукам̣ самаад̇хад̇т̇ам̣ самаад̇хаанисам̣сам̣; бассад̣̇д̇хи сукад̇т̇аа сукаанисам̣саа; бийд̇и бассад̣̇д̇хад̇т̇аа бассад̣̇д̇хаанисам̣саа; баамож̇ж̇ам̣ бийд̇ад̇т̇ам̣ бийд̇аанисам̣сам̣; авиббадисааро баамож̇ж̇ад̇т̇о баамож̇ж̇аанисам̣со; гусалаани сийлаани авиббадисаарад̇т̇аани авиббадисаараанисам̣саани . ид̇и ко, бхигкавз, д̇хаммаа д̇хаммз абхисанд̣̇знд̇и, д̇хаммаа д̇хаммз барибуурзнд̇и абаараа баарам̣ г̇аманааяаа’’д̇и. д̣̇уд̇ияам̣.
‘‘Iti kho, bhikkhave, nibbidāvirāgo vimuttiñāṇadassanattho vimuttiñāṇadassanānisaṃso; yathābhūtañāṇadassanaṃ nibbidāvirāgatthaṃ nibbidāvirāgānisaṃsaṃ; samādhi yathābhūtañāṇadassanattho yathābhūtañāṇadassanānisaṃso; sukhaṃ samādhatthaṃ samādhānisaṃsaṃ; passaddhi sukhatthā sukhānisaṃsā; pīti passaddhatthā passaddhānisaṃsā; pāmojjaṃ pītatthaṃ pītānisaṃsaṃ; avippaṭisāro pāmojjattho pāmojjānisaṃso; kusalāni sīlāni avippaṭisāratthāni avippaṭisārānisaṃsāni . Iti kho, bhikkhave, dhammā dhamme abhisandenti, dhammā dhamme paripūrenti apārā pāraṃ gamanāyā’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. жзд̇анаагаран̣ийяасуд̇д̇аван̣н̣анаа • 2. Cetanākaraṇīyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. авиж̇ж̇аасуд̇д̇аад̣̇иван̣н̣анаа • 1-7. Avijjāsuttādivaṇṇanā
