| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. жзд̇анаагаран̣ийяасуд̇д̇ам̣
2. Cetanākaraṇīyasuttaṃ
2. 1 ‘‘сийлавад̇о, бхигкавз, сийласамбаннасса на жзд̇анааяа гаран̣ийяам̣ – ‘авиббадисааро мз уббаж̇ж̇ад̇уу’д̇и. д̇хаммад̇аа зсаа, бхигкавз, яам̣ сийлавад̇о сийласамбаннасса авиббадисааро уббаж̇ж̇ад̇и.
2.2 ‘‘Sīlavato, bhikkhave, sīlasampannassa na cetanāya karaṇīyaṃ – ‘avippaṭisāro me uppajjatū’ti. Dhammatā esā, bhikkhave, yaṃ sīlavato sīlasampannassa avippaṭisāro uppajjati.
‘‘авиббадисаарисса, бхигкавз, на жзд̇анааяа гаран̣ийяам̣ – ‘баамож̇ж̇ам̣ мз уббаж̇ж̇ад̇уу’д̇и. д̇хаммад̇аа зсаа, бхигкавз, яам̣ авиббадисаарисса баамож̇ж̇ам̣ уббаж̇ж̇ад̇и.
‘‘Avippaṭisārissa, bhikkhave, na cetanāya karaṇīyaṃ – ‘pāmojjaṃ me uppajjatū’ti. Dhammatā esā, bhikkhave, yaṃ avippaṭisārissa pāmojjaṃ uppajjati.
‘‘бамуд̣̇ид̇асса, бхигкавз, на жзд̇анааяа гаран̣ийяам̣ – ‘бийд̇и мз уббаж̇ж̇ад̇уу’д̇и. д̇хаммад̇аа зсаа, бхигкавз, яам̣ бамуд̣̇ид̇асса бийд̇и уббаж̇ж̇ад̇и.
‘‘Pamuditassa, bhikkhave, na cetanāya karaṇīyaṃ – ‘pīti me uppajjatū’ti. Dhammatā esā, bhikkhave, yaṃ pamuditassa pīti uppajjati.
‘‘бийд̇иманасса, бхигкавз, на жзд̇анааяа гаран̣ийяам̣ – ‘гааяо мз бассамбхад̇уу’д̇и. д̇хаммад̇аа зсаа, бхигкавз, яам̣ бийд̇иманасса гааяо бассамбхад̇и.
‘‘Pītimanassa, bhikkhave, na cetanāya karaṇīyaṃ – ‘kāyo me passambhatū’ti. Dhammatā esā, bhikkhave, yaṃ pītimanassa kāyo passambhati.
‘‘бассад̣̇д̇хагааяасса , бхигкавз, на жзд̇анааяа гаран̣ийяам̣ – ‘сукам̣ взд̣̇ияаамий’д̇и. д̇хаммад̇аа зсаа, бхигкавз, яам̣ бассад̣̇д̇хагааяо сукам̣ взд̣̇ияад̇и.
‘‘Passaddhakāyassa , bhikkhave, na cetanāya karaṇīyaṃ – ‘sukhaṃ vediyāmī’ti. Dhammatā esā, bhikkhave, yaṃ passaddhakāyo sukhaṃ vediyati.
‘‘сукино, бхигкавз, на жзд̇анааяа гаран̣ийяам̣ – ‘жид̇д̇ам̣ мз самаад̇хияад̇уу’д̇и. д̇хаммад̇аа зсаа, бхигкавз, яам̣ сукино жид̇д̇ам̣ самаад̇хияад̇и.
‘‘Sukhino, bhikkhave, na cetanāya karaṇīyaṃ – ‘cittaṃ me samādhiyatū’ti. Dhammatā esā, bhikkhave, yaṃ sukhino cittaṃ samādhiyati.
‘‘самаахид̇асса , бхигкавз, на жзд̇анааяа гаран̣ийяам̣ – ‘яат̇аабхууд̇ам̣ ж̇аанаами бассаамий’д̇и. д̇хаммад̇аа зсаа , бхигкавз, яам̣ самаахид̇о яат̇аабхууд̇ам̣ ж̇аанаад̇и бассад̇и.
‘‘Samāhitassa , bhikkhave, na cetanāya karaṇīyaṃ – ‘yathābhūtaṃ jānāmi passāmī’ti. Dhammatā esā , bhikkhave, yaṃ samāhito yathābhūtaṃ jānāti passati.
‘‘яат̇аабхууд̇ам̣, бхигкавз, ж̇аанад̇о бассад̇о на жзд̇анааяа гаран̣ийяам̣ – ‘ниб̣б̣инд̣̇аамий’д̇и. д̇хаммад̇аа зсаа, бхигкавз, яам̣ яат̇аабхууд̇ам̣ ж̇аанам̣ бассам̣ ниб̣б̣инд̣̇ад̇и.
‘‘Yathābhūtaṃ, bhikkhave, jānato passato na cetanāya karaṇīyaṃ – ‘nibbindāmī’ti. Dhammatā esā, bhikkhave, yaṃ yathābhūtaṃ jānaṃ passaṃ nibbindati.
‘‘ниб̣б̣иннасса, бхигкавз, на жзд̇анааяа гаран̣ийяам̣ – ‘вираж̇ж̇аамий’д̇и. д̇хаммад̇аа зсаа, бхигкавз, яам̣ ниб̣б̣инно вираж̇ж̇ад̇и.
‘‘Nibbinnassa, bhikkhave, na cetanāya karaṇīyaṃ – ‘virajjāmī’ti. Dhammatā esā, bhikkhave, yaṃ nibbinno virajjati.
‘‘вирад̇д̇асса, бхигкавз, на жзд̇анааяа гаран̣ийяам̣ – ‘вимуд̇д̇ин̃аан̣ад̣̇ассанам̣ сажчигаромий’д̇и. д̇хаммад̇аа зсаа, бхигкавз, яам̣ вирад̇д̇о вимуд̇д̇ин̃аан̣ад̣̇ассанам̣ сажчигарод̇и.
‘‘Virattassa, bhikkhave, na cetanāya karaṇīyaṃ – ‘vimuttiñāṇadassanaṃ sacchikaromī’ti. Dhammatā esā, bhikkhave, yaṃ viratto vimuttiñāṇadassanaṃ sacchikaroti.
‘‘ид̇и ко, бхигкавз, вирааг̇о вимуд̇д̇ин̃аан̣ад̣̇ассанад̇т̇о вимуд̇д̇ин̃аан̣ад̣̇ассанаанисам̣со, ниб̣б̣ид̣̇аа вирааг̇ад̇т̇аа вирааг̇аанисам̣саа, яат̇аабхууд̇ан̃аан̣ад̣̇ассанам̣ ниб̣б̣ид̣̇ад̇т̇ам̣ ниб̣б̣ид̣̇аанисам̣сам̣, самаад̇хи яат̇аабхууд̇ан̃аан̣ад̣̇ассанад̇т̇о яат̇аабхууд̇ан̃аан̣ад̣̇ассанаанисам̣со, сукам̣ самаад̇хад̇т̇ам̣ самаад̇хаанисам̣сам̣, бассад̣̇д̇хи сукад̇т̇аа сукаанисам̣саа, бийд̇и бассад̣̇д̇хад̇т̇аа бассад̣̇д̇хаанисам̣саа, баамож̇ж̇ам̣ бийд̇ад̇т̇ам̣ бийд̇аанисам̣сам̣, авиббадисааро баамож̇ж̇ад̇т̇о баамож̇ж̇аанисам̣со, гусалаани сийлаани авиббадисаарад̇т̇аани авиббадисаараанисам̣саани. ид̇и ко, бхигкавз, д̇хаммаа д̇хаммз абхисанд̣̇знд̇и, д̇хаммаа д̇хаммз барибуурзнд̇и абаараа баарам̣ г̇аманааяаа’’д̇и. д̣̇уд̇ияам̣.
‘‘Iti kho, bhikkhave, virāgo vimuttiñāṇadassanattho vimuttiñāṇadassanānisaṃso, nibbidā virāgatthā virāgānisaṃsā, yathābhūtañāṇadassanaṃ nibbidatthaṃ nibbidānisaṃsaṃ, samādhi yathābhūtañāṇadassanattho yathābhūtañāṇadassanānisaṃso, sukhaṃ samādhatthaṃ samādhānisaṃsaṃ, passaddhi sukhatthā sukhānisaṃsā, pīti passaddhatthā passaddhānisaṃsā, pāmojjaṃ pītatthaṃ pītānisaṃsaṃ, avippaṭisāro pāmojjattho pāmojjānisaṃso, kusalāni sīlāni avippaṭisāratthāni avippaṭisārānisaṃsāni. Iti kho, bhikkhave, dhammā dhamme abhisandenti, dhammā dhamme paripūrenti apārā pāraṃ gamanāyā’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-6. гимад̇т̇ияасуд̇д̇аад̣̇иван̣н̣анаа • 1-6. Kimatthiyasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. гимад̇т̇ияасуд̇д̇аад̣̇иван̣н̣анаа • 1-10. Kimatthiyasuttādivaṇṇanā
