| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(18) 3. сан̃жзд̇анияаваг̇г̇о
(18) 3. Sañcetaniyavaggo
1. жзд̇анаасуд̇д̇аван̣н̣анаа
1. Cetanāsuttavaṇṇanā
171. д̇ад̇ияасса батамз гааязд̇и гааяад̣̇ваарз, гааяавин̃н̃ад̇д̇ияаа сад̇ийд̇и ад̇т̇о. гааяасан̃жзд̇анаахзд̇ууд̇иаад̣̇ийсу гааяасан̃жзд̇анаа наама гааяад̣̇ваарз жзд̇анаа багаббанаа. саа адта гаамааважарагусалавасзна адтавид̇хаа, агусалавасзна д̣̇ваад̣̇асавид̇хаад̇и вийсад̇ивид̇хаа. д̇ат̇аа важийсан̃жзд̇анаа, д̇ат̇аа маносан̃жзд̇анаа. абижзд̇т̇а нава махаг̇г̇ад̇ажзд̇анааби лаб̣бханд̇и. гааяасан̃жзд̇анаахзд̇ууд̇и гааяасан̃жзд̇анаабажжаяаа. уббаж̇ж̇ад̇и аж̇жхад̇д̇ам̣ сукад̣̇угканд̇и адтагусалагаммабажжаяаа нияагаж̇жхад̇д̇з сукам̣ уббаж̇ж̇ад̇и, д̣̇ваад̣̇асаагусалагаммабажжаяаа д̣̇угкам̣. сзсад̣̇ваарзсуби зсзва наяо. авиж̇ж̇аабажжаяааваад̇и авиж̇ж̇аагааран̣знзва. сажз хи авиж̇ж̇аа чаад̣̇аяамаанаа бажжаяо ход̇и, звам̣ санд̇з д̇ийсу д̣̇ваарзсу сукад̣̇угкаанам̣ бажжаяабхууд̇аа жзд̇анаа уббаж̇ж̇ад̇и. ид̇и муулабхууд̇ааяа авиж̇ж̇ааяа васзнзд̇ам̣ вуд̇д̇ам̣.
171. Tatiyassa paṭhame kāyeti kāyadvāre, kāyaviññattiyā satīti attho. Kāyasañcetanāhetūtiādīsu kāyasañcetanā nāma kāyadvāre cetanā pakappanā. Sā aṭṭha kāmāvacarakusalavasena aṭṭhavidhā, akusalavasena dvādasavidhāti vīsatividhā. Tathā vacīsañcetanā, tathā manosañcetanā. Apicettha nava mahaggatacetanāpi labbhanti. Kāyasañcetanāhetūti kāyasañcetanāpaccayā. Uppajjati ajjhattaṃ sukhadukkhanti aṭṭhakusalakammapaccayā niyakajjhatte sukhaṃ uppajjati, dvādasaakusalakammapaccayā dukkhaṃ. Sesadvāresupi eseva nayo. Avijjāpaccayāvāti avijjākāraṇeneva. Sace hi avijjā chādayamānā paccayo hoti, evaṃ sante tīsu dvāresu sukhadukkhānaṃ paccayabhūtā cetanā uppajjati. Iti mūlabhūtāya avijjāya vasenetaṃ vuttaṃ.
саамам̣ ваад̇иаад̣̇ийсу барзхи анаан̣ад̇д̇о саяамзва абхисан̇каронд̇о саамам̣ гааяасан̇каарам̣ абхисан̇карод̇и наама. яам̣ бана барз самаад̣̇абзд̇ваа аан̣аабзд̇ваа гаарзнд̇и, д̇асса д̇ам̣ гааяасан̇каарам̣ барз абхисан̇каронд̇и наама. яо бана гусалам̣ гусаланд̇и агусалам̣ агусаланд̇и гусалавибаагам̣ гусалавибаагод̇и агусалавибаагам̣ агусалавибаагод̇и ж̇аананд̇о гааяад̣̇ваарз вийсад̇ивид̇хам̣ гааяасан̇каарам̣ абхисан̇карод̇и, аяам̣ самбаж̇аано абхисан̇карод̇и наама. яо звам̣ аж̇аананд̇о абхисан̇карод̇и, аяам̣ асамбаж̇аано абхисан̇карод̇и наама. сзсад̣̇ваарзсуби зсзва наяо.
Sāmaṃ vātiādīsu parehi anāṇatto sayameva abhisaṅkharonto sāmaṃ kāyasaṅkhāraṃ abhisaṅkharoti nāma. Yaṃ pana pare samādapetvā āṇāpetvā kārenti, tassa taṃ kāyasaṅkhāraṃ pare abhisaṅkharonti nāma. Yo pana kusalaṃ kusalanti akusalaṃ akusalanti kusalavipākaṃ kusalavipākoti akusalavipākaṃ akusalavipākoti jānanto kāyadvāre vīsatividhaṃ kāyasaṅkhāraṃ abhisaṅkharoti, ayaṃ sampajāno abhisaṅkharoti nāma. Yo evaṃ ajānanto abhisaṅkharoti, ayaṃ asampajāno abhisaṅkharoti nāma. Sesadvāresupi eseva nayo.
д̇ад̇т̇а асамбаж̇аанагаммам̣ звам̣ взд̣̇ид̇аб̣б̣ам̣ – д̣̇ахарад̣̇аарагаа ‘‘маад̇аабид̇уухи гад̇ам̣ гаромаа’’д̇и жзд̇ияам̣ ванд̣̇анд̇и, бубпабууж̇ам̣ гаронд̇и, бхигкусан̇гхам̣ ванд̣̇анд̇и, д̇зсам̣ гусаланд̇и аж̇аананд̇аанамби д̇ам̣ гусаламзва ход̇и. д̇ат̇аа миг̇абагкиаад̣̇аяо д̇иражчаанаа д̇хаммам̣ сун̣анд̇и, сан̇гхам̣ ванд̣̇анд̇и, жзд̇ияам̣ ванд̣̇анд̇и, д̇зсам̣ ж̇аананд̇аанамби аж̇аананд̇аанамби д̇ам̣ гусаламзва ход̇и. д̣̇ахарад̣̇аарагаа бана маад̇аабид̇аро хад̇т̇абаад̣̇зхи бахаранд̇и, бхигкуунам̣ д̇аласад̇д̇игам̣ уг̇г̇иранд̇и, д̣̇ан̣д̣ам̣ кибанд̇и, аггосанд̇и . г̇аавияо бхигкусан̇гхам̣ ануб̣анд̇ханд̇и, сунакаа ануб̣анд̇ханд̇и, д̣ам̣санд̇и, сийхаб̣яаг̇гхаад̣̇аяо ануб̣анд̇ханд̇и, ж̇ийвид̇аа воробзнд̇и. д̇зсам̣ ж̇аананд̇аанамби аж̇аананд̇аанамби агусалагаммам̣ ход̇ийд̇и взд̣̇ид̇аб̣б̣ам̣.
Tattha asampajānakammaṃ evaṃ veditabbaṃ – daharadārakā ‘‘mātāpitūhi kataṃ karomā’’ti cetiyaṃ vandanti, pupphapūjaṃ karonti, bhikkhusaṅghaṃ vandanti, tesaṃ kusalanti ajānantānampi taṃ kusalameva hoti. Tathā migapakkhiādayo tiracchānā dhammaṃ suṇanti, saṅghaṃ vandanti, cetiyaṃ vandanti, tesaṃ jānantānampi ajānantānampi taṃ kusalameva hoti. Daharadārakā pana mātāpitaro hatthapādehi paharanti, bhikkhūnaṃ talasattikaṃ uggiranti, daṇḍaṃ khipanti, akkosanti . Gāviyo bhikkhusaṅghaṃ anubandhanti, sunakhā anubandhanti, ḍaṃsanti, sīhabyagghādayo anubandhanti, jīvitā voropenti. Tesaṃ jānantānampi ajānantānampi akusalakammaṃ hotīti veditabbaṃ.
ид̣̇аани д̇ийсуби д̣̇ваарзсу ааяууханажзд̇анаа самод̇хаанзд̇аб̣б̣аа. сзяяат̇ид̣̇ам̣ – гааяад̣̇ваарз саяам̣гад̇амуулигаа вийсад̇и жзд̇анаа, аан̣ад̇д̇имуулигаа вийсад̇и, самбаж̇аанамуулигаа вийсад̇и, асамбаж̇аанамуулигаа вийсад̇ийд̇и асийд̇и жзд̇анаа хонд̇и, д̇ат̇аа важийд̣̇ваарз. манод̣̇ваарз бана згзгасмимби вигаббз згуунад̇им̣са гад̇ваа сад̇ан̃жа сол̣аса жа хонд̇и. ид̇и саб̣б̣ааби д̇ийсу д̣̇ваарзсу д̣̇вз сад̇аани часад̇д̇ад̇и жа жзд̇анаа. д̇аа саб̣б̣ааби сан̇каарагканд̇ход̇зва сан̇кам̣ г̇ажчанд̇и, д̇ам̣самбаяуд̇д̇о взд̣̇аяид̇аагааро взд̣̇анаагканд̇хо, сан̃ж̇аананаагааро сан̃н̃аагканд̇хо, жид̇д̇ам̣ вин̃н̃аан̣агканд̇хо, гааяо убаад̣̇ааруубам̣, д̇асса бажжаяаа жад̇ассо д̇хаад̇уяо жад̇д̇аари бхууд̇аанийд̇и имз бан̃жагканд̇хаа д̣̇угкасажжам̣ наама.
Idāni tīsupi dvāresu āyūhanacetanā samodhānetabbā. Seyyathidaṃ – kāyadvāre sayaṃkatamūlikā vīsati cetanā, āṇattimūlikā vīsati, sampajānamūlikā vīsati, asampajānamūlikā vīsatīti asīti cetanā honti, tathā vacīdvāre. Manodvāre pana ekekasmimpi vikappe ekūnatiṃsa katvā satañca soḷasa ca honti. Iti sabbāpi tīsu dvāresu dve satāni chasattati ca cetanā. Tā sabbāpi saṅkhārakkhandhoteva saṅkhaṃ gacchanti, taṃsampayutto vedayitākāro vedanākkhandho, sañjānanākāro saññākkhandho, cittaṃ viññāṇakkhandho, kāyo upādārūpaṃ, tassa paccayā catasso dhātuyo cattāri bhūtānīti ime pañcakkhandhā dukkhasaccaṃ nāma.
имзсу, бхигкавз, д̇хаммзсу авиж̇ж̇аа анубад̇ид̇аад̇и имзсу вуд̇д̇аббабхзд̣̇зсу жзд̇анаад̇хаммзсу авиж̇ж̇аа сахаж̇аад̇авасзна жа убаниссаяавасзна жа анубад̇ид̇аа. звам̣ ваддан̃жзва ваддамуулигаа жа авиж̇ж̇аа д̣̇ассид̇аа ход̇и.
Imesu, bhikkhave, dhammesu avijjā anupatitāti imesu vuttappabhedesu cetanādhammesu avijjā sahajātavasena ca upanissayavasena ca anupatitā. Evaṃ vaṭṭañceva vaṭṭamūlikā ca avijjā dassitā hoti.
зд̇д̇аавад̇аа вибассанам̣ вад̣дхзд̇ваа арахад̇д̇ам̣ бад̇д̇асса кийн̣аасавасса ид̣̇аани т̇уд̇им̣ гаронд̇о авиж̇ж̇ааяад̇взва асзсавирааг̇анирод̇хаад̇иаад̣̇имааха. д̇ад̇т̇а асзсавирааг̇анирод̇хаад̇и асзсавирааг̇зна жзва асзсанирод̇хзна жа. со гааяо на ход̇ийд̇и кийн̣аасавасса гааязна гаран̣агаммам̣ бан̃н̃ааяад̇и, жзд̇ияан̇г̇ан̣асаммаж̇ж̇анам̣ б̣од̇хияан̇г̇ан̣асаммаж̇ж̇анам̣ абхиггаманам̣ бадиггаманам̣ вад̇д̇аанувад̇д̇агаран̣анд̇и звамаад̣̇и. гааяад̣̇ваарз банасса вийсад̇и жзд̇анаа авибаагад̇хаммад̇ам̣ аабаж̇ж̇анд̇и. д̇зна вуд̇д̇ам̣ – ‘‘со гааяо на ход̇и, яам̣ бажжаяаасса д̇ам̣ уббаж̇ж̇ад̇и аж̇жхад̇д̇ам̣ сукад̣̇угка’’нд̇и. гааяад̣̇ваараббавад̇д̇аа хи жзд̇анаа ид̇ха гааяод̇и ад̇хиббзд̇аа. сзсад̣̇ваязби зсзва наяо. кзд̇д̇анд̇иаад̣̇ийниби гусалаагусалагаммассзва наамаани. д̇ан̃хи вибаагасса вируханадтаанадтзна кзд̇д̇ам̣, бад̇идтаанадтзна вад̇т̇у, гааран̣адтзна ааяад̇анам̣, ад̇хигаран̣адтзна ад̇хигаран̣анд̇и вужжад̇и.
Ettāvatā vipassanaṃ vaḍḍhetvā arahattaṃ pattassa khīṇāsavassa idāni thutiṃ karonto avijjāyatveva asesavirāganirodhātiādimāha. Tattha asesavirāganirodhāti asesavirāgena ceva asesanirodhena ca. So kāyo na hotīti khīṇāsavassa kāyena karaṇakammaṃ paññāyati, cetiyaṅgaṇasammajjanaṃ bodhiyaṅgaṇasammajjanaṃ abhikkamanaṃ paṭikkamanaṃ vattānuvattakaraṇanti evamādi. Kāyadvāre panassa vīsati cetanā avipākadhammataṃ āpajjanti. Tena vuttaṃ – ‘‘so kāyo na hoti, yaṃ paccayāssa taṃ uppajjati ajjhattaṃ sukhadukkha’’nti. Kāyadvārappavattā hi cetanā idha kāyoti adhippetā. Sesadvayepi eseva nayo. Khettantiādīnipi kusalākusalakammasseva nāmāni. Tañhi vipākassa viruhanaṭṭhānaṭṭhena khettaṃ, patiṭṭhānaṭṭhena vatthu, kāraṇaṭṭhena āyatanaṃ, adhikaraṇaṭṭhena adhikaraṇanti vuccati.
ид̇и сад̇т̇аа зд̇д̇агзна таанзна д̇ийхи д̣̇ваарзхи ааяуухид̇агаммам̣ д̣̇ассзд̇ваа ид̣̇аани д̇асса гаммасса вибажжанадтаанам̣ д̣̇ассзд̇ум̣ жад̇д̇ааромз бхигкавзд̇иаад̣̇имааха. д̇ад̇т̇а ад̇д̇абхааваббадилаабхаад̇и бадилад̣̇д̇хаад̇д̇абхааваа. ад̇д̇асан̃жзд̇анаа гамад̇ийд̇и ад̇д̇анаа багаббид̇ажзд̇анаа вахад̇и бавад̇д̇ад̇и.
Iti satthā ettakena ṭhānena tīhi dvārehi āyūhitakammaṃ dassetvā idāni tassa kammassa vipaccanaṭṭhānaṃ dassetuṃ cattārome bhikkhavetiādimāha. Tattha attabhāvappaṭilābhāti paṭiladdhaattabhāvā. Attasañcetanā kamatīti attanā pakappitacetanā vahati pavattati.
ад̇д̇асан̃жзд̇анаахзд̇у д̇зсам̣ сад̇д̇аанам̣ д̇амхаа гааяаа жуд̇и ход̇ийд̇иаад̣̇ийсу кид̣д̣аабад̣̇осигаа д̣̇зваа ад̇д̇асан̃жзд̇анаахзд̇у жаванд̇и. д̇зсан̃хи нанд̣̇анаванажид̇д̇алад̇ааванапаарусагаванаад̣̇ийсу д̣̇иб̣б̣арад̇исамаббид̇аанам̣ гийл̣анд̇аанам̣ баанабхож̇анз сад̇и саммуссад̇и, д̇з аахаарубажчзд̣̇зна аад̇абз кид̇д̇амаалаа вияа милааяанд̇и. манобад̣̇осигаа д̣̇зваа барасан̃жзд̇анаахзд̇у жаванд̇и, зд̇з жаад̇умахаарааж̇игаа д̣̇зваа. д̇зсу гира зго д̣̇звабуд̇д̇о ‘‘нагкад̇д̇ам̣ гийл̣иссаамий’’д̇и сабаривааро рат̇зна вийт̇им̣ бадибаж̇ж̇ад̇и. ат̇ан̃н̃о нигкаманд̇о д̇ам̣ бурад̇о г̇ажчанд̇ам̣ д̣̇исваа ‘‘гим̣, бхо, аяам̣ габан̣о ад̣̇идтабуб̣б̣ам̣ вияа зд̇ам̣ д̣̇исваа бийд̇ияаа уд̣̇д̇хумаад̇о вияа г̇аж̇ж̇амаано вияа жа г̇ажчад̇ий’’д̇и гуж̇жхад̇и. бурад̇о г̇ажчанд̇оби нивад̇д̇ид̇ваа д̇ам̣ гуд̣̇д̇хам̣ д̣̇исваа гуд̣̇д̇хаа наама сувиж̇аанаа хонд̇ийд̇и гуд̣̇д̇хабхаавамасса н̃ад̇ваа ‘‘д̇вам̣ гуд̣̇д̇хо маяхам̣ гим̣ гариссаси, аяам̣ самбад̇д̇и маяаа д̣̇аанасийлаад̣̇ийнам̣ васзна лад̣̇д̇хаа, на д̇уяхам̣ васзнаа’’д̇и бадигуж̇жхад̇и. згасмин̃хи гуд̣̇д̇хз ид̇аро агуд̣̇д̇хо рагкад̇и, убхосу бана гуд̣̇д̇хзсу згасса год̇хо ид̇арасса бажжаяо ход̇и, д̇ассаби год̇хо ид̇арасса бажжаяо ход̇ийд̇и убхо ганд̣̇анд̇аанам̣язва ород̇хаанам̣ жаванд̇и. мануссаа ад̇д̇асан̃жзд̇анаа жа барасан̃жзд̇анаа жа хзд̇у жаванд̇и, ад̇д̇асан̃жзд̇анааяа жа барасан̃жзд̇анааяа жа хзд̇убхууд̇ааяа жаванд̇ийд̇и ад̇т̇о. мануссаа хи гуж̇жхид̇ваа ад̇д̇анаава ад̇д̇аанам̣ хад̇т̇зхиби д̣̇ан̣д̣зхиби бахаранд̇и, раж̇ж̇уб̣анд̇ханаад̣̇ийхиби б̣анд̇ханд̇и, асинааби сийсам̣ чинд̣̇анд̇и, висамби каад̣̇анд̇и, бабаад̇зби бад̇анд̇и, уд̣̇агамби бависанд̇и, аг̇г̇имби бависанд̇и, барзби д̣̇ан̣д̣зна ваа сад̇т̇анз ваа бахарид̇ваа маарзнд̇и. звам̣ д̇зсу ад̇д̇асан̃жзд̇анааби барасан̃жзд̇анааби гамад̇и.
Attasañcetanāhetu tesaṃ sattānaṃ tamhā kāyā cuti hotītiādīsu khiḍḍāpadosikā devā attasañcetanāhetu cavanti. Tesañhi nandanavanacittalatāvanaphārusakavanādīsu dibbaratisamappitānaṃ kīḷantānaṃ pānabhojane sati sammussati, te āhārupacchedena ātape khittamālā viya milāyanti. Manopadosikā devā parasañcetanāhetu cavanti, ete cātumahārājikā devā. Tesu kira eko devaputto ‘‘nakkhattaṃ kīḷissāmī’’ti saparivāro rathena vīthiṃ paṭipajjati. Athañño nikkhamanto taṃ purato gacchantaṃ disvā ‘‘kiṃ, bho, ayaṃ kapaṇo adiṭṭhapubbaṃ viya etaṃ disvā pītiyā uddhumāto viya gajjamāno viya ca gacchatī’’ti kujjhati. Purato gacchantopi nivattitvā taṃ kuddhaṃ disvā kuddhā nāma suvijānā hontīti kuddhabhāvamassa ñatvā ‘‘tvaṃ kuddho mayhaṃ kiṃ karissasi, ayaṃ sampatti mayā dānasīlādīnaṃ vasena laddhā, na tuyhaṃ vasenā’’ti paṭikujjhati. Ekasmiñhi kuddhe itaro akuddho rakkhati, ubhosu pana kuddhesu ekassa kodho itarassa paccayo hoti, tassapi kodho itarassa paccayo hotīti ubho kandantānaṃyeva orodhānaṃ cavanti. Manussā attasañcetanā ca parasañcetanā ca hetu cavanti, attasañcetanāya ca parasañcetanāya ca hetubhūtāya cavantīti attho. Manussā hi kujjhitvā attanāva attānaṃ hatthehipi daṇḍehipi paharanti, rajjubandhanādīhipi bandhanti, asināpi sīsaṃ chindanti, visampi khādanti, papātepi patanti, udakampi pavisanti, aggimpi pavisanti, parepi daṇḍena vā satthane vā paharitvā mārenti. Evaṃ tesu attasañcetanāpi parasañcetanāpi kamati.
гад̇амз д̇зна д̣̇зваа д̣̇адтаб̣б̣аад̇и гад̇амз наама д̇з д̣̇зваа д̣̇адтаб̣б̣аад̇и ад̇т̇о. д̇зна ваа ад̇д̇абхаавзна гад̇амз д̣̇зваа д̣̇адтаб̣б̣аад̇иби ад̇т̇о. гасмаа бана т̇зро имам̣ бан̃хам̣ бужчад̇и, гим̣ ад̇д̇анаа гат̇зд̇ум̣ наббаход̇ийд̇и? баход̇и, ид̣̇ам̣ бана бад̣̇ам̣ ад̇д̇ано сабхаавзна б̣уд̣̇д̇хависаяам̣ бан̃ханд̇и т̇зро на гат̇зси. д̇зна д̣̇адтаб̣б̣аад̇и д̇зна ад̇д̇абхаавзна д̣̇адтаб̣б̣аа. аяам̣ бана бан̃хо хздтаа гаамааважарзби руубааважарзби лаб̣бхад̇и, бхаваг̇г̇зна бана барижчинд̣̇ид̇ваа гат̇ид̇о ниббад̣̇зсзна гат̇ид̇о ход̇ийд̇и бхаг̇авад̇аа звам̣ гат̇ид̇о.
Katametena devā daṭṭhabbāti katame nāma te devā daṭṭhabbāti attho. Tena vā attabhāvena katame devā daṭṭhabbātipi attho. Kasmā pana thero imaṃ pañhaṃ pucchati, kiṃ attanā kathetuṃ nappahotīti? Pahoti, idaṃ pana padaṃ attano sabhāvena buddhavisayaṃ pañhanti thero na kathesi. Tena daṭṭhabbāti tena attabhāvena daṭṭhabbā. Ayaṃ pana pañho heṭṭhā kāmāvacarepi rūpāvacarepi labbhati, bhavaggena pana paricchinditvā kathito nippadesena kathito hotīti bhagavatā evaṃ kathito.
ааг̇анд̇ааро ид̇т̇ад̇д̇анд̇и ид̇т̇абхаавам̣ гаамааважарабан̃жагканд̇хабхаавамзва ааг̇анд̇ааро, нзва д̇ад̇руубабад̇д̇игаа на убаруубабад̇д̇игаа хонд̇и. анааг̇анд̇ааро ид̇т̇ад̇д̇анд̇и имам̣ канд̇хабан̃жагам̣ анааг̇анд̇ааро, хздтуубабад̇д̇игаа на хонд̇и, д̇ад̇руубабад̇д̇игаа ваа убаруубабад̇д̇игаа ваа д̇ад̇т̇зва ваа бариниб̣б̣ааяино хонд̇ийд̇и ад̇т̇о. зд̇т̇а жа хздтимабхавз ниб̣б̣ад̇д̇аанам̣ васзна убаруубабад̇д̇игаа взд̣̇ид̇аб̣б̣аа. бхаваг̇г̇з банзд̇ам̣ над̇т̇и. сзсам̣ саб̣б̣ад̇т̇а уд̇д̇аанамзваад̇и.
Āgantāroitthattanti itthabhāvaṃ kāmāvacarapañcakkhandhabhāvameva āgantāro, neva tatrūpapattikā na uparūpapattikā honti. Anāgantāro itthattanti imaṃ khandhapañcakaṃ anāgantāro, heṭṭhūpapattikā na honti, tatrūpapattikā vā uparūpapattikā vā tattheva vā parinibbāyino hontīti attho. Ettha ca heṭṭhimabhave nibbattānaṃ vasena uparūpapattikā veditabbā. Bhavagge panetaṃ natthi. Sesaṃ sabbattha uttānamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. жзд̇анаасуд̇д̇ам̣ • 1. Cetanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. жзд̇анаасуд̇д̇аван̣н̣анаа • 1. Cetanāsuttavaṇṇanā
