| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(18) 3. сан̃жзд̇анияаваг̇г̇о
(18) 3. Sañcetaniyavaggo
1. жзд̇анаасуд̇д̇аван̣н̣анаа
1. Cetanāsuttavaṇṇanā
171. д̇ад̇ияасса батамз гааяасан̃жзд̇анаахзд̇ууд̇и гааяагамманимид̇д̇ам̣, гааяигасса гаммасса гадад̇д̇аа убажид̇ад̇д̇аад̇и ад̇т̇о. зса наяо сзсасан̃жзд̇анаад̣̇ваязби. уд̣̇д̇хажжасахаг̇ад̇ажзд̇анаа бавад̇д̇ивибаагам̣ д̣̇зд̇иязваад̇и ‘‘вийсад̇ивид̇хаа’’д̇и вуд̇д̇ам̣. д̇ат̇аа важийсан̃жзд̇анаа маносан̃жзд̇анаад̇и зд̇т̇а гаамааважарагусалаагусалавасзна вийсад̇и жзд̇анаа лаб̣бханд̇и. ид̣̇ам̣ д̇ат̇аа-сад̣̇д̣̇зна убасам̣харад̇и. абижзд̇т̇а нава махаг̇г̇ад̇ажзд̇анааби лаб̣бханд̇ийд̇и иминаа навахи руубааруубагусалажзд̇анаахи сад̣̇д̇хим̣ манод̣̇ваарз згуунад̇им̣саад̇и д̇ийсу д̣̇ваарзсу згуунасад̇д̇ад̇и жзд̇анаа хонд̇ийд̇и д̣̇ассзд̇и. авиж̇ж̇аабажжаяааваад̇и ид̣̇ам̣ д̇ааби жзд̇анаа авиж̇ж̇аабажжаяаава хонд̇ийд̇и д̣̇ассанад̇т̇ам̣ вуд̇д̇ам̣. яат̇аавуд̇д̇аа хи згуунасад̇д̇ад̇и жзд̇анаа гусалааби авиж̇ж̇аабажжаяаа хонд̇и, баг̇зва ид̇араа аббахийнаавиж̇ж̇ассзва уббаж̇ж̇анад̇о бахийнаавиж̇ж̇асса ануббаж̇ж̇анад̇о.
171. Tatiyassa paṭhame kāyasañcetanāhetūti kāyakammanimittaṃ, kāyikassa kammassa kaṭattā upacitattāti attho. Esa nayo sesasañcetanādvayepi. Uddhaccasahagatacetanā pavattivipākaṃ detiyevāti ‘‘vīsatividhā’’ti vuttaṃ. Tathā vacīsañcetanā manosañcetanāti ettha kāmāvacarakusalākusalavasena vīsati cetanā labbhanti. Idaṃ tathā-saddena upasaṃharati. Apicettha nava mahaggatacetanāpi labbhantīti iminā navahi rūpārūpakusalacetanāhi saddhiṃ manodvāre ekūnatiṃsāti tīsu dvāresu ekūnasattati cetanā hontīti dasseti. Avijjāpaccayāvāti idaṃ tāpi cetanā avijjāpaccayāva hontīti dassanatthaṃ vuttaṃ. Yathāvuttā hi ekūnasattati cetanā kusalāpi avijjāpaccayā honti, pageva itarā appahīnāvijjasseva uppajjanato pahīnāvijjassa anuppajjanato.
яасмаа яам̣ д̇ам̣ яат̇аавуд̇д̇ам̣ жзд̇анаабхзд̣̇ам̣ гааяасан̇кааран̃жзва важийсан̇кааран̃жа маносан̇кааран̃жа барзхи ануссаахид̇о саамамби асан̇кааригажид̇д̇зна гарод̇и, барзхи гаарияамаано сасан̇кааригажид̇д̇знаби гарод̇и, ‘‘ид̣̇ам̣ наама гаммам̣ гаронд̇оби д̇асса зваруубо наама вибааго бхависсад̇ий’’д̇и звам̣ гаммам̣ вибааган̃жа ж̇аананд̇оби гарод̇и, маад̇аабид̇уусу жзд̇ияаванд̣̇анаад̣̇ийни гаронд̇зсу анугаронд̇о д̣̇аараго вияа гзвалам̣ гамман̃н̃зва виж̇ж̇аананд̇о ‘‘имасса бана гаммасса аяам̣ вибааго’’д̇и вибаагам̣ аж̇аананд̇оби гарод̇и , д̇асмаа д̇ам̣ д̣̇ассзд̇ум̣ ‘‘саамам̣ ваа д̇а’’нд̇иаад̣̇и вуд̇д̇ам̣. барзхи анаан̣ад̇д̇од̇и сарасзнзва вад̇д̇амаано. ж̇аананд̇од̇и ануссаваад̣̇ивасзна ж̇аананд̇о.
Yasmā yaṃ taṃ yathāvuttaṃ cetanābhedaṃ kāyasaṅkhārañceva vacīsaṅkhārañca manosaṅkhārañca parehi anussāhito sāmampi asaṅkhārikacittena karoti, parehi kāriyamāno sasaṅkhārikacittenapi karoti, ‘‘idaṃ nāma kammaṃ karontopi tassa evarūpo nāma vipāko bhavissatī’’ti evaṃ kammaṃ vipākañca jānantopi karoti, mātāpitūsu cetiyavandanādīni karontesu anukaronto dārako viya kevalaṃ kammaññeva vijjānanto ‘‘imassa pana kammassa ayaṃ vipāko’’ti vipākaṃ ajānantopi karoti , tasmā taṃ dassetuṃ ‘‘sāmaṃ vā ta’’ntiādi vuttaṃ. Parehi anāṇattoti saraseneva vattamāno. Jānantoti anussavādivasena jānanto.
нану жа кийн̣аасаво жзд̇ияам̣ ванд̣̇ад̇и, д̇хаммам̣ бхан̣ад̇и, гаммадтаанам̣ манаси гарод̇и, гат̇амасса гааяагаммаад̣̇аяо на хонд̇ийд̇и? авибаагад̇д̇аа. кийн̣аасавзна хи гад̇агаммам̣ нзва гусалам̣ ход̇и наагусалам̣, авибаагам̣ худ̇ваа гирияаамад̇д̇з д̇идтад̇и. д̇знасса д̇з гааяаад̣̇аяо на хонд̇и. д̇знзвааха ‘‘кийн̣аасавасса гааязна гаран̣агаммам̣ бан̃н̃ааяад̇ий’’д̇иаад̣̇и. д̇анд̇и гусалаагусалам̣.
Nanu ca khīṇāsavo cetiyaṃ vandati, dhammaṃ bhaṇati, kammaṭṭhānaṃ manasi karoti, kathamassa kāyakammādayo na hontīti? Avipākattā. Khīṇāsavena hi katakammaṃ neva kusalaṃ hoti nākusalaṃ, avipākaṃ hutvā kiriyāmatte tiṭṭhati. Tenassa te kāyādayo na honti. Tenevāha ‘‘khīṇāsavassa kāyena karaṇakammaṃ paññāyatī’’tiādi. Tanti kusalākusalaṃ.
кид̣д̣ааяа бад̣̇уссанд̇ийд̇и кид̣д̣аабад̣̇осино, кид̣д̣аабад̣̇осино зва кид̣д̣аабад̣̇осигаа. кид̣д̣аабад̣̇осо ваа зд̇зсам̣ ад̇т̇ийд̇и кид̣д̣аабад̣̇осигаа. д̇з гира бун̃н̃ависзсаад̇хиг̇ад̇зна маханд̇зна ад̇д̇ано сиривибхавзна нагкад̇д̇ам̣ гийл̣анд̇аа д̇ааяа самбад̇д̇ияаа маханд̇ад̇ааяа ‘‘аахаарам̣ барибхун̃ж̇имхаа на барибхун̃ж̇имхаа’’д̇иби на ж̇аананд̇и. ат̇а згаахаараад̇иггамад̇о бадтааяа ниранд̇арам̣ каад̣̇анд̇ааби биванд̇ааби жаванд̇иязва на д̇идтанд̇и. гасмаа? гаммаж̇ад̇зж̇асса б̣алавад̇ааяа гараж̇агааяасса манд̣̇ад̇ааяа. мануссаанан̃хи гаммаж̇ад̇зж̇о манд̣̇о, гараж̇агааяо б̣алаваа. д̇зсам̣ д̇зж̇асса манд̣̇ад̇ааяа гааяасса б̣алавад̇ааяа сад̇д̇аахамби ад̇иггамид̇ваа ун̣ход̣̇агаажчаяааг̇уаад̣̇ийхи саггаа гараж̇агааяам̣ убад̇т̇амбхзд̇ум̣. д̣̇зваанам̣ бана д̇зж̇о б̣алаваа ход̇и ул̣аарабун̃н̃аниб̣б̣ад̇д̇ад̇д̇аа ул̣аараг̇арусинид̣̇д̇хасуд̇хаахаараж̇ийран̣ад̇о жа. гараж̇ам̣ манд̣̇ам̣ муд̣̇усукумаалабхаавад̇о. д̇з згам̣ аахааравзлам̣ аггамид̇ваава сан̣таабзд̇ум̣ на саггонд̇и. яат̇аа наама г̇имхаанам̣ маж̇жханхигз д̇ад̇д̇абаасаан̣з табид̇ам̣ бад̣̇умам̣ ваа уббалам̣ ваа сааяанхасамаяз гхадасад̇знаби син̃жияамаанам̣ баагад̇игам̣ на ход̇и винассад̇иязва, звамзва бажчаа ниранд̇арам̣ каад̣̇анд̇ааби биванд̇ааби жаванд̇иязва на д̇идтанд̇и. гад̇амз бана д̇з д̣̇зваад̇и? ‘‘имз наамаа’’д̇и адтагат̇ааяа вижааран̣аа над̇т̇и, ‘‘аахааруубажчзд̣̇зна аад̇абз кид̇д̇амаалаа вияаа’’д̇и вуд̇д̇ад̇д̇аа яз гзжи габ̣ал̣ийгаараахааруубаж̇ийвино д̣̇зваа звам̣ гаронд̇и, д̇з звам̣ жаванд̇ийд̇и взд̣̇ид̇аб̣б̣аа. абхаяаг̇ириваасино банааху ‘‘ниммаанарад̇ибараниммид̇авасавад̇д̇ино д̇з д̣̇зваа, кид̣д̣ааяа бад̣̇уссанамад̇д̇знзва хзд̇з кид̣д̣аабад̣̇осигаад̇и вуд̇д̇аа’’д̇и. го банзд̇т̇а д̣̇зваанам̣ аахааро, гаа аахааравзлаад̇и? ‘‘саб̣б̣зсамби гаамааважарад̣̇зваанам̣ суд̇хаа аахааро, саа хздтимзхи хздтимзхи убаримаанам̣ убаримаанам̣ бан̣ийд̇ад̇амаа ход̇и. д̇ам̣ яат̇аасагам̣ д̣̇ивасавасзнзва д̣̇ивасз д̣̇ивасз бхун̃ж̇анд̇и. гзжи бана б̣ад̣̇араббамаан̣ам̣ суд̇хаахаарам̣ барибхун̃ж̇анд̇и. со ж̇ивхааяам̣ табид̇амад̇д̇оязва яаава гзсаг̇г̇анакаг̇г̇аа гааяам̣ парад̇и, д̇зсам̣язва д̣̇ивасавасзна сад̇д̇ад̣̇ивасам̣ яаабанасамад̇т̇ова ход̇ий’’д̇и вад̣̇анд̇и.
Khiḍḍāya padussantīti khiḍḍāpadosino, khiḍḍāpadosino eva khiḍḍāpadosikā. Khiḍḍāpadoso vā etesaṃ atthīti khiḍḍāpadosikā. Te kira puññavisesādhigatena mahantena attano sirivibhavena nakkhattaṃ kīḷantā tāya sampattiyā mahantatāya ‘‘āhāraṃ paribhuñjimhā na paribhuñjimhā’’tipi na jānanti. Atha ekāhārātikkamato paṭṭhāya nirantaraṃ khādantāpi pivantāpi cavantiyeva na tiṭṭhanti. Kasmā? Kammajatejassa balavatāya karajakāyassa mandatāya. Manussānañhi kammajatejo mando, karajakāyo balavā. Tesaṃ tejassa mandatāya kāyassa balavatāya sattāhampi atikkamitvā uṇhodakaacchayāguādīhi sakkā karajakāyaṃ upatthambhetuṃ. Devānaṃ pana tejo balavā hoti uḷārapuññanibbattattā uḷāragarusiniddhasudhāhārajīraṇato ca. Karajaṃ mandaṃ mudusukhumālabhāvato. Te ekaṃ āhāravelaṃ akkamitvāva saṇṭhāpetuṃ na sakkonti. Yathā nāma gimhānaṃ majjhanhike tattapāsāṇe ṭhapitaṃ padumaṃ vā uppalaṃ vā sāyanhasamaye ghaṭasatenapi siñciyamānaṃ pākatikaṃ na hoti vinassatiyeva, evameva pacchā nirantaraṃ khādantāpi pivantāpi cavantiyeva na tiṭṭhanti. Katame pana te devāti? ‘‘Ime nāmā’’ti aṭṭhakathāya vicāraṇā natthi, ‘‘āhārūpacchedena ātape khittamālā viyā’’ti vuttattā ye keci kabaḷīkārāhārūpajīvino devā evaṃ karonti, te evaṃ cavantīti veditabbā. Abhayagirivāsino panāhu ‘‘nimmānaratiparanimmitavasavattino te devā, khiḍḍāya padussanamatteneva hete khiḍḍāpadosikāti vuttā’’ti. Ko panettha devānaṃ āhāro, kā āhāravelāti? ‘‘Sabbesampi kāmāvacaradevānaṃ sudhā āhāro, sā heṭṭhimehi heṭṭhimehi uparimānaṃ uparimānaṃ paṇītatamā hoti. Taṃ yathāsakaṃ divasavaseneva divase divase bhuñjanti. Keci pana badarappamāṇaṃ sudhāhāraṃ paribhuñjanti. So jivhāyaṃ ṭhapitamattoyeva yāva kesagganakhaggā kāyaṃ pharati, tesaṃyeva divasavasena sattadivasaṃ yāpanasamatthova hotī’’ti vadanti.
иссаабагад̇ад̇д̇аа бад̣̇удтзна манасаа бад̣̇уссанд̇ийд̇и манобад̣̇осигаа. усууяавасзна ваа манасо бад̣̇осо манобад̣̇осо, со зд̇зсам̣ ад̇т̇и винаасахзд̇убхууд̇од̇и манобад̣̇осигаа. аггуд̣̇д̇хо рагкад̇ийд̇и гуд̣̇д̇хасса со год̇хо ид̇арасмим̣ аггуж̇жханд̇з анубаад̣̇аано згаваарамзва уббад̇д̇ияаа анаасзвано жаавзд̇ум̣ на саггод̇и, уд̣̇аганд̇ам̣ бад̇ваа аг̇г̇и вияа ниб̣б̣ааяад̇и, д̇асмаа аггуд̣̇д̇хо д̇ам̣ жаванад̇о рагкад̇и. убхосу бана гуд̣̇д̇хзсу бхияяо бхияяо ан̃н̃аман̃н̃амхи баривад̣дханавасзна д̇икин̣асамуд̣̇аажааро ниссаяад̣̇аханарасо год̇хо уббаж̇ж̇амаано хад̣̇аяавад̇т̇ум̣ нид̣̇аханд̇о ажжанд̇асукумаалам̣ гараж̇агааяам̣ винаасзд̇и, д̇ад̇о сагалоби ад̇д̇абхааво анд̇арад̇хааяад̇и. д̇знааха ‘‘убхосу банаа’’д̇иаад̣̇и. д̇ат̇аа жааха бхаг̇аваа ‘‘ан̃н̃аман̃н̃амхи бад̣̇удтажид̇д̇аа гиланд̇агааяа…бз… жаванд̇ий’’д̇и (д̣̇ий. ни. 1.47).
Issāpakatattā paduṭṭhena manasā padussantīti manopadosikā. Usūyavasena vā manaso padoso manopadoso, so etesaṃ atthi vināsahetubhūtoti manopadosikā. Akkuddho rakkhatīti kuddhassa so kodho itarasmiṃ akkujjhante anupādāno ekavārameva uppattiyā anāsevano cāvetuṃ na sakkoti, udakantaṃ patvā aggi viya nibbāyati, tasmā akkuddho taṃ cavanato rakkhati. Ubhosu pana kuddhesu bhiyyo bhiyyo aññamaññamhi parivaḍḍhanavasena tikhiṇasamudācāro nissayadahanaraso kodho uppajjamāno hadayavatthuṃ nidahanto accantasukhumālaṃ karajakāyaṃ vināseti, tato sakalopi attabhāvo antaradhāyati. Tenāha ‘‘ubhosu panā’’tiādi. Tathā cāha bhagavā ‘‘aññamaññamhi paduṭṭhacittā kilantakāya…pe… cavantī’’ti (dī. ni. 1.47).
гад̇амз д̇зна д̣̇зваа д̣̇адтаб̣б̣аад̇и зд̇т̇а д̇знаад̇и бажжад̇д̇з гаран̣аважананд̇и ааха ‘‘гад̇амз наама д̇з д̣̇зваа д̣̇адтаб̣б̣аа’’д̇и. гаран̣ад̇т̇зязва ваа зд̇ам̣ гаран̣аважананд̇и д̣̇ассзнд̇о ааха ‘‘д̇зна ваа ад̇д̇абхаавзнаа’’д̇и. сзсамзд̇т̇а уд̇д̇аанамзва.
Katame tena devā daṭṭhabbāti ettha tenāti paccatte karaṇavacananti āha ‘‘katame nāma te devā daṭṭhabbā’’ti. Karaṇattheyeva vā etaṃ karaṇavacananti dassento āha ‘‘tena vā attabhāvenā’’ti. Sesamettha uttānameva.
жзд̇анаасуд̇д̇аван̣н̣анаа нидтид̇аа.
Cetanāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. жзд̇анаасуд̇д̇ам̣ • 1. Cetanāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. жзд̇анаасуд̇д̇аван̣н̣анаа • 1. Cetanāsuttavaṇṇanā
