| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. жзд̇анаасуд̇д̇аван̣н̣анаа
8. Cetanāsuttavaṇṇanā
38. яан̃жаад̇и зд̇т̇а жа-сад̣̇д̣̇о адтаанз. д̇зна жзд̇анааяа вияа багаббаанаанусаяаанамби вин̃н̃аан̣асса тид̇ияаа вагкамаанам̣язва ависидтам̣ аарамман̣абхаавам̣ ж̇од̇зд̇и. гаамам̣ д̇ийсуби бад̣̇зсу ‘‘бавад̇д̇зд̇и’’ижжзва ад̇т̇о вуд̇д̇о, вад̇д̇анад̇т̇о бана жзд̇анаад̣̇ийнам̣ яат̇ааггамам̣ жзд̇аяанабагаббанаанусаяанаруубо висидтадто д̣̇адтаб̣б̣о. д̇збхуумагагусалаагусалажзд̇анаа г̇ахид̇аа гаммавин̃н̃аан̣асса бажжаяанид̣̇д̇хааран̣амзд̇анд̇и. д̇ан̣хаад̣̇идтигаббаа г̇ахид̇аа яат̇аараханд̇и ад̇хиббааяо. адтасуби хи лобхасахаг̇ад̇ажид̇д̇зсу д̇ан̣хаагаббо, д̇ад̇т̇а жад̇уусвзва д̣̇идтигаббод̇и. гаамам̣ анусаяаа логияагусалажзд̇анаасуби анусзнд̇иязва, агусалзсу бана бавад̇д̇и баагадаад̇и ‘‘д̣̇ваад̣̇асаннам̣ жзд̇анаана’’нд̇и вуд̇д̇ам̣. сахаж̇аад̇агодияаад̇и ид̣̇ам̣ бажжуббаннааби гаамарааг̇аад̣̇аяо анусаяаава вужжанд̇и д̇ам̣сад̣̇исад̇ааяаад̇и вуд̇д̇ам̣. на хи гаалабхзд̣̇зна лагкан̣аббабхзд̣̇о ад̇т̇ийд̇и. анааг̇ад̇аа зва хи гаамарааг̇аад̣̇аяо ниббарияааяад̇о ‘‘анусаяаа’’д̇и вад̇д̇аб̣б̣ад̇ам̣ араханд̇и. бажжаяуббанно ваддад̇ийд̇и ааха ‘‘аарамман̣ам̣ бажжаяо’’д̇и. гаммавин̃н̃аан̣асса тид̇ад̇т̇анд̇и гаммавин̃н̃аан̣ассзва бавад̇д̇ияаа. д̇асмим̣ бажжаяз сад̇ийд̇и д̇асмим̣ жзд̇анаабагаббанаанусаяасан̃н̃ид̇з бажжаяз сад̇и бад̇идтаа вин̃н̃аан̣асса ход̇и. санд̇аанз палад̣̇аанасамад̇т̇ад̇ааязва ход̇ийд̇и ‘‘бад̇идтаа ход̇и, д̇асмим̣ бад̇идтид̇з’’д̇и вуд̇д̇ам̣. саннидтаабагажзд̇анаавасзна вирул̣хзд̇и. бад̇идтид̇зд̇и хи иминаа гаммасса гад̇абхааво вуд̇д̇о, ‘‘вирул̣хз’’д̇и иминаа убажид̇абхааво. д̇знааха ‘‘гаммам̣ ж̇аваабзд̇ваа’’д̇иаад̣̇и. д̇ад̇т̇а бурзд̇арам̣ уббаннаахи гаммажзд̇анаахи лад̣̇д̇хабажжаяад̇д̇аа б̣алаббад̇д̇ааяа саннидтаабагажзд̇анааяа гаммавин̃н̃аан̣ам̣ лад̣̇д̇хабад̇идтам̣ вирул̣хамуулан̃жа ход̇ийд̇и вуд̇д̇ам̣ ‘‘ниб̣б̣ад̇д̇амуулз ж̇аад̇з’’д̇и. д̇ат̇аа хи саннидтаабагажзд̇анаа вибаагам̣ д̣̇знд̇ам̣ ананд̇арз ж̇аад̇ивасзна д̣̇зд̇и убабаж̇ж̇авзд̣̇анийяагамманд̇и.
38.Yañcāti ettha ca-saddo aṭṭhāne. Tena cetanāya viya pakappānānusayānampi viññāṇassa ṭhitiyā vakkhamānaṃyeva avisiṭṭhaṃ ārammaṇabhāvaṃ joteti. Kāmaṃ tīsupi padesu ‘‘pavatteti’’icceva attho vutto, vattanattho pana cetanādīnaṃ yathākkamaṃ cetayanapakappanānusayanarūpo visiṭṭhaṭṭho daṭṭhabbo. Tebhūmakakusalākusalacetanā gahitā kammaviññāṇassa paccayaniddhāraṇametanti. Taṇhādiṭṭhikappā gahitā yathārahanti adhippāyo. Aṭṭhasupi hi lobhasahagatacittesu taṇhākappo, tattha catūsveva diṭṭhikappoti. Kāmaṃ anusayā lokiyakusalacetanāsupi anusentiyeva, akusalesu pana pavatti pākaṭāti ‘‘dvādasannaṃ cetanāna’’nti vuttaṃ. Sahajātakoṭiyāti idaṃ paccuppannāpi kāmarāgādayo anusayāva vuccanti taṃsadisatāyāti vuttaṃ. Na hi kālabhedena lakkhaṇappabhedo atthīti. Anāgatā eva hi kāmarāgādayo nippariyāyato ‘‘anusayā’’ti vattabbataṃ arahanti. Paccayuppanno vaṭṭatīti āha ‘‘ārammaṇaṃ paccayo’’ti. Kammaviññāṇassa ṭhitatthanti kammaviññāṇasseva pavattiyā. Tasmiṃ paccaye satīti tasmiṃ cetanāpakappanānusayasaññite paccaye sati patiṭṭhā viññāṇassa hoti. Santāne phaladānasamatthatāyeva hotīti ‘‘patiṭṭhā hoti, tasmiṃ patiṭṭhite’’ti vuttaṃ. Sanniṭṭhāpakacetanāvasena viruḷheti. Patiṭṭhiteti hi iminā kammassa katabhāvo vutto, ‘‘viruḷhe’’ti iminā upacitabhāvo. Tenāha ‘‘kammaṃ javāpetvā’’tiādi. Tattha puretaraṃ uppannāhi kammacetanāhi laddhapaccayattā balappattāya sanniṭṭhāpakacetanāya kammaviññāṇaṃ laddhapatiṭṭhaṃ viruḷhamūlañca hotīti vuttaṃ ‘‘nibbattamūle jāte’’ti. Tathā hi sanniṭṭhāpakacetanā vipākaṃ dentaṃ anantare jātivasena deti upapajjavedanīyakammanti.
д̇збхуумагажзд̇анааяаад̇и д̇збхуумагагусалаагусалажзд̇анааяа. аббавад̇д̇анагкан̣од̇и ид̇ха бавад̇д̇анагкан̣о ж̇ааяамаанагкан̣о. на ж̇ааяамаанагкан̣о аббавад̇д̇анагкан̣о на гзвалам̣ бхан̇г̇агкан̣о аббахийнаанусаяасса ад̇хиббзд̇ад̇д̇аа. аббахийнагодияаад̇и асамужчиннабхаавзна. д̇ад̣̇ид̣̇ам̣ д̇збхуумагагусалаагусалажзд̇анаасу аббавад̇д̇амаанаасу анусаяаанам̣ сахаж̇аад̇агодиаад̣̇инаа бавад̇д̇и наама над̇т̇и, вибаагаад̣̇ийсу аббахийнагодияаа бавад̇д̇ад̇и гаронд̇асса абхаавад̇од̇и имамад̇т̇ам̣ санд̇хааяа вуд̇д̇ам̣. аваарид̇ад̇д̇аад̇и бадибагкзд̇и аваарид̇аб̣б̣ад̇д̇аа. бажжаяова ход̇и вин̃н̃аан̣асса тид̇ияаа.
Tebhūmakacetanāyāti tebhūmakakusalākusalacetanāya. Appavattanakkhaṇoti idha pavattanakkhaṇo jāyamānakkhaṇo. Na jāyamānakkhaṇo appavattanakkhaṇo na kevalaṃ bhaṅgakkhaṇo appahīnānusayassa adhippetattā. Appahīnakoṭiyāti asamucchinnabhāvena. Tadidaṃ tebhūmakakusalākusalacetanāsu appavattamānāsu anusayānaṃ sahajātakoṭiādinā pavatti nāma natthi, vipākādīsu appahīnakoṭiyā pavattati karontassa abhāvatoti imamatthaṃ sandhāya vuttaṃ. Avāritattāti paṭipakkheti avāritabbattā. Paccayova hoti viññāṇassa ṭhitiyā.
батамад̣̇уд̇ияаваарзхи ваддам̣ д̣̇ассзд̇ваа д̇ад̇ияаваарз ‘‘но жз’’д̇иаад̣̇инаа виваддам̣ д̣̇ассид̇анд̇и ‘‘батамабад̣̇з д̇збхуумагагусалаагусалажзд̇анаа нивад̇д̇аа’’д̇иаад̣̇и вуд̇д̇ам̣. д̇ад̇т̇а нивад̇д̇аад̇и агаран̣ад̇о аббавад̇д̇ияаа абаг̇ад̇аа. д̇ан̣хаад̣̇идтияо нивад̇д̇аад̇и яож̇анаа. вуд̇д̇аббагаарзсууд̇и ‘‘д̇збхуумагавибаагзсуу’’д̇иаад̣̇инаа вуд̇д̇аббагаарзсу.
Paṭhamadutiyavārehi vaṭṭaṃ dassetvā tatiyavāre ‘‘no ce’’tiādinā vivaṭṭaṃ dassitanti ‘‘paṭhamapade tebhūmakakusalākusalacetanā nivattā’’tiādi vuttaṃ. Tattha nivattāti akaraṇato appavattiyā apagatā. Taṇhādiṭṭhiyo nivattāti yojanā. Vuttappakāresūti ‘‘tebhūmakavipākesū’’tiādinā vuttappakāresu.
зд̇т̇аад̇и имасмим̣ суд̇д̇з. зд̇т̇а жзд̇анаабагаббанаанам̣ бавад̇д̇анавасзна д̇хаммабарижчзд̣̇о д̣̇ассид̇од̇и ‘‘жзд̇зд̇ийд̇и д̇збхуумагагусалаагусалажзд̇анаа г̇ахид̇аа’’д̇иаад̣̇инаяо ид̇хзва ход̇ийд̇и д̣̇ассид̇о. жад̇ассод̇и бадигхад̣̇ваяамохамууласамааг̇ад̇аа жад̇ассо агусалажзд̇анаа. жад̇уусу агусалажзд̇анаасууд̇и яат̇аавуд̇д̇аасу зва жад̇уусу агусалажзд̇анаасу, ид̇араа бана ‘‘на багаббзд̇ий’’д̇и иминаа бадигкзбзна нивад̇д̇аад̇и. суд̇д̇з ааг̇ад̇ам̣ ваарзд̇ваад̇и ‘‘но жа багаббзд̇ий’’д̇и звам̣ бадигкзбавасзна суд̇д̇з ааг̇ад̇ам̣ важ̇ж̇зд̇ваа. ‘‘на багаббзд̇ий’’д̇и хи иминаа адтасу лобхасахаг̇ад̇ажид̇д̇зсу сахаж̇аад̇агодияаа бавад̇д̇аанусаяо нивад̇д̇ид̇о д̇зсам̣ жид̇д̇аанам̣ аббавад̇д̇анад̇о, д̇асмаа д̇ам̣ таанам̣ табзд̇ваад̇и ад̇т̇о. буримасад̣̇исова буриманаязсу вуд̇д̇анаязна г̇ахзд̇аб̣б̣о д̇хаммабарижчзд̣̇ад̇д̇аа.
Etthāti imasmiṃ sutte. Ettha cetanāpakappanānaṃ pavattanavasena dhammaparicchedo dassitoti ‘‘cetetīti tebhūmakakusalākusalacetanā gahitā’’tiādinayo idheva hotīti dassito. Catassoti paṭighadvayamohamūlasamāgatā catasso akusalacetanā. Catūsu akusalacetanāsūti yathāvuttāsu eva catūsu akusalacetanāsu, itarā pana ‘‘na pakappetī’’ti iminā paṭikkhepena nivattāti. Sutte āgataṃ vāretvāti ‘‘no ca pakappetī’’ti evaṃ paṭikkhepavasena sutte āgataṃ vajjetvā. ‘‘Na pakappetī’’ti hi iminā aṭṭhasu lobhasahagatacittesu sahajātakoṭiyā pavattaanusayo nivattito tesaṃ cittānaṃ appavattanato, tasmā taṃ ṭhānaṃ ṭhapetvāti attho. Purimasadisova purimanayesu vuttanayena gahetabbo dhammaparicchedattā.
д̇ад̣̇аббад̇идтид̇зд̇и самаасабхаавад̇о вибхад̇д̇илобо, санд̇хивасзна д̣̇а-гаарааг̇амо, д̇асса аббад̇идтид̇ам̣ д̇ад̣̇аббад̇идтид̇ам̣, д̇асмим̣ д̇ад̣̇аббад̇идтид̇зд̇и звамзд̇т̇а самаасабад̣̇асид̣̇д̇хи д̣̇адтаб̣б̣аа. зд̇т̇аад̇и зд̇асмим̣ д̇ад̇ияаваарз арахад̇д̇амаг̇г̇асса гижжам̣ гат̇ид̇ам̣ саб̣б̣асо анусаяаниб̣б̣ад̇д̇ибхзд̣̇анад̇о. кийн̣аасавасса гижжагаран̣анд̇иби вад̇д̇ум̣ ваддад̇и саб̣б̣асо взд̣̇анаад̣̇ийнам̣ бадигкзбабхаавад̇о. нава логуд̇д̇арад̇хаммаад̇иби вад̇д̇ум̣ ваддад̇и маг̇г̇абадибаадияаа анусаяасамуг̇гхааданад̇о маг̇г̇аананд̇араани палаани, д̇ад̣̇убхаяаарамман̣ан̃жа ниб̣б̣аананд̇и. вин̃н̃аан̣ассаад̇и гаммавин̃н̃аан̣асса. бунаб̣бхавасийсзна ананд̇арабхавасан̇г̇ахид̇ам̣ наамаруубам̣ бадисанд̇хивин̃н̃аан̣амзва ваа г̇ахид̇анд̇и ааха ‘‘бунаб̣бхавасса жа анд̇арз зго санд̇хий’’д̇и. бхаваж̇аад̇ийнанд̇и зд̇т̇а ‘‘д̣̇уд̇ияабхавасса д̇ад̇ияабхавз ж̇аад̇ияаа’’д̇и звам̣ барамбаравасзна г̇ахзд̇аб̣б̣ам̣. ааяад̇им̣ бунаб̣бхаваабхиниб̣б̣ад̇д̇иг̇ахан̣зна бана наананд̇арияад̇о гаммабхаво г̇ахид̇о, ж̇аад̇ихзд̇упаласид̣̇д̇хибзд̇т̇а вуд̇д̇аа зваад̇и взд̣̇ид̇аб̣б̣ам̣. зд̇т̇а жа ‘‘но жз, бхигкавз, жзд̇зд̇и но жа багаббзд̇и, ат̇а ко анусзд̇ий’’д̇и звам̣ бхаг̇авад̇аа д̣̇уд̇ияанаяз буб̣б̣абхааг̇з бхаваниб̣б̣ад̇д̇агагусалаагусалааяууханам̣, багаббанан̃жа винааби бхавзсу д̣̇идтаад̣̇ийнавасса яог̇ино анусаяабажжаяаа вибассанаажзд̇анааби бадисанд̇хиж̇анагаа ход̇ийд̇и д̣̇ассанад̇т̇ам̣ гусалаагусаласса аббавад̇д̇и жзби, д̇ад̣̇аа виж̇ж̇амаанад̇збхуумагавибаагаад̣̇ид̇хаммзсу аббахийнагодияаа анусаяид̇агилзсаббажжаяаа бхававаж̇ж̇асса гаммавин̃н̃аан̣асса бад̇идтид̇ад̇аа ход̇ийд̇и д̣̇ассанад̇т̇ан̃жа вуд̇д̇о. ‘‘на жзд̇зд̇и багаббзд̇и анусзд̇ий’’д̇и аяам̣ наяо на г̇ахид̇о жзд̇анам̣ винаа багаббанасса абхаавад̇о.
Tadappatiṭṭhiteti samāsabhāvato vibhattilopo, sandhivasena da-kārāgamo, tassa appatiṭṭhitaṃ tadappatiṭṭhitaṃ, tasmiṃ tadappatiṭṭhiteti evamettha samāsapadasiddhi daṭṭhabbā. Etthāti etasmiṃ tatiyavāre arahattamaggassa kiccaṃ kathitaṃ sabbaso anusayanibbattibhedanato. Khīṇāsavassa kiccakaraṇantipi vattuṃ vaṭṭati sabbaso vedanādīnaṃ paṭikkhepabhāvato. Nava lokuttaradhammātipi vattuṃ vaṭṭati maggapaṭipāṭiyā anusayasamugghāṭanato maggānantarāni phalāni, tadubhayārammaṇañca nibbānanti. Viññāṇassāti kammaviññāṇassa. Punabbhavasīsena anantarabhavasaṅgahitaṃ nāmarūpaṃ paṭisandhiviññāṇameva vā gahitanti āha ‘‘punabbhavassa ca antare eko sandhī’’ti. Bhavajātīnanti ettha ‘‘dutiyabhavassa tatiyabhave jātiyā’’ti evaṃ paramparavasena gahetabbaṃ. Āyatiṃ punabbhavābhinibbattigahaṇena pana nānantariyato kammabhavo gahito, jātihetuphalasiddhipettha vuttā evāti veditabbaṃ. Ettha ca ‘‘no ce, bhikkhave, ceteti no ca pakappeti, atha kho anusetī’’ti evaṃ bhagavatā dutiyanaye pubbabhāge bhavanibbattakakusalākusalāyūhanaṃ, pakappanañca vināpi bhavesu diṭṭhādīnavassa yogino anusayapaccayā vipassanācetanāpi paṭisandhijanakā hotīti dassanatthaṃ kusalākusalassa appavatti cepi, tadā vijjamānatebhūmakavipākādidhammesu appahīnakoṭiyā anusayitakilesappaccayā bhavavajjassa kammaviññāṇassa patiṭṭhitatā hotīti dassanatthañca vutto. ‘‘Na ceteti pakappeti anusetī’’ti ayaṃ nayo na gahito cetanaṃ vinā pakappanassa abhāvato.
жзд̇анаасуд̇д̇аван̣н̣анаа нидтид̇аа.
Cetanāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. жзд̇анаасуд̇д̇ам̣ • 8. Cetanāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. жзд̇анаасуд̇д̇аван̣н̣анаа • 8. Cetanāsuttavaṇṇanā
