| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਚੇਤਨਾਸੁਤ੍ਤવਣ੍ਣਨਾ
8. Cetanāsuttavaṇṇanā
੩੮. ਅਟ੍ਠਮੇ ਯਞ੍ਚ, ਭਿਕ੍ਖવੇ, ਚੇਤੇਤੀਤਿ ਯਂ ਚੇਤਨਂ ਚੇਤੇਤਿ, ਪવਤ੍ਤੇਤੀਤਿ ਅਤ੍ਥੋ। ਯਞ੍ਚ ਪਕਪ੍ਪੇਤੀਤਿ ਯਂ ਪਕਪ੍ਪਨਂ ਪਕਪ੍ਪੇਤਿ, ਪવਤ੍ਤੇਤਿਚ੍ਚੇવ ਅਤ੍ਥੋ। ਯਞ੍ਚ ਅਨੁਸੇਤੀਤਿ ਯਞ੍ਚ ਅਨੁਸਯਂ ਅਨੁਸੇਤਿ, ਪવਤ੍ਤੇਤਿਚ੍ਚੇવ ਅਤ੍ਥੋ। ਏਤ੍ਥ ਚ ਚੇਤੇਤੀਤਿ ਤੇਭੂਮਕਕੁਸਲਾਕੁਸਲਚੇਤਨਾ ਗਹਿਤਾ, ਪਕਪ੍ਪੇਤੀਤਿ ਅਟ੍ਠਸੁ ਲੋਭਸਹਗਤਚਿਤ੍ਤੇਸੁ ਤਣ੍ਹਾਦਿਟ੍ਠਿਕਪ੍ਪਾ ਗਹਿਤਾ, ਅਨੁਸੇਤੀਤਿ ਦ੍વਾਦਸਨ੍ਨਂ ਚੇਤਨਾਨਂ ਸਹਜਾਤਕੋਟਿਯਾ ਚੇવ ਉਪਨਿਸ੍ਸਯਕੋਟਿਯਾ ਚ ਅਨੁਸਯੋ ਗਹਿਤੋ। ਆਰਮ੍ਮਣਮੇਤਂ ਹੋਤੀਤਿ (ਚੇਤਨਾਦਿਧਮ੍ਮਜਾਤੇ ਸਤਿ ਕਮ੍ਮવਿਞ੍ਞਾਣਸ੍ਸ ਉਪ੍ਪਤ੍ਤਿਯਾ ਅવਾਰਿਤਤ੍ਤਾ) ਏਤਂ ਚੇਤਨਾਦਿਧਮ੍ਮਜਾਤਂ ਪਚ੍ਚਯੋ ਹੋਤਿ। ਪਚ੍ਚਯੋ ਹਿ ਇਧ ਆਰਮ੍ਮਣਨ੍ਤਿ ਅਧਿਪ੍ਪੇਤਾ। વਿਞ੍ਞਾਣਸ੍ਸ ਠਿਤਿਯਾਤਿ ਕਮ੍ਮવਿਞ੍ਞਾਣਸ੍ਸ ਠਿਤਤ੍ਥਂ। ਆਰਮ੍ਮਣੇ ਸਤੀਤਿ ਤਸ੍ਮਿਂ ਪਚ੍ਚਯੇ ਸਤਿ। ਪਤਿਟ੍ਠਾ વਿਞ੍ਞਾਣਸ੍ਸ ਹੋਤੀਤਿ ਤਸ੍ਸ ਕਮ੍ਮવਿਞ੍ਞਾਣਸ੍ਸ ਪਤਿਟ੍ਠਾ ਹੋਤਿ। ਤਸ੍ਮਿਂ ਪਤਿਟ੍ਠਿਤੇ વਿਞ੍ਞਾਣੇਤਿ ਤਸ੍ਮਿਂ ਕਮ੍ਮવਿਞ੍ਞਾਣੇ ਪਤਿਟ੍ਠਿਤੇ। વਿਰੂਲ਼੍ਹੇਤਿ ਕਮ੍ਮਂ ਜવਾਪੇਤ੍વਾ ਪਟਿਸਨ੍ਧਿਆਕਡ੍ਢਨਸਮਤ੍ਥਤਾਯ ਨਿਬ੍ਬਤ੍ਤਮੂਲੇ ਜਾਤੇ। ਪੁਨਬ੍ਭવਾਭਿਨਿਬ੍ਬਤ੍ਤੀਤਿ ਪੁਨਬ੍ਭવਸਙ੍ਖਾਤਾ ਅਭਿਨਿਬ੍ਬਤ੍ਤਿ।
38. Aṭṭhame yañca, bhikkhave, cetetīti yaṃ cetanaṃ ceteti, pavattetīti attho. Yañca pakappetīti yaṃ pakappanaṃ pakappeti, pavatteticceva attho. Yañca anusetīti yañca anusayaṃ anuseti, pavatteticceva attho. Ettha ca cetetīti tebhūmakakusalākusalacetanā gahitā, pakappetīti aṭṭhasu lobhasahagatacittesu taṇhādiṭṭhikappā gahitā, anusetīti dvādasannaṃ cetanānaṃ sahajātakoṭiyā ceva upanissayakoṭiyā ca anusayo gahito. Ārammaṇametaṃ hotīti (cetanādidhammajāte sati kammaviññāṇassa uppattiyā avāritattā) etaṃ cetanādidhammajātaṃ paccayo hoti. Paccayo hi idha ārammaṇanti adhippetā. Viññāṇassa ṭhitiyāti kammaviññāṇassa ṭhitatthaṃ. Ārammaṇe satīti tasmiṃ paccaye sati. Patiṭṭhā viññāṇassa hotīti tassa kammaviññāṇassa patiṭṭhā hoti. Tasmiṃ patiṭṭhite viññāṇeti tasmiṃ kammaviññāṇe patiṭṭhite. Virūḷheti kammaṃ javāpetvā paṭisandhiākaḍḍhanasamatthatāya nibbattamūle jāte. Punabbhavābhinibbattīti punabbhavasaṅkhātā abhinibbatti.
ਨੋ ਚੇ, ਭਿਕ੍ਖવੇ, ਚੇਤੇਤੀਤਿ ਇਮਿਨਾ ਤੇਭੂਮਕਚੇਤਨਾਯ ਅਪ੍ਪવਤ੍ਤਨਕ੍ਖਣੋ વੁਤ੍ਤੋ। ਨੋ ਚੇ ਪਕਪ੍ਪੇਤੀਤਿ ਇਮਿਨਾ ਤਣ੍ਹਾਦਿਟ੍ਠਿਕਪ੍ਪਾਨਂ ਅਪ੍ਪવਤ੍ਤਨਕ੍ਖਣੋ। ਅਥ ਚੇ ਅਨੁਸੇਤੀਤਿ ਇਮਿਨਾ ਤੇਭੂਮਕવਿਪਾਕੇਸੁ ਪਰਿਤ੍ਤਕਿਰਿਯਾਸੁ ਰੂਪੇਤਿ ਏਤ੍ਥ ਅਪ੍ਪਹੀਨਕੋਟਿਯਾ ਅਨੁਸਯੋ ਗਹਿਤੋ। ਆਰਮ੍ਮਣਮੇਤਂ ਹੋਤੀਤਿ ਅਨੁਸਯੇ ਸਤਿ ਕਮ੍ਮવਿਞ੍ਞਾਣਸ੍ਸ ਉਪ੍ਪਤ੍ਤਿਯਾ ਅવਾਰਿਤਤ੍ਤਾ ਏਤਂ ਅਨੁਸਯਜਾਤਂ ਪਚ੍ਚਯੋવ ਹੋਤਿ।
Noce, bhikkhave, cetetīti iminā tebhūmakacetanāya appavattanakkhaṇo vutto. No ce pakappetīti iminā taṇhādiṭṭhikappānaṃ appavattanakkhaṇo. Atha ce anusetīti iminā tebhūmakavipākesu parittakiriyāsu rūpeti ettha appahīnakoṭiyā anusayo gahito. Ārammaṇametaṃhotīti anusaye sati kammaviññāṇassa uppattiyā avāritattā etaṃ anusayajātaṃ paccayova hoti.
ਨੋ ਚੇવ ਚੇਤੇਤੀਤਿਆਦੀਸੁ ਪਠਮਪਦੇ ਤੇਭੂਮਕਕੁਸਲਾਕੁਸਲਚੇਤਨਾ ਨਿવਤ੍ਤਾ, ਦੁਤਿਯਪਦੇ ਅਟ੍ਠਸੁ ਚਿਤ੍ਤੇਸੁ ਤਣ੍ਹਾਦਿਟ੍ਠਿਯੋ, ਤਤਿਯਪਦੇ વੁਤ੍ਤਪ੍ਪਕਾਰੇਸੁ ਧਮ੍ਮੇਸੁ ਯੋ ਅਪ੍ਪਹੀਨਕੋਟਿਯਾ ਅਨੁਸਯਿਤੋ ਅਨੁਸਯੋ, ਸੋ ਨਿવਤ੍ਤੋ।
No ceva cetetītiādīsu paṭhamapade tebhūmakakusalākusalacetanā nivattā, dutiyapade aṭṭhasu cittesu taṇhādiṭṭhiyo, tatiyapade vuttappakāresu dhammesu yo appahīnakoṭiyā anusayito anusayo, so nivatto.
ਅਪਿਚੇਤ੍ਥ ਅਸਮ੍ਮੋਹਤ੍ਥਂ ਚੇਤੇਤਿ ਪਕਪ੍ਪੇਤਿ ਅਨੁਸੇਤਿ, ਚੇਤੇਤਿ ਨ ਪਕਪ੍ਪੇਤਿ ਅਨੁਸੇਤਿ, ਨ ਚੇਤੇਤਿ ਨ ਪਕਪ੍ਪੇਤਿ ਅਨੁਸੇਤਿ, ਨ ਚੇਤੇਤਿ ਨ ਪਕਪ੍ਪੇਤਿ ਨ ਅਨੁਸੇਤੀਤਿ ਇਦਮ੍ਪਿ ਚਤੁਕ੍ਕਂ વੇਦਿਤਬ੍ਬਂ। ਤਤ੍ਥ ਪਠਮਨਯੇ ਧਮ੍ਮਪਰਿਚ੍ਛੇਦੋ ਦਸ੍ਸਿਤੋ। ਦੁਤਿਯਨਯੇ ਚੇਤੇਤੀਤਿ ਤੇਭੂਮਕਕੁਸਲਚੇਤਨਾ ਚੇવ ਚਤਸ੍ਸੋ ਚ ਅਕੁਸਲਚੇਤਨਾ ਗਹਿਤਾ। ਨ ਪਕਪ੍ਪੇਤੀਤਿ ਅਟ੍ਠਸੁ ਚਿਤ੍ਤੇਸੁ ਤਣ੍ਹਾਦਿਟ੍ਠਿਯੋ ਨਿવਤ੍ਤਾ। ਅਨੁਸੇਤੀਤਿ ਤੇਭੂਮਕਕੁਸਲੇ ਉਪਨਿਸ੍ਸਯਕੋਟਿਯਾ, ਚਤੂਸੁ ਅਕੁਸਲਚੇਤਨਾਸੁ ਸਹਜਾਤਕੋਟਿਯਾ ਚੇવ ਉਪਨਿਸ੍ਸਯਕੋਟਿਯਾ ਚ ਅਨੁਸਯੋ ਗਹਿਤੋ। ਤਤਿਯਨਯੇ ਨ ਚੇਤੇਤੀਤਿ ਤੇਭੂਮਕਕੁਸਲਾਕੁਸਲਂ ਨਿવਤ੍ਤਂ, ਨ ਪਕਪ੍ਪੇਤੀਤਿ ਅਟ੍ਠਸੁ ਚਿਤ੍ਤੇਸੁ ਤਣ੍ਹਾਦਿਟ੍ਠਿਯੋ ਨਿવਤ੍ਤਾ, ਅਨੁਸੇਤੀਤਿ ਸੁਤ੍ਤੇ ਆਗਤਂ વਾਰੇਤ੍વਾ ਤੇਭੂਮਕਕੁਸਲਾਕੁਸਲવਿਪਾਕਕਿਰਿਯਾਰੂਪੇਸੁ ਅਪ੍ਪਹੀਨਕੋਟਿਯਾ ਉਪਨਿਸ੍ਸਯੋ ਗਹਿਤੋ। ਚਤੁਤ੍ਥਨਯੋ ਪੁਰਿਮਸਦਿਸੋવ।
Apicettha asammohatthaṃ ceteti pakappeti anuseti, ceteti na pakappeti anuseti, na ceteti na pakappeti anuseti, na ceteti na pakappeti na anusetīti idampi catukkaṃ veditabbaṃ. Tattha paṭhamanaye dhammaparicchedo dassito. Dutiyanaye cetetīti tebhūmakakusalacetanā ceva catasso ca akusalacetanā gahitā. Na pakappetīti aṭṭhasu cittesu taṇhādiṭṭhiyo nivattā. Anusetīti tebhūmakakusale upanissayakoṭiyā, catūsu akusalacetanāsu sahajātakoṭiyā ceva upanissayakoṭiyā ca anusayo gahito. Tatiyanaye na cetetīti tebhūmakakusalākusalaṃ nivattaṃ, na pakappetīti aṭṭhasu cittesu taṇhādiṭṭhiyo nivattā, anusetīti sutte āgataṃ vāretvā tebhūmakakusalākusalavipākakiriyārūpesu appahīnakoṭiyā upanissayo gahito. Catutthanayo purimasadisova.
ਤਦਪ੍ਪਤਿਟ੍ਠਿਤੇਤਿ ਤਸ੍ਮਿਂ ਅਪ੍ਪਤਿਟ੍ਠਿਤੇ। ਅવਿਰੂਲ਼੍ਹੇਤਿ ਕਮ੍ਮਂ ਜવਾਪੇਤ੍વਾ ਪਟਿਸਨ੍ਧਿਆਕਡ੍ਢਨਸਮਤ੍ਥਤਾਯ ਅਨਿਬ੍ਬਤ੍ਤਮੂਲੇ। ਏਤ੍ਥ ਪਨ ਕਿਂ ਕਥਿਤਨ੍ਤਿ? ਅਰਹਤ੍ਤਮਗ੍ਗਸ੍ਸ ਕਿਚ੍ਚਂ, ਖੀਣਾਸવਸ੍ਸ ਕਿਚ੍ਚਕਰਣਨ੍ਤਿਪਿ ਨવਲੋਕੁਤ੍ਤਰਧਮ੍ਮਾਤਿਪਿ વਤ੍ਤੁਂ વਟ੍ਟਤਿ। ਏਤ੍ਥ ਚ વਿਞ੍ਞਾਣਸ੍ਸ ਚੇવ ਆਯਤਿਂ ਪੁਨਬ੍ਭવਸ੍ਸ ਚ ਅਨ੍ਤਰੇ ਏਕੋ ਸਨ੍ਧਿ, વੇਦਨਾਤਣ੍ਹਾਨਮਨ੍ਤਰੇ ਏਕੋ, ਭવਜਾਤੀਨਮਨ੍ਤਰੇ ਏਕੋਤਿ। ਅਟ੍ਠਮਂ।
Tadappatiṭṭhiteti tasmiṃ appatiṭṭhite. Avirūḷheti kammaṃ javāpetvā paṭisandhiākaḍḍhanasamatthatāya anibbattamūle. Ettha pana kiṃ kathitanti? Arahattamaggassa kiccaṃ, khīṇāsavassa kiccakaraṇantipi navalokuttaradhammātipi vattuṃ vaṭṭati. Ettha ca viññāṇassa ceva āyatiṃ punabbhavassa ca antare eko sandhi, vedanātaṇhānamantare eko, bhavajātīnamantare ekoti. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਚੇਤਨਾਸੁਤ੍ਤਂ • 8. Cetanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਚੇਤਨਾਸੁਤ੍ਤવਣ੍ਣਨਾ • 8. Cetanāsuttavaṇṇanā
