| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၃. စေတသိကကထာဝဏ္ဏနာ
3. Cetasikakathāvaṇṇanā
၄၇၅-၄၇၇. ဣဒာနိ စေတသိကကထာ နာမ ဟောတိ။ တတ္ထ ယသ္မာ ဖသ္သိကာဒယော နာမ နတ္ထိ, တသ္မာ ‘‘စေတသိကေနာပိ န ဘဝိတဗ္ဗံ, ဣတိ နတ္ထိ စေတသိကော ဓမ္မော’’တိ ယေသံ လဒ္ဓိ, သေယ္ယထာပိ ရာဇဂိရိကသိဒ္ဓတ္ထိကာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ သဟဇာတောတိ သမ္ပယုတ္တသဟဇာတံ သန္ဓာယ ဝုတ္တံ။ ဖသ္သိကာတိ တာဒိသံ ဝောဟာရံ အပသ္သန္တသ္သ ပုစ္ဆာ ပရဝာဒိသ္သ။ ကိံ ဝောဟာရေန, ယထာ စိတ္တနိသ္သိတကောတိ စေတသိကော, ဧဝံ သောပိ ဖသ္သနိသ္သိတတ္တာ ဖသ္သိကောတိ ဝုတ္တေ ဒောသော နတ္ထီတိ ပဋိညာ သကဝာဒိသ္သ။ သေသံ ဥတ္တာနတ္ထမေဝာတိ။
475-477. Idāni cetasikakathā nāma hoti. Tattha yasmā phassikādayo nāma natthi, tasmā ‘‘cetasikenāpi na bhavitabbaṃ, iti natthi cetasiko dhammo’’ti yesaṃ laddhi, seyyathāpi rājagirikasiddhatthikānaṃ; te sandhāya pucchā sakavādissa, paṭiññā itarassa. Sahajātoti sampayuttasahajātaṃ sandhāya vuttaṃ. Phassikāti tādisaṃ vohāraṃ apassantassa pucchā paravādissa. Kiṃ vohārena, yathā cittanissitakoti cetasiko, evaṃ sopi phassanissitattā phassikoti vutte doso natthīti paṭiññā sakavādissa. Sesaṃ uttānatthamevāti.
စေတသိကကထာဝဏ္ဏနာ။
Cetasikakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၆၅) ၃. စေတသိကကထာ • (65) 3. Cetasikakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၃. စေတသိကကထာဝဏ္ဏနာ • 3. Cetasikakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၃. စေတသိကကထာဝဏ္ဏနာ • 3. Cetasikakathāvaṇṇanā
