| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. жзд̇асовиниб̣анд̇хасуд̇д̇ам̣
10. Cetasovinibandhasuttaṃ
72. ‘‘бан̃жимз , бхигкавз, жзд̇асовиниб̣анд̇хаа 1. гад̇амз бан̃жа? ид̇ха, бхигкавз, бхигку гаамзсу авийд̇арааг̇о ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо. яо со, бхигкавз, бхигку гаамзсу авийд̇арааг̇о ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, аяам̣ батамо жзд̇асовиниб̣анд̇хо.
72. ‘‘Pañcime , bhikkhave, cetasovinibandhā 2. Katame pañca? Idha, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho. Yo so, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, ayaṃ paṭhamo cetasovinibandho.
‘‘буна жабарам̣, бхигкавз, бхигку гааяз авийд̇арааг̇о ход̇и…бз… руубз авийд̇арааг̇о ход̇и… яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и … ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и. яо со, бхигкавз, бхигку ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и, д̇асса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа. яасса жид̇д̇ам̣ на намад̇и аад̇аббааяа ануяог̇ааяа саад̇ажжааяа бад̇хаанааяа, аяам̣ бан̃жамо жзд̇асовиниб̣анд̇хо. имз ко, бхигкавз, бан̃жа жзд̇асовиниб̣анд̇хаа.
‘‘Puna caparaṃ, bhikkhave, bhikkhu kāye avītarāgo hoti…pe… rūpe avītarāgo hoti… yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati … aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti. Yo so, bhikkhave, bhikkhu aññataraṃ devanikāyaṃ paṇidhāya brahmacariyaṃ carati – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti, tassa cittaṃ na namati ātappāya anuyogāya sātaccāya padhānāya. Yassa cittaṃ na namati ātappāya anuyogāya sātaccāya padhānāya, ayaṃ pañcamo cetasovinibandho. Ime kho, bhikkhave, pañca cetasovinibandhā.
‘‘имзсам̣ ко, бхигкавз, бан̃жаннам̣ жзд̇асовиниб̣анд̇хаанам̣ бахаанааяа жад̇д̇ааро сад̇ибадтаанаа бхаавзд̇аб̣б̣аа. гад̇амз жад̇д̇ааро? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. имзсам̣ ко, бхигкавз, бан̃жаннам̣ жзд̇асовиниб̣анд̇хаанам̣ бахаанааяа имз жад̇д̇ааро сад̇ибадтаанаа бхаавзд̇аб̣б̣аа’’д̇и. д̣̇асамам̣.
‘‘Imesaṃ kho, bhikkhave, pañcannaṃ cetasovinibandhānaṃ pahānāya cattāro satipaṭṭhānā bhāvetabbā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Imesaṃ kho, bhikkhave, pañcannaṃ cetasovinibandhānaṃ pahānāya ime cattāro satipaṭṭhānā bhāvetabbā’’ti. Dasamaṃ.
сад̇ибадтаанаваг̇г̇о д̣̇уд̇ияо.
Satipaṭṭhānavaggo dutiyo.
д̇ассуд̣̇д̣̇аанам̣ –
Tassuddānaṃ –
сигкаа нийваран̣аагаамаа, канд̇хаа жа орамбхааг̇ияаа г̇ад̇и;
Sikkhā nīvaraṇākāmā, khandhā ca orambhāgiyā gati;
мажчзрам̣ уд̣̇д̇хамбхааг̇ияаа адтамам̣, жзд̇окилаа виниб̣анд̇хаад̇и.
Maccheraṃ uddhambhāgiyā aṭṭhamaṃ, cetokhilā vinibandhāti.
Footnotes:
