| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. ចេតសោវិនិពន្ធសុត្តំ
10. Cetasovinibandhasuttaṃ
៩២. ‘‘បញ្ចិមេ , ភិក្ខវេ, ចេតសោវិនិពន្ធា។ កតមេ បញ្ច? ឥធ, ភិក្ខវេ, ភិក្ខុ កាមេសុ អវីតរាគោ ហោតិ…បេ.… ឥមេ ខោ, ភិក្ខវេ, បញ្ច ចេតសោវិនិពន្ធា។
92. ‘‘Pañcime , bhikkhave, cetasovinibandhā. Katame pañca? Idha, bhikkhave, bhikkhu kāmesu avītarāgo hoti…pe… ime kho, bhikkhave, pañca cetasovinibandhā.
‘‘ឥមេសំ ខោ, ភិក្ខវេ, បញ្ចន្នំ ចេតសោវិនិពន្ធានំ បហានាយ ឥមេ ចត្តារោ ឥទ្ធិបាទា ភាវេតព្ពា។ កតមេ ចត្តារោ? ឥធ, ភិក្ខវេ, ភិក្ខុ ឆន្ទសមាធិបធានសង្ខារសមន្នាគតំ ឥទ្ធិបាទំ ភាវេតិ, វីរិយសមាធិ… ចិត្តសមាធិ… វីមំសាសមាធិបធានសង្ខារសមន្នាគតំ ឥទ្ធិបាទំ ភាវេតិ។ ឥមេសំ ខោ, ភិក្ខវេ, បញ្ចន្នំ ចេតសោវិនិពន្ធានំ បហានាយ ឥមេ ចត្តារោ ឥទ្ធិបាទា ភាវេតព្ពា’’តិ។ ទសមំ។
‘‘Imesaṃ kho, bhikkhave, pañcannaṃ cetasovinibandhānaṃ pahānāya ime cattāro iddhipādā bhāvetabbā. Katame cattāro? Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhi… cittasamādhi… vīmaṃsāsamādhipadhānasaṅkhārasamannāgataṃ iddhipādaṃ bhāveti. Imesaṃ kho, bhikkhave, pañcannaṃ cetasovinibandhānaṃ pahānāya ime cattāro iddhipādā bhāvetabbā’’ti. Dasamaṃ.
ឥទ្ធិបាទវគ្គោ ចតុត្ថោ។
Iddhipādavaggo catuttho.
យថេវ សតិបដ្ឋានា, បធានា ចតុរោបិ ច;
Yatheva satipaṭṭhānā, padhānā caturopi ca;
ចត្តារោ ឥទ្ធិបាទា ច, តថេវ សម្បយោជយេតិ។
Cattāro iddhipādā ca, tatheva sampayojayeti.
