| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. စေတသောဝိနိဗန္ဓသုတ္တံ
10. Cetasovinibandhasuttaṃ
၉၂. ‘‘ပဉ္စိမေ , ဘိက္ခဝေ, စေတသောဝိနိဗန္ဓာ။ ကတမေ ပဉ္စ? ဣဓ, ဘိက္ခဝေ, ဘိက္ခု ကာမေသု အဝီတရာဂော ဟောတိ။ပေ.။ ဣမေ ခော, ဘိက္ခဝေ, ပဉ္စ စေတသောဝိနိဗန္ဓာ။
92. ‘‘Pañcime , bhikkhave, cetasovinibandhā. Katame pañca? Idha, bhikkhave, bhikkhu kāmesu avītarāgo hoti…pe… ime kho, bhikkhave, pañca cetasovinibandhā.
‘‘ဣမေသံ ခော, ဘိက္ခဝေ, ပဉ္စန္နံ စေတသောဝိနိဗန္ဓာနံ ပဟာနာယ ဣမေ စတ္တာရော ဣဒ္ဓိပာဒာ ဘာဝေတဗ္ဗာ။ ကတမေ စတ္တာရော? ဣဓ, ဘိက္ခဝေ, ဘိက္ခု ဆန္ဒသမာဓိပဓာနသင္ခာရသမန္နာဂတံ ဣဒ္ဓိပာဒံ ဘာဝေတိ, ဝီရိယသမာဓိ။ စိတ္တသမာဓိ။ ဝီမံသာသမာဓိပဓာနသင္ခာရသမန္နာဂတံ ဣဒ္ဓိပာဒံ ဘာဝေတိ။ ဣမေသံ ခော, ဘိက္ခဝေ, ပဉ္စန္နံ စေတသောဝိနိဗန္ဓာနံ ပဟာနာယ ဣမေ စတ္တာရော ဣဒ္ဓိပာဒာ ဘာဝေတဗ္ဗာ’’တိ။ ဒသမံ။
‘‘Imesaṃ kho, bhikkhave, pañcannaṃ cetasovinibandhānaṃ pahānāya ime cattāro iddhipādā bhāvetabbā. Katame cattāro? Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhi… cittasamādhi… vīmaṃsāsamādhipadhānasaṅkhārasamannāgataṃ iddhipādaṃ bhāveti. Imesaṃ kho, bhikkhave, pañcannaṃ cetasovinibandhānaṃ pahānāya ime cattāro iddhipādā bhāvetabbā’’ti. Dasamaṃ.
ဣဒ္ဓိပာဒဝဂ္ဂော စတုတ္ထော။
Iddhipādavaggo catuttho.
ယထေဝ သတိပဋ္ဌာနာ၊ ပဓာနာ စတုရောပိ စ။
Yatheva satipaṭṭhānā, padhānā caturopi ca;
စတ္တာရော ဣဒ္ဓိပာဒာ စ၊ တထေဝ သမ္ပယောဇယေတိ။
Cattāro iddhipādā ca, tatheva sampayojayeti.
