| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[422] 6. жзд̇ияаж̇аад̇агаван̣н̣анаа
[422] 6. Cetiyajātakavaṇṇanā
д̇хаммо хавз хад̇о ханд̇ийд̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇асса бат̇авибавзсанам̣ аараб̣бха гат̇зси. д̇асмин̃хи д̣̇ивасз бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇о мусааваад̣̇ам̣ гад̇ваа бат̇авим̣ бавидто авийжибарааяан̣о ж̇аад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби бат̇авим̣ бавидтоязваа’’д̇и вад̇ваа ад̇ийд̇ам̣ аахари.
Dhammo have hato hantīti idaṃ satthā jetavane viharanto devadattassa pathavipavesanaṃ ārabbha kathesi. Tasmiñhi divase bhikkhū dhammasabhāyaṃ kathaṃ samuṭṭhāpesuṃ ‘‘āvuso, devadatto musāvādaṃ katvā pathaviṃ paviṭṭho avīciparāyaṇo jāto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi pathaviṃ paviṭṭhoyevā’’ti vatvā atītaṃ āhari.
ад̇ийд̇з батамагаббз махаасаммад̇о наама рааж̇аа асан̇кязяяааяуго ахоси. д̇асса буд̇д̇о рож̇о наама, д̇асса буд̇д̇о варарож̇о наама, д̇асса буд̇д̇о галяаан̣о наама, галяаан̣асса буд̇д̇о варагаляаан̣о наама, варагаляаан̣асса буд̇д̇о убосат̇о наама, убосат̇асса буд̇д̇о вараубосат̇о наама, вараубосат̇асса буд̇д̇о манд̇хаад̇аа наама, манд̇хаад̇усса буд̇д̇о вараманд̇хаад̇аа наама, вараманд̇хаад̇усса буд̇д̇о варо наама, варасса буд̇д̇о убаваро наама ахоси, убариварод̇иби д̇ассзва наамам̣. со жзд̇ияарадтз сод̇т̇ияанаг̇арз раж̇ж̇ам̣ гаарзси, жад̇уухи рааж̇ид̣̇д̇хийхи саманнааг̇ад̇о ахоси убарижаро аагаасаг̇аамий, жад̇д̇ааро нам̣ д̣̇звабуд̇д̇аа жад̇уусу д̣̇исаасу каг̇г̇ахад̇т̇аа рагканд̇и, гааяад̇о жанд̣̇анаг̇анд̇хо вааяад̇и, мукад̇о уббалаг̇анд̇хо. д̇асса габило наама б̣раахман̣о бурохид̇о ахоси. габилаб̣раахман̣асса бана ганидто горагаламб̣о наама ран̃н̃аа сад̣̇д̇хим̣ згаажарияагулз уг̇г̇ахид̇асиббо б̣ааласахааяо. со д̇асса гумаарагаалзязва ‘‘ахам̣ раж̇ж̇ам̣ бад̇ваа д̇уяхам̣ бурохид̇адтаанам̣ д̣̇ассаамий’’д̇и бадиж̇аани. со раж̇ж̇ам̣ бад̇ваа бид̇у бурохид̇ам̣ габилаб̣раахман̣ам̣ бурохид̇адтаанад̇о жаавзд̇ум̣ наасагки. бурохид̇з бана ад̇д̇ано убадтаанам̣ ааг̇ажчанд̇з д̇асмим̣ г̇ааравзна абажид̇аагаарам̣ д̣̇ассзси. б̣раахман̣о д̇ам̣ саллагкзд̇ваа ‘‘раж̇ж̇ам̣ наама самаваязхи сад̣̇д̇хим̣ субарихаарам̣ ход̇и, ахам̣ рааж̇аанам̣ аабужчид̇ваа баб̣б̣аж̇иссаамий’’д̇и жинд̇зд̇ваа ‘‘д̣̇зва, ахам̣ махаллаго, г̇зхз гумаараго ад̇т̇и, д̇ам̣ бурохид̇ам̣ гарохи, ахам̣ баб̣б̣аж̇иссаамий’’д̇и рааж̇аанам̣ ануж̇аанаабзд̇ваа буд̇д̇ам̣ бурохид̇адтаанз табаабзд̇ваа рааж̇уяяаанам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа буд̇д̇ам̣ ниссааяа д̇ад̇т̇зва ваасам̣ габбзси.
Atīte paṭhamakappe mahāsammato nāma rājā asaṅkhyeyyāyuko ahosi. Tassa putto rojo nāma, tassa putto vararojo nāma, tassa putto kalyāṇo nāma, kalyāṇassa putto varakalyāṇo nāma, varakalyāṇassa putto uposatho nāma, uposathassa putto varauposatho nāma, varauposathassa putto mandhātā nāma, mandhātussa putto varamandhātā nāma, varamandhātussa putto varo nāma, varassa putto upavaro nāma ahosi, uparivarotipi tasseva nāmaṃ. So cetiyaraṭṭhe sotthiyanagare rajjaṃ kāresi, catūhi rājiddhīhi samannāgato ahosi uparicaro ākāsagāmī, cattāro naṃ devaputtā catūsu disāsu khaggahatthā rakkhanti, kāyato candanagandho vāyati, mukhato uppalagandho. Tassa kapilo nāma brāhmaṇo purohito ahosi. Kapilabrāhmaṇassa pana kaniṭṭho korakalambo nāma raññā saddhiṃ ekācariyakule uggahitasippo bālasahāyo. So tassa kumārakāleyeva ‘‘ahaṃ rajjaṃ patvā tuyhaṃ purohitaṭṭhānaṃ dassāmī’’ti paṭijāni. So rajjaṃ patvā pitu purohitaṃ kapilabrāhmaṇaṃ purohitaṭṭhānato cāvetuṃ nāsakkhi. Purohite pana attano upaṭṭhānaṃ āgacchante tasmiṃ gāravena apacitākāraṃ dassesi. Brāhmaṇo taṃ sallakkhetvā ‘‘rajjaṃ nāma samavayehi saddhiṃ suparihāraṃ hoti, ahaṃ rājānaṃ āpucchitvā pabbajissāmī’’ti cintetvā ‘‘deva, ahaṃ mahallako, gehe kumārako atthi, taṃ purohitaṃ karohi, ahaṃ pabbajissāmī’’ti rājānaṃ anujānāpetvā puttaṃ purohitaṭṭhāne ṭhapāpetvā rājuyyānaṃ pavisitvā isipabbajjaṃ pabbajitvā jhānābhiññāyo nibbattetvā puttaṃ nissāya tattheva vāsaṃ kappesi.
горагаламб̣о ‘‘аяам̣ баб̣б̣аж̇анд̇оби на маяхам̣ таананд̇арам̣ д̣̇аабзсий’’д̇и бхаад̇ари аагхаад̇ам̣ б̣анд̇хид̇ваа згад̣̇ивасам̣ сукагат̇ааяа нисиннасамаяз ран̃н̃аа ‘‘горагаламб̣а гим̣ д̇вам̣ бурохид̇адтаанам̣ на гаросий’’д̇и вуд̇д̇з ‘‘аама, д̣̇зва, на гароми, бхаад̇аа мз гарод̇ий’’д̇и ааха. ‘‘нану д̇з бхаад̇аа баб̣б̣аж̇ид̇о’’д̇и? ‘‘аама баб̣б̣аж̇ид̇о, таананд̇арам̣ бана буд̇д̇асса д̣̇аабзсий’’д̇и. ‘‘д̇зна хи д̇вам̣ гарохий’’д̇и? ‘‘д̣̇зва, бавзн̣ияаа ааг̇ад̇ам̣ таананд̇арам̣ мама бхаад̇арам̣ абанзд̇ваа на саггаа маяаа гаад̇у’’нд̇и. ‘‘звам̣ санд̇з ахам̣ д̇ам̣ махаллагам̣ гад̇ваа бхаад̇арам̣ д̇з ганидтам̣ гариссаамий’’д̇и. ‘‘гат̇ам̣, д̣̇зваа’’д̇и? ‘‘мусааваад̣̇ам̣ гад̇ваа’’д̇и. ‘‘гим̣ д̣̇зва, на ж̇аанаат̇а, яад̣̇аа мама бхаад̇аа маханд̇зна аб̣бхуд̇ад̇хаммзна саманнааг̇ад̇о виж̇ж̇аад̇харо, со аб̣бхуд̇ад̇хаммзна д̇умхз ван̃жзссад̇и, жад̇д̇ааро д̣̇звабуд̇д̇з анд̇арахид̇з вияа гариссад̇и, гааяад̇о жа мукад̇о жа суг̇анд̇хам̣ д̣̇уг̇г̇анд̇хам̣ вияа гариссад̇и, д̇умхз аагаасаа од̇аарзд̇ваа бхуумияам̣ тид̇з вияа гариссад̇и, д̇умхз бат̇авим̣ бависанд̇аа вияа бхависсат̇а, д̇ад̣̇аа д̇умхаагам̣ гат̇ааяа бад̇идтаад̇ум̣ на сагкиссат̇аа’’д̇и. ‘‘д̇вам̣ звам̣ сан̃н̃ам̣ маа гари, ахам̣ гаад̇ум̣ сагкиссаамий’’д̇и. ‘‘гад̣̇аа гариссат̇а, д̣̇зваа’’д̇и? ‘‘ид̇о сад̇д̇амз д̣̇ивасз’’д̇и. саа гат̇аа сагаланаг̇арз баагадаа ахоси. ‘‘рааж̇аа гира мусааваад̣̇ам̣ гад̇ваа махаллагам̣ куд̣̇д̣̇агам̣, куд̣̇д̣̇агам̣ махаллагам̣ гариссад̇и, таананд̇арам̣ куд̣̇д̣̇агасса д̣̇аабзссад̇и, гийд̣̇исо ну ко мусааваад̣̇о наама, гим̣ нийлаго, уд̣̇ааху бийд̇агаад̣̇ийсу ан̃н̃ад̇араван̣н̣о’’д̇и звам̣ махааж̇анасса вид̇агго уд̣̇абаад̣̇и . д̇ад̣̇аа гира логасса сажжаваад̣̇ийгаало, ‘‘мусааваад̣̇о наама зваруубо’’д̇и на ж̇аананд̇и.
Korakalambo ‘‘ayaṃ pabbajantopi na mayhaṃ ṭhānantaraṃ dāpesī’’ti bhātari āghātaṃ bandhitvā ekadivasaṃ sukhakathāya nisinnasamaye raññā ‘‘korakalamba kiṃ tvaṃ purohitaṭṭhānaṃ na karosī’’ti vutte ‘‘āma, deva, na karomi, bhātā me karotī’’ti āha. ‘‘Nanu te bhātā pabbajito’’ti? ‘‘Āma pabbajito, ṭhānantaraṃ pana puttassa dāpesī’’ti. ‘‘Tena hi tvaṃ karohī’’ti? ‘‘Deva, paveṇiyā āgataṃ ṭhānantaraṃ mama bhātaraṃ apanetvā na sakkā mayā kātu’’nti. ‘‘Evaṃ sante ahaṃ taṃ mahallakaṃ katvā bhātaraṃ te kaniṭṭhaṃ karissāmī’’ti. ‘‘Kathaṃ, devā’’ti? ‘‘Musāvādaṃ katvā’’ti. ‘‘Kiṃ deva, na jānātha, yadā mama bhātā mahantena abbhutadhammena samannāgato vijjādharo, so abbhutadhammena tumhe vañcessati, cattāro devaputte antarahite viya karissati, kāyato ca mukhato ca sugandhaṃ duggandhaṃ viya karissati, tumhe ākāsā otāretvā bhūmiyaṃ ṭhite viya karissati, tumhe pathaviṃ pavisantā viya bhavissatha, tadā tumhākaṃ kathāya patiṭṭhātuṃ na sakkhissathā’’ti. ‘‘Tvaṃ evaṃ saññaṃ mā kari, ahaṃ kātuṃ sakkhissāmī’’ti. ‘‘Kadā karissatha, devā’’ti? ‘‘Ito sattame divase’’ti. Sā kathā sakalanagare pākaṭā ahosi. ‘‘Rājā kira musāvādaṃ katvā mahallakaṃ khuddakaṃ, khuddakaṃ mahallakaṃ karissati, ṭhānantaraṃ khuddakassa dāpessati, kīdiso nu kho musāvādo nāma, kiṃ nīlako, udāhu pītakādīsu aññataravaṇṇo’’ti evaṃ mahājanassa vitakko udapādi . Tadā kira lokassa saccavādīkālo, ‘‘musāvādo nāma evarūpo’’ti na jānanti.
бурохид̇абуд̇д̇оби д̇ам̣ гат̇ам̣ суд̇ваа бид̇у санд̇игам̣ г̇анд̇ваа гат̇зси ‘‘д̇аад̇а, рааж̇аа гира мусааваад̣̇ам̣ гад̇ваа д̇умхз куд̣̇д̣̇агз гад̇ваа амхаагам̣ таананд̇арам̣ мама жуул̣абид̇усса д̣̇ассад̇ий’’д̇и. ‘‘д̇аад̇а, рааж̇аа мусааваад̣̇ам̣ гад̇вааби амхаагам̣ таананд̇арам̣ харид̇ум̣ на сагкиссад̇и. гад̇арад̣̇ивасз бана гариссад̇ий’’д̇и? ‘‘ид̇о гира сад̇д̇амз д̣̇ивасз’’д̇и. ‘‘д̇зна хи д̇ад̣̇аа маяхам̣ аарожзяяаасий’’д̇и. сад̇д̇амз д̣̇ивасз махааж̇анаа ‘‘мусааваад̣̇ам̣ бассиссаамаа’’д̇и рааж̇ан̇г̇ан̣з саннибад̇ид̇ваа ман̃жаад̇иман̃жз б̣анд̇хид̇ваа адтам̣су. гумааро г̇анд̇ваа бид̇у аарожзси. рааж̇аа алан̇гад̇абадияад̇д̇о нигкамма махааж̇анамаж̇жхз рааж̇ан̇г̇ан̣з аагаасз адтааси. д̇аабасо аагаасзнааг̇анд̇ваа ран̃н̃о бурад̇о нисийд̣̇анажаммам̣ ад̇т̇арид̇ваа аагаасз баллан̇гзна нисийд̣̇ид̇ваа ‘‘сажжам̣ гира д̇вам̣ махаарааж̇а, мусааваад̣̇ам̣ гад̇ваа куд̣̇д̣̇агам̣ махаллагам̣ гад̇ваа д̇асса таананд̇арам̣ д̣̇аад̇угаамосий’’д̇и? ‘‘аама аажарияа, звам̣ мз гат̇ид̇а’’нд̇и. ат̇а нам̣ со овад̣̇анд̇о ‘‘махаарааж̇а, мусааваад̣̇о наама бхаарияо г̇ун̣абарид̇хам̣саго жад̇уусу абааязсу ниб̣б̣ад̇д̇аабзд̇и. рааж̇аа наама мусааваад̣̇ам̣ гаронд̇о д̇хаммам̣ ханад̇и, со д̇хаммам̣ ханид̇ваа саяамзва хан̃н̃ад̇ий’’д̇и вад̇ваа батамам̣ г̇аат̇амааха –
Purohitaputtopi taṃ kathaṃ sutvā pitu santikaṃ gantvā kathesi ‘‘tāta, rājā kira musāvādaṃ katvā tumhe khuddake katvā amhākaṃ ṭhānantaraṃ mama cūḷapitussa dassatī’’ti. ‘‘Tāta, rājā musāvādaṃ katvāpi amhākaṃ ṭhānantaraṃ harituṃ na sakkhissati. Kataradivase pana karissatī’’ti? ‘‘Ito kira sattame divase’’ti. ‘‘Tena hi tadā mayhaṃ āroceyyāsī’’ti. Sattame divase mahājanā ‘‘musāvādaṃ passissāmā’’ti rājaṅgaṇe sannipatitvā mañcātimañce bandhitvā aṭṭhaṃsu. Kumāro gantvā pitu ārocesi. Rājā alaṅkatapaṭiyatto nikkhamma mahājanamajjhe rājaṅgaṇe ākāse aṭṭhāsi. Tāpaso ākāsenāgantvā rañño purato nisīdanacammaṃ attharitvā ākāse pallaṅkena nisīditvā ‘‘saccaṃ kira tvaṃ mahārāja, musāvādaṃ katvā khuddakaṃ mahallakaṃ katvā tassa ṭhānantaraṃ dātukāmosī’’ti? ‘‘Āma ācariya, evaṃ me kathita’’nti. Atha naṃ so ovadanto ‘‘mahārāja, musāvādo nāma bhāriyo guṇaparidhaṃsako catūsu apāyesu nibbattāpeti. Rājā nāma musāvādaṃ karonto dhammaṃ hanati, so dhammaṃ hanitvā sayameva haññatī’’ti vatvā paṭhamaṃ gāthamāha –
45.
45.
‘‘д̇хаммо хавз хад̇о ханд̇и, наахад̇о ханд̇и гин̃жанам̣;
‘‘Dhammo have hato hanti, nāhato hanti kiñcanaṃ;
д̇асмаа хи д̇хаммам̣ на ханз, маа д̇вам̣ д̇хаммо хад̇о ханий’’д̇и.
Tasmā hi dhammaṃ na hane, mā tvaṃ dhammo hato hanī’’ti.
д̇ад̇т̇а д̇хаммод̇и ж̇здтаабажааяанад̇хаммо ид̇хаад̇хиббзд̇о.
Tattha dhammoti jeṭṭhāpacāyanadhammo idhādhippeto.
ат̇а нам̣ уд̇д̇ариби овад̣̇анд̇о ‘‘сажз, махаарааж̇а, мусааваад̣̇ам̣ гариссаси, жад̇ассо ид̣̇д̇хияо анд̇арад̇хааяиссанд̇ий’’д̇и вад̇ваа д̣̇уд̇ияам̣ г̇аат̇амааха –
Atha naṃ uttaripi ovadanto ‘‘sace, mahārāja, musāvādaṃ karissasi, catasso iddhiyo antaradhāyissantī’’ti vatvā dutiyaṃ gāthamāha –
46.
46.
‘‘алигам̣ бхаасамаанасса, абаггаманд̇и д̣̇звад̇аа;
‘‘Alikaṃ bhāsamānassa, apakkamanti devatā;
бууд̇иган̃жа мукам̣ ваад̇и, сагадтаанаа жа д̇хам̣сад̇и;
Pūtikañca mukhaṃ vāti, sakaṭṭhānā ca dhaṃsati;
яо ж̇аанам̣ бужчид̇о бан̃хам̣, ан̃н̃ат̇аа нам̣ вияаагарз’’д̇и.
Yo jānaṃ pucchito pañhaṃ, aññathā naṃ viyākare’’ti.
д̇ад̇т̇а абаггаманд̇и д̣̇звад̇аад̇и махаарааж̇а, сажз алигам̣ бхан̣иссаси, жад̇д̇ааро д̣̇звабуд̇д̇аа аарагкам̣ чад̣д̣зд̇ваа анд̇арад̇хааяиссанд̇ийд̇и ад̇хиббааязнзд̇ам̣ вад̣̇ад̇и. бууд̇иган̃жа мукам̣ ваад̇ийд̇и мукан̃жа д̇з гааяо жа убхо бууд̇иг̇анд̇хам̣ вааяиссанд̇ийд̇и санд̇хааяааха. сагадтаанаа жа д̇хам̣сад̇ийд̇и аагаасад̇о бхассид̇ваа бат̇авим̣ бависиссасийд̇и д̣̇ийбзнд̇о звамааха.
Tattha apakkamanti devatāti mahārāja, sace alikaṃ bhaṇissasi, cattāro devaputtā ārakkhaṃ chaḍḍetvā antaradhāyissantīti adhippāyenetaṃ vadati. Pūtikañca mukhaṃ vātīti mukhañca te kāyo ca ubho pūtigandhaṃ vāyissantīti sandhāyāha. Sakaṭṭhānā ca dhaṃsatīti ākāsato bhassitvā pathaviṃ pavisissasīti dīpento evamāha.
д̇ам̣ суд̇ваа рааж̇аа бхийд̇о горагаламб̣ам̣ ологзси. ат̇а нам̣ со ‘‘маа бхааяи, махаарааж̇а, нану маяаа батамамзва д̇умхаагам̣ зд̇ам̣ гат̇ид̇а’’нд̇и ааха. рааж̇аа габиласса важанам̣ суд̇вааби анаад̣̇ияид̇ваа ад̇д̇анаа гат̇ид̇амзва бурад̇о гаронд̇о ‘‘д̇вам̣си, бханд̇з, ганидто, горагаламб̣о ж̇здто’’д̇и ааха. ат̇асса саха мусааваад̣̇зна жад̇д̇ааро д̣̇звабуд̇д̇аа ‘‘д̇аад̣̇исасса мусааваад̣̇ино аарагкам̣ на г̇ан̣хиссаамаа’’д̇и каг̇г̇з баад̣̇амуулз чад̣д̣зд̇ваа анд̇арад̇хааяим̣су, мукам̣ бхиннагуггудан̣д̣абууд̇и вияа, гааяо вивадаважжагудий вияа д̣̇уг̇г̇анд̇хам̣ вааяи, аагаасад̇о бхассид̇ваа бат̇авияам̣ бад̇идтахи, жад̇ассоби ид̣̇д̇хияо барихааяим̣су. ат̇а нам̣ махаабурохид̇о ‘‘маа бхааяи, махаарааж̇а, сажз сажжам̣ бхан̣иссаси, саб̣б̣ам̣ д̇з баагад̇игам̣ гариссаамий’’д̇и вад̇ваа д̇ад̇ияам̣ г̇аат̇амааха –
Taṃ sutvā rājā bhīto korakalambaṃ olokesi. Atha naṃ so ‘‘mā bhāyi, mahārāja, nanu mayā paṭhamameva tumhākaṃ etaṃ kathita’’nti āha. Rājā kapilassa vacanaṃ sutvāpi anādiyitvā attanā kathitameva purato karonto ‘‘tvaṃsi, bhante, kaniṭṭho, korakalambo jeṭṭho’’ti āha. Athassa saha musāvādena cattāro devaputtā ‘‘tādisassa musāvādino ārakkhaṃ na gaṇhissāmā’’ti khagge pādamūle chaḍḍetvā antaradhāyiṃsu, mukhaṃ bhinnakukkuṭaṇḍapūti viya, kāyo vivaṭavaccakuṭī viya duggandhaṃ vāyi, ākāsato bhassitvā pathaviyaṃ patiṭṭhahi, catassopi iddhiyo parihāyiṃsu. Atha naṃ mahāpurohito ‘‘mā bhāyi, mahārāja, sace saccaṃ bhaṇissasi, sabbaṃ te pākatikaṃ karissāmī’’ti vatvā tatiyaṃ gāthamāha –
47.
47.
‘‘сажз хи сажжам̣ бхан̣аси, хохи рааж̇а яат̇аа бурз;
‘‘Sace hi saccaṃ bhaṇasi, hohi rāja yathā pure;
мусаа жз бхаасасз рааж̇а, бхуумияам̣ д̇идта жзд̇ияаа’’д̇и.
Musā ce bhāsase rāja, bhūmiyaṃ tiṭṭha cetiyā’’ti.
д̇ад̇т̇а бхуумияам̣ д̇идтаад̇и бхуумияам̣язва бад̇идта, буна аагаасам̣ лан̇гхид̇ум̣ на сагкиссасийд̇и ад̇т̇о.
Tattha bhūmiyaṃ tiṭṭhāti bhūmiyaṃyeva patiṭṭha, puna ākāsaṃ laṅghituṃ na sakkhissasīti attho.
со ‘‘басса, махаарааж̇а, батамам̣ мусааваад̣̇знзва д̇з жад̇ассо ид̣̇д̇хияо анд̇арахид̇аа, саллагкзхи, ид̣̇ааниби саггаа баагад̇игам̣ гаад̇у’’нд̇и вуд̇д̇оби ‘‘звам̣ вад̇ваа д̇умхз мам̣ ван̃жзд̇угаамаа’’д̇и д̣̇уд̇ияамби мусааваад̣̇ам̣ бхан̣ид̇ваа яаава г̇обпагаа бат̇авим̣ баависи. ат̇а нам̣ бунаби б̣раахман̣о ‘‘саллагкзхи, махаарааж̇а, ид̣̇ааниби саггаа баагад̇игам̣ гаад̇у’’нд̇и вад̇ваа жад̇уд̇т̇ам̣ г̇аат̇амааха –
So ‘‘passa, mahārāja, paṭhamaṃ musāvādeneva te catasso iddhiyo antarahitā, sallakkhehi, idānipi sakkā pākatikaṃ kātu’’nti vuttopi ‘‘evaṃ vatvā tumhe maṃ vañcetukāmā’’ti dutiyampi musāvādaṃ bhaṇitvā yāva gopphakā pathaviṃ pāvisi. Atha naṃ punapi brāhmaṇo ‘‘sallakkhehi, mahārāja, idānipi sakkā pākatikaṃ kātu’’nti vatvā catutthaṃ gāthamāha –
48.
48.
‘‘агаалз вассад̇ий д̇асса, гаалз д̇асса на вассад̇и;
‘‘Akāle vassatī tassa, kāle tassa na vassati;
яо ж̇аанам̣ бужчид̇о бан̃хам̣, ан̃н̃ат̇аа нам̣ вияаагарз’’д̇и.
Yo jānaṃ pucchito pañhaṃ, aññathā naṃ viyākare’’ti.
д̇ад̇т̇а д̇ассаад̇и яо ж̇аананд̇о бужчид̇ам̣ бан̃хам̣ мусааваад̣̇ам̣ гад̇ваа ан̃н̃ат̇аа б̣яаагарод̇и, д̇асса ран̃н̃о виж̇ид̇з д̣̇зво яуд̇д̇агаалз авассид̇ваа агаалз вассад̇ийд̇и ад̇т̇о.
Tattha tassāti yo jānanto pucchitaṃ pañhaṃ musāvādaṃ katvā aññathā byākaroti, tassa rañño vijite devo yuttakāle avassitvā akāle vassatīti attho.
ат̇а нам̣ бунаби мусааваад̣̇апалзна яаава ж̇ан̇гхаа бат̇авим̣ бавидтам̣ ‘‘саллагкзхи, махаарааж̇аа’’д̇и вад̇ваа бан̃жамам̣ г̇аат̇амааха –
Atha naṃ punapi musāvādaphalena yāva jaṅghā pathaviṃ paviṭṭhaṃ ‘‘sallakkhehi, mahārājā’’ti vatvā pañcamaṃ gāthamāha –
49.
49.
‘‘сажз хи сажжам̣ бхан̣аси, хохи рааж̇а яат̇аа бурз;
‘‘Sace hi saccaṃ bhaṇasi, hohi rāja yathā pure;
мусаа жз бхаасасз рааж̇а, бхуумим̣ бависа жзд̇ияаа’’д̇и.
Musā ce bhāsase rāja, bhūmiṃ pavisa cetiyā’’ti.
со д̇ад̇ияамби ‘‘д̇вам̣си, бханд̇з, ганидто, ж̇здто горагаламб̣о’’д̇и мусааваад̣̇амзва гад̇ваа яаава ж̇аан̣угаа бат̇авим̣ баависи. ат̇а нам̣ бунаби ‘‘саллагкзхи, махаарааж̇аа’’д̇и вад̇ваа д̣̇вз г̇аат̇аа абхааси –
So tatiyampi ‘‘tvaṃsi, bhante, kaniṭṭho, jeṭṭho korakalambo’’ti musāvādameva katvā yāva jāṇukā pathaviṃ pāvisi. Atha naṃ punapi ‘‘sallakkhehi, mahārājā’’ti vatvā dve gāthā abhāsi –
50.
50.
‘‘ж̇ивхаа д̇асса д̣̇вид̇хаа ход̇и, ураг̇ассзва д̣̇исамбад̇и;
‘‘Jivhā tassa dvidhā hoti, uragasseva disampati;
яо ж̇аанам̣ бужчид̇о бан̃хам̣, ан̃н̃ат̇аа нам̣ вияаагарз.
Yo jānaṃ pucchito pañhaṃ, aññathā naṃ viyākare.
51.
51.
‘‘сажз хи сажжам̣ бхан̣аси, хохи рааж̇а яат̇аа бурз;
‘‘Sace hi saccaṃ bhaṇasi, hohi rāja yathā pure;
мусаа жз бхаасасз рааж̇а, бхияяо бависа жзд̇ияаа’’д̇и.
Musā ce bhāsase rāja, bhiyyo pavisa cetiyā’’ti.
имаа д̣̇вз г̇аат̇аа вад̇ваа ‘‘ид̣̇аани саггаа баагад̇игам̣ гаад̇у’’нд̇и ааха. рааж̇аа д̇асса важанам̣ суд̇вааби анаад̣̇ияид̇ваа ‘‘д̇вам̣си, бханд̇з, ганидто, ж̇здто горагаламб̣о’’д̇и жад̇уд̇т̇амби мусааваад̣̇ам̣ гад̇ваа яаава гадид̇о бат̇авим̣ баависи. ат̇а нам̣ б̣раахман̣о ‘‘саллагкзхи, махаарааж̇аа’’д̇и вад̇ваа буна д̣̇вз г̇аат̇аа абхааси –
Imā dve gāthā vatvā ‘‘idāni sakkā pākatikaṃ kātu’’nti āha. Rājā tassa vacanaṃ sutvāpi anādiyitvā ‘‘tvaṃsi, bhante, kaniṭṭho, jeṭṭho korakalambo’’ti catutthampi musāvādaṃ katvā yāva kaṭito pathaviṃ pāvisi. Atha naṃ brāhmaṇo ‘‘sallakkhehi, mahārājā’’ti vatvā puna dve gāthā abhāsi –
52.
52.
‘‘ж̇ивхаа д̇асса на бхавад̇и, мажчассзва д̣̇исамбад̇и;
‘‘Jivhā tassa na bhavati, macchasseva disampati;
яо ж̇аанам̣ бужчид̇о бан̃хам̣, ан̃н̃ат̇аа нам̣ вияаагарз.
Yo jānaṃ pucchito pañhaṃ, aññathā naṃ viyākare.
53.
53.
‘‘сажз хи сажжам̣ бхан̣аси, хохи рааж̇а яат̇аа бурз;
‘‘Sace hi saccaṃ bhaṇasi, hohi rāja yathā pure;
мусаа жз бхаасасз рааж̇а, бхияяо бависа жзд̇ияаа’’д̇и.
Musā ce bhāsase rāja, bhiyyo pavisa cetiyā’’ti.
д̇ад̇т̇а мажчассзваад̇и ниб̣б̣ад̇д̇аниб̣б̣ад̇д̇адтаанз мусааваад̣̇ино мажчасса вияа гат̇анасамад̇т̇аа ж̇ивхаа на ход̇и, мууг̇ова ход̇ийд̇и ад̇т̇о.
Tattha macchassevāti nibbattanibbattaṭṭhāne musāvādino macchassa viya kathanasamatthā jivhā na hoti, mūgova hotīti attho.
со бан̃жамамби ‘‘д̇вам̣си ганидто, ж̇здто горагаламб̣о’’д̇и мусааваад̣̇ам̣ гад̇ваа яаава наабхид̇о бат̇авим̣ баависи. ат̇а нам̣ б̣раахман̣о бунаби ‘‘саллагкзхи, махаарааж̇аа’’д̇и вад̇ваа д̣̇вз г̇аат̇аа абхааси –
So pañcamampi ‘‘tvaṃsi kaniṭṭho, jeṭṭho korakalambo’’ti musāvādaṃ katvā yāva nābhito pathaviṃ pāvisi. Atha naṃ brāhmaṇo punapi ‘‘sallakkhehi, mahārājā’’ti vatvā dve gāthā abhāsi –
54.
54.
‘‘т̇ияова д̇асса ж̇ааяанд̇и, на бумаа ж̇ааяарз гулз;
‘‘Thiyova tassa jāyanti, na pumā jāyare kule;
яо ж̇аанам̣ бужчид̇о бан̃хам̣, ан̃н̃ат̇аа нам̣ вияаагарз.
Yo jānaṃ pucchito pañhaṃ, aññathā naṃ viyākare.
55.
55.
‘‘сажз хи сажжам̣ бхан̣аси, хохи рааж̇а яат̇аа бурз;
‘‘Sace hi saccaṃ bhaṇasi, hohi rāja yathā pure;
мусаа жз бхаасасз рааж̇а, бхияяо бависа жзд̇ияаа’’д̇и.
Musā ce bhāsase rāja, bhiyyo pavisa cetiyā’’ti.
д̇ад̇т̇а т̇ияоваад̇и ниб̣б̣ад̇д̇аниб̣б̣ад̇д̇адтаанз мусааваад̣̇исса д̇хийд̇арова ж̇ааяанд̇и, буд̇д̇аа на ж̇ааяанд̇ийд̇и ад̇т̇о.
Tattha thiyovāti nibbattanibbattaṭṭhāne musāvādissa dhītarova jāyanti, puttā na jāyantīti attho.
рааж̇аа д̇асса важанам̣ анаад̣̇ияид̇ваа чадтамби д̇ат̇зва мусааваад̣̇ам̣ бхан̣ид̇ваа яаава т̇анаа бат̇авим̣ баависи. ат̇а нам̣ бунаби б̣раахман̣о ‘‘саллагкзхи, махаарааж̇аа’’д̇и вад̇ваа д̣̇вз г̇аат̇аа абхааси –
Rājā tassa vacanaṃ anādiyitvā chaṭṭhampi tatheva musāvādaṃ bhaṇitvā yāva thanā pathaviṃ pāvisi. Atha naṃ punapi brāhmaṇo ‘‘sallakkhehi, mahārājā’’ti vatvā dve gāthā abhāsi –
56.
56.
‘‘буд̇д̇аа д̇асса на бхаванд̇и, баггаманд̇и д̣̇исод̣̇исам̣;
‘‘Puttā tassa na bhavanti, pakkamanti disodisaṃ;
яо ж̇аанам̣ бужчид̇о бан̃хам̣, ан̃н̃ат̇аа нам̣ вияаагарз.
Yo jānaṃ pucchito pañhaṃ, aññathā naṃ viyākare.
57.
57.
‘‘сажз хи сажжам̣ бхан̣аси, хохи рааж̇а яат̇аа бурз;
‘‘Sace hi saccaṃ bhaṇasi, hohi rāja yathā pure;
мусаа жз бхаасасз рааж̇а, бхияяо бависа жзд̇ияаа’’д̇и.
Musā ce bhāsase rāja, bhiyyo pavisa cetiyā’’ti.
д̇ад̇т̇а баггаманд̇ийд̇и сажз мусааваад̣̇исса буд̇д̇аа бхаванд̇и, маад̇аабид̇уунам̣ анубагаараа худ̇ваа балааяанд̇ийд̇и ад̇т̇о.
Tattha pakkamantīti sace musāvādissa puttā bhavanti, mātāpitūnaṃ anupakārā hutvā palāyantīti attho.
со баабамид̇д̇асам̣саг̇г̇ад̣̇осзна д̇асса важанам̣ анаад̣̇ияид̇ваа сад̇д̇амамби д̇ат̇зва мусааваад̣̇ам̣ агааси. ат̇асса бат̇авий виварам̣ ад̣̇ааси, авийжид̇о ж̇аалаа удтахид̇ваа г̇ан̣хи.
So pāpamittasaṃsaggadosena tassa vacanaṃ anādiyitvā sattamampi tatheva musāvādaṃ akāsi. Athassa pathavī vivaraṃ adāsi, avīcito jālā uṭṭhahitvā gaṇhi.
58.
58.
‘‘са рааж̇аа исинаа сад̇д̇о, анд̇алигкажаро бурз;
‘‘Sa rājā isinā satto, antalikkhacaro pure;
баавзгки бат̇авим̣ жзжжо, хийнад̇д̇о бад̇ва барияааяам̣.
Pāvekkhi pathaviṃ cecco, hīnatto patva pariyāyaṃ.
59.
59.
д̇асмаа хи чанд̣̇ааг̇аманам̣, наббасам̣санд̇и бан̣д̣ид̇аа;
Tasmā hi chandāgamanaṃ, nappasaṃsanti paṇḍitā;
ад̣̇удтажид̇д̇о бхаасзяяа, г̇ирам̣ сажжуубасам̣хид̇а’’нд̇и. –
Aduṭṭhacitto bhāseyya, giraṃ saccūpasaṃhita’’nti. –
имаа д̣̇вз абхисамб̣уд̣̇д̇хаг̇аат̇аа хонд̇и.
Imā dve abhisambuddhagāthā honti.
д̇ад̇т̇а са рааж̇аад̇и бхигкавз, со рааж̇аа жзд̇ияо буб̣б̣з анд̇алигкажаро худ̇ваа бажчаа исинаа абхисад̇д̇о барихийнасабхааво худ̇ваа. бад̇ва барияааяанд̇и ад̇д̇ано гаалабарияааяам̣ бад̇ваа бат̇авим̣ баависийд̇и ад̇т̇о. д̇асмаад̇и яасмаа жзд̇ияарааж̇аа чанд̣̇ааг̇аманзна авийжибарааяан̣о ж̇аад̇о, д̇асмаа. ад̣̇удтажид̇д̇од̇и чанд̣̇аад̣̇ийхи ад̣̇уусид̇ажид̇д̇о худ̇ваа сажжамзва бхаасзяяа.
Tattha sa rājāti bhikkhave, so rājā cetiyo pubbe antalikkhacaro hutvā pacchā isinā abhisatto parihīnasabhāvo hutvā. Patva pariyāyanti attano kālapariyāyaṃ patvā pathaviṃ pāvisīti attho. Tasmāti yasmā cetiyarājā chandāgamanena avīciparāyaṇo jāto, tasmā. Aduṭṭhacittoti chandādīhi adūsitacitto hutvā saccameva bhāseyya.
махааж̇ано ‘‘жзд̇ияарааж̇аа исим̣ аггосид̇ваа мусааваад̣̇ам̣ гад̇ваа авийжим̣ бавидто’’д̇и бхаяаббад̇д̇о ахоси. ран̃н̃о бан̃жа буд̇д̇аа ааг̇анд̇ваа б̣раахман̣асса баад̣̇зсу бад̇ид̇ваа ‘‘амхаагам̣ авассаяо хохий’’д̇и вад̣̇им̣су. б̣раахман̣о ‘‘д̇аад̇аа, д̇умхаагам̣ бид̇аа д̇хаммам̣ наасзд̇ваа мусааваад̣̇ам̣ гад̇ваа исим̣ аггосид̇ваа авийжим̣ убабанно, д̇хаммо наамзса хад̇о ханад̇и, д̇умхзхи на саггаа ид̇ха васид̇у’’нд̇и вад̇ваа д̇зсу саб̣б̣аж̇здтагам̣ ‘‘зхи д̇вам̣, д̇аад̇а, баажийнад̣̇ваарзна нигкамид̇ваа уж̇угам̣ г̇ажчанд̇о саб̣б̣асзд̇ам̣ сад̇д̇абад̇идтам̣ хад̇т̇ирад̇анам̣ бассиссаси, д̇ааяа сан̃н̃ааяа д̇ад̇т̇а наг̇арам̣ маабзд̇ваа васа, д̇ам̣ наг̇арам̣ хад̇т̇ибурам̣ наама бхависсад̇ий’’д̇и ааха. д̣̇уд̇ияам̣ ааманд̇зд̇ваа ‘‘д̇вам̣, д̇аад̇а, д̣̇агкин̣ад̣̇ваарзна нигкамид̇ваа уж̇угамзва г̇ажчанд̇о саб̣б̣асзд̇ам̣ ассарад̇анам̣ бассиссаси, д̇ааяа сан̃н̃ааяа д̇ад̇т̇а наг̇арам̣ маабзд̇ваа васа, д̇ам̣ наг̇арам̣ ассабурам̣ наама бхависсад̇ий’’д̇и ааха. д̇ад̇ияам̣ ааманд̇зд̇ваа ‘‘д̇вам̣, д̇аад̇а, бажчимад̣̇ваарзна нигкамид̇ваа уж̇угамзва г̇ажчанд̇о гзсарасийхам̣ бассиссаси, д̇ааяа сан̃н̃ааяа д̇ад̇т̇а наг̇арам̣ маабзд̇ваа васа, д̇ам̣ наг̇арам̣ сийхабурам̣ наама бхависсад̇ий’’д̇и ааха. жад̇уд̇т̇ам̣ ааманд̇зд̇ваа ‘‘д̇вам̣, д̇аад̇а, уд̇д̇арад̣̇ваарзна нигкамид̇ваа уж̇угамзва г̇ажчанд̇о саб̣б̣арад̇анамаяам̣ жаггабан̃ж̇арам̣ бассиссаси, д̇ааяа сан̃н̃ааяа д̇ад̇т̇а наг̇арам̣ маабзд̇ваа васа, д̇ам̣ наг̇арам̣ уд̇д̇арабан̃жаалам̣ наама бхависсад̇ий’’д̇и ааха. бан̃жамам̣ ааманд̇зд̇ваа ‘‘д̇аад̇а, д̇аяаа имасмим̣ таанз васид̇ум̣ на саггаа, имасмим̣ наг̇арз махаат̇уубам̣ гад̇ваа нигкамид̇ваа бажчимуд̇д̇арааяа д̣̇исааяа уж̇угамзва г̇ажчанд̇о д̣̇вз баб̣б̣ад̇з ан̃н̃аман̃н̃ам̣ бахарид̇ваа бахарид̇ваа д̣̇ад̣̇д̣̇арасад̣̇д̣̇ам̣ гаронд̇з бассиссаси, д̇ааяа сан̃н̃ааяа д̇ад̇т̇а наг̇арам̣ маабзд̇ваа васа, д̇ам̣ наг̇арам̣ д̣̇ад̣̇д̣̇арабурам̣ наама бхависсад̇ий’’д̇и ааха. д̇з бан̃жаби ж̇анаа д̇ааяа д̇ааяа сан̃н̃ааяа г̇анд̇ваа д̇асмим̣ д̇асмим̣ таанз наг̇араани маабзд̇ваа васим̣су.
Mahājano ‘‘cetiyarājā isiṃ akkositvā musāvādaṃ katvā avīciṃ paviṭṭho’’ti bhayappatto ahosi. Rañño pañca puttā āgantvā brāhmaṇassa pādesu patitvā ‘‘amhākaṃ avassayo hohī’’ti vadiṃsu. Brāhmaṇo ‘‘tātā, tumhākaṃ pitā dhammaṃ nāsetvā musāvādaṃ katvā isiṃ akkositvā avīciṃ upapanno, dhammo nāmesa hato hanati, tumhehi na sakkā idha vasitu’’nti vatvā tesu sabbajeṭṭhakaṃ ‘‘ehi tvaṃ, tāta, pācīnadvārena nikkhamitvā ujukaṃ gacchanto sabbasetaṃ sattapatiṭṭhaṃ hatthiratanaṃ passissasi, tāya saññāya tattha nagaraṃ māpetvā vasa, taṃ nagaraṃ hatthipuraṃ nāma bhavissatī’’ti āha. Dutiyaṃ āmantetvā ‘‘tvaṃ, tāta, dakkhiṇadvārena nikkhamitvā ujukameva gacchanto sabbasetaṃ assaratanaṃ passissasi, tāya saññāya tattha nagaraṃ māpetvā vasa, taṃ nagaraṃ assapuraṃ nāma bhavissatī’’ti āha. Tatiyaṃ āmantetvā ‘‘tvaṃ, tāta, pacchimadvārena nikkhamitvā ujukameva gacchanto kesarasīhaṃ passissasi, tāya saññāya tattha nagaraṃ māpetvā vasa, taṃ nagaraṃ sīhapuraṃ nāma bhavissatī’’ti āha. Catutthaṃ āmantetvā ‘‘tvaṃ, tāta, uttaradvārena nikkhamitvā ujukameva gacchanto sabbaratanamayaṃ cakkapañjaraṃ passissasi, tāya saññāya tattha nagaraṃ māpetvā vasa, taṃ nagaraṃ uttarapañcālaṃ nāma bhavissatī’’ti āha. Pañcamaṃ āmantetvā ‘‘tāta, tayā imasmiṃ ṭhāne vasituṃ na sakkā, imasmiṃ nagare mahāthūpaṃ katvā nikkhamitvā pacchimuttarāya disāya ujukameva gacchanto dve pabbate aññamaññaṃ paharitvā paharitvā daddarasaddaṃ karonte passissasi, tāya saññāya tattha nagaraṃ māpetvā vasa, taṃ nagaraṃ daddarapuraṃ nāma bhavissatī’’ti āha. Te pañcapi janā tāya tāya saññāya gantvā tasmiṃ tasmiṃ ṭhāne nagarāni māpetvā vasiṃsu.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о мусааваад̣̇ам̣ гад̇ваа бат̇авим̣ бавидто’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа жзд̇ияарааж̇аа д̣̇звад̣̇ад̇д̇о ахоси, габилаб̣раахман̣о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi devadatto musāvādaṃ katvā pathaviṃ paviṭṭho’’ti vatvā jātakaṃ samodhānesi – ‘‘tadā cetiyarājā devadatto ahosi, kapilabrāhmaṇo pana ahameva ahosi’’nti.
жзд̇ияаж̇аад̇агаван̣н̣анаа чадтаа.
Cetiyajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 422. жзд̇ияаж̇аад̇агам̣ • 422. Cetiyajātakaṃ
