| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. жзд̇ияабаадихаарияабан̃хо
7. Cetiyapāṭihāriyapañho
7. ‘‘бханд̇з нааг̇асзна, саб̣б̣зсам̣ бариниб̣б̣уд̇аанам̣ жзд̇ияз баадихийрам̣ ход̇и, уд̣̇ааху згажжаанам̣ язва ход̇ий’’д̇и? ‘‘згажжаанам̣, махаарааж̇а, ход̇и, згажжаанам̣ на ход̇ий’’д̇и. ‘‘гад̇амзсам̣, бханд̇з, ход̇и, гад̇амзсам̣ на ход̇ий’’д̇и? ‘‘д̇ин̣н̣аннам̣, махаарааж̇а, ан̃н̃ад̇арасса ад̇хидтаанаа бариниб̣б̣уд̇асса жзд̇ияз баадихийрам̣ ход̇и. гад̇амзсам̣ д̇ин̣н̣аннам̣? ид̇ха, махаарааж̇а, арахаа д̣̇звамануссаанам̣ анугамбааяа д̇идтанд̇ова ад̇хидтаад̇и ‘звам̣наама жзд̇ияз баадихийрам̣ ход̇уу’д̇и, д̇асса ад̇хидтаанавасзна жзд̇ияз баадихийрам̣ ход̇и, звам̣ арахад̇о ад̇хидтаанавасзна бариниб̣б̣уд̇асса жзд̇ияз баадихийрам̣ ход̇и.
7. ‘‘Bhante nāgasena, sabbesaṃ parinibbutānaṃ cetiye pāṭihīraṃ hoti, udāhu ekaccānaṃ yeva hotī’’ti? ‘‘Ekaccānaṃ, mahārāja, hoti, ekaccānaṃ na hotī’’ti. ‘‘Katamesaṃ, bhante, hoti, katamesaṃ na hotī’’ti? ‘‘Tiṇṇannaṃ, mahārāja, aññatarassa adhiṭṭhānā parinibbutassa cetiye pāṭihīraṃ hoti. Katamesaṃ tiṇṇannaṃ? Idha, mahārāja, arahā devamanussānaṃ anukampāya tiṭṭhantova adhiṭṭhāti ‘evaṃnāma cetiye pāṭihīraṃ hotū’ti, tassa adhiṭṭhānavasena cetiye pāṭihīraṃ hoti, evaṃ arahato adhiṭṭhānavasena parinibbutassa cetiye pāṭihīraṃ hoti.
‘‘буна жабарам̣, махаарааж̇а, д̣̇звад̇аа мануссаанам̣ анугамбааяа бариниб̣б̣уд̇асса жзд̇ияз баадихийрам̣ д̣̇ассзнд̇и ‘иминаа баадихийрзна сад̣̇д̇хаммо нижжасамбаг̇г̇ахид̇о бхависсад̇и, мануссаа жа басаннаа гусалзна абхивад̣дхиссанд̇ий’д̇и, звам̣ д̣̇звад̇аанам̣ ад̇хидтаанавасзна бариниб̣б̣уд̇асса жзд̇ияз баадихийрам̣ ход̇и.
‘‘Puna caparaṃ, mahārāja, devatā manussānaṃ anukampāya parinibbutassa cetiye pāṭihīraṃ dassenti ‘iminā pāṭihīrena saddhammo niccasampaggahito bhavissati, manussā ca pasannā kusalena abhivaḍḍhissantī’ti, evaṃ devatānaṃ adhiṭṭhānavasena parinibbutassa cetiye pāṭihīraṃ hoti.
‘‘буна жабарам̣, махаарааж̇а, ид̇т̇ий ваа бурисо ваа сад̣̇д̇хо басанно бан̣д̣ид̇о б̣яад̇д̇о мзд̇хаавий б̣уд̣̇д̇хисамбанно яонисо жинд̇аяид̇ваа г̇анд̇хам̣ ваа маалам̣ ваа д̣̇уссам̣ ваа ан̃н̃ад̇арам̣ ваа гин̃жи ад̇хидтахид̇ваа жзд̇ияз угкибад̇и ‘звам̣наама ход̇уу’д̇и, д̇ассаби ад̇хидтаанавасзна бариниб̣б̣уд̇асса жзд̇ияз баадихийрам̣ ход̇и, звам̣ мануссаанам̣ ад̇хидтаанавасзна бариниб̣б̣уд̇асса жзд̇ияз баадихийрам̣ ход̇и.
‘‘Puna caparaṃ, mahārāja, itthī vā puriso vā saddho pasanno paṇḍito byatto medhāvī buddhisampanno yoniso cintayitvā gandhaṃ vā mālaṃ vā dussaṃ vā aññataraṃ vā kiñci adhiṭṭhahitvā cetiye ukkhipati ‘evaṃnāma hotū’ti, tassapi adhiṭṭhānavasena parinibbutassa cetiye pāṭihīraṃ hoti, evaṃ manussānaṃ adhiṭṭhānavasena parinibbutassa cetiye pāṭihīraṃ hoti.
‘‘имзсам̣ ко, махаарааж̇а, д̇ин̣н̣аннам̣ ан̃н̃ад̇арасса ад̇хидтаанавасзна бариниб̣б̣уд̇асса жзд̇ияз баадихийрам̣ ход̇и.
‘‘Imesaṃ kho, mahārāja, tiṇṇannaṃ aññatarassa adhiṭṭhānavasena parinibbutassa cetiye pāṭihīraṃ hoti.
‘‘яад̣̇и, махаарааж̇а, д̇зсам̣ ад̇хидтаанам̣ на ход̇и, кийн̣аасавассаби чал̣абхин̃н̃асса жзд̇овасиббад̇д̇асса жзд̇ияз баадихийрам̣ на ход̇и, асад̇иби , махаарааж̇а, баадихийрз жарид̇ам̣ д̣̇исваа субарисуд̣̇д̇хам̣ огаббзд̇аб̣б̣ам̣ нидтам̣ г̇анд̇аб̣б̣ам̣ сад̣̇д̣̇ахид̇аб̣б̣ам̣ ‘субариниб̣б̣уд̇о аяам̣ б̣уд̣̇д̇хабуд̇д̇о’’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yadi, mahārāja, tesaṃ adhiṭṭhānaṃ na hoti, khīṇāsavassapi chaḷabhiññassa cetovasippattassa cetiye pāṭihīraṃ na hoti, asatipi , mahārāja, pāṭihīre caritaṃ disvā suparisuddhaṃ okappetabbaṃ niṭṭhaṃ gantabbaṃ saddahitabbaṃ ‘suparinibbuto ayaṃ buddhaputto’’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
жзд̇ияабаадихаарияабан̃хо сад̇д̇амо.
Cetiyapāṭihāriyapañho sattamo.
