| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. жзд̇ияасуд̇д̇аван̣н̣анаа
10. Cetiyasuttavaṇṇanā
822. уд̣̇знаяагкасса жзд̇ияадтаанзд̇и уд̣̇знасса наама яагкасса д̣̇звааяад̇анасан̇кзбзна идтагаахи гад̇з махааж̇анасса жид̇д̇ийгад̇адтаанз. гад̇авихаарод̇и бхаг̇аванд̇ам̣ уд̣̇д̣̇исса д̇ад̇т̇а гад̇авихааро. вужжад̇ийд̇и буримавохаарзна ‘‘уд̣̇знажзд̇ияа’’нд̇и вужжад̇и. г̇од̇амагаад̣̇ийсубийд̇и г̇од̇амагажзд̇ияанд̇и звамаад̣̇ийсуби. зсзва наяод̇и жзд̇ияадтаанз гад̇авихаарабхаавам̣ ад̇ид̣̇исад̇и. вад̣дхид̇аад̇и бхааванаабаарибууривасзна бариб̣руухид̇аа. бунаббунам̣ гад̇аад̇и бхааванааяа б̣ахулийгаран̣авасзна абараабарам̣ бавад̇д̇ид̇аа аанийд̇аа. яуд̇д̇аяаанам̣ вияа гад̇аад̇и яат̇аа яуд̇д̇амааж̇ан̃н̃аяаанам̣ чзгзна саарат̇инаа ад̇хидтид̇ам̣ яат̇ааружи бавад̇д̇имарахад̇и, звам̣ яат̇ааружи бавад̇д̇анаарахад̇ам̣ г̇амид̇аа. бад̇идтаанадтзнаад̇и ад̇хидтаанадтзна. вад̇т̇у вияа гад̇аад̇и саб̣б̣асо убаггилзсависод̇ханзна ид̣̇д̇хивисзсаанам̣ бавад̇д̇идтаанабхаавад̇о сувисод̇хид̇абариссаяавад̇т̇у вияа гад̇аа. ад̇хидтид̇аад̇и бадибагкад̣̇уурийбхаавад̇о субхаавид̇абхаавзна д̇ам̣д̇ам̣ад̇хидтаанаяог̇яад̇ааяа табид̇аа. саманд̇ад̇о жид̇аад̇и саб̣б̣абхааг̇зна бхааванубажаяам̣ г̇амид̇аа. д̇знааха ‘‘сувад̣дхид̇аа’’д̇и. судту самаарад̣̇д̇хаад̇и ид̣̇д̇хибхааванааяа сикаббад̇д̇ияаа саммад̣̇зва сам̣сзвид̇аа.
822.Udenayakkhassacetiyaṭṭhāneti udenassa nāma yakkhassa devāyatanasaṅkhepena iṭṭhakāhi kate mahājanassa cittīkataṭṭhāne. Katavihāroti bhagavantaṃ uddissa tattha katavihāro. Vuccatīti purimavohārena ‘‘udenacetiya’’nti vuccati. Gotamakādīsupīti gotamakacetiyanti evamādīsupi. Eseva nayoti cetiyaṭṭhāne katavihārabhāvaṃ atidisati. Vaḍḍhitāti bhāvanāpāripūrivasena paribrūhitā. Punappunaṃ katāti bhāvanāya bahulīkaraṇavasena aparāparaṃ pavattitā ānītā. Yuttayānaṃ viya katāti yathā yuttamājaññayānaṃ chekena sārathinā adhiṭṭhitaṃ yathāruci pavattimarahati, evaṃ yathāruci pavattanārahataṃ gamitā. Patiṭṭhānaṭṭhenāti adhiṭṭhānaṭṭhena. Vatthu viya katāti sabbaso upakkilesavisodhanena iddhivisesānaṃ pavattiṭṭhānabhāvato suvisodhitaparissayavatthu viya katā. Adhiṭṭhitāti paṭipakkhadūrībhāvato subhāvitabhāvena taṃtaṃadhiṭṭhānayogyatāya ṭhapitā. Samantato citāti sabbabhāgena bhāvanupacayaṃ gamitā. Tenāha ‘‘suvaḍḍhitā’’ti. Suṭṭhu samāraddhāti iddhibhāvanāya sikhappattiyā sammadeva saṃsevitā.
анияамзнаад̇и ‘‘яасса гассажий’’д̇и анияад̇аважанзна. нияамзд̇ваад̇и ‘‘д̇ат̇ааг̇ад̇ассаа’’д̇и саруубаг̇г̇ахан̣зна нияамзд̇ваа. ааяуббамаан̣анд̇и барамааяуббамаан̣ам̣ вад̣̇ад̇и. д̇ассзва г̇ахан̣з гааран̣ам̣ б̣рахмаж̇аалаван̣н̣анааяам̣ вуд̇д̇анаязнзва взд̣̇ид̇аб̣б̣ам̣. махаасийвад̇т̇зро бана махааб̣од̇хисад̇д̇аанам̣ жаримабхавз бадисанд̇хид̣̇ааяино гаммасса асан̇кзяяааяугад̇аасам̣вад̇д̇анасамад̇т̇ад̇ам̣ хад̣̇аяз табзд̇ваа б̣уд̣̇д̇хаанам̣ ааяусан̇каарасса бариссаяавигкамбханасамад̇т̇ад̇аа баал̣ияам̣ ааг̇ад̇аа зваад̇и имам̣ бхад̣̇д̣̇агаббамзва д̇идтзяяаад̇и авожа.
Aniyamenāti ‘‘yassa kassacī’’ti aniyatavacanena. Niyametvāti ‘‘tathāgatassā’’ti sarūpaggahaṇena niyametvā. Āyuppamāṇanti paramāyuppamāṇaṃ vadati. Tasseva gahaṇe kāraṇaṃ brahmajālavaṇṇanāyaṃ vuttanayeneva veditabbaṃ. Mahāsīvatthero pana mahābodhisattānaṃ carimabhave paṭisandhidāyino kammassa asaṅkheyyāyukatāsaṃvattanasamatthataṃ hadaye ṭhapetvā buddhānaṃ āyusaṅkhārassa parissayavikkhambhanasamatthatā pāḷiyaṃ āgatā evāti imaṃ bhaddakappameva tiṭṭheyyāti avoca.
кан̣д̣ижжаад̣̇ийхи абхисуяяад̇ийд̇и зд̇зна яат̇аа ид̣̇д̇хиб̣алзна ж̇арааяа на бадигхаад̇о, звам̣ д̇зна маран̣ассаби на бадигхаад̇од̇и ад̇т̇ад̇о аабаннамзваад̇и. ‘‘гва саро кид̇д̇о, гважани бад̇ид̇о’’д̇и ан̃н̃ат̇аа вудтид̇знаби т̇зраваад̣̇зна адтагат̇ааважанамзва самад̇т̇ид̇анд̇и д̣̇адтаб̣б̣ам̣. д̇знааха ‘‘со бана на ружжад̇и…бз… нияамид̇а’’нд̇и.
Khaṇḍiccādīhi abhisuyyatīti etena yathā iddhibalena jarāya na paṭighāto, evaṃ tena maraṇassapi na paṭighātoti atthato āpannamevāti. ‘‘Kva saro khitto, kvacani patito’’ti aññathā vuṭṭhitenapi theravādena aṭṭhakathāvacanameva samatthitanti daṭṭhabbaṃ. Tenāha ‘‘so pana na ruccati…pe… niyamita’’nti.
барияудтид̇ажид̇д̇од̇и яат̇аа гин̃жи ад̇т̇аанад̇т̇ам̣ саллагкзд̇ум̣ на саггаа, звам̣ абхибхууд̇ажид̇д̇о. со бана абхибхаво махад̇аа уд̣̇агогхзна аббагасса уд̣̇агасса аж̇жход̇т̇аран̣ам̣ вияа ахосийд̇и вуд̇д̇ам̣ ‘‘аж̇жход̇т̇адажид̇д̇о’’д̇и. ан̃н̃од̇и т̇зрад̇о, ариязхи ваа ан̃н̃о яо гожи баро бут̇уж̇ж̇ано. бут̇уж̇ж̇анаг̇г̇ахан̣ан̃жзд̇т̇а яат̇аа саб̣б̣зна саб̣б̣ам̣ аббахийнавибаллаасо маарзна барияудтид̇ажид̇д̇о гин̃жи ад̇т̇аанад̇т̇ам̣ саллагкзд̇ум̣ на саггод̇и, звам̣ т̇зро бхаг̇авад̇аа гад̇ам̣ нимид̇д̇обхаасам̣ саб̣б̣асо на саллагкзсийд̇и д̣̇ассанад̇т̇ам̣. д̇знааха ‘‘мааро хий’’д̇иаад̣̇и. жад̇д̇ааро вибаллаасаад̇и асубхз ‘‘субха’’нд̇и сан̃н̃аавибаллаасо, жид̇д̇авибаллаасо, д̣̇угкз ‘‘сука’’нд̇и сан̃н̃аавибаллаасо, жид̇д̇авибаллаасод̇и имз жад̇д̇ааро вибаллаасаа. д̇знаад̇и яад̣̇иби ид̇арз адта вибаллаасаа бахийнаа, яат̇аавуд̇д̇аанам̣ жад̇уннам̣ вибаллаасаанам̣ аббахийнабхаавзна. ассаад̇и т̇зрасса.
Pariyuṭṭhitacittoti yathā kiñci atthānatthaṃ sallakkhetuṃ na sakkā, evaṃ abhibhūtacitto. So pana abhibhavo mahatā udakoghena appakassa udakassa ajjhottharaṇaṃ viya ahosīti vuttaṃ ‘‘ajjhotthaṭacitto’’ti. Aññoti therato, ariyehi vā añño yo koci paro puthujjano. Puthujjanaggahaṇañcettha yathā sabbena sabbaṃ appahīnavipallāso mārena pariyuṭṭhitacitto kiñci atthānatthaṃ sallakkhetuṃ na sakkoti, evaṃ thero bhagavatā kataṃ nimittobhāsaṃ sabbaso na sallakkhesīti dassanatthaṃ. Tenāha ‘‘māro hī’’tiādi. Cattāro vipallāsāti asubhe ‘‘subha’’nti saññāvipallāso, cittavipallāso, dukkhe ‘‘sukha’’nti saññāvipallāso, cittavipallāsoti ime cattāro vipallāsā. Tenāti yadipi itare aṭṭha vipallāsā pahīnā, yathāvuttānaṃ catunnaṃ vipallāsānaṃ appahīnabhāvena. Assāti therassa.
мад̣̇д̣̇ад̇ийд̇и пусанамад̇д̇зна мад̣̇д̣̇анд̇о вияа ход̇и, ан̃н̃ат̇аа д̇зна мад̣̇д̣̇ид̇з сад̇д̇аанам̣ маран̣амзва сияаа, гим̣ сагкиссад̇и на сагкиссад̇ийд̇и ад̇хиббааяо. гасмаа на сагкиссад̇и? нану зса аг̇г̇асаавагасса махид̣̇д̇хигасса махаанубхаавасса гужчим̣ бавидтод̇и? сажжам̣ бавидто, д̇ан̃жа ко ад̇д̇ано махаанубхаавасса д̣̇ассанад̇т̇ам̣, на виб̣аад̇ханаад̇хиббааязна. виб̣аад̇ханаад̇хиббааязна бана ид̇ха ‘‘гим̣ сагкиссад̇ий’’д̇и вуд̇д̇ам̣ хад̣̇аяамад̣̇д̣̇анасса ад̇хигад̇ад̇д̇аа. нимид̇д̇обхаасанд̇и зд̇т̇а ‘‘д̇идтад̇у бхаг̇аваа габба’’нд̇и сагалагаббам̣ авадтаанаяаажанааяа ‘‘яасса гассажи, аананд̣̇а, жад̇д̇ааро ид̣̇д̇хибаад̣̇аа бхаавид̇аа’’д̇иаад̣̇инаа ан̃н̃аабад̣̇зсзна ад̇д̇ано жад̇урид̣̇д̇хибаад̣̇абхааванаанубхаавзна габбам̣ авадтаанасамад̇т̇ад̇аавасзна сан̃н̃уббаад̣̇анам̣ нимид̇д̇ам̣. д̇ат̇аа бана барияааяаг̇г̇ахан̣ам̣ мун̃жид̇ваа уж̇угам̣язва ад̇д̇ано ад̇хиббааяавибхааванам̣ обхаасо. ж̇аананд̇оязваад̇и маарзна барияудтид̇абхаавам̣ ж̇аананд̇о зва. ад̇д̇ано абараад̇хахзд̇уго сад̇д̇аанам̣ сого д̇ануго ход̇и, на б̣алаваад̇и ааха – ‘‘д̣̇осааробанзна согад̇анугаран̣ад̇т̇а’’нд̇и. гим̣ бана т̇зро маарзна барияудтид̇ажид̇д̇агаалз бавад̇д̇им̣ бажчаа ж̇аанаад̇ийд̇и? на ж̇аанаад̇и сабхаавзна, б̣уд̣̇д̇хаанубхаавзна бана ж̇аанаад̇и.
Maddatīti phusanamattena maddanto viya hoti, aññathā tena maddite sattānaṃ maraṇameva siyā, kiṃ sakkhissati na sakkhissatīti adhippāyo. Kasmā na sakkhissati? Nanu esa aggasāvakassa mahiddhikassa mahānubhāvassa kucchiṃ paviṭṭhoti? Saccaṃ paviṭṭho, tañca kho attano mahānubhāvassa dassanatthaṃ, na vibādhanādhippāyena. Vibādhanādhippāyena pana idha ‘‘kiṃ sakkhissatī’’ti vuttaṃ hadayamaddanassa adhikatattā. Nimittobhāsanti ettha ‘‘tiṭṭhatu bhagavā kappa’’nti sakalakappaṃ avaṭṭhānayācanāya ‘‘yassa kassaci, ānanda, cattāro iddhipādā bhāvitā’’tiādinā aññāpadesena attano caturiddhipādabhāvanānubhāvena kappaṃ avaṭṭhānasamatthatāvasena saññuppādanaṃ nimittaṃ. Tathā pana pariyāyaggahaṇaṃ muñcitvā ujukaṃyeva attano adhippāyavibhāvanaṃ obhāso. Jānantoyevāti mārena pariyuṭṭhitabhāvaṃ jānanto eva. Attano aparādhahetuko sattānaṃ soko tanuko hoti, na balavāti āha – ‘‘dosāropanena sokatanukaraṇattha’’nti. Kiṃ pana thero mārena pariyuṭṭhitacittakāle pavattiṃ pacchā jānātīti? Na jānāti sabhāvena, buddhānubhāvena pana jānāti.
анад̇т̇з нияож̇знд̇о г̇ун̣амааран̣зна маарзд̇и, вирааг̇авиб̣анд̇ханзна ваа ж̇аад̇инимид̇д̇ад̇ааяа д̇ад̇т̇а д̇ад̇т̇а ж̇аад̇ам̣ маарзнд̇о вияа ход̇ийд̇и ‘‘маарзд̇ийд̇и мааро’’д̇и вуд̇д̇ам̣. ад̇ибаабад̇д̇аа баабимаа. ган̣хад̇хаммасаманнааг̇ад̇о ган̣хо. вирааг̇аад̣̇иг̇ун̣аанам̣ анд̇агаран̣ад̇о анд̇аго. сад̇д̇аанам̣ анад̇т̇аавахам̣ бадибад̇д̇им̣ на мун̃жад̇ийд̇и намужи. ад̇д̇ано маарабаасзна бамад̇д̇з б̣анд̇хад̇и, бамад̇д̇аа ваа б̣анд̇хуу зд̇ассаад̇и бамад̇д̇аб̣анд̇ху. сад̇д̇амасад̇д̇аахад̇о барам̣ сад̇д̇а ахаани санд̇хааяааха ‘‘адтамз сад̇д̇аахз’’д̇и, на бана баллан̇гасад̇д̇аахаад̣̇и вияа нияад̇агижжасса адтамасад̇д̇аахасса наама лаб̣бханад̇о. сад̇д̇амасад̇д̇аахасса хи барад̇о аж̇абааланиг̇род̇хамуулз б̣рахмуно саггасса жа бадин̃н̃аад̇ад̇хаммад̣̇зсанам̣ бхаг̇аванд̇ам̣ н̃ад̇ваа ‘‘ид̣̇аани сад̇д̇з д̇хаммад̣̇зсанааяа мама висаяам̣ ад̇иггаамзссад̇ий’’д̇и сан̃ж̇аад̇ад̣̇оманассо худ̇ваа тид̇о жинд̇зси, ‘‘ханд̣̇аахам̣ д̣̇аани нам̣ убааязна бариниб̣б̣аабзссаами, звамасса манорат̇о ан̃н̃ат̇ад̇д̇ам̣ г̇амиссад̇и, мама манорат̇о иж̇жхиссад̇ий’’д̇и жинд̇зд̇ваа бхаг̇аванд̇ам̣ убасан̇гамид̇ваа згаманд̇ам̣ тид̇о – ‘‘бариниб̣б̣аад̇у д̣̇аани, бханд̇з, бхаг̇аваа’’д̇иаад̣̇инаа бариниб̣б̣аанам̣ яаажи. д̇ам̣ санд̇хааяа вуд̇д̇ам̣ ‘‘адтамз сад̇д̇аахз’’д̇иаад̣̇и. д̇ад̇т̇а аж̇ж̇аад̇и ааяусан̇кааравоссаж̇ж̇анад̣̇ивасам̣ санд̇хааяааха. бхаг̇аваа жасса ад̇иб̣анд̇ханаад̇хиббааяам̣ ж̇аананд̇оби д̇ам̣ анаавигад̇ваа бариниб̣б̣аанасса агаалабхаавамзва багаасзнд̇о яаажанам̣ бадигкиби. д̇знааха ‘‘на д̇аавааха’’нд̇иаад̣̇и.
Anatthe niyojento guṇamāraṇena māreti, virāgavibandhanena vā jātinimittatāya tattha tattha jātaṃ mārento viya hotīti ‘‘māretīti māro’’ti vuttaṃ. Atipāpattā pāpimā. Kaṇhadhammasamannāgato kaṇho. Virāgādiguṇānaṃ antakaraṇato antako. Sattānaṃ anatthāvahaṃ paṭipattiṃ na muñcatīti namuci. Attano mārapāsena pamatte bandhati, pamattā vā bandhū etassāti pamattabandhu. Sattamasattāhato paraṃ satta ahāni sandhāyāha ‘‘aṭṭhame sattāhe’’ti, na pana pallaṅkasattāhādi viya niyatakiccassa aṭṭhamasattāhassa nāma labbhanato. Sattamasattāhassa hi parato ajapālanigrodhamūle brahmuno sakkassa ca paṭiññātadhammadesanaṃ bhagavantaṃ ñatvā ‘‘idāni satte dhammadesanāya mama visayaṃ atikkāmessatī’’ti sañjātadomanasso hutvā ṭhito cintesi, ‘‘handāhaṃ dāni naṃ upāyena parinibbāpessāmi, evamassa manoratho aññathattaṃ gamissati, mama manoratho ijjhissatī’’ti cintetvā bhagavantaṃ upasaṅkamitvā ekamantaṃ ṭhito – ‘‘parinibbātu dāni, bhante, bhagavā’’tiādinā parinibbānaṃ yāci. Taṃ sandhāya vuttaṃ ‘‘aṭṭhame sattāhe’’tiādi. Tattha ajjāti āyusaṅkhāravossajjanadivasaṃ sandhāyāha. Bhagavā cassa atibandhanādhippāyaṃ jānantopi taṃ anāvikatvā parinibbānassa akālabhāvameva pakāsento yācanaṃ paṭikkhipi. Tenāha ‘‘na tāvāha’’ntiādi.
маг̇г̇авасзна б̣яад̇д̇аад̇и сажжабадивзд̇хавзяяад̇д̇иязна б̣яад̇д̇аа. д̇ат̇зва винийд̇аад̇и маг̇г̇авасзна гилзсаанам̣ самужчзд̣̇авинаязна винийд̇аа. д̇ат̇аа висаарад̣̇аад̇и арияамаг̇г̇аад̇хиг̇амзнзва сад̇т̇усаасанз взсаараж̇ж̇аббад̇д̇ияаа висаарад̣̇аа, саараж̇ж̇агараанам̣ д̣̇идтивижигижчаад̣̇ибаабад̇хаммаанам̣ виг̇амзна висаарад̣̇абхаавам̣ бад̇д̇аад̇и ад̇т̇о. яасса суд̇асса васзна ваддад̣̇угкад̇о ниссаран̣ам̣ самбхавад̇и, д̇ам̣ ид̇ха уггадтанид̣̇д̣̇зсзна ‘‘суд̇а’’нд̇и ад̇хиббзд̇анд̇и ааха ‘‘д̇збидагавасзнаа’’д̇и. д̇ин̣н̣ам̣ бидагаанам̣ самуухо д̇збидагам̣, д̇ийн̣и ваа бидагаани д̇ибидагам̣, д̇ибидагамзва д̇збидагам̣, д̇асса васзна. д̇ад̣̇зваад̇и яам̣ д̇ам̣ д̇збидагам̣ сод̇аб̣б̣абхаавзна суд̇анд̇и вуд̇д̇ам̣, д̇амзва. д̇хамманд̇и барияад̇д̇ид̇хаммам̣. д̇хаарзнд̇ийд̇и суван̣н̣абхааж̇анз багкид̇д̇асийхавасам̣ вияа авинассанд̇ам̣ гад̇ваа суббаг̇ун̣асуббавад̇д̇ибхаавзна д̇хаарзнд̇и хад̣̇аяз табзнд̇и. ид̇и барияад̇д̇ид̇хаммавасзна б̣ахуссуд̇ад̇хаммад̇харабхаавам̣ д̣̇ассзд̇ваа ид̣̇аани бадивзд̇хавасзнаби д̇ам̣ д̣̇ассзнд̇о ‘‘ат̇а ваа’’д̇иаад̣̇и вуд̇д̇ам̣. арияад̇хаммассаад̇и маг̇г̇апалад̇хаммасса, нававид̇хасса ваа логуд̇д̇арад̇хаммасса. ануд̇хаммабхууд̇анд̇и ад̇хиг̇амааяаануруубам̣ д̇хаммабхууд̇ам̣. анужчавигабадибад̣̇анд̇и д̇амзва вибассанаад̇хаммамааха, чаб̣б̣ид̇хаа висуд̣̇д̇хияо ваа. ануд̇хамманд̇и ниб̣б̣аанад̇хаммасса ануд̇хаммо, яат̇аавуд̇д̇абадибад̣̇аа, д̇ассаануруубам̣ абхисаллзкид̇ам̣ аббижчад̇аад̣̇ид̇хаммам̣. жаран̣асийлаад̇и самаад̣̇ааяа вад̇д̇анасийлаа. анумаг̇г̇апалад̇хаммо зд̇иссаад̇и ваа ануд̇хаммаа, вудтаанаг̇ааминивибассанаа, д̇асса жаран̣асийлаа. ад̇д̇ано аажарияаваад̣̇анд̇и ад̇д̇ано аажарияасса саммаасамб̣уд̣̇д̇хасса ваад̣̇ам̣. сад̣̇звагасса логасса аажаарасигкаабанзна аажарияо, бхаг̇аваа, д̇асса ваад̣̇о, жад̇усажжад̣̇зсанаа.
Maggavasena byattāti saccapaṭivedhaveyyattiyena byattā. Tatheva vinītāti maggavasena kilesānaṃ samucchedavinayena vinītā. Tathā visāradāti ariyamaggādhigameneva satthusāsane vesārajjappattiyā visāradā, sārajjakarānaṃ diṭṭhivicikicchādipāpadhammānaṃ vigamena visāradabhāvaṃ pattāti attho. Yassa sutassa vasena vaṭṭadukkhato nissaraṇaṃ sambhavati, taṃ idha ukkaṭṭhaniddesena ‘‘suta’’nti adhippetanti āha ‘‘tepiṭakavasenā’’ti. Tiṇṇaṃ piṭakānaṃ samūho tepiṭakaṃ, tīṇi vā piṭakāni tipiṭakaṃ, tipiṭakameva tepiṭakaṃ, tassa vasena. Tadevāti yaṃ taṃ tepiṭakaṃ sotabbabhāvena sutanti vuttaṃ, tameva. Dhammanti pariyattidhammaṃ. Dhārentīti suvaṇṇabhājane pakkhittasīhavasaṃ viya avinassantaṃ katvā suppaguṇasuppavattibhāvena dhārenti hadaye ṭhapenti. Iti pariyattidhammavasena bahussutadhammadharabhāvaṃ dassetvā idāni paṭivedhavasenapi taṃ dassento ‘‘atha vā’’tiādi vuttaṃ. Ariyadhammassāti maggaphaladhammassa, navavidhassa vā lokuttaradhammassa. Anudhammabhūtanti adhigamāyānurūpaṃ dhammabhūtaṃ. Anucchavikapaṭipadanti tameva vipassanādhammamāha, chabbidhā visuddhiyo vā. Anudhammanti nibbānadhammassa anudhammo, yathāvuttapaṭipadā, tassānurūpaṃ abhisallekhitaṃ appicchatādidhammaṃ. Caraṇasīlāti samādāya vattanasīlā. Anumaggaphaladhammo etissāti vā anudhammā, vuṭṭhānagāminivipassanā, tassa caraṇasīlā. Attano ācariyavādanti attano ācariyassa sammāsambuddhassa vādaṃ. Sadevakassa lokassa ācārasikkhāpanena ācariyo, bhagavā, tassa vādo, catusaccadesanā.
аажигкиссанд̇ийд̇и аад̣̇ид̇о гат̇зссанд̇и, ад̇д̇анаа уг̇г̇ахид̇анияаамзна барз уг̇г̇ан̣хаабзссанд̇ийд̇и ад̇т̇о. д̣̇зсзссанд̇ийд̇и ваажзссанд̇и, баал̣им̣ саммаа баб̣од̇хзссанд̇ийд̇и ад̇т̇о. бан̃н̃абзссанд̇ийд̇и баж̇аанаабзссанд̇и, сан̇гаасзссанд̇ийд̇и ад̇т̇о. бадтабзссанд̇ийд̇и багаарзхи табзссанд̇и, багаасзссанд̇ийд̇и ад̇т̇о. вивариссанд̇ийд̇и вивадам̣ гариссанд̇и. вибхаж̇иссанд̇ийд̇и вибхад̇д̇ам̣ гариссанд̇и. уд̇д̇аанийгариссанд̇ийд̇и ануд̇д̇аанам̣ г̇амбхийрам̣ уд̇д̇аанам̣ баагадам̣ гариссанд̇и. сахад̇хаммзнаад̇и зд̇т̇а д̇хамма-сад̣̇д̣̇о гааран̣абарияааяо ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 720) вияаад̇и ааха ‘‘сахзд̇угзна сагааран̣зна важанзнаа’’д̇и.
Ācikkhissantīti ādito kathessanti, attanā uggahitaniyāmena pare uggaṇhāpessantīti attho. Desessantīti vācessanti, pāḷiṃ sammā pabodhessantīti attho. Paññapessantīti pajānāpessanti, saṅkāsessantīti attho. Paṭṭhapessantīti pakārehi ṭhapessanti, pakāsessantīti attho. Vivarissantīti vivaṭaṃ karissanti. Vibhajissantīti vibhattaṃ karissanti. Uttānīkarissantīti anuttānaṃ gambhīraṃ uttānaṃ pākaṭaṃ karissanti. Sahadhammenāti ettha dhamma-saddo kāraṇapariyāyo ‘‘hetumhi ñāṇaṃ dhammapaṭisambhidā’’tiādīsu (vibha. 720) viyāti āha ‘‘sahetukena sakāraṇena vacanenā’’ti.
саббаадихаарияанд̇и саниссаран̣ам̣. яат̇аа бараваад̣̇ам̣ бхан̃ж̇ид̇ваа сагаваад̣̇о бад̇идтахад̇и, звам̣ хзд̇уд̣̇аахаран̣зхи яат̇аад̇хиг̇ад̇амад̇т̇ам̣ самбаад̣̇зд̇ваа д̇хаммам̣ гат̇зссанд̇и. д̇знааха ‘‘нияяаанигам̣ гад̇ваа д̇хаммам̣ д̣̇зсзссанд̇ий’’д̇и , нававид̇хам̣ логуд̇д̇арам̣ д̇хаммам̣ баб̣од̇хзссанд̇ийд̇и ад̇т̇о. зд̇т̇а жа ‘‘бан̃н̃абзссанд̇ий’’д̇иаад̣̇ийхи чахи бад̣̇зхи ча ад̇т̇абад̣̇аани д̣̇ассид̇аани, аад̣̇ид̇о бана д̣̇вийхи бад̣̇зхи ча б̣яан̃ж̇анабад̣̇аани. зд̇д̇аавад̇аа д̇збидагам̣ б̣уд̣̇д̇хаважанам̣ сам̣ван̣н̣анаанаязна сан̇г̇ахзд̇ваа д̣̇ассид̇ам̣ ход̇и. вуд̇д̇ан̃хзд̇ам̣ нзд̇д̇ияам̣ (нзд̇д̇и. сан̇г̇ахаваара) ‘‘д̣̇ваад̣̇аса бад̣̇аани суд̇д̇ам̣, д̇ам̣ саб̣б̣ам̣ б̣яан̃ж̇анан̃жа ад̇т̇о жаа’’д̇и.
Sappāṭihāriyanti sanissaraṇaṃ. Yathā paravādaṃ bhañjitvā sakavādo patiṭṭhahati, evaṃ hetudāharaṇehi yathādhigatamatthaṃ sampādetvā dhammaṃ kathessanti. Tenāha ‘‘niyyānikaṃ katvā dhammaṃ desessantī’’ti , navavidhaṃ lokuttaraṃ dhammaṃ pabodhessantīti attho. Ettha ca ‘‘paññapessantī’’tiādīhi chahi padehi cha atthapadāni dassitāni, ādito pana dvīhi padehi cha byañjanapadāni. Ettāvatā tepiṭakaṃ buddhavacanaṃ saṃvaṇṇanānayena saṅgahetvā dassitaṃ hoti. Vuttañhetaṃ nettiyaṃ (netti. saṅgahavāra) ‘‘dvādasa padāni suttaṃ, taṃ sabbaṃ byañjanañca attho cā’’ti.
сигкад̇д̇аяасан̇г̇ахид̇анд̇и ад̇хисийласигкаад̣̇исигкад̇д̇аяасан̇г̇ахам̣. сагалам̣ саасанаб̣рахмажарияанд̇и анавасзсам̣ сад̇т̇усаасанабхууд̇ам̣ сздтажарияам̣. самид̣̇д̇ханд̇и саммад̣̇зва вад̣дхид̇ам̣. жхаанассаад̣̇авасзнаад̇и д̇зхи д̇зхи бхигкуухи самад̇хиг̇ад̇ажхаанасукавасзна. вуд̣дхиббад̇д̇анд̇и ул̣аарабан̣ийд̇абхаавуубаг̇аманзна саб̣б̣асо баривуд̣дхимубаг̇ад̇ам̣. саб̣б̣абаалипуллам̣ вияа абхин̃н̃аасамбад̣̇аахи саасанаабхивуд̣дхияаа мад̇т̇агаббад̇д̇ид̇о. бад̇идтид̇авасзнаад̇и бад̇идтаанавасзна, бад̇идтаббад̇д̇ияаад̇и ад̇т̇о. бадивзд̇хавасзна б̣ахуно ж̇анасса хид̇ам̣ б̣аахуж̇ан̃н̃ам̣. д̇знааха ‘‘махааж̇анаабхисамаяавасзнаа’’д̇и. бут̇у бут̇улам̣ бхууд̇ам̣ ж̇аад̇ам̣, бут̇уд̇д̇ам̣ бхууд̇ам̣ бад̇д̇анд̇и ваа бут̇убхууд̇ам̣. д̇знааха ‘‘саб̣б̣аагаарзна бут̇улабхааваббад̇д̇а’’нд̇и. судту багаасид̇анд̇и саммад̣̇зва аад̣̇игаляаан̣аад̣̇ибхаавзна бавзд̣̇ид̇ам̣.
Sikkhattayasaṅgahitanti adhisīlasikkhādisikkhattayasaṅgahaṃ. Sakalaṃ sāsanabrahmacariyanti anavasesaṃ satthusāsanabhūtaṃ seṭṭhacariyaṃ. Samiddhanti sammadeva vaḍḍhitaṃ. Jhānassādavasenāti tehi tehi bhikkhūhi samadhigatajhānasukhavasena. Vuḍḍhippattanti uḷārapaṇītabhāvūpagamanena sabbaso parivuḍḍhimupagataṃ. Sabbapāliphullaṃ viya abhiññāsampadāhi sāsanābhivuḍḍhiyā matthakappattito. Patiṭṭhitavasenāti patiṭṭhānavasena, patiṭṭhappattiyāti attho. Paṭivedhavasena bahuno janassa hitaṃ bāhujaññaṃ. Tenāha ‘‘mahājanābhisamayavasenā’’ti. Puthu puthulaṃ bhūtaṃ jātaṃ, puthuttaṃ bhūtaṃ pattanti vā puthubhūtaṃ. Tenāha ‘‘sabbākārena puthulabhāvappatta’’nti. Suṭṭhu pakāsitanti sammadeva ādikalyāṇādibhāvena paveditaṃ.
сад̇им̣ суубадтид̇ам̣ гад̇ваад̇и аяам̣ гааяаад̣̇ивибхааг̇о ад̇д̇абхаавасан̃н̃ид̇о д̣̇угкабхааро маяаа зд̇д̇агам̣ гаалам̣ вахид̇о, ид̣̇аани бана на вахид̇аб̣б̣о, зд̇асса аваханад̇т̇ам̣ жирад̇арам̣ гаалам̣ арияамаг̇г̇асамбхааро самбхад̇о, свааяам̣ арияамаг̇г̇о бадивид̣̇д̇хо, яад̇о имз гааяаад̣̇аяо асубхаад̣̇ид̇о сабхааваад̣̇ид̇о саммад̣̇зва барин̃н̃аад̇аад̇и жад̇уб̣б̣ид̇хамби сад̇им̣ яат̇аад̇ат̇ам̣ висаяз судту убадтид̇ам̣ гад̇ваа. н̃аан̣зна барижчинд̣̇ид̇ваад̇и яасмаа имасса ад̇д̇абхаавасан̃н̃ид̇асса д̣̇угкабхаарасса ваханз баяож̇анабхууд̇ам̣ ад̇д̇ахид̇ам̣ б̣од̇химуулз зва барисамаабид̇ам̣, барахид̇ам̣ бана б̣уд̣̇д̇хавзнзяяавинаяанам̣ барисамаабид̇ам̣ мад̇т̇агаббад̇д̇ам̣, д̇ам̣ д̣̇аани маасад̇д̇аязнзва барисамаабанам̣ баабун̣иссад̇и, д̇асмаа ааха ‘‘висаакабун̣н̣амааяам̣ бариниб̣б̣ааяиссаамий’’д̇и, звам̣ б̣уд̣̇д̇хан̃аан̣зна барижчинд̣̇ид̇ваа сажжабхааг̇зна винижчаяам̣ гад̇ваа. ааяусан̇каарам̣ виссаж̇ийд̇и ааяуно ж̇ийвид̇асса абхисан̇каран̣ам̣ паласамаабад̇д̇ид̇хаммам̣ на самаабаж̇ж̇иссаамийд̇и виссаж̇и, д̇ам̣ виссаж̇ж̇анзнзва д̇зна абхисан̇карийяамаанам̣ ж̇ийвид̇асан̇каарам̣ на бавад̇д̇аяиссаамийд̇и виссаж̇и. д̇знааха ‘‘д̇ад̇т̇аа’’д̇иаад̣̇и.
Satiṃsūpaṭṭhitaṃ katvāti ayaṃ kāyādivibhāgo attabhāvasaññito dukkhabhāro mayā ettakaṃ kālaṃ vahito, idāni pana na vahitabbo, etassa avahanatthaṃ cirataraṃ kālaṃ ariyamaggasambhāro sambhato, svāyaṃ ariyamaggo paṭividdho, yato ime kāyādayo asubhādito sabhāvādito sammadeva pariññātāti catubbidhampi satiṃ yathātathaṃ visaye suṭṭhu upaṭṭhitaṃ katvā. Ñāṇena paricchinditvāti yasmā imassa attabhāvasaññitassa dukkhabhārassa vahane payojanabhūtaṃ attahitaṃ bodhimūle eva parisamāpitaṃ, parahitaṃ pana buddhaveneyyavinayanaṃ parisamāpitaṃ matthakappattaṃ, taṃ dāni māsattayeneva parisamāpanaṃ pāpuṇissati, tasmā āha ‘‘visākhapuṇṇamāyaṃ parinibbāyissāmī’’ti, evaṃ buddhañāṇena paricchinditvā saccabhāgena vinicchayaṃ katvā. Āyusaṅkhāraṃ vissajīti āyuno jīvitassa abhisaṅkharaṇaṃ phalasamāpattidhammaṃ na samāpajjissāmīti vissaji, taṃ vissajjaneneva tena abhisaṅkharīyamānaṃ jīvitasaṅkhāraṃ na pavattayissāmīti vissaji. Tenāha ‘‘tatthā’’tiādi.
таанамаханд̇ад̇ааяаби бавад̇д̇иаагаарамаханд̇ад̇ааяаби маханд̇о бат̇авийгамбо. д̇ад̇т̇а таанамаханд̇ад̇ааяа бхуумижааласса маханд̇ад̇ам̣ д̣̇ассзд̇ум̣ ‘‘д̇ад̣̇аа…бз… агамбид̇т̇аа’’д̇и вуд̇д̇ам̣, саа бана ж̇аад̇икзд̇д̇абхууд̇аа д̣̇асасахассий логад̇хаад̇у зва, на яаа гаажи. яаа махаабхинийхаарамахааж̇аад̇иаад̣̇ийсуби агамбид̇т̇а, д̇ад̣̇ааби д̇ад̇д̇агааяа зва гамбанз гим̣ гааран̣ам̣? ж̇аад̇икзд̇д̇абхаавзна д̇ассзва аад̣̇ид̇о бариг̇г̇ахасса гад̇ад̇д̇аа, бариг̇г̇ахан̣ан̃жасса д̇хаммад̇аавасзна взд̣̇ид̇аб̣б̣ам̣. д̇ат̇аа хи буримаб̣уд̣̇д̇хаанамби д̇ад̇д̇агамзва ж̇аад̇икзд̇д̇ам̣ ахоси. д̇ат̇аа хи вуд̇д̇ам̣ ‘‘д̣̇асасахассий логад̇хаад̇у ниссад̣̇д̣̇аа ход̇и нираагулаа…бз… махаасамуд̣̇д̣̇о аабхуж̇ад̇и, д̣̇асасахассий багамбад̇ий’’д̇и жа аад̣̇и. уд̣̇агабарияанд̇ам̣ гад̇ваа чаббагаараббавзд̇ханзна. авийд̇арааг̇з бхим̣сзд̇ийд̇и бхим̣сано, со зва бхим̣санагод̇и ааха ‘‘бхаяаж̇анаго’’д̇и. д̣̇звабхзрияод̇и д̣̇звад̣̇унд̣̇убхисад̣̇д̣̇асса барияааяаважанамад̇д̇ам̣, на жзд̇т̇а гаажи бхзрий д̣̇звад̣̇унд̣̇убхийд̇и ад̇хиббзд̇аа, ат̇а ко уббаад̇абхаавзна лаб̣бхамаано аагаасад̇о ниг̇гхосасад̣̇д̣̇о. д̇знааха ‘‘д̣̇зво’’д̇иаад̣̇и. д̣̇звод̇и мзгхо. д̇асса хи д̇ад̣̇аа ажчабхаавзна аагаасасса вассаабхаавзна сугкаг̇аж̇ж̇ид̇асан̃н̃ид̇з сад̣̇д̣̇з нижчаранд̇з д̣̇звад̣̇унд̣̇убхисаман̃н̃аа. д̇знааха ‘‘д̣̇зво сугкаг̇аж̇ж̇ид̇ам̣ г̇аж̇ж̇ий’’д̇и.
Ṭhānamahantatāyapi pavattiākāramahantatāyapi mahanto pathavīkampo. Tattha ṭhānamahantatāya bhūmicālassa mahantataṃ dassetuṃ ‘‘tadā…pe… akampitthā’’ti vuttaṃ, sā pana jātikhettabhūtā dasasahassī lokadhātu eva, na yā kāci. Yā mahābhinīhāramahājātiādīsupi akampittha, tadāpi tattakāya eva kampane kiṃ kāraṇaṃ? Jātikhettabhāvena tasseva ādito pariggahassa katattā, pariggahaṇañcassa dhammatāvasena veditabbaṃ. Tathā hi purimabuddhānampi tattakameva jātikhettaṃ ahosi. Tathā hi vuttaṃ ‘‘dasasahassī lokadhātu nissaddā hoti nirākulā…pe… mahāsamuddo ābhujati, dasasahassī pakampatī’’ti ca ādi. Udakapariyantaṃ katvā chappakārappavedhanena. Avītarāge bhiṃsetīti bhiṃsano, so eva bhiṃsanakoti āha ‘‘bhayajanako’’ti. Devabheriyoti devadundubhisaddassa pariyāyavacanamattaṃ, na cettha kāci bherī devadundubhīti adhippetā, atha kho uppātabhāvena labbhamāno ākāsato nigghosasaddo. Tenāha ‘‘devo’’tiādi. Devoti megho. Tassa hi tadā acchabhāvena ākāsassa vassābhāvena sukkhagajjitasaññite sadde niccharante devadundubhisamaññā. Tenāha ‘‘devo sukkhagajjitaṃ gajjī’’ti.
бийд̇ивзг̇ависсадтанд̇и ‘‘звам̣ жирад̇арагаалам̣ вахид̇о аяам̣ ад̇д̇абхаавасан̃н̃ид̇о д̣̇угкабхааро, д̣̇аани на жирассзва нигкибиссаамий’’д̇и сан̃ж̇аад̇асоманассо бхаг̇аваа сабхаавзнзва бийд̇ивзг̇ависсадтам̣ уд̣̇аанам̣ уд̣̇аанзд̇и, звам̣ уд̣̇аанзнд̇зна аяамби ад̇т̇о саад̇хид̇о ход̇ийд̇и д̣̇ассанад̇т̇ам̣ адтагат̇ааяам̣ ‘‘гасмаа’’д̇иаад̣̇и вуд̇д̇ам̣.
Pītivegavissaṭṭhanti ‘‘evaṃ ciratarakālaṃ vahito ayaṃ attabhāvasaññito dukkhabhāro, dāni na cirasseva nikkhipissāmī’’ti sañjātasomanasso bhagavā sabhāveneva pītivegavissaṭṭhaṃ udānaṃ udāneti, evaṃ udānentena ayampi attho sādhito hotīti dassanatthaṃ aṭṭhakathāyaṃ ‘‘kasmā’’tiādi vuttaṃ.
д̇улийяад̇ийд̇и д̇уланд̇и д̇ула-сад̣̇д̣̇о гаммасаад̇ханод̇и д̣̇ассзд̇ум̣ ‘‘д̇улид̇а’’нд̇и вуд̇д̇ам̣. аббаанубхаавад̇ааяа барижчиннам̣. д̇ат̇аа хи д̇ам̣ бадибагкзна барид̇о кан̣д̣ид̇абхаавзна барид̇д̇анд̇и вужжад̇и. бадибагкавигкамбханад̇о д̣̇ийгхасанд̇аанад̇ааяа вибулапалад̇ааяа жа на д̇улам̣ на барижчиннам̣. язхи гааран̣зхи буб̣б̣з ависзсад̇о ‘‘махаг̇г̇ад̇ам̣ ад̇ула’’нд̇и вуд̇д̇ам̣, д̇аани гааран̣аани руубааважарад̇о ааруббасса саад̇исаяам̣ виж̇ж̇анд̇ийд̇и аруубааважарам̣ ад̇уланд̇и вуд̇д̇ам̣, ид̇аран̃жа д̇уланд̇и. аббавибааганд̇и д̇ийсуби гаммзсу яам̣ аббавибаагам̣ хийнам̣, д̇ам̣ д̇улам̣. б̣ахувибааганд̇и яам̣ махаавибаагам̣ бан̣ийд̇ам̣, д̇ам̣ ад̇улам̣. яам̣ банзд̇т̇а маж̇жхимам̣, д̇ам̣ хийнам̣ уггадтанд̇и д̣̇вид̇хаа бхинд̣̇ид̇ваа д̣̇вийсу бхааг̇зсу багкибид̇аб̣б̣ам̣. хийнад̇д̇игаван̣н̣анааяам̣ вуд̇д̇анаязнзва аббаб̣ахувибаагад̇ам̣ нид̣̇д̇хаарзд̇ваа д̇асса васзна д̇улаад̇улабхааво взд̣̇ид̇аб̣б̣о. самбхавад̇и зд̇асмаад̇и самбхавод̇и ааха ‘‘самбхава^ хзд̇убхууд̇а’’нд̇и. нияагаж̇жхад̇д̇арад̇од̇и сасанд̇аанад̇хаммзсу вибассанаавасзна г̇ожараасзванааяа жа рад̇о. савибаагам̣ самаанам̣ бавад̇д̇ивибаагамад̇д̇ад̣̇ааяигаммам̣ савибаагадтзна самбхавам̣, на жа д̇ам̣ гаамаад̣̇и^ бхаваабхисан̇каараганд̇и д̇ад̇о висзсанад̇т̇ам̣ самбхаванд̇и вад̇ваа ‘‘бхавасан̇каара’’нд̇и вуд̇д̇ам̣. оссаж̇ийд̇и арияамаг̇г̇зна авассаж̇и. гаважам̣ вияа ад̇д̇абхаавам̣ барияонанд̇хид̇ваа тид̇ам̣ ад̇д̇ани самбхууд̇ад̇д̇аа ад̇д̇асамбхавам̣ гилзсан̃жа абхинд̣̇ийд̇и гилзсабхзд̣̇асахабхаавигаммоссаж̇ж̇анам̣ д̣̇ассзнд̇о д̇ад̣̇убхаяасса гааран̣амааха ‘‘аж̇жхад̇д̇арад̇о самаахид̇о’’д̇и.
Tulīyatīti tulanti tula-saddo kammasādhanoti dassetuṃ ‘‘tulita’’nti vuttaṃ. Appānubhāvatāya paricchinnaṃ. Tathā hi taṃ paṭipakkhena parito khaṇḍitabhāvena parittanti vuccati. Paṭipakkhavikkhambhanato dīghasantānatāya vipulaphalatāya ca na tulaṃ na paricchinnaṃ. Yehi kāraṇehi pubbe avisesato ‘‘mahaggataṃ atula’’nti vuttaṃ, tāni kāraṇāni rūpāvacarato āruppassa sātisayaṃ vijjantīti arūpāvacaraṃ atulanti vuttaṃ, itarañca tulanti. Appavipākanti tīsupi kammesu yaṃ appavipākaṃ hīnaṃ, taṃ tulaṃ. Bahuvipākanti yaṃ mahāvipākaṃ paṇītaṃ, taṃ atulaṃ. Yaṃ panettha majjhimaṃ, taṃ hīnaṃ ukkaṭṭhanti dvidhā bhinditvā dvīsu bhāgesu pakkhipitabbaṃ. Hīnattikavaṇṇanāyaṃ vuttanayeneva appabahuvipākataṃ niddhāretvā tassa vasena tulātulabhāvo veditabbo. Sambhavati etasmāti sambhavoti āha ‘‘sambhava^ hetubhūta’’nti. Niyakajjhattaratoti sasantānadhammesu vipassanāvasena gocarāsevanāya ca rato. Savipākaṃ samānaṃ pavattivipākamattadāyikammaṃ savipākaṭṭhena sambhavaṃ, na ca taṃ kāmādi^ bhavābhisaṅkhārakanti tato visesanatthaṃ sambhavanti vatvā ‘‘bhavasaṅkhāra’’nti vuttaṃ. Ossajīti ariyamaggena avassaji. Kavacaṃ viya attabhāvaṃ pariyonandhitvā ṭhitaṃ attani sambhūtattā attasambhavaṃkilesañca abhindīti kilesabhedasahabhāvikammossajjanaṃ dassento tadubhayassa kāraṇamāha ‘‘ajjhattarato samāhito’’ti.
батамавигаббз авасаж̇ж̇анамзва вуд̇д̇ам̣. зд̇т̇а авасаж̇ж̇анаагаарод̇и д̇ам̣ д̣̇ассзнд̇о ‘‘ат̇а ваа’’д̇иаад̣̇имааха. д̇ад̇т̇а д̇ийрзнд̇од̇и ‘‘уббаад̣̇о бхаяам̣, ануббаад̣̇о кзма’’нд̇иаад̣̇инаа виймам̣санд̇о. д̇улзнд̇о д̇ийрзнд̇од̇иаад̣̇инаа сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘бан̃жагканд̇хаа’’д̇иаад̣̇им̣ вад̇ваа бхавасан̇каарасса авасаж̇ж̇анаагаарам̣ саруубад̇о д̣̇ассзд̇и. званд̇иаад̣̇инаа бана уд̣̇аанаг̇аат̇ааван̣н̣анааяам̣ аад̣̇ид̇о вуд̇д̇амад̇т̇ам̣ ниг̇аманавасзна д̣̇ассзд̇и. абхийд̇абхааван̃аабанад̇т̇ан̃жаад̇и аяамби ад̇т̇о сан̇г̇ахид̇од̇и д̣̇адтаб̣б̣ам̣.
Paṭhamavikappe avasajjanameva vuttaṃ. Ettha avasajjanākāroti taṃ dassento ‘‘atha vā’’tiādimāha. Tattha tīrentoti ‘‘uppādo bhayaṃ, anuppādo khema’’ntiādinā vīmaṃsanto. Tulento tīrentotiādinā saṅkhepato vuttamatthaṃ vitthārato dassetuṃ ‘‘pañcakkhandhā’’tiādiṃ vatvā bhavasaṅkhārassa avasajjanākāraṃ sarūpato dasseti. Evantiādinā pana udānagāthāvaṇṇanāyaṃ ādito vuttamatthaṃ nigamanavasena dasseti. Abhītabhāvañāpanatthañcāti ayampi attho saṅgahitoti daṭṭhabbaṃ.
жаабаалаваг̇г̇аван̣н̣анаа нидтид̇аа.
Cāpālavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. жзд̇ияасуд̇д̇ам̣ • 10. Cetiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. жзд̇ияасуд̇д̇аван̣н̣анаа • 10. Cetiyasuttavaṇṇanā
