| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. жзд̇окиласуд̇д̇аван̣н̣анаа
6. Cetokhilasuttavaṇṇanā
185. звам̣ мз суд̇анд̇и жзд̇окиласуд̇д̇ам̣. д̇ад̇т̇а жзд̇окилаад̇и жид̇д̇асса т̇ад̣̇д̇хабхааваа гажаварабхааваа каан̣угабхааваа. жзд̇асо виниб̣анд̇хаад̇и жид̇д̇ам̣ б̣анд̇хид̇ваа мудтияам̣ гад̇ваа вияа г̇ан̣ханд̇ийд̇и жзд̇асо виниб̣анд̇хаа. вуд̣̇д̇хинд̇иаад̣̇ийсу сийлзна вуд̣̇д̇хим̣, маг̇г̇зна вирул̣хим̣, ниб̣б̣аанзна взбуллам̣. сийласамаад̇хийхи ваа вуд̣̇д̇хим̣, вибассанаамаг̇г̇зхи вирул̣хим̣, паланиб̣б̣аанзхи взбуллам̣. сад̇т̇ари ган̇кад̇ийд̇и сад̇т̇у сарийрз ваа г̇ун̣з ваа ган̇кад̇и. сарийрз ган̇камаано д̣̇вад̇д̇им̣саваралагкан̣аббадиман̣д̣ид̇ам̣ наама сарийрам̣ ад̇т̇и ну ко над̇т̇ийд̇и ган̇кад̇и, г̇ун̣з ган̇камаано ад̇ийд̇аанааг̇ад̇абажжуббаннаж̇аананасамад̇т̇ам̣ саб̣б̣ан̃н̃уд̇ан̃н̃аан̣ам̣ ад̇т̇и ну ко над̇т̇ийд̇и ган̇кад̇и. вижигижчад̇ийд̇и вижинанд̇о гижчад̇и, д̣̇угкам̣ аабаж̇ж̇ад̇и, винижчзд̇ум̣ на саггод̇и. наад̇химужжад̇ийд̇и звамзд̇анд̇и ад̇химогкам̣ на бадилабхад̇и. на самбасийд̣̇ад̇ийд̇и г̇ун̣зсу од̇арид̇ваа ниб̣б̣ижигижчабхаавзна басийд̣̇ид̇ум̣, анаавило бхавид̇ум̣ на саггод̇и. аад̇аббааяаад̇и гилзсасанд̇аабагавийрияагаран̣ад̇т̇ааяа. ануяог̇ааяаад̇и бунаббунам̣ яог̇ааяа. саад̇ажжааяаад̇и сад̇ад̇агирияааяа бад̇хаанааяаад̇и бад̣̇аханад̇т̇ааяа. аяам̣ батамо жзд̇окилод̇и аяам̣ сад̇т̇ари вижигижчаасан̇каад̇о батамо жид̇д̇асса т̇ад̣̇д̇хабхааво, звамзд̇асса бхигкуно аббахийно ход̇и. д̇хаммзд̇и барияад̇д̇ид̇хаммз жа бадивзд̇хад̇хаммз жа. барияад̇д̇ид̇хаммз ган̇камаано, д̇збидагам̣ б̣уд̣̇д̇хаважанам̣ жад̇ураасийд̇и д̇хаммагканд̇хасахассаанийд̇и вад̣̇анд̇и, ад̇т̇и ну ко зд̇ам̣ над̇т̇ийд̇и ган̇кад̇и. бадивзд̇хад̇хаммз ган̇камаано вибассанааниссанд̣̇о маг̇г̇о наама, маг̇г̇аниссанд̣̇о палам̣ наама, саб̣б̣асан̇каарабадиниссаг̇г̇о ниб̣б̣аанам̣ наамаад̇и вад̣̇анд̇и. д̇ам̣ ад̇т̇и ну ко над̇т̇ийд̇и ган̇кад̇и. сан̇гхз ган̇кад̇ийд̇и суббадибаннод̇иаад̣̇ийнам̣ бад̣̇аанам̣ васзна зваруубам̣ бадибад̣̇ам̣ бадибаннаа жад̇д̇ааро маг̇г̇адтаа жад̇д̇ааро паладтаад̇и адтаннам̣ буг̇г̇алаанам̣ самуухабхууд̇о сан̇гхо наама, со ад̇т̇и ну ко над̇т̇ийд̇и ган̇кад̇и. сигкааяа ган̇камаано ад̇хисийласигкаа наама ад̇хижид̇д̇асигкаа наама ад̇хибан̃н̃аасигкаа наамаад̇и вад̣̇анд̇и. саа ад̇т̇и ну ко над̇т̇ийд̇и ган̇кад̇и. аяам̣ бан̃жамод̇и аяам̣ саб̣рахмажаарийсу гобасан̇каад̇о бан̃жамо жид̇д̇асса т̇ад̣̇д̇хабхааво гажаварабхааво каан̣угабхааво.
185.Evaṃme sutanti cetokhilasuttaṃ. Tattha cetokhilāti cittassa thaddhabhāvā kacavarabhāvā khāṇukabhāvā. Cetaso vinibandhāti cittaṃ bandhitvā muṭṭhiyaṃ katvā viya gaṇhantīti cetaso vinibandhā. Vuddhintiādīsu sīlena vuddhiṃ, maggena viruḷhiṃ, nibbānena vepullaṃ. Sīlasamādhīhi vā vuddhiṃ, vipassanāmaggehi viruḷhiṃ, phalanibbānehi vepullaṃ. Satthari kaṅkhatīti satthu sarīre vā guṇe vā kaṅkhati. Sarīre kaṅkhamāno dvattiṃsavaralakkhaṇappaṭimaṇḍitaṃ nāma sarīraṃ atthi nu kho natthīti kaṅkhati, guṇe kaṅkhamāno atītānāgatapaccuppannajānanasamatthaṃ sabbaññutaññāṇaṃ atthi nu kho natthīti kaṅkhati. Vicikicchatīti vicinanto kicchati, dukkhaṃ āpajjati, vinicchetuṃ na sakkoti. Nādhimuccatīti evametanti adhimokkhaṃ na paṭilabhati. Na sampasīdatīti guṇesu otaritvā nibbicikicchabhāvena pasīdituṃ, anāvilo bhavituṃ na sakkoti. Ātappāyāti kilesasantāpakavīriyakaraṇatthāya. Anuyogāyāti punappunaṃ yogāya. Sātaccāyāti satatakiriyāya padhānāyāti padahanatthāya. Ayaṃ paṭhamo cetokhiloti ayaṃ satthari vicikicchāsaṅkhāto paṭhamo cittassa thaddhabhāvo, evametassa bhikkhuno appahīno hoti. Dhammeti pariyattidhamme ca paṭivedhadhamme ca. Pariyattidhamme kaṅkhamāno, tepiṭakaṃ buddhavacanaṃ caturāsīti dhammakkhandhasahassānīti vadanti, atthi nu kho etaṃ natthīti kaṅkhati. Paṭivedhadhamme kaṅkhamāno vipassanānissando maggo nāma, magganissando phalaṃ nāma, sabbasaṅkhārapaṭinissaggo nibbānaṃ nāmāti vadanti. Taṃ atthi nu kho natthīti kaṅkhati. Saṅghe kaṅkhatīti suppaṭipannotiādīnaṃ padānaṃ vasena evarūpaṃ paṭipadaṃ paṭipannā cattāro maggaṭṭhā cattāro phalaṭṭhāti aṭṭhannaṃ puggalānaṃ samūhabhūto saṅgho nāma, so atthi nu kho natthīti kaṅkhati. Sikkhāya kaṅkhamāno adhisīlasikkhā nāma adhicittasikkhā nāma adhipaññāsikkhā nāmāti vadanti. Sā atthi nu kho natthīti kaṅkhati. Ayaṃ pañcamoti ayaṃ sabrahmacārīsu kopasaṅkhāto pañcamo cittassa thaddhabhāvo kacavarabhāvo khāṇukabhāvo.
186. виниб̣анд̇хзсу гаамзд̇и вад̇т̇угаамзби гилзсагаамзби. гааязд̇и ад̇д̇ано гааяз. руубзд̇и б̣ахид̣̇д̇хаа руубз. яаавад̣̇ад̇т̇анд̇и яад̇д̇агам̣ ижчад̇и, д̇ад̇д̇агам̣. уд̣̇араавад̣̇зхаганд̇и уд̣̇арабуурам̣. д̇ан̃хи уд̣̇арам̣ авад̣̇зханад̇о уд̣̇араавад̣̇зхаганд̇и вужжад̇и. сзяяасуканд̇и ман̃жабийтасукам̣, уд̇усукам̣ ваа. бассасуканд̇и яат̇аа самбаривад̇д̇агам̣ саяанд̇асса д̣̇агкин̣абассаваамабассаанам̣ сукам̣ ход̇и, звам̣ уббаннасукам̣. мид̣̇д̇хасуканд̇и нид̣̇д̣̇аасукам̣. ануяуд̇д̇од̇и яуд̇д̇абаяуд̇д̇о вихарад̇и.
186. Vinibandhesu kāmeti vatthukāmepi kilesakāmepi. Kāyeti attano kāye. Rūpeti bahiddhā rūpe. Yāvadatthanti yattakaṃ icchati, tattakaṃ. Udarāvadehakanti udarapūraṃ. Tañhi udaraṃ avadehanato udarāvadehakanti vuccati. Seyyasukhanti mañcapīṭhasukhaṃ, utusukhaṃ vā. Passasukhanti yathā samparivattakaṃ sayantassa dakkhiṇapassavāmapassānaṃ sukhaṃ hoti, evaṃ uppannasukhaṃ. Middhasukhanti niddāsukhaṃ. Anuyuttoti yuttapayutto viharati.
бан̣ид̇хааяаад̇и бад̇т̇аяид̇ваа. сийлзнаад̇иаад̣̇ийсу сийланд̇и жад̇убаарисуд̣̇д̇хисийлам̣. вад̇анд̇и вад̇асамаад̣̇аанам̣. д̇абод̇и д̇абажаран̣ам̣. б̣рахмажарияанд̇и мзт̇унавирад̇и. д̣̇зво ваа бхависсаамийд̇и махзсагкад̣̇зво ваа бхависсаами. д̣̇зван̃н̃ад̇аро вааби аббзсагкад̣̇звзсу ваа ан̃н̃ад̇аро.
Paṇidhāyāti patthayitvā. Sīlenātiādīsu sīlanti catupārisuddhisīlaṃ. Vatanti vatasamādānaṃ. Tapoti tapacaraṇaṃ. Brahmacariyanti methunavirati. Devo vā bhavissāmīti mahesakkhadevo vā bhavissāmi. Devaññataro vāpi appesakkhadevesu vā aññataro.
189. ид̣̇д̇хибаад̣̇зсу чанд̣̇ам̣ ниссааяа бавад̇д̇о самаад̇хи чанд̣̇асамаад̇хи. бад̇хаанабхууд̇аа сан̇каараа бад̇хаанасан̇каараа. саманнааг̇ад̇анд̇и д̇зхи д̇хаммзхи убзд̇ам̣. ид̣̇д̇хияаа баад̣̇ам̣, ид̣̇д̇хибхууд̇ам̣ ваа баад̣̇анд̇и ид̣̇д̇хибаад̣̇ам̣. сзсзсуби зсзва наяо, аяамзд̇т̇а сан̇кзбо. вид̇т̇ааро бана ид̣̇д̇хибаад̣̇авибхан̇г̇з ааг̇ад̇о язва. висуд̣̇д̇химаг̇г̇збисса ад̇т̇о д̣̇ийбид̇о. ид̇и имзхи жад̇уухи ид̣̇д̇хибаад̣̇зхи вигкамбханаббахаанам̣ гат̇ид̇ам̣. уссол̣хийязва бан̃жамийд̇и зд̇т̇а уссол̣хийд̇и саб̣б̣ад̇т̇а гад̇д̇аб̣б̣авийрияам̣ д̣̇ассзд̇и. уссол̣хийбаннарасан̇г̇асаманнааг̇ад̇од̇и бан̃жа жзд̇окилаббахаанаани бан̃жа виниб̣анд̇хаббахаанаани жад̇д̇ааро ид̣̇д̇хибаад̣̇аа уссол̣хийд̇и звам̣ уссол̣хияаа сад̣̇д̇хим̣ баннарасахи ан̇г̇зхи саманнааг̇ад̇о. бхаб̣б̣од̇и ануруубо, анужчавиго. абхиниб̣бхид̣̇ааяаад̇и н̃аан̣зна гилзсабхзд̣̇ааяа. самб̣од̇хааяаад̇и жад̇умаг̇г̇асамб̣од̇хааяа. ануд̇д̇арассаад̇и сздтасса. яог̇агкзмассаад̇и жад̇уухи яог̇зхи кзмасса арахад̇д̇асса. ад̇хиг̇амааяаад̇и бадилаабхааяа. сзяяат̇аад̇и обаммад̇т̇з нибаад̇о. бийд̇и самбхааванад̇т̇з. убхаязнаби сзяяат̇ааби наама, бхигкавзд̇и д̣̇ассзд̇и .
189. Iddhipādesu chandaṃ nissāya pavatto samādhi chandasamādhi. Padhānabhūtā saṅkhārā padhānasaṅkhārā. Samannāgatanti tehi dhammehi upetaṃ. Iddhiyā pādaṃ, iddhibhūtaṃ vā pādanti iddhipādaṃ. Sesesupi eseva nayo, ayamettha saṅkhepo. Vitthāro pana iddhipādavibhaṅge āgato yeva. Visuddhimaggepissa attho dīpito. Iti imehi catūhi iddhipādehi vikkhambhanappahānaṃ kathitaṃ. Ussoḷhīyeva pañcamīti ettha ussoḷhīti sabbattha kattabbavīriyaṃ dasseti. Ussoḷhīpannarasaṅgasamannāgatoti pañca cetokhilappahānāni pañca vinibandhappahānāni cattāro iddhipādā ussoḷhīti evaṃ ussoḷhiyā saddhiṃ pannarasahi aṅgehi samannāgato. Bhabboti anurūpo, anucchaviko. Abhinibbhidāyāti ñāṇena kilesabhedāya. Sambodhāyāti catumaggasambodhāya. Anuttarassāti seṭṭhassa. Yogakkhemassāti catūhi yogehi khemassa arahattassa. Adhigamāyāti paṭilābhāya. Seyyathāti opammatthe nipāto. Pīti sambhāvanatthe. Ubhayenapi seyyathāpi nāma, bhikkhaveti dasseti .
гуггудияаа ан̣д̣аани адта ваа д̣̇аса ваа д̣̇ваад̣̇аса ваад̇и зд̇т̇а бана гин̃жааби гуггудияаа вуд̇д̇аббагаарад̇о уунаад̇хигааниби ан̣д̣аани хонд̇и, важанасилидтад̇ааяа бана звам̣ вуд̇д̇ам̣. зван̃хи логз силидтам̣ важанам̣ ход̇и. д̇аанассууд̇и д̇аани ассу, бхавзяяунд̇и ад̇т̇о. гуггудияаа саммаа ад̇хисаяид̇аанийд̇и д̇ааяа ж̇анзд̇д̇ияаа гуггудияаа багкз басаарзд̇ваа д̇зсам̣ убари саяанд̇ияаа саммаа ад̇хисаяид̇аани. саммаа барисзд̣̇ид̇аанийд̇и гаалзна гаалам̣ уд̇ум̣ г̇аахаабзнд̇ияаа судту саманд̇ад̇о сзд̣̇ид̇аани усмийгад̇аани. саммаа барибхаавид̇аанийд̇и гаалзна гаалам̣ судту саманд̇ад̇о бхаавид̇аани, гуггудаг̇анд̇хам̣ г̇аахаабид̇аанийд̇и ад̇т̇о. гин̃жааби д̇ассаа гуггудияаад̇и д̇ассаа гуггудияаа имам̣ д̇ивид̇хагирияаагаран̣зна аббамаад̣̇ам̣ гад̇ваа гин̃жааби на звам̣ ижчаа уббаж̇ж̇зяяа. ат̇а ко бхаб̣б̣аава д̇зд̇и ат̇а ко д̇з гуггудабод̇агаа вуд̇д̇анаязна сод̇т̇инаа абхиниб̣бхиж̇ж̇ид̇ум̣ бхаб̣б̣аава. д̇з хи яасмаа д̇ааяа гуггудияаа звам̣ д̇ийхаагаарзхи д̇аани ан̣д̣аани барибаалийяамаанаани на бууд̇ийни хонд̇и. яоби нзсам̣ алласинзхо, соби барияаад̣̇аанам̣ г̇ажчад̇и, габаалам̣ д̇анугам̣ ход̇и, баад̣̇анакасикаа жа мукад̇ун̣д̣аган̃жа карам̣ ход̇и, саяам̣ барибаагам̣ г̇ажчад̇и, габааласса д̇ануд̇д̇аа б̣ахи аалого анд̇о бан̃н̃ааяад̇и, д̇асмаа ‘‘жирам̣ вад̇а маяам̣ сан̇гудид̇ахад̇т̇абаад̣̇аа самб̣аад̇хз саяимхаа, аяан̃жа б̣ахи аалого д̣̇иссад̇и, зд̇т̇а д̣̇аани но сукавихааро бхависсад̇ий’’д̇и нигкамид̇угаамаа худ̇ваа габаалам̣ баад̣̇зна бахаранд̇и, г̇ийвам̣ басаарзнд̇и, д̇ад̇о д̇ам̣ габаалам̣ д̣̇взд̇хаа бхиж̇ж̇ад̇и. ат̇а д̇з багкз вид̇хунанд̇аа д̇ан̇кан̣аануруубам̣ вираванд̇аа нигкаманд̇иязва, нигкамид̇ваа жа г̇аамагкзд̇д̇ам̣ убасобхаяамаанаа вижаранд̇и.
Kukkuṭiyāaṇḍāni aṭṭha vā dasa vā dvādasa vāti ettha pana kiñcāpi kukkuṭiyā vuttappakārato ūnādhikānipi aṇḍāni honti, vacanasiliṭṭhatāya pana evaṃ vuttaṃ. Evañhi loke siliṭṭhaṃ vacanaṃ hoti. Tānassūti tāni assu, bhaveyyunti attho. Kukkuṭiyā sammā adhisayitānīti tāya janettiyā kukkuṭiyā pakkhe pasāretvā tesaṃ upari sayantiyā sammā adhisayitāni. Sammā pariseditānīti kālena kālaṃ utuṃ gāhāpentiyā suṭṭhu samantato seditāni usmīkatāni. Sammā paribhāvitānīti kālena kālaṃ suṭṭhu samantato bhāvitāni, kukkuṭagandhaṃ gāhāpitānīti attho. Kiñcāpi tassā kukkuṭiyāti tassā kukkuṭiyā imaṃ tividhakiriyākaraṇena appamādaṃ katvā kiñcāpi na evaṃ icchā uppajjeyya. Atha kho bhabbāva teti atha kho te kukkuṭapotakā vuttanayena sotthinā abhinibbhijjituṃ bhabbāva. Te hi yasmā tāya kukkuṭiyā evaṃ tīhākārehi tāni aṇḍāni paripālīyamānāni na pūtīni honti. Yopi nesaṃ allasineho, sopi pariyādānaṃ gacchati, kapālaṃ tanukaṃ hoti, pādanakhasikhā ca mukhatuṇḍakañca kharaṃ hoti, sayaṃ paripākaṃ gacchati, kapālassa tanuttā bahi āloko anto paññāyati, tasmā ‘‘ciraṃ vata mayaṃ saṅkuṭitahatthapādā sambādhe sayimhā, ayañca bahi āloko dissati, ettha dāni no sukhavihāro bhavissatī’’ti nikkhamitukāmā hutvā kapālaṃ pādena paharanti, gīvaṃ pasārenti, tato taṃ kapālaṃ dvedhā bhijjati. Atha te pakkhe vidhunantā taṅkhaṇānurūpaṃ viravantā nikkhamantiyeva, nikkhamitvā ca gāmakkhettaṃ upasobhayamānā vicaranti.
звамзва код̇и ид̣̇ам̣ обаммасамбадибаад̣̇анам̣. д̇ам̣ звам̣ ад̇т̇зна сам̣санд̣̇зд̇ваа взд̣̇ид̇аб̣б̣ам̣ – д̇ассаа гуггудияаа ан̣д̣зсу д̇ивид̇хагирияаагаран̣ам̣ вияа хи имасса бхигкуно уссол̣хийбаннарасзхи ан̇г̇зхи саманнааг̇ад̇абхааво. гуггудияаа д̇ивид̇хагирияаасамбаад̣̇анзна ан̣д̣аанам̣ абууд̇ибхааво вияа баннарасан̇г̇асаманнааг̇ад̇асса бхигкуно д̇ивид̇хаанубассанаасамбаад̣̇анзна вибассанаан̃аан̣асса абарихаани. д̇ассаа д̇ивид̇хагирияаагаран̣зна ан̣д̣аанам̣ алласинзхабарияаад̣̇аанам̣ вияа д̇асса бхигкуно д̇ивид̇хаанубассанаасамбаад̣̇анзна бхавад̇д̇аяаануг̇ад̇аниганд̇исинзхабарияаад̣̇аанам̣ . ан̣д̣агалаабаанам̣ д̇анубхааво вияа бхигкуно авиж̇ж̇ан̣д̣агосасса д̇анубхааво. гуггудабод̇агаанам̣ баад̣̇анакамуд̇ун̣д̣агаанам̣ т̇ад̣̇д̇хакарабхааво вияа бхигкуно вибассанаан̃аан̣асса д̇игкакаравиббасаннасуурабхааво. гуггудабод̇агаанам̣ барин̣аамагаало вияа бхигкуно вибассанаан̃аан̣асса барин̣аамагаало вад̣дхид̇агаало г̇аб̣бхаг̇г̇ахан̣агаало. гуггудабод̇агаанам̣ баад̣̇анакасикааяа ваа мукад̇ун̣д̣агзна ваа ан̣д̣агосам̣ бад̣̇аалзд̇ваа багкз бабподзд̇ваа сод̇т̇инаа абхинигкаманагаало вияа д̇асса бхигкуно вибассанаан̃аан̣аг̇аб̣бхам̣ г̇ан̣хаабзд̇ваа вижаранд̇асса д̇аж̇ж̇аад̇игам̣ уд̇усаббааяам̣ ваа бхож̇анасаббааяам̣ ваа буг̇г̇аласаббааяам̣ ваа д̇хаммассаванасаббааяам̣ ваа лабхид̇ваа згаасанз нисиннассзва вибассанам̣ вад̣дхзнд̇асса анубуб̣б̣аад̇хиг̇ад̇зна арахад̇д̇амаг̇г̇зна авиж̇ж̇ан̣д̣агосам̣ бад̣̇аалзд̇ваа абхин̃н̃аабагкз бабподзд̇ваа сод̇т̇инаа арахад̇д̇аббад̇д̇агаало взд̣̇ид̇аб̣б̣о. яат̇аа бана гуггудабод̇агаанам̣ барин̣ад̇абхаавам̣ н̃ад̇ваа маад̇ааби ан̣д̣агосам̣ бхинд̣̇ад̇и, звам̣ д̇ат̇ааруубасса бхигкуно н̃аан̣абарибаагам̣ н̃ад̇ваа сад̇т̇ааби –
Evameva khoti idaṃ opammasampaṭipādanaṃ. Taṃ evaṃ atthena saṃsandetvā veditabbaṃ – tassā kukkuṭiyā aṇḍesu tividhakiriyākaraṇaṃ viya hi imassa bhikkhuno ussoḷhīpannarasehi aṅgehi samannāgatabhāvo. Kukkuṭiyā tividhakiriyāsampādanena aṇḍānaṃ apūtibhāvo viya pannarasaṅgasamannāgatassa bhikkhuno tividhānupassanāsampādanena vipassanāñāṇassa aparihāni. Tassā tividhakiriyākaraṇena aṇḍānaṃ allasinehapariyādānaṃ viya tassa bhikkhuno tividhānupassanāsampādanena bhavattayānugatanikantisinehapariyādānaṃ . Aṇḍakalāpānaṃ tanubhāvo viya bhikkhuno avijjaṇḍakosassa tanubhāvo. Kukkuṭapotakānaṃ pādanakhamutuṇḍakānaṃ thaddhakharabhāvo viya bhikkhuno vipassanāñāṇassa tikkhakharavippasannasūrabhāvo. Kukkuṭapotakānaṃ pariṇāmakālo viya bhikkhuno vipassanāñāṇassa pariṇāmakālo vaḍḍhitakālo gabbhaggahaṇakālo. Kukkuṭapotakānaṃ pādanakhasikhāya vā mukhatuṇḍakena vā aṇḍakosaṃ padāletvā pakkhe papphoṭetvā sotthinā abhinikkhamanakālo viya tassa bhikkhuno vipassanāñāṇagabbhaṃ gaṇhāpetvā vicarantassa tajjātikaṃ utusappāyaṃ vā bhojanasappāyaṃ vā puggalasappāyaṃ vā dhammassavanasappāyaṃ vā labhitvā ekāsane nisinnasseva vipassanaṃ vaḍḍhentassa anupubbādhigatena arahattamaggena avijjaṇḍakosaṃ padāletvā abhiññāpakkhe papphoṭetvā sotthinā arahattappattakālo veditabbo. Yathā pana kukkuṭapotakānaṃ pariṇatabhāvaṃ ñatvā mātāpi aṇḍakosaṃ bhindati, evaṃ tathārūpassa bhikkhuno ñāṇaparipākaṃ ñatvā satthāpi –
‘‘ужчинд̣̇а синзхамад̇д̇ано, гумуд̣̇ам̣ саарад̣̇игам̣ва баан̣инаа;
‘‘Ucchinda sinehamattano, kumudaṃ sāradikaṃva pāṇinā;
санд̇имаг̇г̇амзва б̣руухаяа, ниб̣б̣аанам̣ суг̇ад̇зна д̣̇зсид̇а’’нд̇и. (д̇ха. ба. 285) –
Santimaggameva brūhaya, nibbānaṃ sugatena desita’’nti. (dha. pa. 285) –
аад̣̇инаа наязна обхаасам̣ парид̇ваа г̇аат̇ааяа авиж̇ж̇ан̣д̣агосам̣ бахарад̇и, со г̇аат̇аабарияосаанз авиж̇ж̇аан̣д̣агосам̣ бхинд̣̇ид̇ваа арахад̇д̇ам̣ баабун̣аад̇и. д̇ад̇о бадтааяа яат̇аа д̇з гуггудабод̇агаа г̇аамагкзд̇д̇ам̣ убасобхаяамаанаа д̇ад̇т̇а д̇ад̇т̇а вижаранд̇и, звам̣ аяамби махаакийн̣аасаво ниб̣б̣аанарамман̣ам̣ паласамаабад̇д̇им̣ аббзд̇ваа сан̇гхаараамам̣ убасобхаяамаано вижарад̇и.
Ādinā nayena obhāsaṃ pharitvā gāthāya avijjaṇḍakosaṃ paharati, so gāthāpariyosāne avijjāṇḍakosaṃ bhinditvā arahattaṃ pāpuṇāti. Tato paṭṭhāya yathā te kukkuṭapotakā gāmakkhettaṃ upasobhayamānā tattha tattha vicaranti, evaṃ ayampi mahākhīṇāsavo nibbānarammaṇaṃ phalasamāpattiṃ appetvā saṅghārāmaṃ upasobhayamāno vicarati.
ид̇и имасмим̣ суд̇д̇з жад̇д̇аари бахаанаани гат̇ид̇аани. гат̇ам̣? жзд̇окилаанан̃хи жзд̇овиниб̣анд̇хаанам̣ бахаанзна бадисан̇каанаббабахаанам̣ гат̇ид̇ам̣, ид̣̇д̇хибаад̣̇зхи вигкамбханаббахаанам̣ гат̇ид̇а, маг̇г̇з ааг̇ад̇з самужчзд̣̇аббахаанам̣ гат̇ид̇ам̣, палз ааг̇ад̇з бадиббассад̣̇д̇хиббахаанам̣ гат̇ид̇ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
Iti imasmiṃ sutte cattāri pahānāni kathitāni. Kathaṃ? Cetokhilānañhi cetovinibandhānaṃ pahānena paṭisaṅkhānappapahānaṃ kathitaṃ, iddhipādehi vikkhambhanappahānaṃ kathita, magge āgate samucchedappahānaṃ kathitaṃ, phale āgate paṭippassaddhippahānaṃ kathitaṃ. Sesaṃ sabbattha uttānatthamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жзд̇окиласуд̇д̇аван̣н̣анаа нидтид̇аа.
Cetokhilasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. жзд̇окиласуд̇д̇ам̣ • 6. Cetokhilasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. жзд̇окиласуд̇д̇аван̣н̣анаа • 6. Cetokhilasuttavaṇṇanā
