| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. жзд̇окиласуд̇д̇аван̣н̣анаа
5. Cetokhilasuttavaṇṇanā
205. бан̃жамз жзд̇окилаа наама ад̇т̇ад̇о вижигижчаа год̇хо жа. д̇з бана яасмим̣ санд̇аанз уббаж̇ж̇анд̇и, д̇асса карабхааво гагкал̣абхааво худ̇ваа убад̇идтанд̇и, баг̇зва ад̇д̇анаа самбаяуд̇д̇ажид̇д̇ассаад̇и ааха ‘‘жид̇д̇асса т̇ад̣̇д̇хабхааваа’’д̇и. яат̇аа лагкан̣абаарибуурияаа г̇ахид̇ааяа саб̣б̣аа сад̇т̇у руубагааяасирий г̇ахид̇аа зва наама ход̇и звам̣ саб̣б̣ан̃н̃уд̇ааяа саб̣б̣ад̇хаммагааяасирий г̇ахид̇аа зва наама ход̇ийд̇и д̇ад̣̇убхаяавад̇т̇угамзва ган̇кам̣ д̣̇ассзнд̇о ‘‘сарийрз ган̇камаано’’д̇иаад̣̇имааха. вижинанд̇од̇и д̇хаммасабхаавам̣ виймам̣санд̇о. гижчад̇ийд̇и гиламад̇и. винижчзд̇ум̣ на саггод̇ийд̇и саннидтаад̇ум̣ на саггод̇и. аад̇абад̇и гилзсзд̇и аад̇аббам̣, саммаавааяаамод̇и ааха ‘‘аад̇аббааяаад̇и гилзсасанд̇аабанавийрияагаран̣ад̇т̇ааяаа’’д̇и. бунаббунам̣ яог̇ааяаад̇и бхааванам̣ бунаббунам̣ яун̃ж̇анааяа. сад̇ад̇агирияааяаад̇и бхааванааяа ниранд̇араббаяог̇ааяа.
205. Pañcame cetokhilā nāma atthato vicikicchā kodho ca. Te pana yasmiṃ santāne uppajjanti, tassa kharabhāvo kakkhaḷabhāvo hutvā upatiṭṭhanti, pageva attanā sampayuttacittassāti āha ‘‘cittassa thaddhabhāvā’’ti. Yathā lakkhaṇapāripūriyā gahitāya sabbā satthu rūpakāyasirī gahitā eva nāma hoti evaṃ sabbaññutāya sabbadhammakāyasirī gahitā eva nāma hotīti tadubhayavatthukameva kaṅkhaṃ dassento ‘‘sarīre kaṅkhamāno’’tiādimāha. Vicinantoti dhammasabhāvaṃ vīmaṃsanto. Kicchatīti kilamati. Vinicchetuṃ na sakkotīti sanniṭṭhātuṃ na sakkoti. Ātapati kileseti ātappaṃ, sammāvāyāmoti āha ‘‘ātappāyāti kilesasantāpanavīriyakaraṇatthāyā’’ti. Punappunaṃ yogāyāti bhāvanaṃ punappunaṃ yuñjanāya. Satatakiriyāyāti bhāvanāya nirantarappayogāya.
бадивзд̇хад̇хаммз ган̇камаанод̇и зд̇т̇а гат̇ам̣ логуд̇д̇арад̇хаммз ган̇каа бавад̇д̇ийд̇и? на аарамман̣агаран̣авасзна , ануссуд̇аагаарабаривид̇аггалад̣̇д̇хз баригаббид̇аруубз ган̇каа бавад̇д̇ад̇ийд̇и д̣̇ассзнд̇о ааха ‘‘вибассанаа…бз… вад̣̇анд̇и, д̇ам̣ ад̇т̇и ну ко над̇т̇ийд̇и ган̇кад̇ий’’д̇и. сигкаад̇и жзд̇т̇а буб̣б̣абхааг̇асигкаа взд̣̇ид̇аб̣б̣аа. гааман̃жзд̇т̇а висзсуббад̇д̇ияаа махаасааваж̇ж̇ад̇ааяа жзва сам̣ваасанимид̇д̇ам̣ гхаданаахзд̇у абхин̣хуббад̇д̇игад̇ааяа жа саб̣рахмажаарийсууд̇и гобасса висаяо висзсзд̇ваа вуд̇д̇о, ан̃н̃ад̇т̇ааби гобо на жзд̇окилод̇и на саггаа вин̃н̃аад̇унд̇и гзжи. яад̣̇и звам̣ вижигижчааяаби аяам̣ наяо аабаж̇ж̇ад̇и, д̇асмаа яат̇ааруд̇авасзна г̇ахзд̇аб̣б̣ам̣.
Paṭivedhadhamme kaṅkhamānoti ettha kathaṃ lokuttaradhamme kaṅkhā pavattīti? Na ārammaṇakaraṇavasena , anussutākāraparivitakkaladdhe parikappitarūpe kaṅkhā pavattatīti dassento āha ‘‘vipassanā…pe… vadanti, taṃ atthi nu kho natthīti kaṅkhatī’’ti. Sikkhāti cettha pubbabhāgasikkhā veditabbā. Kāmañcettha visesuppattiyā mahāsāvajjatāya ceva saṃvāsanimittaṃ ghaṭanāhetu abhiṇhuppattikatāya ca sabrahmacārīsūti kopassa visayo visesetvā vutto, aññatthāpi kopo na cetokhiloti na sakkā viññātunti keci. Yadi evaṃ vicikicchāyapi ayaṃ nayo āpajjati, tasmā yathārutavasena gahetabbaṃ.
жзд̇окиласуд̇д̇аван̣н̣анаа нидтид̇аа.
Cetokhilasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. жзд̇окиласуд̇д̇ам̣ • 5. Cetokhilasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. жзд̇окиласуд̇д̇аван̣н̣анаа • 5. Cetokhilasuttavaṇṇanā
