| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. жзд̇окиласуд̇д̇аван̣н̣анаа
6. Cetokhilasuttavaṇṇanā
185. жзд̇о д̇зхи килаяад̇и т̇ад̣̇д̇хабхаавам̣ аабаж̇ж̇ад̇ийд̇и жзд̇окилаа. д̇знааха ‘‘жид̇д̇асса т̇ад̣̇д̇хабхааваа’’д̇и. яасмаа д̇зхи уббаннзхи жид̇д̇ам̣ углаабийж̇аад̇ам̣ таанам̣ вияа аманун̃н̃ам̣ кзд̇д̇ам̣ вияа жа каан̣уганижид̇ам̣ амахабпалам̣ ход̇и. д̇зна вуд̇д̇ам̣ ‘‘гажаварабхааваа каан̣угабхааваа’’д̇и. ‘‘жид̇д̇ассаа’’д̇и аанзд̇ваа самб̣анд̇хид̇аб̣б̣ам̣. жид̇д̇ам̣ б̣анд̇хид̇ваад̇и д̇ан̣хаабавад̇д̇ибхаавад̇о гусалажаарасса авасаражаж̇анавасзна жид̇д̇ам̣ б̣ад̣̇д̇хам̣ вияа самород̇хзд̇ваа. д̇знааха ‘‘мудтияам̣ гад̇ваа вияа г̇ан̣ханд̇ий’’д̇и. сад̣̇д̣̇ад̇т̇ад̇о бана жзд̇о вируубам̣ ниб̣анд̇хийяад̇и сам̣яамийяад̇и зд̇зхийд̇и жзд̇асо виниб̣анд̇хаа яасса жад̇уб̣б̣ид̇хам̣ сийлам̣ акан̣д̣аад̣̇ибхааваббад̇д̇ияаа субарисуд̣̇д̇хам̣ висзсабхааг̇ияад̇д̇аа аббагасирзнзва маг̇г̇апалаавахам̣ махаасан̇гхарагкид̇ад̇т̇зрасса вияа, со д̇аад̣̇исзна сийлзна имасмим̣ д̇хаммавинаяз вуд̣̇д̇хим̣ аабаж̇ж̇иссад̇ийд̇и ааха ‘‘сийлзна вуд̣̇д̇хи’’нд̇и. яасса бана арияамаг̇г̇о уббаж̇ж̇анд̇о вируул̣хамууло вияа баад̣̇або суббад̇идтид̇о, со саасанз вируул̣хим̣ аабаннод̇и ааха ‘‘маг̇г̇зна вируул̣хи’’нд̇и. яо саб̣б̣асо гилзсаниб̣б̣аанаббад̇д̇о, со арахаа сийлаад̣̇ид̇хаммагканд̇хабаарибуурияаа сад̇ивзбуллаббад̇д̇о ход̇ийд̇и ааха ‘‘ниб̣б̣аанзна взбулла’’нд̇и. д̣̇уд̇ияавигаббз ад̇т̇о вуд̇д̇анаяаанусаарзна взд̣̇ид̇аб̣б̣о.
185. Ceto tehi khilayati thaddhabhāvaṃ āpajjatīti cetokhilā. Tenāha ‘‘cittassa thaddhabhāvā’’ti. Yasmā tehi uppannehi cittaṃ uklāpījātaṃ ṭhānaṃ viya amanuññaṃ khettaṃ viya ca khāṇukanicitaṃ amahapphalaṃ hoti. Tena vuttaṃ ‘‘kacavarabhāvā khāṇukabhāvā’’ti. ‘‘Cittassā’’ti ānetvā sambandhitabbaṃ. Cittaṃ bandhitvāti taṇhāpavattibhāvato kusalacārassa avasaracajanavasena cittaṃ baddhaṃ viya samorodhetvā. Tenāha ‘‘muṭṭhiyaṃ katvā viya gaṇhantī’’ti. Saddatthato pana ceto virūpaṃ nibandhīyati saṃyamīyati etehīti cetaso vinibandhā yassa catubbidhaṃ sīlaṃ akhaṇḍādibhāvappattiyā suparisuddhaṃ visesabhāgiyattā appakasireneva maggaphalāvahaṃ mahāsaṅgharakkhitattherassa viya, so tādisena sīlena imasmiṃ dhammavinaye vuddhiṃ āpajjissatīti āha ‘‘sīlena vuddhi’’nti. Yassa pana ariyamaggo uppajjanto virūḷhamūlo viya pādapo suppatiṭṭhito, so sāsane virūḷhiṃ āpannoti āha ‘‘maggena virūḷhi’’nti. Yo sabbaso kilesanibbānappatto, so arahā sīlādidhammakkhandhapāripūriyā sativepullappatto hotīti āha ‘‘nibbānena vepulla’’nti. Dutiyavikappe attho vuttanayānusārena veditabbo.
б̣уд̣̇д̇хаанам̣ д̇хаммагааяо вияа руубагааяоби анан̃н̃асаад̇хааран̣ад̇ааяа ануд̇д̇араг̇ун̣аад̇хидтаанад̇ааяа жа абажжагкагаарийнам̣ сам̣саяавад̇т̇у ход̇иязваад̇и ‘‘сарийрз ваа г̇ун̣з ваа ган̇кад̇ий’’д̇и вуд̇д̇ам̣. д̇ад̇т̇а яат̇аа махаабурисалагкан̣зна ануб̣яан̃ж̇анаад̣̇аяо руубагааяаг̇ун̣аа г̇ахид̇аа зва хонд̇и авинаабхаавад̇од̇и ‘‘д̣̇вад̇д̇им̣саваралагкан̣аббадиман̣д̣ид̇а’’мижжзва вуд̇д̇ам̣, звам̣ анааваран̣ан̃аан̣зна саб̣б̣зби ананд̇аабаримзяяабхзд̣̇аа д̇хаммагааяаг̇ун̣аа г̇ахид̇аа зва хонд̇ийд̇и саб̣б̣ан̃н̃уд̇ан̃н̃аан̣аг̇г̇ахан̣амзва гад̇ам̣ наананд̇арияабхаавад̇од̇и д̣̇адтаб̣б̣ам̣. ган̇кахийд̇и ‘‘ахо вад̇а д̇з г̇ун̣аа на бхавзяяум̣, бхавзяяум̣ ваа’’д̇и бад̇т̇ануббаад̣̇анавасзна ган̇кад̇и. буримо хи вибарийд̇аж̇жхаасаяо, ид̇аро яат̇аабхууд̇ан̃аан̣аж̇жхаасаяо. вижинанд̇од̇и вижаяабхууд̇ааяа бан̃н̃ааяа д̇з вивзжзд̇угаамо д̇ад̣̇абхаавад̇о гижчам̣ д̣̇угкам̣ аабаж̇ж̇ад̇и, гижчаббад̇д̇и жа д̇ад̇т̇а нижчзд̇ум̣ асамад̇т̇ад̇ааязваад̇и ааха ‘‘винижчзд̇ум̣ на саггод̇ий’’д̇и. виг̇ад̇аа жигижчаад̇и вижигижчаа. ад̇химогкам̣ на бадилабхад̇ийд̇и ‘‘звамзд̇а’’нд̇и огаббанавасзна г̇ун̣зсу винижчаяам̣ наад̇хиг̇ажчад̇и. од̇арид̇ваад̇и н̃аан̣зна анубависид̇ваа. басийд̣̇ид̇унд̇и ‘‘басаннаруубад̇хаммагааяаг̇ун̣зхи бхаг̇аваа’’д̇и басийд̣̇ид̇ум̣. анаавило агаалуссо ход̇ум̣ на саггод̇и. ‘‘ган̇кад̇ий’’д̇и иминаа д̣̇уб̣б̣алаа вимад̇и вуд̇д̇аа, ‘‘вижигижчад̇ий’’д̇и иминаа маж̇жхимаа, ‘‘наад̇химужжад̇ий’’д̇и иминаа б̣алавад̇ий, ‘‘на самбасийд̣̇ад̇ий’’д̇и иминаа д̇ивид̇хааяаби вимад̇ияаа васзна уббаннажид̇д̇агаалуссияам̣ вуд̇д̇анд̇и д̣̇адтаб̣б̣ам̣.
Buddhānaṃ dhammakāyo viya rūpakāyopi anaññasādhāraṇatāya anuttaraguṇādhiṭṭhānatāya ca apaccakkhakārīnaṃ saṃsayavatthu hotiyevāti ‘‘sarīre vā guṇe vā kaṅkhatī’’ti vuttaṃ. Tattha yathā mahāpurisalakkhaṇena anubyañjanādayo rūpakāyaguṇā gahitā eva honti avinābhāvatoti ‘‘dvattiṃsavaralakkhaṇappaṭimaṇḍita’’micceva vuttaṃ, evaṃ anāvaraṇañāṇena sabbepi anantāparimeyyabhedā dhammakāyaguṇā gahitā eva hontīti sabbaññutaññāṇaggahaṇameva kataṃ nānantariyabhāvatoti daṭṭhabbaṃ. Kaṅkhahīti ‘‘aho vata te guṇā na bhaveyyuṃ, bhaveyyuṃ vā’’ti patthanuppādanavasena kaṅkhati. Purimo hi viparītajjhāsayo, itaro yathābhūtañāṇajjhāsayo. Vicinantoti vicayabhūtāya paññāya te vivecetukāmo tadabhāvato kicchaṃ dukkhaṃ āpajjati, kicchappatti ca tattha nicchetuṃ asamatthatāyevāti āha ‘‘vinicchetuṃ na sakkotī’’ti. Vigatā cikicchāti vicikicchā. Adhimokkhaṃ na paṭilabhatīti ‘‘evameta’’nti okappanavasena guṇesu vinicchayaṃ nādhigacchati. Otaritvāti ñāṇena anupavisitvā. Pasīditunti ‘‘pasannarūpadhammakāyaguṇehi bhagavā’’ti pasīdituṃ. Anāvilo akālusso hotuṃ na sakkoti. ‘‘Kaṅkhatī’’ti iminā dubbalā vimati vuttā, ‘‘vicikicchatī’’ti iminā majjhimā, ‘‘nādhimuccatī’’ti iminā balavatī, ‘‘na sampasīdatī’’ti iminā tividhāyapi vimatiyā vasena uppannacittakālussiyaṃ vuttanti daṭṭhabbaṃ.
аад̇аббааяаад̇иаад̣̇ид̇о д̇абад̇и санд̇абад̇и гилзсзд̇и аад̇аббам̣, аарамбхад̇хаад̇у, д̇ад̣̇ад̇т̇ааяа. ануяог̇ааяаад̇и яат̇аа сам̣гилзсад̇хаммаанам̣ авасаро на ход̇и, звам̣ ану ану яун̃ж̇анам̣ ануяог̇о, ниггамад̇хаад̇у, д̇ад̣̇ад̇т̇ааяа. д̇знааха ‘‘бунаббунам̣ яог̇ааяаа’’д̇и. саад̇ажжааяаад̇и яат̇аа убаруубари висзсаад̇хиг̇амо ход̇и, д̇ат̇аа сад̇ад̇асса ниранд̇арабавад̇д̇асса ануяог̇асса бхааво саад̇ажжам̣, бараггамад̇хаад̇у, д̇ад̣̇ад̇т̇ааяа. бад̇хаанааяаад̇и санд̇амзвам̣ д̇ивид̇хад̇хаад̇усам̣вад̣дхид̇аанубхаавам̣ саб̣б̣агилзсавид̣̇д̇хам̣санасамад̇т̇ам̣ бад̇хаанасан̇каад̇ам̣ вийрияам̣, д̇ад̣̇ад̇т̇ааяа. зд̇т̇а жа аад̇аббааяа жид̇д̇ам̣ на намад̇и яат̇аавуд̇д̇аган̇каавасзна, баг̇зва ануяог̇аад̣̇иад̇т̇анд̇и д̣̇ассзд̇ум̣ жад̇д̇аариби бад̣̇аани г̇ахид̇аани, анавасзсависзсад̣̇ассанад̇т̇ам̣ ваа. гзжи бана ‘‘аад̇аббавзважанаанзва ануяог̇аад̣̇ибад̣̇ааний’’д̇и вад̣̇анд̇и. зд̇д̇аавад̇аа бхаг̇аваа сад̇т̇ари ган̇кааяа жид̇д̇асса т̇ад̣̇д̇хагажаваракаан̣угабхаавзна агусалабхааваад̣̇иаабаад̣̇анад̇о жзд̇окилабхаавам̣ д̣̇ассзд̇и. сзсзсуби зсзва наяо.
Ātappāyātiādito tapati santapati kileseti ātappaṃ, ārambhadhātu, tadatthāya. Anuyogāyāti yathā saṃkilesadhammānaṃ avasaro na hoti, evaṃ anu anu yuñjanaṃ anuyogo, nikkamadhātu, tadatthāya. Tenāha ‘‘punappunaṃ yogāyā’’ti. Sātaccāyāti yathā uparūpari visesādhigamo hoti, tathā satatassa nirantarapavattassa anuyogassa bhāvo sātaccaṃ, parakkamadhātu, tadatthāya. Padhānāyāti santamevaṃ tividhadhātusaṃvaḍḍhitānubhāvaṃ sabbakilesaviddhaṃsanasamatthaṃ padhānasaṅkhātaṃ vīriyaṃ, tadatthāya. Ettha ca ātappāya cittaṃ na namati yathāvuttakaṅkhāvasena, pageva anuyogādiatthanti dassetuṃ cattāripi padāni gahitāni, anavasesavisesadassanatthaṃ vā. Keci pana ‘‘ātappavevacanāneva anuyogādipadānī’’ti vadanti. Ettāvatā bhagavā satthari kaṅkhāya cittassa thaddhakacavarakhāṇukabhāvena akusalabhāvādiāpādanato cetokhilabhāvaṃ dasseti. Sesesupi eseva nayo.
сигкааг̇г̇ахан̣зна бадибад̇д̇исад̣̇д̇хаммасса г̇ахид̇ад̇д̇аа вуд̇д̇ам̣ ‘‘барияад̇д̇ид̇хаммз жа бадивзд̇хад̇хаммз жаа’’д̇и. барияад̇д̇ид̇хаммз яад̇т̇а ган̇кааяа самбхаво, д̇ам̣ д̣̇ассзд̇ум̣ ‘‘жад̇ураасийд̇и д̇хаммагканд̇хасахассааний’’д̇иаад̣̇и вуд̇д̇ам̣. д̇аяид̣̇ам̣ нид̣̇ассанамад̇д̇ам̣ д̣̇адтаб̣б̣ам̣ барамбарааяа бадивзд̇хаавахабхааваад̣̇ивасзнаби згажжаанам̣ д̇ад̇т̇а сам̣саяуббад̇д̇ид̇о. яат̇аа жа бадивзд̇хз ган̇каа вуд̇д̇аа, звам̣ ад̇хиг̇амад̇хаммзби бавад̇д̇ад̇ийд̇и взд̣̇ид̇аб̣б̣аа. д̇ат̇аа хи згажжз ‘‘гасин̣аад̣̇ибхааванааяа жхаанаани иж̇жханд̇ий’’д̇и вад̣̇анд̇и. ‘‘гасин̣аниссанд̣̇о ааруббаад̇и, мзд̇д̇аад̣̇иниссанд̣̇о жад̇уд̇т̇аб̣рахмавихааро’’д̇и звамаад̣̇инаа ган̇кад̇иязваад̇и. зд̇т̇а жа навалогуд̇д̇арзсу бан̃н̃ад̇д̇ияам̣язва ган̇каабавад̇д̇и взд̣̇ид̇аб̣б̣аа асам̣гилзсигад̇д̇аа логуд̇д̇арад̇хаммаанам̣.
Sikkhāggahaṇena paṭipattisaddhammassa gahitattā vuttaṃ ‘‘pariyattidhamme ca paṭivedhadhamme cā’’ti. Pariyattidhamme yattha kaṅkhāya sambhavo, taṃ dassetuṃ ‘‘caturāsīti dhammakkhandhasahassānī’’tiādi vuttaṃ. Tayidaṃ nidassanamattaṃ daṭṭhabbaṃ paramparāya paṭivedhāvahabhāvādivasenapi ekaccānaṃ tattha saṃsayuppattito. Yathā ca paṭivedhe kaṅkhā vuttā, evaṃ adhigamadhammepi pavattatīti veditabbā. Tathā hi ekacce ‘‘kasiṇādibhāvanāya jhānāni ijjhantī’’ti vadanti. ‘‘Kasiṇanissando āruppāti, mettādinissando catutthabrahmavihāro’’ti evamādinā kaṅkhatiyevāti. Ettha ca navalokuttaresu paññattiyaṃyeva kaṅkhāpavatti veditabbā asaṃkilesikattā lokuttaradhammānaṃ.
зваруубанд̇и зд̣̇исам̣ суббадибад̇д̇и-уж̇уббадибад̇д̇и-н̃ааяаббадибад̇д̇и-саамийжиббадибад̇д̇и-сан̇каад̇ам̣ саммаабадибад̣̇ам̣. ад̇хисийласигкаад̣̇аяо логуд̇д̇арад̇хаммасса ануд̇хаммабхууд̇аа взд̣̇ид̇аб̣б̣аа. зван̃хи маг̇г̇апаласигкаахи имаасам̣ висзсо сид̣̇д̇хо ход̇и. д̇ат̇аа хи вуд̇д̇ам̣ ‘‘сигкааг̇г̇ахан̣зна бадибад̇д̇исад̣̇д̇хаммасса г̇ахид̇ад̇д̇аа’’д̇и. зд̇т̇а жа яат̇аа вижигижчаа вад̇т̇уд̇д̇аяасса сигкааяа жа г̇ун̣зсу анад̇химужжанаасамбасийд̣̇анавасзна аббадибад̇д̇ибхаавад̇о жид̇д̇асса т̇ад̣̇д̇хабхааво аасаббанабарисаббанавасзна бавад̇д̇ияаа гажаваракаан̣угабхааво жа, звам̣ саб̣рахмажаарийсу аагхаад̇ажан̣д̣иггаад̣̇ивасзна жид̇д̇асса т̇ад̣̇д̇хабхааво жа убахананавируж̇жханаад̣̇ивасзна гажаваракаан̣угабхааво жа взд̣̇ид̇аб̣б̣о. арияасан̇гхависаяаа вижигижчаа, буг̇г̇алависаяаа гаажи над̇т̇ийд̇и сан̇гхависаяаава г̇ахид̇аа, саасанигавасзна жааяам̣ жзд̇окилад̣̇зсанаад̇и саб̣рахмажаарийвисаяова гобо г̇ахид̇о.
Evarūpanti edisaṃ suppaṭipatti-ujuppaṭipatti-ñāyappaṭipatti-sāmīcippaṭipatti-saṅkhātaṃ sammāpaṭipadaṃ. Adhisīlasikkhādayo lokuttaradhammassa anudhammabhūtā veditabbā. Evañhi maggaphalasikkhāhi imāsaṃ viseso siddho hoti. Tathā hi vuttaṃ ‘‘sikkhāggahaṇena paṭipattisaddhammassa gahitattā’’ti. Ettha ca yathā vicikicchā vatthuttayassa sikkhāya ca guṇesu anadhimuccanaasampasīdanavasena appaṭipattibhāvato cittassa thaddhabhāvo āsappanaparisappanavasena pavattiyā kacavarakhāṇukabhāvo ca, evaṃ sabrahmacārīsu āghātacaṇḍikkādivasena cittassa thaddhabhāvo ca upahananavirujjhanādivasena kacavarakhāṇukabhāvo ca veditabbo. Ariyasaṅghavisayā vicikicchā, puggalavisayā kāci natthīti saṅghavisayāva gahitā, sāsanikavasena cāyaṃ cetokhiladesanāti sabrahmacārīvisayova kopo gahito.
186. яат̇аа вад̇т̇угаамо, звам̣ гилзсагаамоби ассаад̣̇анийяо зваад̇и ‘‘гилзсагаамзбий’’д̇и вуд̇д̇ам̣. д̇знааха бхаг̇аваа ‘‘руубад̇ан̣хаа логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇ий’’д̇иаад̣̇и (д̣̇ий. ни. 2.400; ма. ни. 1.133; вибха. 203). гааманид̣̇д̣̇зсз (махаани. 1) саб̣б̣зби д̇збхуумагаа д̇хаммаа гааманийяадтзна ‘‘гаамаа’’д̇и вуд̇д̇аа, б̣алавагаамарааг̇авад̇т̇убхууд̇ааязвзд̇т̇а гаамаг̇г̇ахан̣зна г̇ахид̇аад̇и. виниб̣ад̣̇д̇хавад̇т̇убхаавзна яат̇аа висум̣ ад̇д̇ано гааяо г̇ахид̇о, д̇ат̇аа барзсам̣ д̇ат̇ааруубаа руубад̇хаммаа самуухадтзнаад̇и ааха ‘‘руубзд̇и б̣ахид̣̇д̇хааруубз’’д̇и. яат̇аа хи бан̃жагаамаг̇ун̣иго рааг̇о жхаанаад̣̇ивисзсаад̇хиг̇амасса виниб̣ад̣̇д̇хааяа сам̣вад̇д̇ад̇и, звам̣ ад̇д̇ано гааяз абзгкаа б̣ахид̣̇д̇хаа жа сагабаригкааран̃аад̇имид̇д̇аад̣̇ийсу абзгкаад̇и. гзжи банзд̇т̇а ‘‘руубзд̇и руубаж̇жхаанз’’д̇иаад̣̇инаа бабан̃жзнд̇и. д̇ад̣̇аяуд̇д̇ам̣ жхаанаад̇хиг̇амавиниб̣ад̣̇д̇хаанам̣ сийласса жа сам̣гилзсабхууд̇аанам̣ жзд̇овиниб̣ад̣̇д̇хабхаавзна г̇ахид̇ад̇д̇аа.
186. Yathā vatthukāmo, evaṃ kilesakāmopi assādanīyo evāti ‘‘kilesakāmepī’’ti vuttaṃ. Tenāha bhagavā ‘‘rūpataṇhā loke piyarūpaṃ sātarūpaṃ, etthesā taṇhā uppajjamānā uppajjati, ettha nivisamānā nivisatī’’tiādi (dī. ni. 2.400; ma. ni. 1.133; vibha. 203). Kāmaniddese (mahāni. 1) sabbepi tebhūmakā dhammā kāmanīyaṭṭhena ‘‘kāmā’’ti vuttā, balavakāmarāgavatthubhūtāyevettha kāmaggahaṇena gahitāti. Vinibaddhavatthubhāvena yathā visuṃ attano kāyo gahito, tathā paresaṃ tathārūpā rūpadhammā samūhaṭṭhenāti āha ‘‘rūpeti bahiddhārūpe’’ti. Yathā hi pañcakāmaguṇiko rāgo jhānādivisesādhigamassa vinibaddhāya saṃvattati, evaṃ attano kāye apekkhā bahiddhā ca sakaparikkhārañātimittādīsu apekkhāti. Keci panettha ‘‘rūpeti rūpajjhāne’’tiādinā papañcenti. Tadayuttaṃ jhānādhigamavinibaddhānaṃ sīlassa ca saṃkilesabhūtānaṃ cetovinibaddhabhāvena gahitattā.
яаавад̣̇ад̇т̇анд̇и яаава ад̇т̇зд̇и абхиган̇кад̇и, д̇аава. д̇знааха ‘‘яад̇д̇агам̣ ижчад̇и, д̇ад̇д̇ага’’нд̇и. нд̇и яаавад̣̇ад̇т̇ам̣ уд̣̇арабуурам̣ бхуд̇д̇ам̣. авад̣̇зханад̇о бууран̣ад̇о. сзяяасуканд̇и сзяяам̣ бадижжа уббаж̇ж̇анагасукам̣. бассасуканд̇и бассаанам̣ самбаривад̇д̇анзна уббаж̇ж̇анагасукам̣. нид̣̇д̣̇аасуканд̇и нид̣̇д̣̇ааяанзна уббаж̇ж̇анагасукам̣.
Yāvadatthanti yāva attheti abhikaṅkhati, tāva. Tenāha ‘‘yattakaṃ icchati, tattaka’’nti. Nti yāvadatthaṃ udarapūraṃ bhuttaṃ. Avadehanato pūraṇato. Seyyasukhanti seyyaṃ paṭicca uppajjanakasukhaṃ. Passasukhanti passānaṃ samparivattanena uppajjanakasukhaṃ. Niddāsukhanti niddāyanena uppajjanakasukhaṃ.
сийлзнаад̇иаад̣̇и бад̇т̇анаагаарад̣̇ассанам̣. вад̇асамаад̣̇аананд̇и д̇худ̇ан̇г̇аад̣̇ивад̇аанудтаанам̣. д̇абод̇и вийрияаарамбхо. со хи гилзсаанам̣ д̇абанадтзна ниг̇г̇ан̣ханадтзна д̇абажаран̣анд̇и вуд̇д̇ам̣.
Sīlenātiādi patthanākāradassanaṃ. Vatasamādānanti dhutaṅgādivatānuṭṭhānaṃ. Tapoti vīriyārambho. So hi kilesānaṃ tapanaṭṭhena niggaṇhanaṭṭhena tapacaraṇanti vuttaṃ.
189. чанд̣̇ам̣ ниссааяаад̇и чанд̣̇ам̣ д̇хурам̣, чанд̣̇ам̣ ж̇здтагам̣, чанд̣̇ам̣ буб̣б̣ан̇г̇амам̣ гад̇ваа бавад̇д̇ивасзна чанд̣̇ам̣ ниссааяа. ж̇здтагадтзна бад̇хаанабхууд̇аа, бад̇хаанабхаавам̣ ваа бад̇д̇аад̇и бад̇хаанабхууд̇аа. д̇зхи д̇хаммзхийд̇и чанд̣̇аниссаязна бавад̇д̇асамаад̇хинаа жзва ‘‘бад̇хаанасан̇кааро’’д̇и вуд̇д̇авийриязна жа. убзд̇анд̇и самбаяуд̇д̇ам̣. иж̇жханадтзна ид̣̇д̇хи, нибпад̇д̇иад̇т̇зна бадилаабхадтзна жаад̇и ад̇т̇о, д̇ассаа ид̣̇д̇хияаа баад̣̇ам̣ баад̣̇агам̣ бад̣̇адтаанабхууд̇ам̣. ат̇а ваа иж̇жханд̇и д̇ааяа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и ид̣̇д̇хи, саава убаривисзсаанам̣ ад̇хидтаанабхаавад̇о баад̣̇о. д̇знааха ‘‘ид̣̇д̇хибхууд̇ам̣ ваа баад̣̇анд̇и ид̣̇д̇хибаад̣̇а’’нд̇и. сзсзсубийд̇и вийрияид̣̇д̇хибаад̣̇аад̣̇ийсуби. ассаад̇и ид̣̇д̇хибаад̣̇асса. ад̇т̇о д̣̇ийбид̇од̇и д̣̇ийбанад̇т̇ам̣ гад̇ам̣, д̇асмаа висуд̣̇д̇химаг̇г̇асам̣ван̣н̣анааяам̣ (висуд̣̇д̇хи. махаадий. 2.369) д̇асса ад̇т̇авижааро г̇ахзд̇аб̣б̣о. ид̣̇д̇хибаад̣̇аанам̣ самаад̇хибад̇хаанад̇д̇аа вуд̇д̇ам̣ ‘‘вигкамбханаббахаанам̣ гат̇ид̇а’’нд̇и. д̇зсам̣ д̇зсам̣ гусалад̇хаммаанам̣ ануббаннаанам̣ уббаад̣̇анагирияааяа уббаннаанам̣ бариб̣рууханагирияааяа уссаханад̇о уссол̣хий, т̇аамаббад̇д̇аа бараггамад̇хаад̇у. саа бана жад̇уннам̣ ид̣̇д̇хибаад̣̇аанам̣ висзсабажжаяабхууд̇аа д̇з убаад̣̇ааяа ‘‘бан̃жамий’’д̇и вуд̇д̇аа, саа жа яасмаа самат̇авибассанаабхааванаасу д̇ад̇т̇а жааад̣̇имаж̇жхабарияосаанзсу саад̇хзд̇аб̣б̣ам̣ вийрияам̣, д̇асмаа ааха ‘‘уссол̣хийд̇и саб̣б̣ад̇т̇а гад̇д̇аб̣б̣авийрияам̣ д̣̇ассзд̇ий’’д̇и. буб̣б̣абхааг̇ияасамат̇авибассанаасаад̇ханам̣ бахаад̇аб̣б̣ад̇хаммавибхааг̇зна бхинд̣̇ид̇ваа ааха ‘‘бан̃жа жзд̇окилаббахаанаани бан̃жа виниб̣анд̇хаббахаанааний’’д̇и. бхаб̣б̣од̇и яуд̇д̇о арахад̇и нибпад̇д̇ияаа. н̃аан̣знаад̇и маг̇г̇ан̃аан̣зна. гилзсабхзд̣̇ааяаад̇и гилзсаанам̣ самужчинд̣̇анааяа. кзмассаад̇и анубад̣̇д̣̇авасса.
189.Chandaṃ nissāyāti chandaṃ dhuraṃ, chandaṃ jeṭṭhakaṃ, chandaṃ pubbaṅgamaṃ katvā pavattivasena chandaṃ nissāya. Jeṭṭhakaṭṭhena padhānabhūtā, padhānabhāvaṃ vā pattāti padhānabhūtā. Tehi dhammehīti chandanissayena pavattasamādhinā ceva ‘‘padhānasaṅkhāro’’ti vuttavīriyena ca. Upetanti sampayuttaṃ. Ijjhanaṭṭhena iddhi, nipphattiatthena paṭilābhaṭṭhena cāti attho, tassā iddhiyā pādaṃ pādakaṃ padaṭṭhānabhūtaṃ. Atha vā ijjhanti tāya iddhā vuddhā ukkaṃsagatā hontīti iddhi, sāva uparivisesānaṃ adhiṭṭhānabhāvato pādo. Tenāha ‘‘iddhibhūtaṃ vā pādanti iddhipāda’’nti. Sesesupīti vīriyiddhipādādīsupi. Assāti iddhipādassa. Attho dīpitoti dīpanatthaṃ kataṃ, tasmā visuddhimaggasaṃvaṇṇanāyaṃ (visuddhi. mahāṭī. 2.369) tassa atthavicāro gahetabbo. Iddhipādānaṃ samādhipadhānattā vuttaṃ ‘‘vikkhambhanappahānaṃ kathita’’nti. Tesaṃ tesaṃ kusaladhammānaṃ anuppannānaṃ uppādanakiriyāya uppannānaṃ paribrūhanakiriyāya ussahanato ussoḷhī, thāmappattā parakkamadhātu. Sā pana catunnaṃ iddhipādānaṃ visesapaccayabhūtā te upādāya ‘‘pañcamī’’ti vuttā, sā ca yasmā samathavipassanābhāvanāsu tattha caādimajjhapariyosānesu sādhetabbaṃ vīriyaṃ, tasmā āha ‘‘ussoḷhīti sabbattha kattabbavīriyaṃ dassetī’’ti. Pubbabhāgiyasamathavipassanāsādhanaṃ pahātabbadhammavibhāgena bhinditvā āha ‘‘pañca cetokhilappahānāni pañca vinibandhappahānānī’’ti. Bhabboti yutto arahati nipphattiyā. Ñāṇenāti maggañāṇena. Kilesabhedāyāti kilesānaṃ samucchindanāya. Khemassāti anupaddavassa.
самбхааванад̇т̇зд̇и (саарад̇т̇а. дий. 1.11; а. ни. дий. 3.7.71) ‘‘аби наамзвам̣ сияаа’’д̇и вигаббанад̇т̇о самбхааванад̇т̇о. звам̣ хийд̇и звам̣ згамзва сан̇кяам̣ авад̇ваа абарааяа сан̇кяааяа сад̣̇д̇хим̣ важанам̣ логз силидтаважанам̣ ход̇и яат̇аа ‘‘д̣̇вз ваа д̇ийн̣и ваа уд̣̇агапусид̇ааний’’д̇и. саммаа ад̇хисаяид̇аанийд̇и баад̣̇аад̣̇ийхи ад̇д̇анаа нзсам̣ гин̃жи убагхаад̇ам̣ агаронд̇ияаа б̣ахиваад̇аад̣̇ибариссаяабарихаран̣ад̇т̇ам̣ саммад̣̇зва убари саяид̇аани. уд̇ум̣ г̇аахаабзнд̇ияаад̇и д̇зсам̣ алласинзхабарияаад̣̇аанад̇т̇ам̣ ад̇д̇ано гааяусмаавасзна уд̇ум̣ г̇ан̣хаабзнд̇ияаа. д̇знааха ‘‘усмийгад̇ааний’’д̇и. саммаа барибхаавид̇аанийд̇и саммад̣̇зва саб̣б̣асо гуггудаваасанааяа ваасид̇аани. д̇знааха ‘‘гуггудаг̇анд̇хам̣ г̇аахаабид̇ааний’’д̇и. аяан̃жа гуггудаг̇анд̇хабарибхааванаа саммааад̇хисаяанасаммаабарисзд̣̇ананибпад̇д̇ияаа ‘‘анунибпаад̣̇ий’’д̇и (саарад̇т̇а. дий. 1.11) д̣̇адтаб̣б̣аа. д̇зхи бана сад̣̇д̇хим̣язва иж̇жханад̇о вуд̇д̇ам̣ ‘‘д̇ивид̇хагирияаагаран̣знаа’’д̇и. гин̃жааби на звам̣ ‘‘ахо вад̇имз’’д̇иаад̣̇инаа ижчаа уббаж̇ж̇зяяа, гааран̣асса бана самбаад̣̇ид̇ад̇д̇аа ат̇а ко бхаб̣б̣аава абхиниб̣бхиж̇ж̇ид̇унд̇и яож̇анаа . гасмаа бхаб̣б̣аад̇и ааха ‘‘д̇з хи яасмаа д̇ааяаа’’д̇иаад̣̇и. зд̇т̇а яат̇аа габааласса д̇ануд̇аа аалогасса анд̇о бан̃н̃ааяамаанасса гааран̣ам̣, д̇ат̇аа габааласса д̇ануд̇ааяа накасикаамукад̇ун̣д̣агаанам̣ карад̇ааяа жа алласинзхасса барияаад̣̇аанам̣ гааран̣аважананд̇и д̣̇адтаб̣б̣ам̣, д̇асмаад̇и аалогасса анд̇о бан̃н̃ааяамаанад̇о, саяан̃жа барибаагаг̇ад̇ад̇д̇аа.
Sambhāvanattheti (sārattha. ṭī. 1.11; a. ni. ṭī. 3.7.71) ‘‘api nāmevaṃ siyā’’ti vikappanattho sambhāvanattho. Evaṃ hīti evaṃ ekameva saṅkhyaṃ avatvā aparāya saṅkhyāya saddhiṃ vacanaṃ loke siliṭṭhavacanaṃ hoti yathā ‘‘dve vā tīṇi vā udakaphusitānī’’ti. Sammā adhisayitānīti pādādīhi attanā nesaṃ kiñci upaghātaṃ akarontiyā bahivātādiparissayapariharaṇatthaṃ sammadeva upari sayitāni. Utuṃ gāhāpentiyāti tesaṃ allasinehapariyādānatthaṃ attano kāyusmāvasena utuṃ gaṇhāpentiyā. Tenāha ‘‘usmīkatānī’’ti. Sammā paribhāvitānīti sammadeva sabbaso kukkuṭavāsanāya vāsitāni. Tenāha ‘‘kukkuṭagandhaṃ gāhāpitānī’’ti. Ayañca kukkuṭagandhaparibhāvanā sammāadhisayanasammāparisedananipphattiyā ‘‘anunipphādī’’ti (sārattha. ṭī. 1.11) daṭṭhabbā. Tehi pana saddhiṃyeva ijjhanato vuttaṃ ‘‘tividhakiriyākaraṇenā’’ti. Kiñcāpi na evaṃ ‘‘aho vatime’’tiādinā icchā uppajjeyya, kāraṇassa pana sampāditattā atha kho bhabbāva abhinibbhijjitunti yojanā . Kasmā bhabbāti āha ‘‘te hi yasmā tāyā’’tiādi. Ettha yathā kapālassa tanutā ālokassa anto paññāyamānassa kāraṇaṃ, tathā kapālassa tanutāya nakhasikhāmukhatuṇḍakānaṃ kharatāya ca allasinehassa pariyādānaṃ kāraṇavacananti daṭṭhabbaṃ, tasmāti ālokassa anto paññāyamānato, sayañca paripākagatattā.
обаммасамбадибаад̣̇ананд̇и обаммад̇т̇асса убамзяязна саммад̣̇зва бадибаад̣̇анам̣. ад̇т̇знаад̇и убамзяяад̇т̇зна. яат̇аа гуггудияаа ан̣д̣зсу д̇ивид̇хагирияааяа гаран̣ам̣ гуггудажчаабагаанам̣ ан̣д̣агосад̇о нигкаманасса муулагааран̣ам̣, звам̣ бхигкуно уссол̣хийбаннарасаани ан̇г̇аани авиж̇ж̇ан̣д̣агосад̇о нигкаманасса муулагааран̣анд̇и ааха ‘‘д̇ассаа гуггудияаа…бз… саманнааг̇ад̇абхааво’’д̇и. бадижчаад̣̇анасааман̃н̃зна авиж̇ж̇ааяа ан̣д̣агосасад̣̇исад̇ааяа б̣алававибассанаавасзна авиж̇ж̇ан̣д̣агосасса д̇анубхааво, вибассанаан̃аан̣асса барин̣аамагаало вудтаанаг̇ааминибхааваабад̇д̇и, д̇ад̣̇аа жа саа маг̇г̇ан̃аан̣аг̇аб̣бхам̣ д̇хаарзнд̇ий вияа ход̇ийд̇и ааха ‘‘г̇аб̣бхаг̇г̇ахан̣агаало’’д̇и. абхин̃н̃аабагкзд̇и логияаабхин̃н̃аабагкз. логуд̇д̇араабхин̃н̃аа хи авиж̇ж̇ан̣д̣агосам̣ бад̣̇аалигаад̇и. г̇аат̇ааяа авиж̇ж̇ан̣д̣агосам̣ бахарад̇ийд̇и д̣̇зсанаавилаасзна винзяяасанд̇аанаг̇ад̇ам̣ авиж̇ж̇ан̣д̣агосам̣ гхаддзд̇и, яат̇аатаанз таад̇ум̣ на д̣̇зд̇и.
Opammasampaṭipādananti opammatthassa upameyyena sammadeva paṭipādanaṃ. Atthenāti upameyyatthena. Yathā kukkuṭiyā aṇḍesu tividhakiriyāya karaṇaṃ kukkuṭacchāpakānaṃ aṇḍakosato nikkhamanassa mūlakāraṇaṃ, evaṃ bhikkhuno ussoḷhīpannarasāni aṅgāni avijjaṇḍakosato nikkhamanassa mūlakāraṇanti āha ‘‘tassā kukkuṭiyā…pe… samannāgatabhāvo’’ti. Paṭicchādanasāmaññena avijjāya aṇḍakosasadisatāya balavavipassanāvasena avijjaṇḍakosassa tanubhāvo, vipassanāñāṇassa pariṇāmakālo vuṭṭhānagāminibhāvāpatti, tadā ca sā maggañāṇagabbhaṃ dhārentī viya hotīti āha ‘‘gabbhaggahaṇakālo’’ti. Abhiññāpakkheti lokiyābhiññāpakkhe. Lokuttarābhiññā hi avijjaṇḍakosaṃ padālikāti. Gāthāya avijjaṇḍakosaṃ paharatīti desanāvilāsena vineyyasantānagataṃ avijjaṇḍakosaṃ ghaṭṭeti, yathāṭhāne ṭhātuṃ na deti.
бадисан̇каанаббахаананд̇и д̇ад̣̇ан̇г̇аббахаанабуб̣б̣агам̣ вигкамбханаббахаанам̣. буб̣б̣абхааг̇ияаа ид̣̇д̇хибаад̣̇аа баал̣ияам̣ г̇ахид̇аад̇и ‘‘ид̣̇д̇хибаад̣̇зхи вигкамбханаббахаана’’нд̇и вуд̇д̇ам̣. ‘‘уссол̣хибаннарасан̇г̇асаманнааг̇ад̇о бхигку бхаб̣б̣о абхиниб̣б̣ид̣̇ааяаа’’д̇иаад̣̇иважанад̇о (ма. ни. 1.189) логуд̇д̇арид̣̇д̇хибаад̣̇аа бана самб̣од̇хаг̇г̇ахан̣знзва г̇ахид̇аа. маг̇г̇з ааг̇ад̇зд̇и уссол̣хийбаннарасан̇г̇асаманнааг̇ад̇асса бхигкуно вибассанам̣ уссуггаабаяад̇о маг̇г̇з ааг̇ад̇з уббаннз, баал̣ияам̣ ваа абхиниб̣бхид̣̇аасамб̣од̇хаг̇г̇ахан̣зхи маг̇г̇з ааг̇ад̇з. палз ааг̇ад̇зд̇и зд̇т̇ааби вуд̇д̇анаязна ад̇т̇о взд̣̇ид̇аб̣б̣о. ниб̣б̣аанасса бана баал̣ияам̣ анааг̇ад̇ад̇д̇аа ниссаран̣аббахаанам̣ на г̇ахид̇ам̣. сзсам̣ сувин̃н̃зяяамзва.
Paṭisaṅkhānappahānanti tadaṅgappahānapubbakaṃ vikkhambhanappahānaṃ. Pubbabhāgiyā iddhipādā pāḷiyaṃ gahitāti ‘‘iddhipādehi vikkhambhanappahāna’’nti vuttaṃ. ‘‘Ussoḷhipannarasaṅgasamannāgato bhikkhu bhabbo abhinibbidāyā’’tiādivacanato (ma. ni. 1.189) lokuttariddhipādā pana sambodhaggahaṇeneva gahitā. Magge āgateti ussoḷhīpannarasaṅgasamannāgatassa bhikkhuno vipassanaṃ ussukkāpayato magge āgate uppanne, pāḷiyaṃ vā abhinibbhidāsambodhaggahaṇehi magge āgate. Phale āgateti etthāpi vuttanayena attho veditabbo. Nibbānassa pana pāḷiyaṃ anāgatattā nissaraṇappahānaṃ na gahitaṃ. Sesaṃ suviññeyyameva.
жзд̇окиласуд̇д̇аван̣н̣анааяа лийнад̇т̇аббагаасанаа самад̇д̇аа.
Cetokhilasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. жзд̇окиласуд̇д̇ам̣ • 6. Cetokhilasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. жзд̇окиласуд̇д̇аван̣н̣анаа • 6. Cetokhilasuttavaṇṇanā
