| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
52. жзд̇обарияан̃аан̣анид̣̇д̣̇зсо
52. Cetopariyañāṇaniddeso
104. гат̇ам̣ д̇ин̣н̣ам̣ жид̇д̇аанам̣ вибпаарад̇д̇аа инд̣̇рияаанам̣ басаад̣̇авасзна наанад̇д̇згад̇д̇авин̃н̃аан̣ажарияаабарияог̇аахан̣з бан̃н̃аа жзд̇обарияан̃аан̣ам̣? ид̇ха бхигку чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хи…бз… жид̇д̇асамаад̇хи…бз… виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. со имзсу жад̇уусу ид̣̇д̇хибаад̣̇зсу жид̇д̇ам̣ барибхаавзд̇и барид̣̇амзд̇и, муд̣̇ум̣ гарод̇и гамманияам̣. со имзсу жад̇уусу ид̣̇д̇хибаад̣̇зсу жид̇д̇ам̣ барибхаавзд̇ваа барид̣̇амзд̇ваа, муд̣̇ум̣ гарид̇ваа гамманияам̣ звам̣ баж̇аанаад̇и – ‘‘ид̣̇ам̣ руубам̣ соманассинд̣̇рияасамудтид̇ам̣, ид̣̇ам̣ руубам̣ д̣̇оманассинд̣̇рияасамудтид̇ам̣, ид̣̇ам̣ руубам̣ убзгкинд̣̇рияасамудтид̇а’’нд̇и . со д̇ат̇аабхаавид̇зна жид̇д̇зна барисуд̣̇д̇хзна барияод̣̇аад̇зна жзд̇обарияан̃аан̣ааяа жид̇д̇ам̣ абхинийхарад̇и абхининнаамзд̇и. со барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаад̇и – сарааг̇ам̣ ваа жид̇д̇ам̣ ‘‘сарааг̇ам̣ жид̇д̇а’’нд̇и баж̇аанаад̇и, вийд̇арааг̇ам̣ ваа жид̇д̇ам̣ ‘‘вийд̇арааг̇ам̣ жид̇д̇а’’нд̇и баж̇аанаад̇и, сад̣̇осам̣ ваа жид̇д̇ам̣…бз… вийд̇ад̣̇осам̣ ваа жид̇д̇ам̣… самохам̣ ваа жид̇д̇ам̣… вийд̇амохам̣ ваа жид̇д̇ам̣… сам̣кид̇д̇ам̣ ваа жид̇д̇ам̣… вигкид̇д̇ам̣ ваа жид̇д̇ам̣… махаг̇г̇ад̇ам̣ ваа жид̇д̇ам̣… амахаг̇г̇ад̇ам̣ ваа жид̇д̇ам̣… сауд̇д̇арам̣ ваа жид̇д̇ам̣… ануд̇д̇арам̣ ваа жид̇д̇ам̣… самаахид̇ам̣ ваа жид̇д̇ам̣… асамаахид̇ам̣ ваа жид̇д̇ам̣… вимуд̇д̇ам̣ ваа жид̇д̇ам̣… авимуд̇д̇ам̣ ваа жид̇д̇ам̣ ‘‘авимуд̇д̇ам̣ жид̇д̇анд̇и баж̇аанаад̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘д̇ин̣н̣ам̣ жид̇д̇аанам̣ вибпаарад̇д̇аа инд̣̇рияаанам̣ басаад̣̇авасзна наанад̇д̇згад̇д̇авин̃н̃аан̣ажарияаабарияог̇аахан̣з бан̃н̃аа жзд̇обарияан̃аан̣ам̣’’.
104. Kathaṃ tiṇṇaṃ cittānaṃ vipphārattā indriyānaṃ pasādavasena nānattekattaviññāṇacariyāpariyogāhaṇe paññā cetopariyañāṇaṃ? Idha bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhipadhānasaṅkhārasamannāgataṃ iddhipādaṃ bhāveti. So imesu catūsu iddhipādesu cittaṃ paribhāveti paridameti, muduṃ karoti kammaniyaṃ. So imesu catūsu iddhipādesu cittaṃ paribhāvetvā paridametvā, muduṃ karitvā kammaniyaṃ evaṃ pajānāti – ‘‘idaṃ rūpaṃ somanassindriyasamuṭṭhitaṃ, idaṃ rūpaṃ domanassindriyasamuṭṭhitaṃ, idaṃ rūpaṃ upekkhindriyasamuṭṭhita’’nti . So tathābhāvitena cittena parisuddhena pariyodātena cetopariyañāṇāya cittaṃ abhinīharati abhininnāmeti. So parasattānaṃ parapuggalānaṃ cetasā ceto paricca pajānāti – sarāgaṃ vā cittaṃ ‘‘sarāgaṃ citta’’nti pajānāti, vītarāgaṃ vā cittaṃ ‘‘vītarāgaṃ citta’’nti pajānāti, sadosaṃ vā cittaṃ…pe… vītadosaṃ vā cittaṃ… samohaṃ vā cittaṃ… vītamohaṃ vā cittaṃ… saṃkhittaṃ vā cittaṃ… vikkhittaṃ vā cittaṃ… mahaggataṃ vā cittaṃ… amahaggataṃ vā cittaṃ… sauttaraṃ vā cittaṃ… anuttaraṃ vā cittaṃ… samāhitaṃ vā cittaṃ… asamāhitaṃ vā cittaṃ… vimuttaṃ vā cittaṃ… avimuttaṃ vā cittaṃ ‘‘avimuttaṃ cittanti pajānāti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘tiṇṇaṃ cittānaṃ vipphārattā indriyānaṃ pasādavasena nānattekattaviññāṇacariyāpariyogāhaṇe paññā cetopariyañāṇaṃ’’.
жзд̇обарияан̃аан̣анид̣̇д̣̇зсо д̣̇взбан̃н̃аасамо.
Cetopariyañāṇaniddeso dvepaññāsamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 52. жзд̇обарияан̃аан̣анид̣̇д̣̇зсаван̣н̣анаа • 52. Cetopariyañāṇaniddesavaṇṇanā
