| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
ச²ஆபத்திஸமுட்டா²னவாராதி³வண்ணனா
Chaāpattisamuṭṭhānavārādivaṇṇanā
276. ‘‘பட²மேன ஆபத்திஸமுட்டா²னேன து³ப்³பா⁴ஸிதங் ஆபஜ்ஜெய்யாதி ந ஹீதி வத்தப்³ப³’’ந்தி வுத்தங் வாசாசித்தவஸேனேவாபஜ்ஜிதப்³ப³தோ.
276.‘‘Paṭhamenaāpattisamuṭṭhānena dubbhāsitaṃ āpajjeyyāti na hīti vattabba’’nti vuttaṃ vācācittavasenevāpajjitabbato.
277. குடிங் கரோதீதி எத்த² ஸஞ்சரித்தமவத்வா து³க்கடது²ல்லச்சயஸங்கா⁴தி³ஸேஸானங் ஏகஸ்மிங் வத்து²ஸ்மிங் படிபாடியா உப்பத்தித³ஸ்ஸனத்த²மித³ங் வுத்தங். ந ஹி ஸஞ்சரித்தே ஏவ ஆபஜ்ஜதி. ‘‘இமினா பன நயேன ஸப்³ப³த்த² படிபாடியா அக்³க³ஹணே காரணங் வேதி³தப்³ப³’’ந்தி வுத்தங்.
277.Kuṭiṃkarotīti ettha sañcarittamavatvā dukkaṭathullaccayasaṅghādisesānaṃ ekasmiṃ vatthusmiṃ paṭipāṭiyā uppattidassanatthamidaṃ vuttaṃ. Na hi sañcaritte eva āpajjati. ‘‘Iminā pana nayena sabbattha paṭipāṭiyā aggahaṇe kāraṇaṃ veditabba’’nti vuttaṃ.
283. விவேகத³ஸ்ஸினாதி தத³ங்க³விவேகாதி³பஞ்சவித⁴விவேகத³ஸ்ஸினா.
283.Vivekadassināti tadaṅgavivekādipañcavidhavivekadassinā.
284. அத்தனோ து³ட்டு²ல்லந்தி ஸங்கா⁴தி³ஸேஸங்.
284.Attano duṭṭhullanti saṅghādisesaṃ.
288. விவாதா³தி⁴கரணபச்சயாதி அஞ்ஞேஹி, அத்தனா வா புப்³ப³பா⁴கே³ ஆபன்னபச்சயாதி அத்தோ². ஓமஸதீதி ‘‘அயங் த⁴ம்மோ, அயங் வினயோ’’தி விவத³ந்தோ ‘‘த்வங் கிங் ஜானாஸீ’’திஆதி³னா ஓமஸதி. தீஹி ஸமதே²ஹி ஸம்முகா²வினயபடிஞ்ஞாதகரணதிணவத்தா²ரகேஹி. ‘‘ஸம்முகா²வினயஞ்செத்த² ஸப்³ப³த்த² இச்சி²தப்³ப³தோ ‘ஸம்முகா²வினயேன சேவ படிஞ்ஞாதகரணேன சா’திஆதி³னா த்³வீஹிபி யோஜிதங். ஏஸ நயோ ஸப்³ப³த்தா²’’தி வுத்தங்.
288.Vivādādhikaraṇapaccayāti aññehi, attanā vā pubbabhāge āpannapaccayāti attho. Omasatīti ‘‘ayaṃ dhammo, ayaṃ vinayo’’ti vivadanto ‘‘tvaṃ kiṃ jānāsī’’tiādinā omasati. Tīhi samathehi sammukhāvinayapaṭiññātakaraṇatiṇavatthārakehi. ‘‘Sammukhāvinayañcettha sabbattha icchitabbato ‘sammukhāvinayena ceva paṭiññātakaraṇena cā’tiādinā dvīhipi yojitaṃ. Esa nayo sabbatthā’’ti vuttaṃ.
291. ட²பெத்வா ஸத்த ஆபத்தியோதி எத்த² ‘‘கிஞ்சாபி அவஸேஸா நத்தி², ததா²பி படிபாடியா பாடவஜனநத்த²ங் புச்சா² கதா’’தி வுத்தங்.
291.Ṭhapetvā satta āpattiyoti ettha ‘‘kiñcāpi avasesā natthi, tathāpi paṭipāṭiyā pāṭavajananatthaṃ pucchā katā’’ti vuttaṃ.
அந்தரபெய்யாலங் நிட்டி²தங்.
Antarapeyyālaṃ niṭṭhitaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
1. ச²ஆபத்திஸமுட்டா²னவாரோ • 1. Chaāpattisamuṭṭhānavāro
2. கதாபத்திவாரோ • 2. Katāpattivāro
3. ஆபத்திஸமுட்டா²னகா³தா² • 3. Āpattisamuṭṭhānagāthā
4. விபத்திபச்சயவாரோ • 4. Vipattipaccayavāro
5. அதி⁴கரணபச்சயவாரோ • 5. Adhikaraṇapaccayavāro
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ச²ஆபத்திஸமுட்டா²னவாரகதா²வண்ணனா • Chaāpattisamuṭṭhānavārakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā
ச²ஆபத்திஸமுட்டா²னவாரவண்ணனா • Chaāpattisamuṭṭhānavāravaṇṇanā
கதாபத்திவாரவண்ணனா • Katāpattivāravaṇṇanā
ஆபத்திஸமுட்டா²னகா³தா²வண்ணனா • Āpattisamuṭṭhānagāthāvaṇṇanā
விபத்திபச்சயவாரவண்ணனா • Vipattipaccayavāravaṇṇanā
அதி⁴கரணபச்சயவாரவண்ணனா • Adhikaraṇapaccayavāravaṇṇanā
