| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
ছআপত্তিসমুট্ঠানৰারাদিৰণ্ণনা
Chaāpattisamuṭṭhānavārādivaṇṇanā
২৭৬. ‘‘পঠমেন আপত্তিসমুট্ঠানেন দুব্ভাসিতং আপজ্জেয্যাতি ন হীতি ৰত্তব্ব’’ন্তি ৰুত্তং ৰাচাচিত্তৰসেনেৰাপজ্জিতব্বতো।
276.‘‘Paṭhamenaāpattisamuṭṭhānena dubbhāsitaṃ āpajjeyyāti na hīti vattabba’’nti vuttaṃ vācācittavasenevāpajjitabbato.
২৭৭. কুটিং করোতীতি এত্থ সঞ্চরিত্তমৰত্ৰা দুক্কটথুল্লচ্চযসঙ্ঘাদিসেসানং একস্মিং ৰত্থুস্মিং পটিপাটিযা উপ্পত্তিদস্সনত্থমিদং ৰুত্তং। ন হি সঞ্চরিত্তে এৰ আপজ্জতি। ‘‘ইমিনা পন নযেন সব্বত্থ পটিপাটিযা অগ্গহণে কারণং ৰেদিতব্ব’’ন্তি ৰুত্তং।
277.Kuṭiṃkarotīti ettha sañcarittamavatvā dukkaṭathullaccayasaṅghādisesānaṃ ekasmiṃ vatthusmiṃ paṭipāṭiyā uppattidassanatthamidaṃ vuttaṃ. Na hi sañcaritte eva āpajjati. ‘‘Iminā pana nayena sabbattha paṭipāṭiyā aggahaṇe kāraṇaṃ veditabba’’nti vuttaṃ.
২৮৩. ৰিৰেকদস্সিনাতি তদঙ্গৰিৰেকাদিপঞ্চৰিধৰিৰেকদস্সিনা।
283.Vivekadassināti tadaṅgavivekādipañcavidhavivekadassinā.
২৮৪. অত্তনো দুট্ঠুল্লন্তি সঙ্ঘাদিসেসং।
284.Attano duṭṭhullanti saṅghādisesaṃ.
২৮৮. ৰিৰাদাধিকরণপচ্চযাতি অঞ্ঞেহি, অত্তনা ৰা পুব্বভাগে আপন্নপচ্চযাতি অত্থো। ওমসতীতি ‘‘অযং ধম্মো, অযং ৰিনযো’’তি ৰিৰদন্তো ‘‘ত্ৰং কিং জানাসী’’তিআদিনা ওমসতি। তীহি সমথেহি সম্মুখাৰিনযপটিঞ্ঞাতকরণতিণৰত্থারকেহি। ‘‘সম্মুখাৰিনযঞ্চেত্থ সব্বত্থ ইচ্ছিতব্বতো ‘সম্মুখাৰিনযেন চেৰ পটিঞ্ঞাতকরণেন চা’তিআদিনা দ্ৰীহিপি যোজিতং। এস নযো সব্বত্থা’’তি ৰুত্তং।
288.Vivādādhikaraṇapaccayāti aññehi, attanā vā pubbabhāge āpannapaccayāti attho. Omasatīti ‘‘ayaṃ dhammo, ayaṃ vinayo’’ti vivadanto ‘‘tvaṃ kiṃ jānāsī’’tiādinā omasati. Tīhi samathehi sammukhāvinayapaṭiññātakaraṇatiṇavatthārakehi. ‘‘Sammukhāvinayañcettha sabbattha icchitabbato ‘sammukhāvinayena ceva paṭiññātakaraṇena cā’tiādinā dvīhipi yojitaṃ. Esa nayo sabbatthā’’ti vuttaṃ.
২৯১. ঠপেত্ৰা সত্ত আপত্তিযোতি এত্থ ‘‘কিঞ্চাপি অৰসেসা নত্থি, তথাপি পটিপাটিযা পাটৰজননত্থং পুচ্ছা কতা’’তি ৰুত্তং।
291.Ṭhapetvā satta āpattiyoti ettha ‘‘kiñcāpi avasesā natthi, tathāpi paṭipāṭiyā pāṭavajananatthaṃ pucchā katā’’ti vuttaṃ.
অন্তরপেয্যালং নিট্ঠিতং।
Antarapeyyālaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
১. ছআপত্তিসমুট্ঠানৰারো • 1. Chaāpattisamuṭṭhānavāro
২. কতাপত্তিৰারো • 2. Katāpattivāro
৩. আপত্তিসমুট্ঠানগাথা • 3. Āpattisamuṭṭhānagāthā
৪. ৰিপত্তিপচ্চযৰারো • 4. Vipattipaccayavāro
৫. অধিকরণপচ্চযৰারো • 5. Adhikaraṇapaccayavāro
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ছআপত্তিসমুট্ঠানৰারকথাৰণ্ণনা • Chaāpattisamuṭṭhānavārakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā
ছআপত্তিসমুট্ঠানৰারৰণ্ণনা • Chaāpattisamuṭṭhānavāravaṇṇanā
কতাপত্তিৰারৰণ্ণনা • Katāpattivāravaṇṇanā
আপত্তিসমুট্ঠানগাথাৰণ্ণনা • Āpattisamuṭṭhānagāthāvaṇṇanā
ৰিপত্তিপচ্চযৰারৰণ্ণনা • Vipattipaccayavāravaṇṇanā
অধিকরণপচ্চযৰারৰণ্ণনা • Adhikaraṇapaccayavāravaṇṇanā
