| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
ឆអាបត្តិសមុដ្ឋានវារាទិវណ្ណនា
Chaāpattisamuṭṭhānavārādivaṇṇanā
២៧៦. ‘‘បឋមេន អាបត្តិសមុដ្ឋានេន ទុព្ភាសិតំ អាបជ្ជេយ្យាតិ ន ហីតិ វត្តព្ព’’ន្តិ វុត្តំ វាចាចិត្តវសេនេវាបជ្ជិតព្ពតោ។
276.‘‘Paṭhamenaāpattisamuṭṭhānena dubbhāsitaṃ āpajjeyyāti na hīti vattabba’’nti vuttaṃ vācācittavasenevāpajjitabbato.
២៧៧. កុដិំ ករោតីតិ ឯត្ថ សញ្ចរិត្តមវត្វា ទុក្កដថុល្លច្ចយសង្ឃាទិសេសានំ ឯកស្មិំ វត្ថុស្មិំ បដិបាដិយា ឧប្បត្តិទស្សនត្ថមិទំ វុត្តំ។ ន ហិ សញ្ចរិត្តេ ឯវ អាបជ្ជតិ។ ‘‘ឥមិនា បន នយេន សព្ពត្ថ បដិបាដិយា អគ្គហណេ ការណំ វេទិតព្ព’’ន្តិ វុត្តំ។
277.Kuṭiṃkarotīti ettha sañcarittamavatvā dukkaṭathullaccayasaṅghādisesānaṃ ekasmiṃ vatthusmiṃ paṭipāṭiyā uppattidassanatthamidaṃ vuttaṃ. Na hi sañcaritte eva āpajjati. ‘‘Iminā pana nayena sabbattha paṭipāṭiyā aggahaṇe kāraṇaṃ veditabba’’nti vuttaṃ.
២៨៣. វិវេកទស្សិនាតិ តទង្គវិវេកាទិបញ្ចវិធវិវេកទស្សិនា។
283.Vivekadassināti tadaṅgavivekādipañcavidhavivekadassinā.
២៨៤. អត្តនោ ទុដ្ឋុល្លន្តិ សង្ឃាទិសេសំ។
284.Attano duṭṭhullanti saṅghādisesaṃ.
២៨៨. វិវាទាធិករណបច្ចយាតិ អញ្ញេហិ, អត្តនា វា បុព្ពភាគេ អាបន្នបច្ចយាតិ អត្ថោ។ ឱមសតីតិ ‘‘អយំ ធម្មោ, អយំ វិនយោ’’តិ វិវទន្តោ ‘‘ត្វំ កិំ ជានាសី’’តិអាទិនា ឱមសតិ។ តីហិ សមថេហិ សម្មុខាវិនយបដិញ្ញាតករណតិណវត្ថារកេហិ។ ‘‘សម្មុខាវិនយញ្ចេត្ថ សព្ពត្ថ ឥច្ឆិតព្ពតោ ‘សម្មុខាវិនយេន ចេវ បដិញ្ញាតករណេន ចា’តិអាទិនា ទ្វីហិបិ យោជិតំ។ ឯស នយោ សព្ពត្ថា’’តិ វុត្តំ។
288.Vivādādhikaraṇapaccayāti aññehi, attanā vā pubbabhāge āpannapaccayāti attho. Omasatīti ‘‘ayaṃ dhammo, ayaṃ vinayo’’ti vivadanto ‘‘tvaṃ kiṃ jānāsī’’tiādinā omasati. Tīhi samathehi sammukhāvinayapaṭiññātakaraṇatiṇavatthārakehi. ‘‘Sammukhāvinayañcettha sabbattha icchitabbato ‘sammukhāvinayena ceva paṭiññātakaraṇena cā’tiādinā dvīhipi yojitaṃ. Esa nayo sabbatthā’’ti vuttaṃ.
២៩១. ឋបេត្វា សត្ត អាបត្តិយោតិ ឯត្ថ ‘‘កិញ្ចាបិ អវសេសា នត្ថិ, តថាបិ បដិបាដិយា បាដវជននត្ថំ បុច្ឆា កតា’’តិ វុត្តំ។
291.Ṭhapetvā satta āpattiyoti ettha ‘‘kiñcāpi avasesā natthi, tathāpi paṭipāṭiyā pāṭavajananatthaṃ pucchā katā’’ti vuttaṃ.
អន្តរបេយ្យាលំ និដ្ឋិតំ។
Antarapeyyālaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
១. ឆអាបត្តិសមុដ្ឋានវារោ • 1. Chaāpattisamuṭṭhānavāro
២. កតាបត្តិវារោ • 2. Katāpattivāro
៣. អាបត្តិសមុដ្ឋានគាថា • 3. Āpattisamuṭṭhānagāthā
៤. វិបត្តិបច្ចយវារោ • 4. Vipattipaccayavāro
៥. អធិករណបច្ចយវារោ • 5. Adhikaraṇapaccayavāro
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ឆអាបត្តិសមុដ្ឋានវារកថាវណ្ណនា • Chaāpattisamuṭṭhānavārakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā
ឆអាបត្តិសមុដ្ឋានវារវណ្ណនា • Chaāpattisamuṭṭhānavāravaṇṇanā
កតាបត្តិវារវណ្ណនា • Katāpattivāravaṇṇanā
អាបត្តិសមុដ្ឋានគាថាវណ្ណនា • Āpattisamuṭṭhānagāthāvaṇṇanā
វិបត្តិបច្ចយវារវណ្ណនា • Vipattipaccayavāravaṇṇanā
អធិករណបច្ចយវារវណ្ណនា • Adhikaraṇapaccayavāravaṇṇanā
