| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
чааабад̇д̇исамудтаанаваараван̣н̣анаа
Chaāpattisamuṭṭhānavāravaṇṇanā
276. батамзна аабад̇д̇исамудтаанзнаад̇и гзвалам̣ гааязна. баарааж̇игаабад̇д̇ияаа зганд̇асажид̇д̇агасамудтаанад̇д̇аа ‘‘на хийд̇и вад̇д̇аб̣б̣а’’нд̇и вуд̇д̇ам̣. сан̇гхаад̣̇исзсаад̣̇ийнам̣ д̣̇уггадабарияосаанаанам̣ бан̃жаннам̣ ажид̇д̇агаанамби самбхавад̇о ‘‘сияаа’’д̇и вуд̇д̇ам̣, аабаж̇ж̇анам̣ сияаа бхавзяяаад̇и ад̇т̇о. хийнуггадтзхи ж̇аад̇иаад̣̇ийхи омасанз зва д̣̇уб̣бхаасид̇асса бан̃н̃ад̇д̇ад̇д̇аа саа зганд̇аваажаажид̇д̇асамудтаанаа зваад̇и.
276.Paṭhamena āpattisamuṭṭhānenāti kevalaṃ kāyena. Pārājikāpattiyā ekantasacittakasamuṭṭhānattā ‘‘na hīti vattabba’’nti vuttaṃ. Saṅghādisesādīnaṃ dukkaṭapariyosānānaṃ pañcannaṃ acittakānampi sambhavato ‘‘siyā’’ti vuttaṃ, āpajjanaṃ siyā bhaveyyāti attho. Hīnukkaṭṭhehi jātiādīhi omasane eva dubbhāsitassa paññattattā sā ekantavācācittasamuṭṭhānā evāti.
д̣̇уд̇ияасамудтаананаяз ваажааяа зва самаабаж̇ж̇ид̇аб̣б̣абаадид̣̇зсанийяасса абхааваа ‘‘на хий’’д̇и вуд̇д̇ам̣.
Dutiyasamuṭṭhānanaye vācāya eva samāpajjitabbapāṭidesanīyassa abhāvā ‘‘na hī’’ti vuttaṃ.
д̇ад̇ияз бана восаасамаанаруубам̣ бхигкуним̣ гааяаваажаахи анабасаад̣̇анабажжаяаа баадид̣̇зсанийяасамбхавад̇о ‘‘сияаа’’д̇и вуд̇д̇ам̣.
Tatiye pana vosāsamānarūpaṃ bhikkhuniṃ kāyavācāhi anapasādanapaccayā pāṭidesanīyasambhavato ‘‘siyā’’ti vuttaṃ.
омасанз баажид̇д̇ияасса ад̣̇иннаад̣̇аанасамудтаанад̇д̇зби д̇аббажжаяаа бан̃н̃ад̇д̇асса д̣̇уб̣бхаасид̇асса бан̃жамзнзва самуббад̇д̇ийд̇и д̣̇ассзд̇ум̣ жад̇уд̇т̇аваарз ‘‘д̣̇уб̣бхаасид̇ам̣ аабаж̇ж̇зяяаад̇и на хийд̇и вад̇д̇аб̣б̣а’’нд̇и вад̇ваа бан̃жамаваарз ‘‘сияаад̇и вад̇д̇аб̣б̣а’’нд̇и вуд̇д̇ам̣. гааяавигаарзнзва омасанд̇асса банзд̇т̇а д̣̇уб̣бхаасид̇абхаавзби гааяагийл̣аабхааваабхаавад̇о д̣̇уггадамзваад̇и д̣̇адтаб̣б̣ам̣.
Omasane pācittiyassa adinnādānasamuṭṭhānattepi tappaccayā paññattassa dubbhāsitassa pañcameneva samuppattīti dassetuṃ catutthavāre ‘‘dubbhāsitaṃ āpajjeyyāti na hīti vattabba’’nti vatvā pañcamavāre ‘‘siyāti vattabba’’nti vuttaṃ. Kāyavikāreneva omasantassa panettha dubbhāsitabhāvepi kāyakīḷābhāvābhāvato dukkaṭamevāti daṭṭhabbaṃ.
чадтаваарз бана виж̇ж̇амааноби гааяо д̣̇уб̣бхаасид̇асса ан̇г̇ам̣ на ход̇и, бан̃жамасамудтаанз зва чадтамби бависад̇ийд̇и д̣̇ассзд̇ум̣ ‘‘на хий’’д̇и бадигкид̇д̇ам̣, на бана д̇ад̇т̇а саб̣б̣ат̇аа д̣̇уб̣бхаасид̇зна анаабад̇д̇ийд̇и д̣̇ассзд̇ум̣. на хи д̣̇авагамяад̇ааяа гааяаваажаахи омасанд̇асса д̣̇уб̣бхаасид̇аабад̇д̇и на самбхавад̇и. яан̃хи бан̃жамзнзва самаабаж̇ж̇ад̇и, д̇ам̣ чадтзнаби самаабаж̇ж̇ад̇и зва д̇хаммад̣̇зсанаабад̇д̇и вияаад̇и г̇ахзд̇аб̣б̣ам̣. сзсам̣ самудтаанаваарз сувин̃н̃зяяамзва.
Chaṭṭhavāre pana vijjamānopi kāyo dubbhāsitassa aṅgaṃ na hoti, pañcamasamuṭṭhāne eva chaṭṭhampi pavisatīti dassetuṃ ‘‘na hī’’ti paṭikkhittaṃ, na pana tattha sabbathā dubbhāsitena anāpattīti dassetuṃ. Na hi davakamyatāya kāyavācāhi omasantassa dubbhāsitāpatti na sambhavati. Yañhi pañcameneva samāpajjati, taṃ chaṭṭhenapi samāpajjati eva dhammadesanāpatti viyāti gahetabbaṃ. Sesaṃ samuṭṭhānavāre suviññeyyameva.
чааабад̇д̇исамудтаанаваараван̣н̣анаа нидтид̇аа.
Chaāpattisamuṭṭhānavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. чааабад̇д̇исамудтаанавааро • 1. Chaāpattisamuṭṭhānavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / чааабад̇д̇исамудтаанаваарагат̇ааван̣н̣анаа • Chaāpattisamuṭṭhānavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / чааабад̇д̇исамудтаанаваараад̣̇иван̣н̣анаа • Chaāpattisamuṭṭhānavārādivaṇṇanā
