| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਛਆਪਤ੍ਤਿਸਮੁਟ੍ਠਾਨવਾਰવਣ੍ਣਨਾ
Chaāpattisamuṭṭhānavāravaṇṇanā
੨੭੬. ਪਠਮੇਨ ਆਪਤ੍ਤਿਸਮੁਟ੍ਠਾਨੇਨਾਤਿ ਕੇવਲਂ ਕਾਯੇਨ। ਪਾਰਾਜਿਕਾਪਤ੍ਤਿਯਾ ਏਕਨ੍ਤਸਚਿਤ੍ਤਕਸਮੁਟ੍ਠਾਨਤ੍ਤਾ ‘‘ਨ ਹੀਤਿ વਤ੍ਤਬ੍ਬ’’ਨ੍ਤਿ વੁਤ੍ਤਂ। ਸਙ੍ਘਾਦਿਸੇਸਾਦੀਨਂ ਦੁਕ੍ਕਟਪਰਿਯੋਸਾਨਾਨਂ ਪਞ੍ਚਨ੍ਨਂ ਅਚਿਤ੍ਤਕਾਨਮ੍ਪਿ ਸਮ੍ਭવਤੋ ‘‘ਸਿਯਾ’’ਤਿ વੁਤ੍ਤਂ, ਆਪਜ੍ਜਨਂ ਸਿਯਾ ਭવੇਯ੍ਯਾਤਿ ਅਤ੍ਥੋ। ਹੀਨੁਕ੍ਕਟ੍ਠੇਹਿ ਜਾਤਿਆਦੀਹਿ ਓਮਸਨੇ ਏવ ਦੁਬ੍ਭਾਸਿਤਸ੍ਸ ਪਞ੍ਞਤ੍ਤਤ੍ਤਾ ਸਾ ਏਕਨ੍ਤવਾਚਾਚਿਤ੍ਤਸਮੁਟ੍ਠਾਨਾ ਏવਾਤਿ।
276.Paṭhamena āpattisamuṭṭhānenāti kevalaṃ kāyena. Pārājikāpattiyā ekantasacittakasamuṭṭhānattā ‘‘na hīti vattabba’’nti vuttaṃ. Saṅghādisesādīnaṃ dukkaṭapariyosānānaṃ pañcannaṃ acittakānampi sambhavato ‘‘siyā’’ti vuttaṃ, āpajjanaṃ siyā bhaveyyāti attho. Hīnukkaṭṭhehi jātiādīhi omasane eva dubbhāsitassa paññattattā sā ekantavācācittasamuṭṭhānā evāti.
ਦੁਤਿਯਸਮੁਟ੍ਠਾਨਨਯੇ વਾਚਾਯ ਏવ ਸਮਾਪਜ੍ਜਿਤਬ੍ਬਪਾਟਿਦੇਸਨੀਯਸ੍ਸ ਅਭਾવਾ ‘‘ਨ ਹੀ’’ਤਿ વੁਤ੍ਤਂ।
Dutiyasamuṭṭhānanaye vācāya eva samāpajjitabbapāṭidesanīyassa abhāvā ‘‘na hī’’ti vuttaṃ.
ਤਤਿਯੇ ਪਨ વੋਸਾਸਮਾਨਰੂਪਂ ਭਿਕ੍ਖੁਨਿਂ ਕਾਯવਾਚਾਹਿ ਅਨਪਸਾਦਨਪਚ੍ਚਯਾ ਪਾਟਿਦੇਸਨੀਯਸਮ੍ਭવਤੋ ‘‘ਸਿਯਾ’’ਤਿ વੁਤ੍ਤਂ।
Tatiye pana vosāsamānarūpaṃ bhikkhuniṃ kāyavācāhi anapasādanapaccayā pāṭidesanīyasambhavato ‘‘siyā’’ti vuttaṃ.
ਓਮਸਨੇ ਪਾਚਿਤ੍ਤਿਯਸ੍ਸ ਅਦਿਨ੍ਨਾਦਾਨਸਮੁਟ੍ਠਾਨਤ੍ਤੇਪਿ ਤਪ੍ਪਚ੍ਚਯਾ ਪਞ੍ਞਤ੍ਤਸ੍ਸ ਦੁਬ੍ਭਾਸਿਤਸ੍ਸ ਪਞ੍ਚਮੇਨੇવ ਸਮੁਪ੍ਪਤ੍ਤੀਤਿ ਦਸ੍ਸੇਤੁਂ ਚਤੁਤ੍ਥવਾਰੇ ‘‘ਦੁਬ੍ਭਾਸਿਤਂ ਆਪਜ੍ਜੇਯ੍ਯਾਤਿ ਨ ਹੀਤਿ વਤ੍ਤਬ੍ਬ’’ਨ੍ਤਿ વਤ੍વਾ ਪਞ੍ਚਮવਾਰੇ ‘‘ਸਿਯਾਤਿ વਤ੍ਤਬ੍ਬ’’ਨ੍ਤਿ વੁਤ੍ਤਂ। ਕਾਯવਿਕਾਰੇਨੇવ ਓਮਸਨ੍ਤਸ੍ਸ ਪਨੇਤ੍ਥ ਦੁਬ੍ਭਾਸਿਤਭਾવੇਪਿ ਕਾਯਕੀਲ਼ਾਭਾવਾਭਾવਤੋ ਦੁਕ੍ਕਟਮੇવਾਤਿ ਦਟ੍ਠਬ੍ਬਂ।
Omasane pācittiyassa adinnādānasamuṭṭhānattepi tappaccayā paññattassa dubbhāsitassa pañcameneva samuppattīti dassetuṃ catutthavāre ‘‘dubbhāsitaṃ āpajjeyyāti na hīti vattabba’’nti vatvā pañcamavāre ‘‘siyāti vattabba’’nti vuttaṃ. Kāyavikāreneva omasantassa panettha dubbhāsitabhāvepi kāyakīḷābhāvābhāvato dukkaṭamevāti daṭṭhabbaṃ.
ਛਟ੍ਠવਾਰੇ ਪਨ વਿਜ੍ਜਮਾਨੋਪਿ ਕਾਯੋ ਦੁਬ੍ਭਾਸਿਤਸ੍ਸ ਅਙ੍ਗਂ ਨ ਹੋਤਿ, ਪਞ੍ਚਮਸਮੁਟ੍ਠਾਨੇ ਏવ ਛਟ੍ਠਮ੍ਪਿ ਪવਿਸਤੀਤਿ ਦਸ੍ਸੇਤੁਂ ‘‘ਨ ਹੀ’’ਤਿ ਪਟਿਕ੍ਖਿਤ੍ਤਂ, ਨ ਪਨ ਤਤ੍ਥ ਸਬ੍ਬਥਾ ਦੁਬ੍ਭਾਸਿਤੇਨ ਅਨਾਪਤ੍ਤੀਤਿ ਦਸ੍ਸੇਤੁਂ। ਨ ਹਿ ਦવਕਮ੍ਯਤਾਯ ਕਾਯવਾਚਾਹਿ ਓਮਸਨ੍ਤਸ੍ਸ ਦੁਬ੍ਭਾਸਿਤਾਪਤ੍ਤਿ ਨ ਸਮ੍ਭવਤਿ। ਯਞ੍ਹਿ ਪਞ੍ਚਮੇਨੇવ ਸਮਾਪਜ੍ਜਤਿ, ਤਂ ਛਟ੍ਠੇਨਪਿ ਸਮਾਪਜ੍ਜਤਿ ਏવ ਧਮ੍ਮਦੇਸਨਾਪਤ੍ਤਿ વਿਯਾਤਿ ਗਹੇਤਬ੍ਬਂ। ਸੇਸਂ ਸਮੁਟ੍ਠਾਨવਾਰੇ ਸੁવਿਞ੍ਞੇਯ੍ਯਮੇવ।
Chaṭṭhavāre pana vijjamānopi kāyo dubbhāsitassa aṅgaṃ na hoti, pañcamasamuṭṭhāne eva chaṭṭhampi pavisatīti dassetuṃ ‘‘na hī’’ti paṭikkhittaṃ, na pana tattha sabbathā dubbhāsitena anāpattīti dassetuṃ. Na hi davakamyatāya kāyavācāhi omasantassa dubbhāsitāpatti na sambhavati. Yañhi pañcameneva samāpajjati, taṃ chaṭṭhenapi samāpajjati eva dhammadesanāpatti viyāti gahetabbaṃ. Sesaṃ samuṭṭhānavāre suviññeyyameva.
ਛਆਪਤ੍ਤਿਸਮੁਟ੍ਠਾਨવਾਰવਣ੍ਣਨਾ ਨਿਟ੍ਠਿਤਾ।
Chaāpattisamuṭṭhānavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਛਆਪਤ੍ਤਿਸਮੁਟ੍ਠਾਨવਾਰੋ • 1. Chaāpattisamuṭṭhānavāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਛਆਪਤ੍ਤਿਸਮੁਟ੍ਠਾਨવਾਰਕਥਾવਣ੍ਣਨਾ • Chaāpattisamuṭṭhānavārakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਆਪਤ੍ਤਿਸਮੁਟ੍ਠਾਨવਾਰਾਦਿવਣ੍ਣਨਾ • Chaāpattisamuṭṭhānavārādivaṇṇanā
