| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
4. чаб̣б̣ассасигкаабад̣̇ам̣
4. Chabbassasikkhāpadaṃ
557. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкуу анувассам̣ сант̇ад̇ам̣ гаараабзнд̇и. д̇з яаажанаб̣ахулаа вин̃н̃ад̇д̇иб̣ахулаа вихаранд̇и – ‘‘зл̣агаломаани д̣̇зт̇а. зл̣агаломзхи ад̇т̇о’’д̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа анувассам̣ сант̇ад̇ам̣ гаараабзссанд̇и, яаажанаб̣ахулаа вин̃н̃ад̇д̇иб̣ахулаа вихариссанд̇и – ‘зл̣агаломаани д̣̇зт̇а, зл̣агаломзхи ад̇т̇о’’’д̇и! амхаагам̣ бана сагим̣ гад̇аани сант̇ад̇аани бан̃жаби чаби вассаани хонд̇и, язсам̣ но д̣̇аарагаа ухад̣̇анд̇иби уммиханд̇иби унд̣̇уурзхиби каж̇ж̇анд̇и. имз бана саман̣аа сагяабуд̇д̇ияаа анувассам̣ сант̇ад̇ам̣ гаараабзнд̇и, яаажанаб̣ахулаа вин̃н̃ад̇д̇иб̣ахулаа вихаранд̇и – ‘‘зл̣агаломаани д̣̇зт̇а, зл̣агаломзхи ад̇т̇о’’д̇и!
557. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhū anuvassaṃ santhataṃ kārāpenti. Te yācanabahulā viññattibahulā viharanti – ‘‘eḷakalomāni detha. Eḷakalomehi attho’’ti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā anuvassaṃ santhataṃ kārāpessanti, yācanabahulā viññattibahulā viharissanti – ‘eḷakalomāni detha, eḷakalomehi attho’’’ti! Amhākaṃ pana sakiṃ katāni santhatāni pañcapi chapi vassāni honti, yesaṃ no dārakā uhadantipi ummihantipi undūrehipi khajjanti. Ime pana samaṇā sakyaputtiyā anuvassaṃ santhataṃ kārāpenti, yācanabahulā viññattibahulā viharanti – ‘‘eḷakalomāni detha, eḷakalomehi attho’’ti!
ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу анувассам̣ сант̇ад̇ам̣ гаараабзссанд̇и, яаажанаб̣ахулаа вин̃н̃ад̇д̇иб̣ахулаа вихариссанд̇и – ‘зл̣агаломаани д̣̇зт̇а, зл̣агаломзхи ад̇т̇о’’’д̇и! ат̇а ко д̇з бхигкуу д̇з анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз, бхигкуу анувассам̣ сант̇ад̇ам̣ гаараабзнд̇и, яаажанаб̣ахулаа вин̃н̃ад̇д̇иб̣ахулаа вихаранд̇и – ‘зл̣агаломаани д̣̇зт̇а, зл̣агаломзхи ад̇т̇о’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа анувассам̣ сант̇ад̇ам̣ гаараабзссанд̇и, яаажанаб̣ахулаа вин̃н̃ад̇д̇иб̣ахулаа вихариссанд̇и – ‘зл̣агаломаани д̣̇зт̇а, зл̣агаломзхи ад̇т̇о’д̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū anuvassaṃ santhataṃ kārāpessanti, yācanabahulā viññattibahulā viharissanti – ‘eḷakalomāni detha, eḷakalomehi attho’’’ti! Atha kho te bhikkhū te anekapariyāyena vigarahitvā bhagavato etamatthaṃ ārocesuṃ…pe… saccaṃ kira, bhikkhave, bhikkhū anuvassaṃ santhataṃ kārāpenti, yācanabahulā viññattibahulā viharanti – ‘eḷakalomāni detha, eḷakalomehi attho’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā anuvassaṃ santhataṃ kārāpessanti, yācanabahulā viññattibahulā viharissanti – ‘eḷakalomāni detha, eḷakalomehi attho’ti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
558. ‘‘навам̣ бана бхигкунаа сант̇ад̇ам̣ гаараабзд̇ваа чаб̣б̣ассаани д̇хаарзд̇аб̣б̣ам̣. орзна жз чаннам̣ вассаанам̣ д̇ам̣ сант̇ад̇ам̣ виссаж̇ж̇зд̇ваа ваа ависсаж̇ж̇зд̇ваа ваа ан̃н̃ам̣ навам̣ сант̇ад̇ам̣ гаараабзяяа, ниссаг̇г̇ияам̣ баажид̇д̇ияа’’нд̇и.
558.‘‘Navaṃ pana bhikkhunā santhataṃ kārāpetvā chabbassāni dhāretabbaṃ. Orena ce channaṃ vassānaṃ taṃ santhataṃ vissajjetvā vā avissajjetvā vā aññaṃ navaṃ santhataṃ kārāpeyya, nissaggiyaṃ pācittiya’’nti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
559. д̇зна ко бана самаязна ан̃н̃ад̇аро бхигку госамб̣ияам̣ г̇илаано ход̇и. н̃аад̇агаа д̇асса бхигкуно санд̇игз д̣̇ууд̇ам̣ баахзсум̣ – ‘‘ааг̇ажчад̇у, бхад̣̇анд̇о маяам̣ убадтахиссаамаа’’д̇и. бхигкууби звамаахам̣су – ‘‘г̇ажчаавусо, н̃аад̇агаа д̇ам̣ убадтахиссанд̇ий’’д̇и. со звамааха – ‘‘бхаг̇авад̇аа, аавусо, сигкаабад̣̇ам̣ бан̃н̃ад̇д̇ам̣ – ‘навам̣ бана бхигкунаа сант̇ад̇ам̣ гаараабзд̇ваа чаб̣б̣ассаани д̇хаарзд̇аб̣б̣а’нд̇и. ахан̃жамхи г̇илаано, на саггоми сант̇ад̇ам̣ аад̣̇ааяа баггамид̇ум̣. маяхан̃жа винаа сант̇ад̇аа на паасу ход̇и. наахам̣ г̇амиссаамий’’д̇и. бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанасса бхигкуно сант̇ад̇асаммуд̇им̣ д̣̇аад̇ум̣. зван̃жа бана , бхигкавз, д̣̇аад̇аб̣б̣аа. д̇зна г̇илаанзна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘ахам̣, бханд̇з, г̇илаано. на саггоми сант̇ад̇ам̣ аад̣̇ааяа баггамид̇ум̣. сохам̣, бханд̇з, сан̇гхам̣ сант̇ад̇асаммуд̇им̣ яаажаамий’д̇и. д̣̇уд̇ияамби яаажид̇аб̣б̣аа. д̇ад̇ияамби яаажид̇аб̣б̣аа. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
559. Tena kho pana samayena aññataro bhikkhu kosambiyaṃ gilāno hoti. Ñātakā tassa bhikkhuno santike dūtaṃ pāhesuṃ – ‘‘āgacchatu, bhadanto mayaṃ upaṭṭhahissāmā’’ti. Bhikkhūpi evamāhaṃsu – ‘‘gacchāvuso, ñātakā taṃ upaṭṭhahissantī’’ti. So evamāha – ‘‘bhagavatā, āvuso, sikkhāpadaṃ paññattaṃ – ‘navaṃ pana bhikkhunā santhataṃ kārāpetvā chabbassāni dhāretabba’nti. Ahañcamhi gilāno, na sakkomi santhataṃ ādāya pakkamituṃ. Mayhañca vinā santhatā na phāsu hoti. Nāhaṃ gamissāmī’’ti. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānassa bhikkhuno santhatasammutiṃ dātuṃ. Evañca pana , bhikkhave, dātabbā. Tena gilānena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘ahaṃ, bhante, gilāno. Na sakkomi santhataṃ ādāya pakkamituṃ. Sohaṃ, bhante, saṅghaṃ santhatasammutiṃ yācāmī’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
560. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку г̇илаано. на саггод̇и сант̇ад̇ам̣ аад̣̇ааяа баггамид̇ум̣. со сан̇гхам̣ сант̇ад̇асаммуд̇им̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно сант̇ад̇асаммуд̇им̣ д̣̇ад̣̇зяяа. зсаа н̃ад̇д̇и.
560. ‘‘Suṇātu me, bhante, saṅgho. Ayaṃ itthannāmo bhikkhu gilāno. Na sakkoti santhataṃ ādāya pakkamituṃ. So saṅghaṃ santhatasammutiṃ yācati. Yadi saṅghassa pattakallaṃ, saṅgho itthannāmassa bhikkhuno santhatasammutiṃ dadeyya. Esā ñatti.
‘‘сун̣аад̇у мз, бханд̇з, сан̇гхо . аяам̣ ид̇т̇аннаамо бхигку г̇илаано. на саггод̇и сант̇ад̇ам̣ аад̣̇ааяа баггамид̇ум̣. со сан̇гхам̣ сант̇ад̇асаммуд̇им̣ яаажад̇и. сан̇гхо ид̇т̇аннаамасса бхигкуно сант̇ад̇асаммуд̇им̣ д̣̇зд̇и. яассааяасмад̇о камад̇и ид̇т̇аннаамасса бхигкуно сант̇ад̇асаммуд̇ияаа д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho . Ayaṃ itthannāmo bhikkhu gilāno. Na sakkoti santhataṃ ādāya pakkamituṃ. So saṅghaṃ santhatasammutiṃ yācati. Saṅgho itthannāmassa bhikkhuno santhatasammutiṃ deti. Yassāyasmato khamati itthannāmassa bhikkhuno santhatasammutiyā dānaṃ, so tuṇhassa; yassa nakkhamati, so bhāseyya.
‘‘д̣̇иннаа сан̇гхзна ид̇т̇аннаамасса бхигкуно сант̇ад̇асаммуд̇и. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinnā saṅghena itthannāmassa bhikkhuno santhatasammuti. Khamati saṅghassa, tasmā tuṇhī, evametaṃ dhārayāmī’’ti.
зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Evañca pana, bhikkhave, imaṃ sikkhāpadaṃ uddiseyyātha –
561. ‘‘навам̣ бана бхигкунаа сант̇ад̇ам̣ гаараабзд̇ваа чаб̣б̣ассаани д̇хаарзд̇аб̣б̣ам̣. орзна жз чаннам̣ вассаанам̣ д̇ам̣ сант̇ад̇ам̣ виссаж̇ж̇зд̇ваа ваа ависсаж̇ж̇зд̇ваа ваа ан̃н̃ам̣ навам̣ сант̇ад̇ам̣ гаараабзяяа, ан̃н̃ад̇ра бхигкусаммуд̇ияаа , ниссаг̇г̇ияам̣ баажид̇д̇ияа’’нд̇и.
561.‘‘Navaṃ pana bhikkhunā santhataṃ kārāpetvā chabbassāni dhāretabbaṃ. Orena ce channaṃ vassānaṃ taṃ santhataṃ vissajjetvā vā avissajjetvā vā aññaṃ navaṃ santhataṃ kārāpeyya, aññatra bhikkhusammutiyā , nissaggiyaṃ pācittiya’’nti.
562. навам̣ наама гаран̣ам̣ убаад̣̇ааяа вужжад̇и.
562.Navaṃ nāma karaṇaṃ upādāya vuccati.
сант̇ад̇ам̣ наама сант̇арид̇ваа гад̇ам̣ ход̇и авааяимам̣.
Santhataṃ nāma santharitvā kataṃ hoti avāyimaṃ.
гаараабзд̇ваад̇и гарид̇ваа ваа гаараабзд̇ваа ваа.
Kārāpetvāti karitvā vā kārāpetvā vā.
чаб̣б̣ассаани д̇хаарзд̇аб̣б̣анд̇и чаб̣б̣ассабарамад̇аа д̇хаарзд̇аб̣б̣ам̣.
Chabbassāni dhāretabbanti chabbassaparamatā dhāretabbaṃ.
орзна жз чаннам̣ вассаананд̇и уунагачаб̣б̣ассаани.
Orena ce channaṃ vassānanti ūnakachabbassāni.
д̇ам̣ сант̇ад̇ам̣ виссаж̇ж̇зд̇ваад̇и ан̃н̃зсам̣ д̣̇ад̇ваа.
Taṃ santhataṃ vissajjetvāti aññesaṃ datvā.
ависсаж̇ж̇зд̇ваад̇и на гассажи д̣̇ад̇ваа.
Avissajjetvāti na kassaci datvā.
ан̃н̃ад̇ра бхигкусаммуд̇ияаад̇и табзд̇ваа бхигкусаммуд̇им̣ ан̃н̃ам̣ навам̣ сант̇ад̇ам̣ гарод̇и ваа гаараабзд̇и ваа, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, сант̇ад̇ам̣ уунагачаб̣б̣ассаани гаараабид̇ам̣, ан̃н̃ад̇ра бхигкусаммуд̇ияаа, ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Aññatra bhikkhusammutiyāti ṭhapetvā bhikkhusammutiṃ aññaṃ navaṃ santhataṃ karoti vā kārāpeti vā, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, santhataṃ ūnakachabbassāni kārāpitaṃ, aññatra bhikkhusammutiyā, nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
563. ад̇д̇анаа виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. ад̇д̇анаа виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣ . барзхи виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣.
563. Attanā vippakataṃ attanā pariyosāpeti, nissaggiyaṃ pācittiyaṃ. Attanā vippakataṃ parehi pariyosāpeti, nissaggiyaṃ pācittiyaṃ . Parehi vippakataṃ attanā pariyosāpeti, nissaggiyaṃ pācittiyaṃ. Parehi vippakataṃ parehi pariyosāpeti, nissaggiyaṃ pācittiyaṃ.
564. анаабад̇д̇и чаб̣б̣ассаани гарод̇и, ад̇ирзгачаб̣б̣ассаани гарод̇и, ан̃н̃ассад̇т̇ааяа гарод̇и ваа гаараабзд̇и ваа, ан̃н̃зна гад̇ам̣ бадилабхид̇ваа барибхун̃ж̇ад̇и , вид̇аанам̣ ваа бхуумад̇т̇аран̣ам̣ ваа саан̣ибаагаарам̣ ваа бхисим̣ ваа б̣иб̣б̣оханам̣ ваа гарод̇и, бхигкусаммуд̇ияаа, уммад̇д̇агасса, аад̣̇игаммигассаад̇и.
564. Anāpatti chabbassāni karoti, atirekachabbassāni karoti, aññassatthāya karoti vā kārāpeti vā, aññena kataṃ paṭilabhitvā paribhuñjati , vitānaṃ vā bhūmattharaṇaṃ vā sāṇipākāraṃ vā bhisiṃ vā bibbohanaṃ vā karoti, bhikkhusammutiyā, ummattakassa, ādikammikassāti.
чаб̣б̣ассасигкаабад̣̇ам̣ нидтид̇ам̣ жад̇уд̇т̇ам̣.
Chabbassasikkhāpadaṃ niṭṭhitaṃ catutthaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. чаб̣б̣ассасигкаабад̣̇аван̣н̣анаа • 4. Chabbassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. чаб̣б̣ассасигкаабад̣̇аван̣н̣анаа • 4. Chabbassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. чаб̣б̣ассасигкаабад̣̇аван̣н̣анаа • 4. Chabbassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. чаб̣б̣ассасигкаабад̣̇аван̣н̣анаа • 4. Chabbassasikkhāpadavaṇṇanā
