| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৪. ছব্বস্সসিক্খাপদৰণ্ণনা
4. Chabbassasikkhāpadavaṇṇanā
৫৫৭. তেন সমযেনাতি ছব্বস্সসিক্খাপদং। তত্থ ঊহদন্তিপি উম্মিহন্তিপীতি সন্থতানং উপরি ৰচ্চম্পি পস্সাৰম্পি করোন্তীতি ৰুত্তং হোতি।
557.Tenasamayenāti chabbassasikkhāpadaṃ. Tattha ūhadantipi ummihantipīti santhatānaṃ upari vaccampi passāvampi karontīti vuttaṃ hoti.
দিন্না সঙ্ঘেন ইত্থন্নামস্স ভিক্খুনো সন্থতসম্মুতীতি এৰং লদ্ধসম্মুতিকো ভিক্খু যাৰ রোগো ন ৰূপসম্মতি, তাৰ যং যং ঠানং গচ্ছতি, তত্থ তত্থ সন্থতং কাতুং লভতি। সচে অরোগো হুত্ৰা পুন মূলব্যাধিনাৰ গিলানো হোতি, সোযেৰ পরিহারো, নত্থঞ্ঞং সম্মুতিকিচ্চন্তি ফুস্সদেৰত্থেরো আহ। উপতিস্সত্থেরো পন ‘‘সো ৰা ব্যাধি পটিকুপ্পতু, অঞ্ঞো ৰা, ‘সকিং গিলানো’তি নামং লদ্ধং লদ্ধমেৰ, পুন সম্মুতিকিচ্চং নত্থী’’তি আহ।
Dinnā saṅghena itthannāmassa bhikkhuno santhatasammutīti evaṃ laddhasammutiko bhikkhu yāva rogo na vūpasammati, tāva yaṃ yaṃ ṭhānaṃ gacchati, tattha tattha santhataṃ kātuṃ labhati. Sace arogo hutvā puna mūlabyādhināva gilāno hoti, soyeva parihāro, natthaññaṃ sammutikiccanti phussadevatthero āha. Upatissatthero pana ‘‘so vā byādhi paṭikuppatu, añño vā, ‘sakiṃ gilāno’ti nāmaṃ laddhaṃ laddhameva, puna sammutikiccaṃ natthī’’ti āha.
ওরেন চে ছন্নং ৰস্সানন্তি ছন্নং ৰস্সানং ওরিমভাগে, অন্তোতি অত্থো। পদভাজনে পন সঙ্খ্যামত্তদস্সনত্থং ‘‘ঊনকছব্বস্সানী’’তি ৰুত্তং।
Orenace channaṃ vassānanti channaṃ vassānaṃ orimabhāge, antoti attho. Padabhājane pana saṅkhyāmattadassanatthaṃ ‘‘ūnakachabbassānī’’ti vuttaṃ.
অনাপত্তি ছব্বস্সানি করোতীতি যদা ছব্বস্সানি পরিপুণ্ণানি হোন্তি, তদা সন্থতং করোতি। দুতিযপদেপি ‘‘যদা অতিরেকছব্বস্সানি হোন্তি, তদা করোতী’’তি এৰমত্থো দট্ঠব্বো। ন হি সো ছব্বস্সানি করোতীতি। সেসং উত্তানত্থমেৰ।
Anāpatti chabbassāni karotīti yadā chabbassāni paripuṇṇāni honti, tadā santhataṃ karoti. Dutiyapadepi ‘‘yadā atirekachabbassāni honti, tadā karotī’’ti evamattho daṭṭhabbo. Na hi so chabbassāni karotīti. Sesaṃ uttānatthameva.
সমুট্ঠানাদীনি কোসিযসিক্খাপদসদিসানেৰাতি।
Samuṭṭhānādīni kosiyasikkhāpadasadisānevāti.
ছব্বস্সসিক্খাপদৰণ্ণনা নিট্ঠিতা।
Chabbassasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৪. ছব্বস্সসিক্খাপদং • 4. Chabbassasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৪. ছব্বস্সসিক্খাপদৰণ্ণনা • 4. Chabbassasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৪. ছব্বস্সসিক্খাপদৰণ্ণনা • 4. Chabbassasikkhāpadavaṇṇanā
