| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৪. ছব্বস্সসিক্খাপদৰণ্ণনা
4. Chabbassasikkhāpadavaṇṇanā
‘‘ওরেন চে ছন্নং ৰস্সান’’ন্তি ৰুত্তত্তা ছব্বস্সে পরিপুণ্ণে কাতুং ৰট্টতীতি নিট্ঠানদিৰসতো পট্ঠায ছন্নং ৰস্সানং পরিচ্ছেদো ৰেদিতব্বো। যানি পনেত্থ অতিরেকছব্বস্সৰসেন ৰা সম্মুতিৰসেন ৰা কতানি, সব্বানি তানি একতো পরিভুঞ্জিতুং ৰট্টন্তীতি। গিলানস্স চ একং নপ্পহোতীতি অনেকম্পি ৰট্টতি। যতো পট্ঠায রোগস্স মন্দতায সন্থতং আদায গন্তুং সক্কোতি, ততো পট্ঠায সম্মুতি ৰা রোগো ৰা ন রক্খতীতি একে। অপিচ ছৰস্সবুদ্ধনিম্মলং সিক্খাপদং ৰিচারেতুং গম্ভীরত্তা। তস্মা ছৰস্সে কম্মং কতন্তি।
‘‘Orenace channaṃ vassāna’’nti vuttattā chabbasse paripuṇṇe kātuṃ vaṭṭatīti niṭṭhānadivasato paṭṭhāya channaṃ vassānaṃ paricchedo veditabbo. Yāni panettha atirekachabbassavasena vā sammutivasena vā katāni, sabbāni tāni ekato paribhuñjituṃ vaṭṭantīti. Gilānassa ca ekaṃ nappahotīti anekampi vaṭṭati. Yato paṭṭhāya rogassa mandatāya santhataṃ ādāya gantuṃ sakkoti, tato paṭṭhāya sammuti vā rogo vā na rakkhatīti eke. Apica chavassabuddhanimmalaṃ sikkhāpadaṃ vicāretuṃ gambhīrattā. Tasmā chavasse kammaṃ katanti.
ছব্বস্সসিক্খাপদৰণ্ণনা নিট্ঠিতা।
Chabbassasikkhāpadavaṇṇanā niṭṭhitā.
