| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. чаб̣б̣ассасигкаабад̣̇аван̣н̣анаа
4. Chabbassasikkhāpadavaṇṇanā
562. навам̣ наама гаран̣ам̣ убаад̣̇ааяаад̇и ид̣̇ам̣ аад̣̇игаран̣ад̇о бадтааяа вассаг̇ан̣анам̣ д̣̇ийбзд̇и. гарид̇ваа ваад̇и важанам̣ нидтаанад̣̇ивасад̇о бадтааяаад̇и д̣̇ийбзд̇и. д̇хаарзд̇аб̣б̣анд̇и важанам̣ бана барибхог̇ад̇о бадтааяаад̇и д̣̇ийбзд̇и, яасмаа лад̣̇д̇хасаммуд̇игасса г̇ад̇аг̇ад̇адтаанз чаннам̣ чаннам̣ вассаанам̣ орад̇ова гад̇аани б̣ахууниби хонд̇и, д̇асмаа ан̃н̃ам̣ наванд̇и гим̣ гад̇ад̇о ан̃н̃ам̣, уд̣̇ааху д̇хаарид̇ад̇о ан̃н̃анд̇и? гин̃жзд̇т̇а яад̣̇и гад̇ад̇о ан̃н̃ам̣, д̇зсу ан̃н̃ад̇арам̣ д̣̇уггад̇ам̣ ваа барибхог̇аж̇ин̣н̣ам̣ ваа буна гаад̇ум̣ ваддад̇и, д̇ан̃жа ко винааби бураан̣асант̇ад̇асса суг̇ад̇авид̣̇ад̇т̇им̣ аббадисид̣̇д̇хабарияаабаннад̇д̇аа. гад̇ад̇о хи ан̃н̃ам̣ бадисид̣̇д̇хам̣, ид̣̇ан̃жа буб̣б̣агад̇анд̇и д̇ад̇о ананд̇арасигкаабад̣̇авирод̇хо ход̇и. ат̇а д̇хаарид̇ад̇о ан̃н̃ам̣ наама, саммуд̇и нирад̇т̇игаа аабаж̇ж̇ад̇и, батамагад̇ам̣ жз абарибхуд̇д̇ам̣, сад̇ияааби саммуд̇ияаа ан̃н̃ам̣ навам̣ на ваддад̇ийд̇и ад̇хиббааяо? д̇ад̇рид̣̇ам̣ саннидтаананид̣̇ассанам̣ – нидтаанад̣̇ивасад̇о бадтааяа чаннам̣ чаннам̣ вассаанам̣ барижчзд̣̇о взд̣̇ид̇аб̣б̣о. д̇ад̇т̇а жа сад̇д̇амз вассз самбад̇д̇з чаб̣б̣ассаани барибун̣н̣аани хонд̇и. д̇ан̃жа ко маасабарижчзд̣̇авасзна, на вассабарижчзд̣̇авасзна. сад̇д̇амз барибун̣н̣ан̃жа уунаган̃жа вассам̣ наама, д̇асмаа виббагад̇ассзва сажз чаб̣б̣ассаани буурзнд̇и, буна нидтаанад̣̇ивасад̇о бадтааяа чаб̣б̣ассаани лабханд̇и. д̇ан̃жа ко барибхуд̇д̇ам̣ ваа ход̇у абарибхуд̇д̇ам̣ ваа, д̇хаарид̇амзва наама. яасмаа ‘‘навам̣ наама гаран̣ам̣ убаад̣̇ааяа вужжад̇ий’’д̇и вуд̇д̇ам̣, д̇асмаа чаннам̣ вассаанам̣ барад̇о д̇амзва буб̣б̣агад̇ам̣ д̣̇уггад̇абхаавзна, барибхог̇аж̇ин̣н̣ад̇ааяа ваа виж̇адзд̇ваа буна гарод̇и, нидтаанад̣̇ивасад̇о бадтааяа чаб̣б̣ассабарамад̇аа д̇хаарзд̇аб̣б̣ам̣, ад̇ирзгам̣ ваа. анд̇о жз гарод̇и, д̇ад̣̇зва ан̃н̃ам̣ навам̣ наама ход̇и гаран̣ам̣ убаад̣̇ааяа, д̇асмаа ниссаг̇г̇ияам̣. ан̃н̃ат̇аа ‘‘навам̣ наама гаран̣ам̣ убаад̣̇ааяаа’’д̇и иминаа на гожи висзсо ад̇т̇и. звам̣ санд̇з гим̣ ход̇и? адтуббад̇д̇ийд̇и. ‘‘яаажанаб̣ахулаа вин̃н̃ад̇д̇иб̣ахулаа вихаранд̇ий’’д̇и хи д̇ад̇т̇а вуд̇д̇ам̣, д̇ан̃жа ан̃н̃асса гаран̣ам̣ д̣̇ийбзд̇и. яад̣̇и звам̣ д̇ам̣ ниб̣б̣исзсамзва аабаж̇ж̇ад̇ийд̇и? наабаж̇ж̇ад̇и. аяам̣ банасса висзсо, яасмаа ‘‘ан̃н̃зна гад̇ам̣ бадилабхид̇ваа барибхун̃ж̇ад̇и, анаабад̇д̇ий’’д̇и вуд̇д̇ад̇т̇о висзсод̇и. гим̣ вуд̇д̇ам̣ ход̇и ? ‘‘навам̣ наама гаран̣ам̣ убаад̣̇ааяа вужжад̇ий’’д̇и вуд̇д̇з ад̇ирзгажийварасса уббад̇д̇и вияа бадилаабхзнасса уббад̇д̇и навад̇аа аабаж̇ж̇ад̇и. д̇ад̇о бадилад̣̇д̇хад̣̇ивасад̇о бадтааяа чаб̣б̣ассабарамад̇аа д̇хаарзд̇аб̣б̣ам̣. орзна жз чаннам̣ вассаанам̣…бз… гаараабзяяа, ниссаг̇г̇ияанд̇и аабаж̇ж̇ад̇и, д̇асмаа навам̣ наама гаран̣амзва убаад̣̇ааяа вужжад̇и, на бадилаабхам̣. орзна чаннам̣ вассаанам̣ ад̇д̇ано ануббаннад̇д̇аа ‘‘нава’’нд̇и сан̇кяам̣ г̇ад̇ам̣, аббадилад̣̇д̇хам̣ жз гаараабзяяа, яат̇аа лаабхо, д̇ат̇аа гарзяяа ваа гаараабзяяа ваад̇и жа на ход̇и. гасмаа? яасмаа ан̃н̃зна гад̇ам̣ бадилабхид̇ваа барибхун̃ж̇ад̇и, анаабад̇д̇ийд̇и висзсод̇и.
562.Navaṃnāma karaṇaṃ upādāyāti idaṃ ādikaraṇato paṭṭhāya vassagaṇanaṃ dīpeti. Karitvā vāti vacanaṃ niṭṭhānadivasato paṭṭhāyāti dīpeti. Dhāretabbanti vacanaṃ pana paribhogato paṭṭhāyāti dīpeti, yasmā laddhasammutikassa gatagataṭṭhāne channaṃ channaṃ vassānaṃ oratova katāni bahūnipi honti, tasmā aññaṃ navanti kiṃ katato aññaṃ, udāhu dhāritato aññanti? Kiñcettha yadi katato aññaṃ, tesu aññataraṃ dukkataṃ vā paribhogajiṇṇaṃ vā puna kātuṃ vaṭṭati, tañca kho vināpi purāṇasanthatassa sugatavidatthiṃ appaṭisiddhapariyāpannattā. Katato hi aññaṃ paṭisiddhaṃ, idañca pubbakatanti tato anantarasikkhāpadavirodho hoti. Atha dhāritato aññaṃ nāma, sammuti niratthikā āpajjati, paṭhamakataṃ ce aparibhuttaṃ, satiyāpi sammutiyā aññaṃ navaṃ na vaṭṭatīti adhippāyo? Tatridaṃ sanniṭṭhānanidassanaṃ – niṭṭhānadivasato paṭṭhāya channaṃ channaṃ vassānaṃ paricchedo veditabbo. Tattha ca sattame vasse sampatte chabbassāni paripuṇṇāni honti. Tañca kho māsaparicchedavasena, na vassaparicchedavasena. Sattame paripuṇṇañca ūnakañca vassaṃ nāma, tasmā vippakatasseva sace chabbassāni pūrenti, puna niṭṭhānadivasato paṭṭhāya chabbassāni labhanti. Tañca kho paribhuttaṃ vā hotu aparibhuttaṃ vā, dhāritameva nāma. Yasmā ‘‘navaṃ nāma karaṇaṃ upādāya vuccatī’’ti vuttaṃ, tasmā channaṃ vassānaṃ parato tameva pubbakataṃ dukkatabhāvena, paribhogajiṇṇatāya vā vijaṭetvā puna karoti, niṭṭhānadivasato paṭṭhāya chabbassaparamatā dhāretabbaṃ, atirekaṃ vā. Anto ce karoti, tadeva aññaṃ navaṃ nāma hoti karaṇaṃ upādāya, tasmā nissaggiyaṃ. Aññathā ‘‘navaṃ nāma karaṇaṃ upādāyā’’ti iminā na koci viseso atthi. Evaṃ sante kiṃ hoti? Aṭṭhuppattīti. ‘‘Yācanabahulā viññattibahulā viharantī’’ti hi tattha vuttaṃ, tañca aññassa karaṇaṃ dīpeti. Yadi evaṃ taṃ nibbisesameva āpajjatīti? Nāpajjati. Ayaṃ panassa viseso, yasmā ‘‘aññena kataṃ paṭilabhitvā paribhuñjati, anāpattī’’ti vuttattho visesoti. Kiṃ vuttaṃ hoti ? ‘‘Navaṃ nāma karaṇaṃ upādāya vuccatī’’ti vutte atirekacīvarassa uppatti viya paṭilābhenassa uppatti navatā āpajjati. Tato paṭiladdhadivasato paṭṭhāya chabbassaparamatā dhāretabbaṃ. Orena ce channaṃ vassānaṃ…pe… kārāpeyya, nissaggiyanti āpajjati, tasmā navaṃ nāma karaṇameva upādāya vuccati, na paṭilābhaṃ. Orena channaṃ vassānaṃ attano anuppannattā ‘‘nava’’nti saṅkhyaṃ gataṃ, appaṭiladdhaṃ ce kārāpeyya, yathā lābho, tathā kareyya vā kārāpeyya vāti ca na hoti. Kasmā? Yasmā aññena kataṃ paṭilabhitvā paribhuñjati, anāpattīti visesoti.
чаб̣б̣ассасигкаабад̣̇аван̣н̣анаа нидтид̇аа.
Chabbassasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. чаб̣б̣ассасигкаабад̣̇ам̣ • 4. Chabbassasikkhāpadaṃ
