| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
४. छब्बस्ससिक्खापदवण्णना
4. Chabbassasikkhāpadavaṇṇanā
५५७. तेन समयेनाति छब्बस्ससिक्खापदं। तत्थ ऊहदन्तिपि उम्मिहन्तिपीति सन्थतानं उपरि वच्चम्पि पस्सावम्पि करोन्तीति वुत्तं होति।
557.Tenasamayenāti chabbassasikkhāpadaṃ. Tattha ūhadantipi ummihantipīti santhatānaṃ upari vaccampi passāvampi karontīti vuttaṃ hoti.
दिन्ना सङ्घेन इत्थन्नामस्स भिक्खुनो सन्थतसम्मुतीति एवं लद्धसम्मुतिको भिक्खु याव रोगो न वूपसम्मति, ताव यं यं ठानं गच्छति, तत्थ तत्थ सन्थतं कातुं लभति। सचे अरोगो हुत्वा पुन मूलब्याधिनाव गिलानो होति, सोयेव परिहारो, नत्थञ्ञं सम्मुतिकिच्चन्ति फुस्सदेवत्थेरो आह। उपतिस्सत्थेरो पन ‘‘सो वा ब्याधि पटिकुप्पतु, अञ्ञो वा, ‘सकिं गिलानो’ति नामं लद्धं लद्धमेव, पुन सम्मुतिकिच्चं नत्थी’’ति आह।
Dinnā saṅghena itthannāmassa bhikkhuno santhatasammutīti evaṃ laddhasammutiko bhikkhu yāva rogo na vūpasammati, tāva yaṃ yaṃ ṭhānaṃ gacchati, tattha tattha santhataṃ kātuṃ labhati. Sace arogo hutvā puna mūlabyādhināva gilāno hoti, soyeva parihāro, natthaññaṃ sammutikiccanti phussadevatthero āha. Upatissatthero pana ‘‘so vā byādhi paṭikuppatu, añño vā, ‘sakiṃ gilāno’ti nāmaṃ laddhaṃ laddhameva, puna sammutikiccaṃ natthī’’ti āha.
ओरेन चे छन्नं वस्सानन्ति छन्नं वस्सानं ओरिमभागे, अन्तोति अत्थो। पदभाजने पन सङ्ख्यामत्तदस्सनत्थं ‘‘ऊनकछब्बस्सानी’’ति वुत्तं।
Orenace channaṃ vassānanti channaṃ vassānaṃ orimabhāge, antoti attho. Padabhājane pana saṅkhyāmattadassanatthaṃ ‘‘ūnakachabbassānī’’ti vuttaṃ.
अनापत्ति छब्बस्सानि करोतीति यदा छब्बस्सानि परिपुण्णानि होन्ति, तदा सन्थतं करोति। दुतियपदेपि ‘‘यदा अतिरेकछब्बस्सानि होन्ति, तदा करोती’’ति एवमत्थो दट्ठब्बो। न हि सो छब्बस्सानि करोतीति। सेसं उत्तानत्थमेव।
Anāpatti chabbassāni karotīti yadā chabbassāni paripuṇṇāni honti, tadā santhataṃ karoti. Dutiyapadepi ‘‘yadā atirekachabbassāni honti, tadā karotī’’ti evamattho daṭṭhabbo. Na hi so chabbassāni karotīti. Sesaṃ uttānatthameva.
समुट्ठानादीनि कोसियसिक्खापदसदिसानेवाति।
Samuṭṭhānādīni kosiyasikkhāpadasadisānevāti.
छब्बस्ससिक्खापदवण्णना निट्ठिता।
Chabbassasikkhāpadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ४. छब्बस्ससिक्खापदं • 4. Chabbassasikkhāpadaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ४. छब्बस्ससिक्खापदवण्णना • 4. Chabbassasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ४. छब्बस्ससिक्खापदवण्णना • 4. Chabbassasikkhāpadavaṇṇanā
