| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၄. ဆဗ္ဗသ္သသိက္ခာပဒဝဏ္ဏနာ
4. Chabbassasikkhāpadavaṇṇanā
‘‘ဩရေန စေ ဆန္နံ ဝသ္သာန’’န္တိ ဝုတ္တတ္တာ ဆဗ္ဗသ္သေ ပရိပုဏ္ဏေ ကာတုံ ဝဋ္ဋတီတိ နိဋ္ဌာနဒိဝသတော ပဋ္ဌာယ ဆန္နံ ဝသ္သာနံ ပရိစ္ဆေဒော ဝေဒိတဗ္ဗော။ ယာနိ ပနေတ္ထ အတိရေကဆဗ္ဗသ္သဝသေန ဝာ သမ္မုတိဝသေန ဝာ ကတာနိ, သဗ္ဗာနိ တာနိ ဧကတော ပရိဘုဉ္ဇိတုံ ဝဋ္ဋန္တီတိ။ ဂိလာနသ္သ စ ဧကံ နပ္ပဟောတီတိ အနေကမ္ပိ ဝဋ္ဋတိ။ ယတော ပဋ္ဌာယ ရောဂသ္သ မန္ဒတာယ သန္ထတံ အာဒာယ ဂန္တုံ သက္ကောတိ, တတော ပဋ္ဌာယ သမ္မုတိ ဝာ ရောဂော ဝာ န ရက္ခတီတိ ဧကေ။ အပိစ ဆဝသ္သဗုဒ္ဓနိမ္မလံ သိက္ခာပဒံ ဝိစာရေတုံ ဂမ္ဘီရတ္တာ။ တသ္မာ ဆဝသ္သေ ကမ္မံ ကတန္တိ။
‘‘Orenace channaṃ vassāna’’nti vuttattā chabbasse paripuṇṇe kātuṃ vaṭṭatīti niṭṭhānadivasato paṭṭhāya channaṃ vassānaṃ paricchedo veditabbo. Yāni panettha atirekachabbassavasena vā sammutivasena vā katāni, sabbāni tāni ekato paribhuñjituṃ vaṭṭantīti. Gilānassa ca ekaṃ nappahotīti anekampi vaṭṭati. Yato paṭṭhāya rogassa mandatāya santhataṃ ādāya gantuṃ sakkoti, tato paṭṭhāya sammuti vā rogo vā na rakkhatīti eke. Apica chavassabuddhanimmalaṃ sikkhāpadaṃ vicāretuṃ gambhīrattā. Tasmā chavasse kammaṃ katanti.
ဆဗ္ဗသ္သသိက္ခာပဒဝဏ္ဏနာ နိဋ္ဌိတာ။
Chabbassasikkhāpadavaṇṇanā niṭṭhitā.
