| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
4. ඡබ්‌බස්‌සසික්‌ඛාපදවණ්‌ණනා
4. Chabbassasikkhāpadavaṇṇanā
‘‘ඔරෙන චෙ ඡන්‌නං වස්‌සාන’’න්‌ති වුත්‌තත්‌තා ඡබ්‌බස්‌සෙ පරිපුණ්‌ණෙ කාතුං වට්‌ටතීති නිට්‌ඨානදිවසතො පට්‌ඨාය ඡන්‌නං වස්‌සානං පරිච්‌ඡෙදො වෙදිතබ්‌බො. යානි පනෙත්‌ථ අතිරෙකඡබ්‌බස්‌සවසෙන වා සම්‌මුතිවසෙන වා කතානි, සබ්‌බානි තානි එකතො පරිභුඤ්‌ජිතුං වට්‌ටන්‌තීති. ගිලානස්‌ස ච එකං නප්‌පහොතීති අනෙකම්‌පි වට්‌ටති. යතො පට්‌ඨාය රොගස්‌ස මන්‌දතාය සන්‌ථතං ආදාය ගන්‌තුං සක්‌කොති, තතො පට්‌ඨාය සම්‌මුති වා රොගො වා න රක්‌ඛතීති එකෙ. අපිච ඡවස්‌සබුද්‌ධනිම්‌මලං සික්‌ඛාපදං විචාරෙතුං ගම්‌භීරත්‌තා. තස්‌මා ඡවස්‌සෙ කම්‌මං කතන්‌ති.
‘‘Orenace channaṃ vassāna’’nti vuttattā chabbasse paripuṇṇe kātuṃ vaṭṭatīti niṭṭhānadivasato paṭṭhāya channaṃ vassānaṃ paricchedo veditabbo. Yāni panettha atirekachabbassavasena vā sammutivasena vā katāni, sabbāni tāni ekato paribhuñjituṃ vaṭṭantīti. Gilānassa ca ekaṃ nappahotīti anekampi vaṭṭati. Yato paṭṭhāya rogassa mandatāya santhataṃ ādāya gantuṃ sakkoti, tato paṭṭhāya sammuti vā rogo vā na rakkhatīti eke. Apica chavassabuddhanimmalaṃ sikkhāpadaṃ vicāretuṃ gambhīrattā. Tasmā chavasse kammaṃ katanti.
ඡබ්‌බස්‌සසික්‌ඛාපදවණ්‌ණනා නිට්‌ඨිතා.
Chabbassasikkhāpadavaṇṇanā niṭṭhitā.
