| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੪. ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ
4. Chabbassasikkhāpadavaṇṇanā
੫੫੭. ਤੇਨ ਸਮਯੇਨਾਤਿ ਛਬ੍ਬਸ੍ਸਸਿਕ੍ਖਾਪਦਂ। ਤਤ੍ਥ ਊਹਦਨ੍ਤਿਪਿ ਉਮ੍ਮਿਹਨ੍ਤਿਪੀਤਿ ਸਨ੍ਥਤਾਨਂ ਉਪਰਿ વਚ੍ਚਮ੍ਪਿ ਪਸ੍ਸਾવਮ੍ਪਿ ਕਰੋਨ੍ਤੀਤਿ વੁਤ੍ਤਂ ਹੋਤਿ।
557.Tenasamayenāti chabbassasikkhāpadaṃ. Tattha ūhadantipi ummihantipīti santhatānaṃ upari vaccampi passāvampi karontīti vuttaṃ hoti.
ਦਿਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤੀਤਿ ਏવਂ ਲਦ੍ਧਸਮ੍ਮੁਤਿਕੋ ਭਿਕ੍ਖੁ ਯਾવ ਰੋਗੋ ਨ વੂਪਸਮ੍ਮਤਿ, ਤਾવ ਯਂ ਯਂ ਠਾਨਂ ਗਚ੍ਛਤਿ, ਤਤ੍ਥ ਤਤ੍ਥ ਸਨ੍ਥਤਂ ਕਾਤੁਂ ਲਭਤਿ। ਸਚੇ ਅਰੋਗੋ ਹੁਤ੍વਾ ਪੁਨ ਮੂਲਬ੍ਯਾਧਿਨਾવ ਗਿਲਾਨੋ ਹੋਤਿ, ਸੋਯੇવ ਪਰਿਹਾਰੋ, ਨਤ੍ਥਞ੍ਞਂ ਸਮ੍ਮੁਤਿਕਿਚ੍ਚਨ੍ਤਿ ਫੁਸ੍ਸਦੇવਤ੍ਥੇਰੋ ਆਹ। ਉਪਤਿਸ੍ਸਤ੍ਥੇਰੋ ਪਨ ‘‘ਸੋ વਾ ਬ੍ਯਾਧਿ ਪਟਿਕੁਪ੍ਪਤੁ, ਅਞ੍ਞੋ વਾ, ‘ਸਕਿਂ ਗਿਲਾਨੋ’ਤਿ ਨਾਮਂ ਲਦ੍ਧਂ ਲਦ੍ਧਮੇવ, ਪੁਨ ਸਮ੍ਮੁਤਿਕਿਚ੍ਚਂ ਨਤ੍ਥੀ’’ਤਿ ਆਹ।
Dinnā saṅghena itthannāmassa bhikkhuno santhatasammutīti evaṃ laddhasammutiko bhikkhu yāva rogo na vūpasammati, tāva yaṃ yaṃ ṭhānaṃ gacchati, tattha tattha santhataṃ kātuṃ labhati. Sace arogo hutvā puna mūlabyādhināva gilāno hoti, soyeva parihāro, natthaññaṃ sammutikiccanti phussadevatthero āha. Upatissatthero pana ‘‘so vā byādhi paṭikuppatu, añño vā, ‘sakiṃ gilāno’ti nāmaṃ laddhaṃ laddhameva, puna sammutikiccaṃ natthī’’ti āha.
ਓਰੇਨ ਚੇ ਛਨ੍ਨਂ વਸ੍ਸਾਨਨ੍ਤਿ ਛਨ੍ਨਂ વਸ੍ਸਾਨਂ ਓਰਿਮਭਾਗੇ, ਅਨ੍ਤੋਤਿ ਅਤ੍ਥੋ। ਪਦਭਾਜਨੇ ਪਨ ਸਙ੍ਖ੍ਯਾਮਤ੍ਤਦਸ੍ਸਨਤ੍ਥਂ ‘‘ਊਨਕਛਬ੍ਬਸ੍ਸਾਨੀ’’ਤਿ વੁਤ੍ਤਂ।
Orenace channaṃ vassānanti channaṃ vassānaṃ orimabhāge, antoti attho. Padabhājane pana saṅkhyāmattadassanatthaṃ ‘‘ūnakachabbassānī’’ti vuttaṃ.
ਅਨਾਪਤ੍ਤਿ ਛਬ੍ਬਸ੍ਸਾਨਿ ਕਰੋਤੀਤਿ ਯਦਾ ਛਬ੍ਬਸ੍ਸਾਨਿ ਪਰਿਪੁਣ੍ਣਾਨਿ ਹੋਨ੍ਤਿ, ਤਦਾ ਸਨ੍ਥਤਂ ਕਰੋਤਿ। ਦੁਤਿਯਪਦੇਪਿ ‘‘ਯਦਾ ਅਤਿਰੇਕਛਬ੍ਬਸ੍ਸਾਨਿ ਹੋਨ੍ਤਿ, ਤਦਾ ਕਰੋਤੀ’’ਤਿ ਏવਮਤ੍ਥੋ ਦਟ੍ਠਬ੍ਬੋ। ਨ ਹਿ ਸੋ ਛਬ੍ਬਸ੍ਸਾਨਿ ਕਰੋਤੀਤਿ। ਸੇਸਂ ਉਤ੍ਤਾਨਤ੍ਥਮੇવ।
Anāpatti chabbassāni karotīti yadā chabbassāni paripuṇṇāni honti, tadā santhataṃ karoti. Dutiyapadepi ‘‘yadā atirekachabbassāni honti, tadā karotī’’ti evamattho daṭṭhabbo. Na hi so chabbassāni karotīti. Sesaṃ uttānatthameva.
ਸਮੁਟ੍ਠਾਨਾਦੀਨਿ ਕੋਸਿਯਸਿਕ੍ਖਾਪਦਸਦਿਸਾਨੇવਾਤਿ।
Samuṭṭhānādīni kosiyasikkhāpadasadisānevāti.
ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Chabbassasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਛਬ੍ਬਸ੍ਸਸਿਕ੍ਖਾਪਦਂ • 4. Chabbassasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ • 4. Chabbassasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਛਬ੍ਬਸ੍ਸਸਿਕ੍ਖਾਪਦવਣ੍ਣਨਾ • 4. Chabbassasikkhāpadavaṇṇanā
