| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. чаб̣б̣исод̇ханасуд̇д̇ам̣
2. Chabbisodhanasuttaṃ
98. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
98. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ид̇ха, бхигкавз, бхигку ан̃н̃ам̣ б̣яаагарод̇и – ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и баж̇аанаамий’д̇и. д̇асса, бхигкавз, бхигкуно бхаасид̇ам̣ нзва абхинанд̣̇ид̇аб̣б̣ам̣ наббадиггосид̇аб̣б̣ам̣. анабхинанд̣̇ид̇ваа аббадиггосид̇ваа бан̃хо бужчид̇аб̣б̣о – ‘жад̇д̇ааромз, аавусо, вохаараа д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа. гад̇амз жад̇д̇ааро? д̣̇идтз д̣̇идтаваад̣̇ид̇аа, суд̇з суд̇аваад̣̇ид̇аа, муд̇з муд̇аваад̣̇ид̇аа, вин̃н̃аад̇з вин̃н̃аад̇аваад̣̇ид̇аа – имз ко, аавусо, жад̇д̇ааро вохаараа д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа. гат̇ам̣ ж̇аанад̇о банааяасмад̇о, гат̇ам̣ бассад̇о имзсу жад̇уусу вохаарзсу анубаад̣̇ааяа аасавзхи жид̇д̇ам̣ вимуд̇д̇а’нд̇и? кийн̣аасавасса, бхигкавз, бхигкуно вусид̇авад̇о гад̇агаран̣ийяасса охид̇абхаарасса ануббад̇д̇асад̣̇ад̇т̇асса баригкийн̣абхавасам̣яож̇анасса саммад̣̇ан̃н̃аавимуд̇д̇асса аяамануд̇хаммо ход̇и взяяаагаран̣ааяа – ‘д̣̇идтз ко ахам̣ , аавусо, анубааяо анабааяо аниссид̇о аббадиб̣ад̣̇д̇хо виббамуд̇д̇о висам̣яуд̇д̇о вимарияаад̣̇ийгад̇зна жзд̇асаа вихараами. суд̇з ко ахам̣, аавусо…бз… муд̇з ко ахам̣, аавусо… вин̃н̃аад̇з ко ахам̣, аавусо, анубааяо анабааяо аниссид̇о аббадиб̣ад̣̇д̇хо виббамуд̇д̇о висам̣яуд̇д̇о вимарияаад̣̇ийгад̇зна жзд̇асаа вихараами. звам̣ ко мз, аавусо, ж̇аанад̇о звам̣ бассад̇о имзсу жад̇уусу вохаарзсу анубаад̣̇ааяа аасавзхи жид̇д̇ам̣ вимуд̇д̇а’нд̇и. д̇асса, бхигкавз, бхигкуно ‘саад̇хуу’д̇и бхаасид̇ам̣ абхинанд̣̇ид̇аб̣б̣ам̣ анумод̣̇ид̇аб̣б̣ам̣. ‘саад̇хуу’д̇и бхаасид̇ам̣ абхинанд̣̇ид̇ваа анумод̣̇ид̇ваа уд̇д̇арим̣ бан̃хо бужчид̇аб̣б̣о.
‘‘Idha, bhikkhave, bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’ti. Tassa, bhikkhave, bhikkhuno bhāsitaṃ neva abhinanditabbaṃ nappaṭikkositabbaṃ. Anabhinanditvā appaṭikkositvā pañho pucchitabbo – ‘cattārome, āvuso, vohārā tena bhagavatā jānatā passatā arahatā sammāsambuddhena sammadakkhātā. Katame cattāro? Diṭṭhe diṭṭhavāditā, sute sutavāditā, mute mutavāditā, viññāte viññātavāditā – ime kho, āvuso, cattāro vohārā tena bhagavatā jānatā passatā arahatā sammāsambuddhena sammadakkhātā. Kathaṃ jānato panāyasmato, kathaṃ passato imesu catūsu vohāresu anupādāya āsavehi cittaṃ vimutta’nti? Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṃyojanassa sammadaññāvimuttassa ayamanudhammo hoti veyyākaraṇāya – ‘diṭṭhe kho ahaṃ , āvuso, anupāyo anapāyo anissito appaṭibaddho vippamutto visaṃyutto vimariyādīkatena cetasā viharāmi. Sute kho ahaṃ, āvuso…pe… mute kho ahaṃ, āvuso… viññāte kho ahaṃ, āvuso, anupāyo anapāyo anissito appaṭibaddho vippamutto visaṃyutto vimariyādīkatena cetasā viharāmi. Evaṃ kho me, āvuso, jānato evaṃ passato imesu catūsu vohāresu anupādāya āsavehi cittaṃ vimutta’nti. Tassa, bhikkhave, bhikkhuno ‘sādhū’ti bhāsitaṃ abhinanditabbaṃ anumoditabbaṃ. ‘Sādhū’ti bhāsitaṃ abhinanditvā anumoditvā uttariṃ pañho pucchitabbo.
99. ‘‘‘бан̃жимз, аавусо, убаад̣̇аанагканд̇хаа д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа. гад̇амз бан̃жа? сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо – имз ко, аавусо, бан̃жубаад̣̇аанагканд̇хаа д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа. гат̇ам̣ ж̇аанад̇о банааяасмад̇о, гат̇ам̣ бассад̇о имзсу бан̃жасу убаад̣̇аанагканд̇хзсу анубаад̣̇ааяа аасавзхи жид̇д̇ам̣ вимуд̇д̇а’нд̇и? кийн̣аасавасса, бхигкавз, бхигкуно вусид̇авад̇о гад̇агаран̣ийяасса охид̇абхаарасса ануббад̇д̇асад̣̇ад̇т̇асса баригкийн̣абхавасам̣яож̇анасса саммад̣̇ан̃н̃аавимуд̇д̇асса аяамануд̇хаммо ход̇и взяяаагаран̣ааяа – ‘руубам̣ ко ахам̣, аавусо, аб̣алам̣ вирааг̇унам̣ 1 анассаасиганд̇и вид̣̇ид̇ваа яз руубз убааяуубаад̣̇аанаа 2 жзд̇асо ад̇хидтаанаабхинивзсаанусаяаа д̇зсам̣ каяаа вирааг̇аа нирод̇хаа жааг̇аа бадиниссаг̇г̇аа вимуд̇д̇ам̣ мз жид̇д̇анд̇и баж̇аанаами. взд̣̇анам̣ ко ахам̣, аавусо…бз… сан̃н̃ам̣ ко ахам̣, аавусо… сан̇каарз ко ахам̣, аавусо… вин̃н̃аан̣ам̣ ко ахам̣, аавусо, аб̣алам̣ вирааг̇унам̣ анассаасиганд̇и вид̣̇ид̇ваа яз вин̃н̃аан̣з убааяуубаад̣̇аанаа жзд̇асо ад̇хидтаанаабхинивзсаанусаяаа д̇зсам̣ каяаа вирааг̇аа нирод̇хаа жааг̇аа бадиниссаг̇г̇аа вимуд̇д̇ам̣ мз жид̇д̇анд̇и баж̇аанаами. звам̣ ко мз, аавусо, ж̇аанад̇о звам̣ бассад̇о имзсу бан̃жасу убаад̣̇аанагканд̇хзсу анубаад̣̇ааяа аасавзхи жид̇д̇ам̣ вимуд̇д̇а’нд̇и. д̇асса, бхигкавз, бхигкуно ‘саад̇хуу’д̇и бхаасид̇ам̣ абхинанд̣̇ид̇аб̣б̣ам̣, анумод̣̇ид̇аб̣б̣ам̣. ‘саад̇хуу’д̇и бхаасид̇ам̣ абхинанд̣̇ид̇ваа анумод̣̇ид̇ваа уд̇д̇арим̣ бан̃хо бужчид̇аб̣б̣о.
99. ‘‘‘Pañcime, āvuso, upādānakkhandhā tena bhagavatā jānatā passatā arahatā sammāsambuddhena sammadakkhātā. Katame pañca? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho – ime kho, āvuso, pañcupādānakkhandhā tena bhagavatā jānatā passatā arahatā sammāsambuddhena sammadakkhātā. Kathaṃ jānato panāyasmato, kathaṃ passato imesu pañcasu upādānakkhandhesu anupādāya āsavehi cittaṃ vimutta’nti? Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṃyojanassa sammadaññāvimuttassa ayamanudhammo hoti veyyākaraṇāya – ‘rūpaṃ kho ahaṃ, āvuso, abalaṃ virāgunaṃ 3 anassāsikanti viditvā ye rūpe upāyūpādānā 4 cetaso adhiṭṭhānābhinivesānusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi. Vedanaṃ kho ahaṃ, āvuso…pe… saññaṃ kho ahaṃ, āvuso… saṅkhāre kho ahaṃ, āvuso… viññāṇaṃ kho ahaṃ, āvuso, abalaṃ virāgunaṃ anassāsikanti viditvā ye viññāṇe upāyūpādānā cetaso adhiṭṭhānābhinivesānusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi. Evaṃ kho me, āvuso, jānato evaṃ passato imesu pañcasu upādānakkhandhesu anupādāya āsavehi cittaṃ vimutta’nti. Tassa, bhikkhave, bhikkhuno ‘sādhū’ti bhāsitaṃ abhinanditabbaṃ, anumoditabbaṃ. ‘Sādhū’ti bhāsitaṃ abhinanditvā anumoditvā uttariṃ pañho pucchitabbo.
100. ‘‘‘чаяимаа , аавусо, д̇хаад̇уяо д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа. гад̇амаа ча? бат̇авийд̇хаад̇у, аабод̇хаад̇у, д̇зж̇од̇хаад̇у, вааяод̇хаад̇у, аагаасад̇хаад̇у, вин̃н̃аан̣ад̇хаад̇у – имаа ко, аавусо, ча д̇хаад̇уяо д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аа. гат̇ам̣ ж̇аанад̇о банааяасмад̇о, гат̇ам̣ бассад̇о имаасу часу д̇хаад̇уусу анубаад̣̇ааяа аасавзхи жид̇д̇ам̣ вимуд̇д̇а’нд̇и? кийн̣аасавасса, бхигкавз, бхигкуно вусид̇авад̇о гад̇агаран̣ийяасса охид̇абхаарасса ануббад̇д̇асад̣̇ад̇т̇асса баригкийн̣абхавасам̣яож̇анасса саммад̣̇ан̃н̃аавимуд̇д̇асса аяамануд̇хаммо ход̇и взяяаагаран̣ааяа – ‘бат̇авийд̇хаад̇ум̣ ко ахам̣, аавусо, на ад̇д̇ад̇о убаг̇ажчим̣, на жа бат̇авийд̇хаад̇униссид̇ам̣ ад̇д̇аанам̣. яз жа бат̇авийд̇хаад̇униссид̇аа убааяуубаад̣̇аанаа жзд̇асо ад̇хидтаанаабхинивзсаанусаяаа д̇зсам̣ каяаа вирааг̇аа нирод̇хаа жааг̇аа бадиниссаг̇г̇аа вимуд̇д̇ам̣ мз жид̇д̇анд̇и баж̇аанаами. аабод̇хаад̇ум̣ ко ахам̣, аавусо…бз… д̇зж̇од̇хаад̇ум̣ ко ахам̣, аавусо… вааяод̇хаад̇ум̣ ко ахам̣, аавусо… аагаасад̇хаад̇ум̣ ко ахам̣, аавусо… вин̃н̃аан̣ад̇хаад̇ум̣ ко ахам̣, аавусо, на ад̇д̇ад̇о убаг̇ажчим̣, на жа вин̃н̃аан̣ад̇хаад̇униссид̇ам̣ ад̇д̇аанам̣. яз жа вин̃н̃аан̣ад̇хаад̇униссид̇аа убааяуубаад̣̇аанаа жзд̇асо ад̇хидтаанаабхинивзсаанусаяаа д̇зсам̣ каяаа вирааг̇аа нирод̇хаа жааг̇аа бадиниссаг̇г̇аа вимуд̇д̇ам̣ мз жид̇д̇анд̇и баж̇аанаами. звам̣ ко мз, аавусо, ж̇аанад̇о, звам̣ бассад̇о имаасу часу д̇хаад̇уусу анубаад̣̇ааяа аасавзхи жид̇д̇ам̣ вимуд̇д̇а’нд̇и. д̇асса, бхигкавз, бхигкуно ‘саад̇хуу’д̇и бхаасид̇ам̣ абхинанд̣̇ид̇аб̣б̣ам̣, анумод̣̇ид̇аб̣б̣ам̣. ‘саад̇хуу’д̇и бхаасид̇ам̣ абхинанд̣̇ид̇ваа анумод̣̇ид̇ваа уд̇д̇арим̣ бан̃хо бужчид̇аб̣б̣о.
100. ‘‘‘Chayimā , āvuso, dhātuyo tena bhagavatā jānatā passatā arahatā sammāsambuddhena sammadakkhātā. Katamā cha? Pathavīdhātu, āpodhātu, tejodhātu, vāyodhātu, ākāsadhātu, viññāṇadhātu – imā kho, āvuso, cha dhātuyo tena bhagavatā jānatā passatā arahatā sammāsambuddhena sammadakkhātā. Kathaṃ jānato panāyasmato, kathaṃ passato imāsu chasu dhātūsu anupādāya āsavehi cittaṃ vimutta’nti? Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṃyojanassa sammadaññāvimuttassa ayamanudhammo hoti veyyākaraṇāya – ‘pathavīdhātuṃ kho ahaṃ, āvuso, na attato upagacchiṃ, na ca pathavīdhātunissitaṃ attānaṃ. Ye ca pathavīdhātunissitā upāyūpādānā cetaso adhiṭṭhānābhinivesānusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi. Āpodhātuṃ kho ahaṃ, āvuso…pe… tejodhātuṃ kho ahaṃ, āvuso… vāyodhātuṃ kho ahaṃ, āvuso… ākāsadhātuṃ kho ahaṃ, āvuso… viññāṇadhātuṃ kho ahaṃ, āvuso, na attato upagacchiṃ, na ca viññāṇadhātunissitaṃ attānaṃ. Ye ca viññāṇadhātunissitā upāyūpādānā cetaso adhiṭṭhānābhinivesānusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi. Evaṃ kho me, āvuso, jānato, evaṃ passato imāsu chasu dhātūsu anupādāya āsavehi cittaṃ vimutta’nti. Tassa, bhikkhave, bhikkhuno ‘sādhū’ti bhāsitaṃ abhinanditabbaṃ, anumoditabbaṃ. ‘Sādhū’ti bhāsitaṃ abhinanditvā anumoditvā uttariṃ pañho pucchitabbo.
101. ‘‘‘ча ко банимаани, аавусо, аж̇жхад̇д̇игаб̣аахираани 5 ааяад̇анаани д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аани. гад̇амаани ча? жагку жзва руубаа жа, сод̇ан̃жа сад̣̇д̣̇аа жа, гхаанан̃жа г̇анд̇хаа жа, ж̇ивхаа жа расаа жа, гааяо жа подтаб̣б̣аа жа, мано жа д̇хаммаа жа – имаани ко, аавусо, ча аж̇жхад̇д̇игаб̣аахираани ааяад̇анаани д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аани. гат̇ам̣ ж̇аанад̇о банааяасмад̇о, гат̇ам̣ бассад̇о имзсу часу аж̇жхад̇д̇игаб̣аахирзсу ааяад̇анзсу анубаад̣̇ааяа аасавзхи жид̇д̇ам̣ вимуд̇д̇а’нд̇и? кийн̣аасавасса, бхигкавз, бхигкуно вусид̇авад̇о гад̇агаран̣ийяасса охид̇абхаарасса ануббад̇д̇асад̣̇ад̇т̇асса баригкийн̣абхавасам̣яож̇анасса саммад̣̇ан̃н̃аавимуд̇д̇асса аяамануд̇хаммо ход̇и взяяаагаран̣ааяа – ‘жагкусмим̣, аавусо, руубз жагкувин̃н̃аан̣з жагкувин̃н̃аан̣авин̃н̃аад̇аб̣б̣зсу д̇хаммзсу яо чанд̣̇о яо рааг̇о яаа нанд̣̇ий 6 яаа д̇ан̣хаа яз жа убааяуубаад̣̇аанаа жзд̇асо ад̇хидтаанаабхинивзсаанусаяаа д̇зсам̣ каяаа вирааг̇аа нирод̇хаа жааг̇аа бадиниссаг̇г̇аа вимуд̇д̇ам̣ мз жид̇д̇анд̇и баж̇аанаами. сод̇асмим̣, аавусо, сад̣̇д̣̇з сод̇авин̃н̃аан̣з…бз… гхаанасмим̣, аавусо, г̇анд̇хз гхаанавин̃н̃аан̣з… ж̇ивхааяа, аавусо, расз ж̇ивхаавин̃н̃аан̣з… гааяасмим̣, аавусо, подтаб̣б̣з гааяавин̃н̃аан̣з… манасмим̣, аавусо, д̇хаммз мановин̃н̃аан̣з мановин̃н̃аан̣авин̃н̃аад̇аб̣б̣зсу д̇хаммзсу яо чанд̣̇о яо рааг̇о яаа нанд̣̇ий яаа д̇ан̣хаа яз жа убааяуубаад̣̇аанаа жзд̇асо ад̇хидтаанаабхинивзсаанусаяаа д̇зсам̣ каяаа вирааг̇аа нирод̇хаа жааг̇аа бадиниссаг̇г̇аа вимуд̇д̇ам̣ мз жид̇д̇анд̇и баж̇аанаами. звам̣ ко мз, аавусо, ж̇аанад̇о звам̣ бассад̇о имзсу часу аж̇жхад̇д̇игаб̣аахирзсу ааяад̇анзсу анубаад̣̇ааяа аасавзхи жид̇д̇ам̣ вимуд̇д̇а’нд̇и. д̇асса, бхигкавз, бхигкуно ‘саад̇хуу’д̇и бхаасид̇ам̣ абхинанд̣̇ид̇аб̣б̣ам̣ анумод̣̇ид̇аб̣б̣ам̣. ‘саад̇хуу’д̇и бхаасид̇ам̣ абхинанд̣̇ид̇ваа анумод̣̇ид̇ваа уд̇д̇арим̣ бан̃хо бужчид̇аб̣б̣о.
101. ‘‘‘Cha kho panimāni, āvuso, ajjhattikabāhirāni 7 āyatanāni tena bhagavatā jānatā passatā arahatā sammāsambuddhena sammadakkhātāni. Katamāni cha? Cakkhu ceva rūpā ca, sotañca saddā ca, ghānañca gandhā ca, jivhā ca rasā ca, kāyo ca phoṭṭhabbā ca, mano ca dhammā ca – imāni kho, āvuso, cha ajjhattikabāhirāni āyatanāni tena bhagavatā jānatā passatā arahatā sammāsambuddhena sammadakkhātāni. Kathaṃ jānato panāyasmato, kathaṃ passato imesu chasu ajjhattikabāhiresu āyatanesu anupādāya āsavehi cittaṃ vimutta’nti? Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṃyojanassa sammadaññāvimuttassa ayamanudhammo hoti veyyākaraṇāya – ‘cakkhusmiṃ, āvuso, rūpe cakkhuviññāṇe cakkhuviññāṇaviññātabbesu dhammesu yo chando yo rāgo yā nandī 8 yā taṇhā ye ca upāyūpādānā cetaso adhiṭṭhānābhinivesānusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi. Sotasmiṃ, āvuso, sadde sotaviññāṇe…pe… ghānasmiṃ, āvuso, gandhe ghānaviññāṇe… jivhāya, āvuso, rase jivhāviññāṇe… kāyasmiṃ, āvuso, phoṭṭhabbe kāyaviññāṇe… manasmiṃ, āvuso, dhamme manoviññāṇe manoviññāṇaviññātabbesu dhammesu yo chando yo rāgo yā nandī yā taṇhā ye ca upāyūpādānā cetaso adhiṭṭhānābhinivesānusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi. Evaṃ kho me, āvuso, jānato evaṃ passato imesu chasu ajjhattikabāhiresu āyatanesu anupādāya āsavehi cittaṃ vimutta’nti. Tassa, bhikkhave, bhikkhuno ‘sādhū’ti bhāsitaṃ abhinanditabbaṃ anumoditabbaṃ. ‘Sādhū’ti bhāsitaṃ abhinanditvā anumoditvā uttariṃ pañho pucchitabbo.
102. ‘‘‘гат̇ам̣ ж̇аанад̇о банааяасмад̇о, гат̇ам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахам̣гаарамамам̣гаарамаанаанусаяаа самуухад̇аа’д̇и 9? кийн̣аасавасса , бхигкавз, бхигкуно вусид̇авад̇о гад̇агаран̣ийяасса охид̇абхаарасса ануббад̇д̇асад̣̇ад̇т̇асса баригкийн̣абхавасам̣яож̇анасса саммад̣̇ан̃н̃аавимуд̇д̇асса аяамануд̇хаммо ход̇и взяяаагаран̣ааяа – ‘буб̣б̣з ко ахам̣, аавусо, аг̇аарияабхууд̇о самаано авид̣̇д̣̇асу ахосим̣. д̇асса мз д̇ат̇ааг̇ад̇о ваа д̇ат̇ааг̇ад̇асааваго ваа д̇хаммам̣ д̣̇зсзси. д̇аахам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхим̣. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигким̣ – самб̣аад̇хо гхарааваасо раж̇аабат̇о, аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’’’нд̇и.
102. ‘‘‘Kathaṃ jānato panāyasmato, kathaṃ passato imasmiñca saviññāṇake kāye bahiddhā ca sabbanimittesu ahaṃkāramamaṃkāramānānusayā samūhatā’ti 10? Khīṇāsavassa , bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaṃyojanassa sammadaññāvimuttassa ayamanudhammo hoti veyyākaraṇāya – ‘pubbe kho ahaṃ, āvuso, agāriyabhūto samāno aviddasu ahosiṃ. Tassa me tathāgato vā tathāgatasāvako vā dhammaṃ desesi. Tāhaṃ dhammaṃ sutvā tathāgate saddhaṃ paṭilabhiṃ. So tena saddhāpaṭilābhena samannāgato iti paṭisañcikkhiṃ – sambādho gharāvāso rajāpatho, abbhokāso pabbajjā. Nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’’’nti.
‘‘со ко ахам̣, аавусо, абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа, аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇им̣. со звам̣ баб̣б̣аж̇ид̇о самаано бхигкуунам̣ сигкаасааж̇ийвасамаабанно баан̣аад̇ибаад̇ам̣ бахааяа баан̣аад̇ибаад̇аа бадивирад̇о ахосим̣ нихид̇ад̣̇ан̣д̣о нихид̇асад̇т̇о, лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихаасим̣. ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ахосим̣ д̣̇иннаад̣̇ааяий д̣̇иннабаадиган̇кий, ат̇знзна сужибхууд̇зна ад̇д̇анаа вихаасим̣. аб̣рахмажарияам̣ бахааяа б̣рахмажаарий ахосим̣ аараажаарий вирад̇о мзт̇унаа г̇аамад̇хаммаа. мусааваад̣̇ам̣ бахааяа мусааваад̣̇аа бадивирад̇о ахосим̣ сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса. бисун̣ам̣ ваажам̣ бахааяа бисун̣ааяа ваажааяа бадивирад̇о ахосим̣, ид̇о суд̇ваа на амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа на имзсам̣ агкаад̇аа амуусам̣ бхзд̣̇ааяа; ид̇и бхиннаанам̣ ваа санд̇хаад̇аа сахид̇аанам̣ ваа ануббад̣̇аад̇аа самаг̇г̇аараамо самаг̇г̇арад̇о самаг̇г̇ананд̣̇ий самаг̇г̇агаран̣им̣ ваажам̣ бхаасид̇аа ахосим̣. парусам̣ ваажам̣ бахааяа парусааяа ваажааяа бадивирад̇о ахосим̣; яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ахосим̣. сампаббалаабам̣ бахааяа сампаббалаабаа бадивирад̇о ахосим̣; гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий нид̇хаанавад̇им̣ ваажам̣ бхаасид̇аа ахосим̣ гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣.
‘‘So kho ahaṃ, āvuso, aparena samayena appaṃ vā bhogakkhandhaṃ pahāya mahantaṃ vā bhogakkhandhaṃ pahāya, appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajiṃ. So evaṃ pabbajito samāno bhikkhūnaṃ sikkhāsājīvasamāpanno pāṇātipātaṃ pahāya pāṇātipātā paṭivirato ahosiṃ nihitadaṇḍo nihitasattho, lajjī dayāpanno sabbapāṇabhūtahitānukampī vihāsiṃ. Adinnādānaṃ pahāya adinnādānā paṭivirato ahosiṃ dinnādāyī dinnapāṭikaṅkhī, athenena sucibhūtena attanā vihāsiṃ. Abrahmacariyaṃ pahāya brahmacārī ahosiṃ ārācārī virato methunā gāmadhammā. Musāvādaṃ pahāya musāvādā paṭivirato ahosiṃ saccavādī saccasandho theto paccayiko avisaṃvādako lokassa. Pisuṇaṃ vācaṃ pahāya pisuṇāya vācāya paṭivirato ahosiṃ, ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya; iti bhinnānaṃ vā sandhātā sahitānaṃ vā anuppadātā samaggārāmo samaggarato samagganandī samaggakaraṇiṃ vācaṃ bhāsitā ahosiṃ. Pharusaṃ vācaṃ pahāya pharusāya vācāya paṭivirato ahosiṃ; yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā ahosiṃ. Samphappalāpaṃ pahāya samphappalāpā paṭivirato ahosiṃ; kālavādī bhūtavādī atthavādī dhammavādī vinayavādī nidhānavatiṃ vācaṃ bhāsitā ahosiṃ kālena sāpadesaṃ pariyantavatiṃ atthasaṃhitaṃ.
‘‘со б̣ийж̇аг̇аамабхууд̇аг̇аамасамаарамбхаа бадивирад̇о ахосим̣, згабхад̇д̇иго ахосим̣ рад̇д̇уубарад̇о вирад̇о вигаалабхож̇анаа. нажжаг̇ийд̇аваад̣̇ид̇ависуугад̣̇ассанаа бадивирад̇о ахосим̣. маалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о ахосим̣. ужжаасаяанамахаасаяанаа бадивирад̇о ахосим̣. ж̇аад̇аруубараж̇ад̇абадиг̇г̇ахан̣аа бадивирад̇о ахосим̣, аамагад̇хан̃н̃абадиг̇г̇ахан̣аа бадивирад̇о ахосим̣, аамагамам̣сабадиг̇г̇ахан̣аа бадивирад̇о ахосим̣; ид̇т̇игумааригабадиг̇г̇ахан̣аа бадивирад̇о ахосим̣, д̣̇аасид̣̇аасабадиг̇г̇ахан̣аа бадивирад̇о ахосим̣, аж̇зл̣агабадиг̇г̇ахан̣аа бадивирад̇о ахосим̣, гуггудасуугарабадиг̇г̇ахан̣аа бадивирад̇о ахосим̣ , хад̇т̇иг̇авассавал̣авабадиг̇г̇ахан̣аа бадивирад̇о ахосим̣, кзд̇д̇авад̇т̇убадиг̇г̇ахан̣аа бадивирад̇о ахосим̣. д̣̇ууд̇зяяабахин̣аг̇аманаануяог̇аа бадивирад̇о ахосим̣, гаяавиггаяаа бадивирад̇о ахосим̣, д̇улаагуудагам̣сагуудамаанагуудаа бадивирад̇о ахосим̣, уггоданаван̃жананигад̇исаажияог̇аа бадивирад̇о ахосим̣, чзд̣̇анавад̇хаб̣анд̇ханавибараамосааалобасахасаагаараа бадивирад̇о ахосим̣.
‘‘So bījagāmabhūtagāmasamārambhā paṭivirato ahosiṃ, ekabhattiko ahosiṃ rattūparato virato vikālabhojanā. Naccagītavāditavisūkadassanā paṭivirato ahosiṃ. Mālāgandhavilepanadhāraṇamaṇḍanavibhūsanaṭṭhānā paṭivirato ahosiṃ. Uccāsayanamahāsayanā paṭivirato ahosiṃ. Jātarūparajatapaṭiggahaṇā paṭivirato ahosiṃ, āmakadhaññapaṭiggahaṇā paṭivirato ahosiṃ, āmakamaṃsapaṭiggahaṇā paṭivirato ahosiṃ; itthikumārikapaṭiggahaṇā paṭivirato ahosiṃ, dāsidāsapaṭiggahaṇā paṭivirato ahosiṃ, ajeḷakapaṭiggahaṇā paṭivirato ahosiṃ, kukkuṭasūkarapaṭiggahaṇā paṭivirato ahosiṃ , hatthigavassavaḷavapaṭiggahaṇā paṭivirato ahosiṃ, khettavatthupaṭiggahaṇā paṭivirato ahosiṃ. Dūteyyapahiṇagamanānuyogā paṭivirato ahosiṃ, kayavikkayā paṭivirato ahosiṃ, tulākūṭakaṃsakūṭamānakūṭā paṭivirato ahosiṃ, ukkoṭanavañcananikatisāciyogā paṭivirato ahosiṃ, chedanavadhabandhanaviparāmosaālopasahasākārā paṭivirato ahosiṃ.
‘‘со санд̇удто ахосим̣ гааяабарихааригзна жийварзна, гужчибарихааригзна бин̣д̣абаад̇зна. со язна язнзва 11 баггамим̣ самаад̣̇ааязва баггамим̣. сзяяат̇ааби наама багкий сагун̣о язна язнзва д̣зд̇и сабад̇д̇абхаарова д̣зд̇и; звамзва ко ахам̣, аавусо; санд̇удто ахосим̣ гааяабарихааригзна жийварзна, гужчибарихааригзна бин̣д̣абаад̇зна. со язна язнзва баггамим̣ самаад̣̇ааязва баггамим̣. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зсим̣.
‘‘So santuṭṭho ahosiṃ kāyaparihārikena cīvarena, kucchiparihārikena piṇḍapātena. So yena yeneva 12 pakkamiṃ samādāyeva pakkamiṃ. Seyyathāpi nāma pakkhī sakuṇo yena yeneva ḍeti sapattabhārova ḍeti; evameva kho ahaṃ, āvuso; santuṭṭho ahosiṃ kāyaparihārikena cīvarena, kucchiparihārikena piṇḍapātena. So yena yeneva pakkamiṃ samādāyeva pakkamiṃ. So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedesiṃ.
103. ‘‘со жагкунаа руубам̣ д̣̇исваа на нимид̇д̇аг̇г̇аахий ахосим̣ наануб̣яан̃ж̇анаг̇г̇аахий; яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇им̣ ; рагким̣ жагкунд̣̇рияам̣, жагкунд̣̇рияз сам̣варам̣ аабаж̇ж̇им̣. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа на нимид̇д̇аг̇г̇аахий ахосим̣ наануб̣яан̃ж̇анаг̇г̇аахий; яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇им̣; рагким̣ манинд̣̇рияам̣, манинд̣̇рияз сам̣варам̣ аабаж̇ж̇им̣. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зсим̣.
103. ‘‘So cakkhunā rūpaṃ disvā na nimittaggāhī ahosiṃ nānubyañjanaggāhī; yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjiṃ ; rakkhiṃ cakkhundriyaṃ, cakkhundriye saṃvaraṃ āpajjiṃ. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya na nimittaggāhī ahosiṃ nānubyañjanaggāhī; yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjiṃ; rakkhiṃ manindriyaṃ, manindriye saṃvaraṃ āpajjiṃ. So iminā ariyena indriyasaṃvarena samannāgato ajjhattaṃ abyāsekasukhaṃ paṭisaṃvedesiṃ.
‘‘со абхигганд̇з бадигганд̇з самбаж̇аанагаарий ахосим̣, аалогид̇з вилогид̇з самбаж̇аанагаарий ахосим̣, самин̃ж̇ид̇з басаарид̇з самбаж̇аанагаарий ахосим̣, сан̇гхаадибад̇д̇ажийварад̇хааран̣з самбаж̇аанагаарий ахосим̣, асид̇з бийд̇з кааяид̇з сааяид̇з самбаж̇аанагаарий ахосим̣, ужжаарабассаавагаммз самбаж̇аанагаарий ахосим̣, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ахосим̣.
‘‘So abhikkante paṭikkante sampajānakārī ahosiṃ, ālokite vilokite sampajānakārī ahosiṃ, samiñjite pasārite sampajānakārī ahosiṃ, saṅghāṭipattacīvaradhāraṇe sampajānakārī ahosiṃ, asite pīte khāyite sāyite sampajānakārī ahosiṃ, uccārapassāvakamme sampajānakārī ahosiṃ, gate ṭhite nisinne sutte jāgarite bhāsite tuṇhībhāve sampajānakārī ahosiṃ.
‘‘со иминаа жа ариязна сийлагканд̇хзна саманнааг̇ад̇о, (имааяа жа арияааяа санд̇удтияаа саманнааг̇ад̇о,) 13 иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃зна саманнааг̇ад̇о вивид̇д̇ам̣ сзнаасанам̣ бхаж̇им̣ аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇абадигганд̇о нисийд̣̇им̣ баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа.
‘‘So iminā ca ariyena sīlakkhandhena samannāgato, (imāya ca ariyāya santuṭṭhiyā samannāgato,) 14 iminā ca ariyena indriyasaṃvarena samannāgato, iminā ca ariyena satisampajaññena samannāgato vivittaṃ senāsanaṃ bhajiṃ araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So pacchābhattaṃ piṇḍapātapaṭikkanto nisīdiṃ pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā.
‘‘со абхиж̇жхам̣ логз бахааяа виг̇ад̇аабхиж̇жхзна жзд̇асаа вихаасим̣, абхиж̇жхааяа жид̇д̇ам̣ барисод̇хзсим̣. б̣яаабаад̣̇абад̣̇осам̣ бахааяа аб̣яаабаннажид̇д̇о вихаасим̣ саб̣б̣абаан̣абхууд̇ахид̇аанугамбий, б̣яаабаад̣̇абад̣̇осаа жид̇д̇ам̣ барисод̇хзсим̣. т̇инамид̣̇д̇хам̣ бахааяа виг̇ад̇ат̇инамид̣̇д̇хо вихаасим̣ аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзсим̣. уд̣̇д̇хажжагуггужжам̣ бахааяа ануд̣̇д̇хад̇о вихаасим̣ аж̇жхад̇д̇ам̣, вуубасанд̇ажид̇д̇о, уд̣̇д̇хажжагуггужжаа жид̇д̇ам̣ барисод̇хзсим̣. вижигижчам̣ бахааяа д̇ин̣н̣авижигижчо вихаасим̣ агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзсим̣.
‘‘So abhijjhaṃ loke pahāya vigatābhijjhena cetasā vihāsiṃ, abhijjhāya cittaṃ parisodhesiṃ. Byāpādapadosaṃ pahāya abyāpannacitto vihāsiṃ sabbapāṇabhūtahitānukampī, byāpādapadosā cittaṃ parisodhesiṃ. Thinamiddhaṃ pahāya vigatathinamiddho vihāsiṃ ālokasaññī sato sampajāno, thinamiddhā cittaṃ parisodhesiṃ. Uddhaccakukkuccaṃ pahāya anuddhato vihāsiṃ ajjhattaṃ, vūpasantacitto, uddhaccakukkuccā cittaṃ parisodhesiṃ. Vicikicchaṃ pahāya tiṇṇavicikiccho vihāsiṃ akathaṃkathī kusalesu dhammesu, vicikicchāya cittaṃ parisodhesiṃ.
104. ‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихаасим̣. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихаасим̣.
104. ‘‘So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihāsiṃ. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ… catutthaṃ jhānaṃ upasampajja vihāsiṃ.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзсим̣. со ид̣̇ам̣ д̣̇угканд̇и яат̇аабхууд̇ам̣ аб̣бхан̃н̃аасим̣, аяам̣ д̣̇угкасамуд̣̇аяод̇и яат̇аабхууд̇ам̣ аб̣бхан̃н̃аасим̣, аяам̣ д̣̇угканирод̇ход̇и яат̇аабхууд̇ам̣ аб̣бхан̃н̃аасим̣, аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ аб̣бхан̃н̃аасим̣; имз аасаваад̇и яат̇аабхууд̇ам̣ аб̣бхан̃н̃аасим̣, аяам̣ аасавасамуд̣̇аяод̇и яат̇аабхууд̇ам̣ аб̣бхан̃н̃аасим̣, аяам̣ аасаванирод̇ход̇и яат̇аабхууд̇ам̣ аб̣бхан̃н̃аасим̣, аяам̣ аасаванирод̇хаг̇ааминий бадибад̣̇аад̇и яат̇аабхууд̇ам̣ аб̣бхан̃н̃аасим̣. д̇асса мз звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжид̇т̇а, бхаваасавааби жид̇д̇ам̣ вимужжид̇т̇а, авиж̇ж̇аасавааби жид̇д̇ам̣ вимужжид̇т̇аः вимуд̇д̇асмим̣ вимуд̇д̇амид̇и н̃аан̣ам̣ ахоси. кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаад̇и аб̣бхан̃н̃аасим̣. звам̣ ко мз, аавусо, ж̇аанад̇о звам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахам̣гаарамамам̣гаарамаанаанусаяаа самуухад̇аа’’д̇и . ‘‘д̇асса, бхигкавз, бхигкуно ‘саад̇хуу’д̇и бхаасид̇ам̣ абхинанд̣̇ид̇аб̣б̣ам̣ анумод̣̇ид̇аб̣б̣ам̣. ‘саад̇хуу’д̇и бхаасид̇ам̣ абхинанд̣̇ид̇ваа анумод̣̇ид̇ваа звамасса важанийяо – ‘лаабхаа но, аавусо, сулад̣̇д̇хам̣ но, аавусо, яз маяам̣ ааяасманд̇ам̣ д̇аад̣̇исам̣ саб̣рахмажаарим̣ саманубассаамаа’’’д̇и 15.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmesiṃ. So idaṃ dukkhanti yathābhūtaṃ abbhaññāsiṃ, ayaṃ dukkhasamudayoti yathābhūtaṃ abbhaññāsiṃ, ayaṃ dukkhanirodhoti yathābhūtaṃ abbhaññāsiṃ, ayaṃ dukkhanirodhagāminī paṭipadāti yathābhūtaṃ abbhaññāsiṃ; ime āsavāti yathābhūtaṃ abbhaññāsiṃ, ayaṃ āsavasamudayoti yathābhūtaṃ abbhaññāsiṃ, ayaṃ āsavanirodhoti yathābhūtaṃ abbhaññāsiṃ, ayaṃ āsavanirodhagāminī paṭipadāti yathābhūtaṃ abbhaññāsiṃ. Tassa me evaṃ jānato evaṃ passato kāmāsavāpi cittaṃ vimuccittha, bhavāsavāpi cittaṃ vimuccittha, avijjāsavāpi cittaṃ vimuccitthaः vimuttasmiṃ vimuttamiti ñāṇaṃ ahosi. Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti abbhaññāsiṃ. Evaṃ kho me, āvuso, jānato evaṃ passato imasmiñca saviññāṇake kāye bahiddhā ca sabbanimittesu ahaṃkāramamaṃkāramānānusayā samūhatā’’ti . ‘‘Tassa, bhikkhave, bhikkhuno ‘sādhū’ti bhāsitaṃ abhinanditabbaṃ anumoditabbaṃ. ‘Sādhū’ti bhāsitaṃ abhinanditvā anumoditvā evamassa vacanīyo – ‘lābhā no, āvuso, suladdhaṃ no, āvuso, ye mayaṃ āyasmantaṃ tādisaṃ sabrahmacāriṃ samanupassāmā’’’ti 16.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
чаб̣б̣исод̇ханасуд̇д̇ам̣ нидтид̇ам̣ д̣̇уд̇ияам̣.
Chabbisodhanasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. чаб̣б̣исод̇ханасуд̇д̇аван̣н̣анаа • 2. Chabbisodhanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. чаб̣б̣исод̇ханасуд̇д̇аван̣н̣анаа • 2. Chabbisodhanasuttavaṇṇanā
