| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
9. ச²பு³த்³த⁴த⁴ம்மவாரவண்ணனா
9. Chabuddhadhammavāravaṇṇanā
38. பு³த்³த⁴த⁴ம்மவாரே தி³யட்³ட⁴ஸதந்தி ச²க்க²த்துங் பஞ்சவீஸதி ஸதஞ்ச பஞ்ஞாஸஞ்ச ஹொந்தி, தத்³தி³கு³ணா நிருத்தியோ தத்³தி³கு³ணானி ஞாணானி. படிஸம்பி⁴தா³தி⁴கரணேதி படிஸம்பி⁴தா³தி⁴காரே. அட்³ட⁴னவத⁴ம்மஸதானீதி பட²மங் வுத்தேஸு சதூஸு ஸச்சேஸு ஸட்டி², சதூஸு ஸதிபட்டா²னேஸு ஸட்டி², சதூஸு ஸம்மப்பதா⁴னேஸு ஸட்டி², ஸத்தபோ³தி⁴ஸத்தவெய்யாகரணேஸு ஸத்ததி, அபி⁴ஞ்ஞட்டா²தீ³ஸு பஞ்சஸு பஞ்சவீஸஸதங், க²ந்த⁴ட்டா²தீ³ஸு பஞ்சஸு பஞ்சவீஸஸதங், புன சதூஸு அரியஸச்சேஸு ஸதங், சதூஸு படிஸம்பி⁴தா³ஸு ஸதங், ச²ஸு பு³த்³த⁴த⁴ம்மேஸு தி³யட்³ட⁴ஸதந்தி ஏவங் அட்ட²ஸதானி ச பஞ்ஞாஸஞ்ச த⁴ம்மா ஹொந்தி. ஏவங் அத்தா²பி தத்தகா ஏவ ஹொந்தி. ஏவமேவ ஸச்சாதீ³ஸு தீஸு டா²னேஸு வீஸஸதங் நிருத்தியோ, ஸத்தஸு வெய்யாகரணேஸு சத்தாரீஸஸதங் நிருத்தியோ, அபி⁴ஞ்ஞட்டா²தீ³ஸு க²ந்த⁴ட்டா²தீ³ஸு ச அட்³ட⁴தெய்யானி அட்³ட⁴தெய்யானி நிருத்திஸதானி, அரியஸச்சேஸு படிஸம்பி⁴தா³ஸு ச த்³வே த்³வே நிருத்திஸதானி, பு³த்³த⁴த⁴ம்மேஸு தீணி நிருத்திஸதானீதி ஏவங் நிருத்திஸஹஸ்ஸஞ்ச ஸத்தனிருத்திஸதானி ச ஹொந்தி. ஏவமேவ ஸச்சாதீ³ஸு தீஸு டா²னேஸு சத்தாரீஸாதி⁴கானி த்³வே த்³வே ஞாணஸதானி, ஸத்தஸு வெய்யாகரணேஸு அஸீதிஅதி⁴கானி த்³வே ஞாணஸதானி, அபி⁴ஞ்ஞட்டா²தீ³ஸு க²ந்த⁴ட்டா²தீ³ஸு ச பஞ்சபஞ்சஞாணஸதானி , ஸச்சேஸு படிஸம்பி⁴தா³ஸு ச சத்தாரி சத்தாரி ஞாணஸதானி, பு³த்³த⁴த⁴ம்மேஸு ச² ஞாணஸதானீதி ஏவங் தீணி ச ஞாணஸஹஸ்ஸானி சத்தாரி ச ஞாணஸதானி ஹொந்தீதி.
38. Buddhadhammavāre diyaḍḍhasatanti chakkhattuṃ pañcavīsati satañca paññāsañca honti, taddiguṇā niruttiyo taddiguṇāni ñāṇāni. Paṭisambhidādhikaraṇeti paṭisambhidādhikāre. Aḍḍhanavadhammasatānīti paṭhamaṃ vuttesu catūsu saccesu saṭṭhi, catūsu satipaṭṭhānesu saṭṭhi, catūsu sammappadhānesu saṭṭhi, sattabodhisattaveyyākaraṇesu sattati, abhiññaṭṭhādīsu pañcasu pañcavīsasataṃ, khandhaṭṭhādīsu pañcasu pañcavīsasataṃ, puna catūsu ariyasaccesu sataṃ, catūsu paṭisambhidāsu sataṃ, chasu buddhadhammesu diyaḍḍhasatanti evaṃ aṭṭhasatāni ca paññāsañca dhammā honti. Evaṃ atthāpi tattakā eva honti. Evameva saccādīsu tīsu ṭhānesu vīsasataṃ niruttiyo, sattasu veyyākaraṇesu cattārīsasataṃ niruttiyo, abhiññaṭṭhādīsu khandhaṭṭhādīsu ca aḍḍhateyyāni aḍḍhateyyāni niruttisatāni, ariyasaccesu paṭisambhidāsu ca dve dve niruttisatāni, buddhadhammesu tīṇi niruttisatānīti evaṃ niruttisahassañca sattaniruttisatāni ca honti. Evameva saccādīsu tīsu ṭhānesu cattārīsādhikāni dve dve ñāṇasatāni, sattasu veyyākaraṇesu asītiadhikāni dve ñāṇasatāni, abhiññaṭṭhādīsu khandhaṭṭhādīsu ca pañcapañcañāṇasatāni , saccesu paṭisambhidāsu ca cattāri cattāri ñāṇasatāni, buddhadhammesu cha ñāṇasatānīti evaṃ tīṇi ca ñāṇasahassāni cattāri ca ñāṇasatāni hontīti.
படிஸம்பி⁴தா³கதா²வண்ணனா நிட்டி²தா.
Paṭisambhidākathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 9. ச²பு³த்³த⁴த⁴ம்மவாரோ • 9. Chabuddhadhammavāro
