| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৯. ছবুদ্ধধম্মৰারো
9. Chabuddhadhammavāro
৩৮. ‘‘‘যাৰতা ইন্দ্রিযপরোপরিযত্তে ঞাণং, ঞাতং দিট্ঠং ৰিদিতং সচ্ছিকতং ফস্সিতং পঞ্ঞায। অফস্সিতং পঞ্ঞায ইন্দ্রিযপরোপরিযত্তে ঞাণং নত্থী’তি – চক্খুং উদপাদি…পে॰… আলোকো উদপাদি’’। ইন্দ্রিযপরোপরিযত্তে ঞাণে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
38. ‘‘‘Yāvatā indriyaparopariyatte ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya indriyaparopariyatte ñāṇaṃ natthī’ti – cakkhuṃ udapādi…pe… āloko udapādi’’. Indriyaparopariyatte ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘যাৰতা সত্তানং আসযানুসযে ঞাণং…পে॰… যাৰতা যমকপাটিহীরে ঞাণং …পে॰… যাৰতা মহাকরুণাসমাপত্তিযা ঞাণং…পে॰… যাৰতা সব্বঞ্ঞুতঞ্ঞাণং…পে॰… যাৰতা অনাৰরণং ঞাণং, ঞাতং দিট্ঠং ৰিদিতং সচ্ছিকতং ফস্সিতং পঞ্ঞায। অফস্সিতং পঞ্ঞায অনাৰরণং ঞাণং নত্থী’তি – চক্খুং উদপাদি, ঞাণং উদপাদি, পঞ্ঞা উদপাদি , ৰিজ্জা উদপাদি, আলোকো উদপাদি’’। অনাৰরণে ঞাণে পঞ্চৰীসতি ধম্মা, পঞ্চৰীসতি অত্থা, পঞ্ঞাস নিরুত্তিযো, সতং ঞাণানি।
‘‘‘Yāvatā sattānaṃ āsayānusaye ñāṇaṃ…pe… yāvatā yamakapāṭihīre ñāṇaṃ …pe… yāvatā mahākaruṇāsamāpattiyā ñāṇaṃ…pe… yāvatā sabbaññutaññāṇaṃ…pe… yāvatā anāvaraṇaṃ ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya anāvaraṇaṃ ñāṇaṃ natthī’ti – cakkhuṃ udapādi, ñāṇaṃ udapādi, paññā udapādi , vijjā udapādi, āloko udapādi’’. Anāvaraṇe ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ছসু বুদ্ধধম্মেসু দিযড্ঢসতং ধম্মা, দিযড্ঢসতং অত্থা, তীণি নিরুত্তিসতানি, ছ ঞাণসতানি।
Chasu buddhadhammesu diyaḍḍhasataṃ dhammā, diyaḍḍhasataṃ atthā, tīṇi niruttisatāni, cha ñāṇasatāni.
পটিসম্ভিদাকথা নিট্ঠিতা।
Paṭisambhidākathā niṭṭhitā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৯. ছবুদ্ধধম্মৰারৰণ্ণনা • 9. Chabuddhadhammavāravaṇṇanā
