| Library / Tipiṭaka / තිපිටක • Tipiṭaka / පටිසම්‌භිදාමග්‌ගපාළි • Paṭisambhidāmaggapāḷi |
9. ඡබුද්‌ධධම්‌මවාරො
9. Chabuddhadhammavāro
38. ‘‘‘යාවතා ඉන්‌ද්‍රියපරොපරියත්‌තෙ ඤාණං, ඤාතං දිට්‌ඨං විදිතං සච්‌ඡිකතං ඵස්‌සිතං පඤ්‌ඤාය. අඵස්‌සිතං පඤ්‌ඤාය ඉන්‌ද්‍රියපරොපරියත්‌තෙ ඤාණං නත්‌ථී’ති – චක්‌ඛුං උදපාදි…පෙ.… ආලොකො උදපාදි’’. ඉන්‌ද්‍රියපරොපරියත්‌තෙ ඤාණෙ පඤ්‌චවීසති ධම්‌මා, පඤ්‌චවීසති අත්‌ථා, පඤ්‌ඤාස නිරුත්‌තියො, සතං ඤාණානි.
38. ‘‘‘Yāvatā indriyaparopariyatte ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya indriyaparopariyatte ñāṇaṃ natthī’ti – cakkhuṃ udapādi…pe… āloko udapādi’’. Indriyaparopariyatte ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘යාවතා සත්‌තානං ආසයානුසයෙ ඤාණං…පෙ.… යාවතා යමකපාටිහීරෙ ඤාණං …පෙ.… යාවතා මහාකරුණාසමාපත්‌තියා ඤාණං…පෙ.… යාවතා සබ්‌බඤ්‌ඤුතඤ්‌ඤාණං…පෙ.… යාවතා අනාවරණං ඤාණං, ඤාතං දිට්‌ඨං විදිතං සච්‌ඡිකතං ඵස්‌සිතං පඤ්‌ඤාය. අඵස්‌සිතං පඤ්‌ඤාය අනාවරණං ඤාණං නත්‌ථී’ති – චක්‌ඛුං උදපාදි, ඤාණං උදපාදි, පඤ්‌ඤා උදපාදි , විජ්‌ජා උදපාදි, ආලොකො උදපාදි’’. අනාවරණෙ ඤාණෙ පඤ්‌චවීසති ධම්‌මා, පඤ්‌චවීසති අත්‌ථා, පඤ්‌ඤාස නිරුත්‌තියො, සතං ඤාණානි.
‘‘‘Yāvatā sattānaṃ āsayānusaye ñāṇaṃ…pe… yāvatā yamakapāṭihīre ñāṇaṃ …pe… yāvatā mahākaruṇāsamāpattiyā ñāṇaṃ…pe… yāvatā sabbaññutaññāṇaṃ…pe… yāvatā anāvaraṇaṃ ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya anāvaraṇaṃ ñāṇaṃ natthī’ti – cakkhuṃ udapādi, ñāṇaṃ udapādi, paññā udapādi , vijjā udapādi, āloko udapādi’’. Anāvaraṇe ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ඡසු බුද්‌ධධම්‌මෙසු දියඩ්‌ඪසතං ධම්‌මා, දියඩ්‌ඪසතං අත්‌ථා, තීණි නිරුත්‌තිසතානි, ඡ ඤාණසතානි.
Chasu buddhadhammesu diyaḍḍhasataṃ dhammā, diyaḍḍhasataṃ atthā, tīṇi niruttisatāni, cha ñāṇasatāni.
පටිසම්‌භිදාකථා නිට්‌ඨිතා.
Paṭisambhidākathā niṭṭhitā.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / පටිසම්‌භිදාමග්‌ග-අට්‌ඨකථා • Paṭisambhidāmagga-aṭṭhakathā / 9. ඡබුද්‌ධධම්‌මවාරවණ්‌ණනා • 9. Chabuddhadhammavāravaṇṇanā
