Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi

    ༩. ཚབུདྡྷདྷམྨཝཱརོ

    9. Chabuddhadhammavāro

    ༣༨. ‘‘‘ཡཱཝཏཱ ཨིནྡྲིཡཔརོཔརིཡཏྟེ ཉཱཎཾ, ཉཱཏཾ དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ། ཨཕསྶིཏཾ པཉྙཱཡ ཨིནྡྲིཡཔརོཔརིཡཏྟེ ཉཱཎཾ ནཏྠཱི’ཏི – ཙཀྑུཾ ཨུདཔཱདི…པེ॰… ཨཱལོཀོ ཨུདཔཱདི’’། ཨིནྡྲིཡཔརོཔརིཡཏྟེ ཉཱཎེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།

    38. ‘‘‘Yāvatā indriyaparopariyatte ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya indriyaparopariyatte ñāṇaṃ natthī’ti – cakkhuṃ udapādi…pe… āloko udapādi’’. Indriyaparopariyatte ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.

    ‘‘‘ཡཱཝཏཱ སཏྟཱནཾ ཨཱསཡཱནུསཡེ ཉཱཎཾ…པེ॰… ཡཱཝཏཱ ཡམཀཔཱཊིཧཱིརེ ཉཱཎཾ …པེ॰… ཡཱཝཏཱ མཧཱཀརུཎཱསམཱཔཏྟིཡཱ ཉཱཎཾ…པེ॰… ཡཱཝཏཱ སབྦཉྙུཏཉྙཱཎཾ…པེ॰… ཡཱཝཏཱ ཨནཱཝརཎཾ ཉཱཎཾ, ཉཱཏཾ དིཊྛཾ ཝིདིཏཾ སཙྪིཀཏཾ ཕསྶིཏཾ པཉྙཱཡ། ཨཕསྶིཏཾ པཉྙཱཡ ཨནཱཝརཎཾ ཉཱཎཾ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི , ཝིཛྫཱ ཨུདཔཱདི, ཨཱལོཀོ ཨུདཔཱདི’’། ཨནཱཝརཎེ ཉཱཎེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།

    ‘‘‘Yāvatā sattānaṃ āsayānusaye ñāṇaṃ…pe… yāvatā yamakapāṭihīre ñāṇaṃ …pe… yāvatā mahākaruṇāsamāpattiyā ñāṇaṃ…pe… yāvatā sabbaññutaññāṇaṃ…pe… yāvatā anāvaraṇaṃ ñāṇaṃ, ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya anāvaraṇaṃ ñāṇaṃ natthī’ti – cakkhuṃ udapādi, ñāṇaṃ udapādi, paññā udapādi , vijjā udapādi, āloko udapādi’’. Anāvaraṇe ñāṇe pañcavīsati dhammā, pañcavīsati atthā, paññāsa niruttiyo, sataṃ ñāṇāni.

    ཚསུ བུདྡྷདྷམྨེསུ དིཡཌྜྷསཏཾ དྷམྨཱ, དིཡཌྜྷསཏཾ ཨཏྠཱ, ཏཱིཎི ནིརུཏྟིསཏཱནི, ཚ ཉཱཎསཏཱནི།

    Chasu buddhadhammesu diyaḍḍhasataṃ dhammā, diyaḍḍhasataṃ atthā, tīṇi niruttisatāni, cha ñāṇasatāni.

    པཊིསམྦྷིདཱདྷིཀརཎེ 1 ཨཌྜྷནཝདྷམྨསཏཱནི 2, ཨཌྜྷནཝཨཏྠསཏཱནི, ནིརུཏྟིསཧསྶཉྩ སཏྟ ཙ ནིརུཏྟིསཏཱནི, ཏཱིཎི ཙ ཉཱཎསཧསྶཱནི, ཙཏྟཱརི ཙ ཉཱཎསཏཱནཱིཏི།

    Paṭisambhidādhikaraṇe 3 aḍḍhanavadhammasatāni 4, aḍḍhanavaatthasatāni, niruttisahassañca satta ca niruttisatāni, tīṇi ca ñāṇasahassāni, cattāri ca ñāṇasatānīti.

    པཊིསམྦྷིདཱཀཐཱ ནིཊྛིཏཱ།

    Paṭisambhidākathā niṭṭhitā.




    Next: ༧. དྷམྨཙཀྐཀཐཱ • 7. Dhammacakkakathā




    Footnotes:
    1. པཊིསམྦྷིདཱཔཀརཎེ (སྱཱ॰)
    2. ཨཌྜྷནཝམཱནི དྷམྨསཏཱནི (སྱཱ॰), ཨཌྜྷནཝམདྷམྨསཏཱནི (ཀ॰)
    3. paṭisambhidāpakaraṇe (syā.)
    4. aḍḍhanavamāni dhammasatāni (syā.), aḍḍhanavamadhammasatāni (ka.)



    Related texts:



    ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༩. ཚབུདྡྷདྷམྨཝཱརཝཎྞནཱ • 9. Chabuddhadhammavāravaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact