| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. чачаггасуд̇д̇аван̣н̣анаа
6. Chachakkasuttavaṇṇanā
420. звам̣ мз суд̇анд̇и чачаггасуд̇д̇ам̣. д̇ад̇т̇а аад̣̇игаляаан̣анд̇иаад̣̇имхи галяаан̣ам̣ бхад̣̇д̣̇агам̣ нид̣̇д̣̇осам̣ гад̇ваа д̣̇зсзссаами. маж̇жхабарияосаанзсуби зсзва наяо. ид̇и бхаг̇аваа арияавам̣сам̣ навахи, махаасад̇ибадтаанам̣ сад̇д̇ахи, махааассабурам̣ сад̇д̇ахиязва бад̣̇зхи т̇омзси. ид̣̇ам̣ бана суд̇д̇ам̣ навахи бад̣̇зхи т̇омзси.
420.Evaṃme sutanti chachakkasuttaṃ. Tattha ādikalyāṇantiādimhi kalyāṇaṃ bhaddakaṃ niddosaṃ katvā desessāmi. Majjhapariyosānesupi eseva nayo. Iti bhagavā ariyavaṃsaṃ navahi, mahāsatipaṭṭhānaṃ sattahi, mahāassapuraṃ sattahiyeva padehi thomesi. Idaṃ pana suttaṃ navahi padehi thomesi.
взд̣̇ид̇аб̣б̣аанийд̇и сахавибассанзна маг̇г̇зна ж̇аанид̇аб̣б̣аани. манааяад̇анзна д̇збхуумагажид̇д̇амзва гат̇ид̇ам̣, д̇хаммааяад̇анзна б̣ахид̣̇д̇хаа д̇збхуумагад̇хаммаа жа, мановин̃н̃аан̣зна табзд̇ваа д̣̇вз бан̃жавин̃н̃аан̣аани сзсам̣ б̣аавийсад̇ивид̇хам̣ логияавибаагажид̇д̇ам̣. пассавзд̣̇анаа яат̇аавуд̇д̇авибаагавин̃н̃аан̣асамбаяуд̇д̇аава. д̇ан̣хаад̇и вибаагавзд̣̇анаабажжаяаа ж̇аванагкан̣з уббаннад̇ан̣хаа.
Veditabbānīti sahavipassanena maggena jānitabbāni. Manāyatanena tebhūmakacittameva kathitaṃ, dhammāyatanena bahiddhā tebhūmakadhammā ca, manoviññāṇena ṭhapetvā dve pañcaviññāṇāni sesaṃ bāvīsatividhaṃ lokiyavipākacittaṃ. Phassavedanā yathāvuttavipākaviññāṇasampayuttāva. Taṇhāti vipākavedanāpaccayā javanakkhaṇe uppannataṇhā.
422. жагку ад̇д̇аад̇и баадиязгго анусанд̇хи. хздтаа гат̇ид̇аанан̃хи д̣̇виннам̣ сажжаанам̣ анад̇д̇абхаавад̣̇ассанад̇т̇ам̣ аяам̣ д̣̇зсанаа аарад̣̇д̇хаа. д̇ад̇т̇а на убабаж̇ж̇ад̇ийд̇и на яуж̇ж̇ад̇и. взд̇ийд̇и виг̇ажчад̇и нируж̇жхад̇и.
422.Cakkhu attāti pāṭiyekko anusandhi. Heṭṭhā kathitānañhi dvinnaṃ saccānaṃ anattabhāvadassanatthaṃ ayaṃ desanā āraddhā. Tattha na upapajjatīti na yujjati. Vetīti vigacchati nirujjhati.
424. аяам̣ ко бана, бхигкавзд̇и аяамби баадиязгго анусанд̇хи. аяан̃хи д̣̇зсанаа д̇ин̣н̣ам̣ г̇аахаанам̣ васзна ваддам̣ д̣̇ассзд̇ум̣ аарад̣̇д̇хаа. д̣̇угкам̣ самуд̣̇аяод̇и д̣̇виннам̣ сажжаанам̣ васзна ваддам̣ д̣̇ассзд̇унд̇иби вад̣̇анд̇иязва. зд̇ам̣ мамаад̇иаад̣̇ийсу д̇ан̣хаамаанад̣̇идтиг̇аахаава взд̣̇ид̇аб̣б̣аа. саманубассад̇ийд̇и г̇аахад̇д̇аяавасзна бассад̇и.
424.Ayaṃ kho pana, bhikkhaveti ayampi pāṭiyekko anusandhi. Ayañhi desanā tiṇṇaṃ gāhānaṃ vasena vaṭṭaṃ dassetuṃ āraddhā. Dukkhaṃ samudayoti dvinnaṃ saccānaṃ vasena vaṭṭaṃ dassetuntipi vadantiyeva. Etaṃ mamātiādīsu taṇhāmānadiṭṭhigāhāva veditabbā. Samanupassatīti gāhattayavasena passati.
звам̣ ваддам̣ д̣̇ассзд̇ваа ид̣̇аани д̇ин̣н̣ам̣ г̇аахаанам̣ бадибагкавасзна, нирод̇хо маг̇г̇од̇и имзсам̣ ваа д̣̇виннам̣ сажжаанам̣ васзна виваддам̣ д̣̇ассзд̇ум̣ аяам̣ ко банаад̇иаад̣̇имааха. нзд̇ам̣ мамаад̇иаад̣̇ийни д̇ан̣хаад̣̇ийнам̣ бадисзд̇хаважанаани. саманубассад̇ийд̇и анижжам̣ д̣̇угкаманад̇д̇аад̇и бассад̇и.
Evaṃ vaṭṭaṃ dassetvā idāni tiṇṇaṃ gāhānaṃ paṭipakkhavasena, nirodho maggoti imesaṃ vā dvinnaṃ saccānaṃ vasena vivaṭṭaṃ dassetuṃ ayaṃ kho panātiādimāha. Netaṃ mamātiādīni taṇhādīnaṃ paṭisedhavacanāni. Samanupassatīti aniccaṃ dukkhamanattāti passati.
425. звам̣ виваддам̣ д̣̇ассзд̇ваа ид̣̇аани д̇ин̣н̣ам̣ анусаяаанам̣ васзна буна ваддам̣ д̣̇ассзд̇ум̣ жагкун̃жа, бхигкавзд̇иаад̣̇имааха. д̇ад̇т̇а абхинанд̣̇ад̇ийд̇иаад̣̇ийни д̇ан̣хаад̣̇идтивасзнзва вуд̇д̇аани. анусзд̇ийд̇и аббахийно ход̇и. д̣̇угкассаад̇и ваддад̣̇угкагилзсад̣̇угкасса.
425. Evaṃ vivaṭṭaṃ dassetvā idāni tiṇṇaṃ anusayānaṃ vasena puna vaṭṭaṃ dassetuṃ cakkhuñca, bhikkhavetiādimāha. Tattha abhinandatītiādīni taṇhādiṭṭhivaseneva vuttāni. Anusetīti appahīno hoti. Dukkhassāti vaṭṭadukkhakilesadukkhassa.
426. звам̣ д̇ин̣н̣ам̣ анусаяаанам̣ васзна ваддам̣ гат̇зд̇ваа ид̣̇аани д̇зсам̣ бадигкзбавасзна виваддам̣ д̣̇ассзнд̇о буна жагкун̃жаад̇иаад̣̇имааха. авиж̇ж̇ам̣ бахааяаад̇и ваддамуулигам̣ авиж̇ж̇ам̣ баж̇ахид̇ваа. виж̇ж̇анд̇и арахад̇д̇амаг̇г̇авиж̇ж̇ам̣ уббаад̣̇зд̇ваа.
426. Evaṃ tiṇṇaṃ anusayānaṃ vasena vaṭṭaṃ kathetvā idāni tesaṃ paṭikkhepavasena vivaṭṭaṃ dassento puna cakkhuñcātiādimāha. Avijjaṃ pahāyāti vaṭṭamūlikaṃ avijjaṃ pajahitvā. Vijjanti arahattamaggavijjaṃ uppādetvā.
427. таанамзд̇ам̣ виж̇ж̇ад̇ийд̇и зд̇д̇агзнзва гат̇аамаг̇г̇зна ваддавиваддавасзна д̣̇зсанам̣ мад̇т̇агам̣ баабзд̇ваа буна д̇ад̣̇зва самбин̣д̣зд̇ваа д̣̇ассзнд̇о звам̣ бассам̣, бхигкавзд̇иаад̣̇имааха. садтимад̇д̇аанам̣ бхигкуунанд̇и зд̇т̇а анажчарияамзд̇ам̣, яам̣ саяамзва д̇ат̇ааг̇ад̇з д̣̇зсзнд̇з садти бхигкуу арахад̇д̇ам̣ бад̇д̇аа. иман̃хи суд̇д̇ам̣ д̇хаммасзнаабад̇имхи гат̇знд̇зби садти бхигкуу арахад̇д̇ам̣ бад̇д̇аа, махаамог̇г̇аллаанз гат̇знд̇зби, асийд̇имахаат̇зрзсу гат̇знд̇зсуби бад̇д̇аа зва. зд̇амби анажчарияам̣. махаабхин̃н̃аббад̇д̇аа хи д̇з саавагаа.
427.Ṭhānametaṃ vijjatīti ettakeneva kathāmaggena vaṭṭavivaṭṭavasena desanaṃ matthakaṃ pāpetvā puna tadeva sampiṇḍetvā dassento evaṃ passaṃ, bhikkhavetiādimāha. Saṭṭhimattānaṃ bhikkhūnanti ettha anacchariyametaṃ, yaṃ sayameva tathāgate desente saṭṭhi bhikkhū arahattaṃ pattā. Imañhi suttaṃ dhammasenāpatimhi kathentepi saṭṭhi bhikkhū arahattaṃ pattā, mahāmoggallāne kathentepi, asītimahātheresu kathentesupi pattā eva. Etampi anacchariyaṃ. Mahābhiññappattā hi te sāvakā.
абарабхааг̇з бана д̇амб̣абан̣н̣ид̣̇ийбз маалзяяад̣̇звад̇т̇зро наама хздтаа лохабаасаад̣̇з ид̣̇ам̣ суд̇д̇ам̣ гат̇зси. д̇ад̣̇ааби садти бхигкуу арахад̇д̇ам̣ бад̇д̇аа. яат̇аа жа лохабаасаад̣̇з, звам̣ т̇зро махааман̣д̣абзби ид̣̇ам̣ суд̇д̇ам̣ гат̇зси. махаавихаараа нигкамид̇ваа жзд̇ияабаб̣б̣ад̇ам̣ г̇ад̇о, д̇ад̇т̇ааби гат̇зси. д̇ад̇о саагияавам̣савихаарз, гуудааливихаарз, анд̇арасоб̣бхз, муд̇д̇ан̇г̇ан̣з, ваад̇агабаб̣б̣ад̇з, баажинагхарагз, д̣̇ийгхаваабияам̣, логанд̣̇арз, номан̣д̣алад̇алз гат̇зси. д̇зсуби таанзсу садти садти бхигкуу арахад̇д̇ам̣ бад̇д̇аа. д̇ад̇о нигкамид̇ваа бана т̇зро жид̇д̇алабаб̣б̣ад̇ам̣ г̇ад̇о. д̇ад̣̇аа жа жид̇д̇алабаб̣б̣ад̇авихаарз ад̇ирзгасадтивассо махаат̇зро, богкаран̣ияам̣ гурувагад̇ид̇т̇ам̣ наама бадижчаннадтаанам̣ ад̇т̇и, д̇ад̇т̇а т̇зро нхааяиссаамийд̇и од̇ин̣н̣о. д̣̇звад̇т̇зро д̇асса санд̇игам̣ г̇анд̇ваа нхаабзми, бханд̇зд̇и ааха. т̇зро бадисант̇аарзнзва – ‘‘маалзяяад̣̇зво наама ад̇т̇ийд̇и вад̣̇анд̇и, со аяам̣ бхависсад̇ий’’д̇и н̃ад̇ваа д̇вам̣ д̣̇звод̇и ааха. аама, бханд̇зд̇и. садтивассад̣̇д̇хаанам̣ мз, аавусо, гожи сарийрам̣ хад̇т̇зна пусид̇ум̣ наама на лабхи, д̇вам̣ бана нхаабзхийд̇и уд̇д̇арид̇ваа д̇ийрз нисийд̣̇и.
Aparabhāge pana tambapaṇṇidīpe māleyyadevatthero nāma heṭṭhā lohapāsāde idaṃ suttaṃ kathesi. Tadāpi saṭṭhi bhikkhū arahattaṃ pattā. Yathā ca lohapāsāde, evaṃ thero mahāmaṇḍapepi idaṃ suttaṃ kathesi. Mahāvihārā nikkhamitvā cetiyapabbataṃ gato, tatthāpi kathesi. Tato sākiyavaṃsavihāre, kūṭālivihāre, antarasobbhe, muttaṅgaṇe, vātakapabbate, pācinagharake, dīghavāpiyaṃ, lokandare, nomaṇḍalatale kathesi. Tesupi ṭhānesu saṭṭhi saṭṭhi bhikkhū arahattaṃ pattā. Tato nikkhamitvā pana thero cittalapabbataṃ gato. Tadā ca cittalapabbatavihāre atirekasaṭṭhivasso mahāthero, pokkharaṇiyaṃ kuruvakatitthaṃ nāma paṭicchannaṭṭhānaṃ atthi, tattha thero nhāyissāmīti otiṇṇo. Devatthero tassa santikaṃ gantvā nhāpemi, bhanteti āha. Thero paṭisanthāreneva – ‘‘māleyyadevo nāma atthīti vadanti, so ayaṃ bhavissatī’’ti ñatvā tvaṃ devoti āha. Āma, bhanteti. Saṭṭhivassaddhānaṃ me, āvuso, koci sarīraṃ hatthena phusituṃ nāma na labhi, tvaṃ pana nhāpehīti uttaritvā tīre nisīdi.
т̇зро саб̣б̣амби хад̇т̇абаад̣̇аад̣̇ибаригаммам̣ гад̇ваа махаат̇зрам̣ нхаабзси. д̇ам̣ д̣̇ивасан̃жа д̇хаммассаванад̣̇ивасо ход̇и. ат̇а махаат̇зро – ‘‘д̣̇зва амхаагам̣ д̇хаммад̣̇аанам̣ д̣̇аад̇ум̣ ваддад̇ий’’д̇и ааха. т̇зро саад̇ху, бханд̇зд̇и самбадижчи. ад̇т̇ан̇г̇ад̇з суурияз д̇хаммассаванам̣ гхосзсум̣. ад̇игганд̇асадтивассаава садти махаат̇зраа д̇хаммассаванад̇т̇ам̣ аг̇амам̣су. д̣̇звад̇т̇зро сарабхаан̣аавасаанз имам̣ суд̇д̇ам̣ аарабхи, суд̇д̇анд̇абарияосаанз жа садти махаат̇зраа арахад̇д̇ам̣ баабун̣им̣су. д̇ад̇о д̇иссамахаавихаарам̣ г̇анд̇ваа гат̇зси, д̇асмимби садти т̇зраа. д̇ад̇о нааг̇амахаавихаарз гаал̣агажчаг̇аамз гат̇зси, д̇асмимби садти т̇зраа. д̇ад̇о галяаан̣им̣ г̇анд̇ваа д̇ад̇т̇а жаад̇уд̣̇д̣̇асз хздтаабаасаад̣̇з гат̇зси, д̇асмимби садти т̇зраа. убосат̇ад̣̇ивасз убарибаасаад̣̇з гат̇зси, д̇асмимби садти т̇зраад̇и звам̣ д̣̇звад̇т̇зрзязва ид̣̇ам̣ суд̇д̇ам̣ гат̇знд̇з садтидтаанзсу садти садти ж̇анаа арахад̇д̇ам̣ бад̇д̇аа.
Thero sabbampi hatthapādādiparikammaṃ katvā mahātheraṃ nhāpesi. Taṃ divasañca dhammassavanadivaso hoti. Atha mahāthero – ‘‘deva amhākaṃ dhammadānaṃ dātuṃ vaṭṭatī’’ti āha. Thero sādhu, bhanteti sampaṭicchi. Atthaṅgate sūriye dhammassavanaṃ ghosesuṃ. Atikkantasaṭṭhivassāva saṭṭhi mahātherā dhammassavanatthaṃ agamaṃsu. Devatthero sarabhāṇāvasāne imaṃ suttaṃ ārabhi, suttantapariyosāne ca saṭṭhi mahātherā arahattaṃ pāpuṇiṃsu. Tato tissamahāvihāraṃ gantvā kathesi, tasmimpi saṭṭhi therā. Tato nāgamahāvihāre kāḷakacchagāme kathesi, tasmimpi saṭṭhi therā. Tato kalyāṇiṃ gantvā tattha cātuddase heṭṭhāpāsāde kathesi, tasmimpi saṭṭhi therā. Uposathadivase uparipāsāde kathesi, tasmimpi saṭṭhi therāti evaṃ devatthereyeva idaṃ suttaṃ kathente saṭṭhiṭṭhānesu saṭṭhi saṭṭhi janā arahattaṃ pattā.
амб̣илагаал̣агавихаарз бана д̇ибидагажуул̣анааг̇ад̇т̇зрз имам̣ суд̇д̇ам̣ гат̇знд̇з мануссабарисаа г̇аавуд̇ам̣ ахоси, д̣̇звабарисаа яож̇анигаа. суд̇д̇абарияосаанз сахассабхигкуу арахад̇д̇ам̣ бад̇д̇аа, д̣̇звзсу бана д̇ад̇о д̇ад̇о згзгова бут̇уж̇ж̇ано ахосийд̇и.
Ambilakāḷakavihāre pana tipiṭakacūḷanāgatthere imaṃ suttaṃ kathente manussaparisā gāvutaṃ ahosi, devaparisā yojanikā. Suttapariyosāne sahassabhikkhū arahattaṃ pattā, devesu pana tato tato ekekova puthujjano ahosīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
чачаггасуд̇д̇аван̣н̣анаа нидтид̇аа.
Chachakkasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. чачаггасуд̇д̇ам̣ • 6. Chachakkasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. чачаггасуд̇д̇аван̣н̣анаа • 6. Chachakkasuttavaṇṇanā
