| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. чачаггасуд̇д̇аван̣н̣анаа
6. Chachakkasuttavaṇṇanā
420. аад̣̇имхи галяаан̣анд̇и аад̣̇игодтаасз галяаан̣ам̣ зд̇ассаад̇и ваа аад̣̇игаляаан̣о, д̇ам̣ аад̣̇игаляаан̣ам̣, аад̣̇игаляаан̣абхааво жа д̣̇осавиг̇амзна ижчид̇аб̣б̣о. яан̃хи саб̣б̣асо виг̇ад̇ад̣̇осам̣, д̇ам̣ барибун̣н̣аг̇ун̣амзва ход̇ийд̇и ‘‘нид̣̇д̣̇оса’’нд̇и вуд̇д̇ам̣. гад̇ваад̇и жа бад̣̇ам̣, ‘‘галяаан̣ам̣ гад̇ваа бхад̣̇д̣̇агам̣ гад̇ваа’’д̇и буримабад̣̇ад̣̇ваязнаби яож̇зд̇аб̣б̣ам̣. д̣̇зсанаагааро хи ид̇ха галяаан̣асад̣̇д̣̇зна г̇ахид̇о. д̇знзвааха – ‘‘д̣̇зсзд̇аб̣б̣ад̇хаммасса галяаан̣ад̇аа д̣̇ассид̇аа ход̇ий’’д̇и, д̣̇уд̇ияз бана ад̇т̇авигаббз д̣̇зсзд̇аб̣б̣ад̇хаммасса галяаан̣ад̇аа мукязнзва гат̇ид̇аа ид̇арасса ад̇т̇аабад̇д̇ид̇о. маж̇жхзгаляаан̣ам̣ барияосаанагаляаан̣анд̇и зд̇т̇ааби зсзва наяо. аяан̃жа д̣̇зсанааяа т̇оманаа б̣уд̣̇д̇хаанам̣ аажин̣н̣асамаажин̣н̣ааваад̇и д̣̇ассзд̇ум̣, ‘‘ид̇и бхаг̇аваа арияавам̣са’’нд̇иаад̣̇и вуд̇д̇ам̣. д̇хаммаг̇г̇ахан̣амби д̣̇зсанааяа т̇оманаа зваад̇и ‘‘навахи бад̣̇зхий’’д̇и вуд̇д̇ам̣.
420.Ādimhikalyāṇanti ādikoṭṭhāse kalyāṇaṃ etassāti vā ādikalyāṇo, taṃ ādikalyāṇaṃ, ādikalyāṇabhāvo ca dosavigamena icchitabbo. Yañhi sabbaso vigatadosaṃ, taṃ paripuṇṇaguṇameva hotīti ‘‘niddosa’’nti vuttaṃ. Katvāti ca padaṃ, ‘‘kalyāṇaṃ katvā bhaddakaṃ katvā’’ti purimapadadvayenapi yojetabbaṃ. Desanākāro hi idha kalyāṇasaddena gahito. Tenevāha – ‘‘desetabbadhammassa kalyāṇatā dassitā hotī’’ti, dutiye pana atthavikappe desetabbadhammassa kalyāṇatā mukhyeneva kathitā itarassa atthāpattito. Majjhekalyāṇaṃ pariyosānakalyāṇanti etthāpi eseva nayo. Ayañca desanāya thomanā buddhānaṃ āciṇṇasamāciṇṇāvāti dassetuṃ, ‘‘iti bhagavā ariyavaṃsa’’ntiādi vuttaṃ. Dhammaggahaṇampi desanāya thomanā evāti ‘‘navahi padehī’’ti vuttaṃ.
взд̣̇анаа яаат̇аавад̇о ж̇аананам̣, д̇ан̃жа маг̇г̇агижжам̣, д̇асса убааяо вибассанаад̇иааха – ‘‘сахавибассанзна маг̇г̇зна ж̇аанид̇аб̣б̣ааний’’д̇и. барин̃н̃аабхисамаяаад̣̇игижжзна ниб̣б̣ад̇д̇ияаа асаммохад̇о жа бадивиж̇жхид̇аб̣б̣о. д̇збхуумагажид̇д̇амзва гат̇ид̇ам̣ саммасанадтаанасса ад̇хиббзд̇ад̇д̇аа. зса наяо д̇хаммааяад̇анаад̣̇ийсуби. д̇хаммааяад̇анасса ваа ааяад̇анабхаавад̇о б̣ахид̣̇д̇хааг̇ахан̣ам̣, на саб̣б̣асо анаж̇жхад̇д̇абхаавад̇о. вибаагавзд̣̇анаабажжаяаа ж̇аванагкан̣з уббаннад̇ан̣хаад̇и чад̇д̇им̣савибаагавзд̣̇анам̣ ниссааяа звам̣ ассаад̣̇знд̇ий анубхавзяяанд̇и агусалаж̇аванагкан̣ад̇о уббаннад̇ан̣хаа.
Vedanā yāthāvato jānanaṃ, tañca maggakiccaṃ, tassa upāyo vipassanātiāha – ‘‘sahavipassanena maggena jānitabbānī’’ti. Pariññābhisamayādikiccena nibbattiyā asammohato ca paṭivijjhitabbo. Tebhūmakacittameva kathitaṃ sammasanaṭṭhānassa adhippetattā. Esa nayo dhammāyatanādīsupi. Dhammāyatanassa vā āyatanabhāvato bahiddhāgahaṇaṃ, na sabbaso anajjhattabhāvato. Vipākavedanāpaccayā javanakkhaṇe uppannataṇhāti chattiṃsavipākavedanaṃ nissāya evaṃ assādentī anubhaveyyanti akusalajavanakkhaṇato uppannataṇhā.
422. баадиязгго анусанд̇хийд̇и яат̇аанусанд̇хиаад̣̇ийнам̣ асамбхавад̇од̇и ад̇хиббааязна вуд̇д̇ам̣. хздтаад̇и вин̃н̃аан̣апассавзд̣̇анаад̇ан̣хаанам̣ бажжаяааяад̇д̇авуд̇д̇ид̇аад̣̇ассанзна жагкааяад̇анаад̣̇ийнам̣ руубааяад̇анаад̣̇ийнан̃жа бажжаяааяад̇д̇авуд̇д̇ид̇аа д̣̇ийбид̇аа абажжаяуббаннасса бажжаяаабхаавад̇о, яан̃жа бажжаяааяад̇д̇авуд̇д̇игам̣, д̇ам̣ анижжам̣ уббаад̣̇асамбхавад̇о, яад̣̇анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аад̇и канд̇хабан̃жагз жа чаннам̣ чаггаанам̣ васзна гханавиниб̣бхог̇агаран̣зна ад̇т̇ад̇о анад̇д̇алагкан̣ам̣ вибхаавид̇ам̣. на саруубад̇од̇и саруубад̇оби д̇ам̣ вибхаавзд̇угаамо д̇знзва чачаггаанам̣ васзна гханавиниб̣бхог̇анаязна б̣яад̇ирзгад̇о жа анваяад̇о жа д̣̇ассзнд̇о бхаг̇аваа – ‘‘жагку ад̇д̇аад̇и яо вад̣̇зяяаа’’д̇иаад̣̇имаахаад̇и яат̇аанусанд̇хигаава д̣̇зсанаа вибхаавид̇аа. д̇знааха ‘‘хздтаа гат̇ид̇аанам̣ хий’’д̇иаад̣̇и. хздтаа бана чаннам̣ чаггаанам̣ васзна виниб̣бхог̇ад̣̇ассанамад̇д̇ам̣, на анад̇д̇алагкан̣ам̣ вибхаавид̇ам̣ , ид̇ха бана саруубад̇о анад̇д̇алагкан̣ам̣ вибхаавид̇анд̇и ад̇хиббааязна анусанд̇ханд̇арабхааваж̇од̇анаа. яад̣̇иби анад̇д̇абхааво наама жад̇уусуби сажжзсу лаб̣бхад̇зва, саб̣б̣зби хи д̇хаммаа анад̇д̇аа, имз банзд̇т̇а д̣̇взби наяаа саммасанавасзна бавад̇д̇аад̇и вуд̇д̇ам̣ – ‘‘д̣̇виннам̣ сажжаанам̣ анад̇д̇абхаавад̣̇ассанад̇т̇а’’нд̇и. на убабаж̇ж̇ад̇ийд̇и убабад̇д̇исан̇каад̇аяуд̇д̇ияаа на самзд̇ийд̇и аяамзд̇т̇а ад̇т̇од̇и ааха ‘‘на яуж̇ж̇ад̇ий’’д̇и. ад̇д̇аваад̣̇инаа – ‘‘нижжо д̇хуво сассад̇о’’д̇и абхимад̇о, жагкун̃жа уббаад̣̇аванд̇ад̇ааяа анижжам̣, яам̣ бажжаяааяад̇т̇авуд̇д̇ид̇аа, д̇асмаа ‘‘жагку ад̇д̇аад̇и яо вад̣̇зяяа, д̇ам̣ на убабаж̇ж̇ад̇ий’’д̇иаад̣̇и. саггааяавад̇т̇у жагку анад̇д̇аа анижжабхаавад̇о сзяяат̇ааби гхадо, жагкум̣ анижжам̣ бажжаяааяад̇д̇авуд̇д̇ибхаавад̇о сзяяат̇ааби гхадо, жагку бажжаяааяад̇д̇авуд̇д̇и уббаад̣̇аад̣̇исамбхавад̇о сзяяат̇ааби гхадо. виг̇ажчад̇ийд̇и бхан̇г̇уббад̇д̇ияаа сабхааваавиг̇амзна виг̇ажчад̇и. д̇знааха ‘‘нируж̇жхад̇ий’’д̇и.
422.Pāṭiyekko anusandhīti yathānusandhiādīnaṃ asambhavatoti adhippāyena vuttaṃ. Heṭṭhāti viññāṇaphassavedanātaṇhānaṃ paccayāyattavuttitādassanena cakkhāyatanādīnaṃ rūpāyatanādīnañca paccayāyattavuttitā dīpitā apaccayuppannassa paccayābhāvato, yañca paccayāyattavuttikaṃ, taṃ aniccaṃ uppādasambhavato, yadaniccaṃ taṃ dukkhaṃ, yaṃ dukkhaṃ tadanattāti khandhapañcake ca channaṃ chakkānaṃ vasena ghanavinibbhogakaraṇena atthato anattalakkhaṇaṃ vibhāvitaṃ. Na sarūpatoti sarūpatopi taṃ vibhāvetukāmo teneva chachakkānaṃ vasena ghanavinibbhoganayena byatirekato ca anvayato ca dassento bhagavā – ‘‘cakkhu attāti yo vadeyyā’’tiādimāhāti yathānusandhikāva desanā vibhāvitā. Tenāha ‘‘heṭṭhā kathitānaṃ hī’’tiādi. Heṭṭhā pana channaṃ chakkānaṃ vasena vinibbhogadassanamattaṃ, na anattalakkhaṇaṃ vibhāvitaṃ , idha pana sarūpato anattalakkhaṇaṃ vibhāvitanti adhippāyena anusandhantarabhāvajotanā. Yadipi anattabhāvo nāma catūsupi saccesu labbhateva, sabbepi hi dhammā anattā, ime panettha dvepi nayā sammasanavasena pavattāti vuttaṃ – ‘‘dvinnaṃ saccānaṃ anattabhāvadassanattha’’nti. Na upapajjatīti upapattisaṅkhātayuttiyā na sametīti ayamettha atthoti āha ‘‘na yujjatī’’ti. Attavādinā – ‘‘nicco dhuvo sassato’’ti abhimato, cakkhuñca uppādavantatāya aniccaṃ, yaṃ paccayāyatthavuttitā, tasmā ‘‘cakkhu attāti yo vadeyya, taṃ na upapajjatī’’tiādi. Sakkāyavatthu cakkhu anattā aniccabhāvato seyyathāpi ghaṭo, cakkhuṃ aniccaṃ paccayāyattavuttibhāvato seyyathāpi ghaṭo, cakkhu paccayāyattavutti uppādādisambhavato seyyathāpi ghaṭo. Vigacchatīti bhaṅguppattiyā sabhāvāvigamena vigacchati. Tenāha ‘‘nirujjhatī’’ti.
424. яасмаа гилзсаваддамуулагам̣ гаммаваддам̣, гаммаваддамуулаган̃жа вибаагаваддам̣. гилзсуббад̇д̇и жа д̇ан̣хаад̣̇иг̇г̇аахабуб̣б̣игаа, д̇асмаа ‘‘д̇ин̣н̣ам̣ ваа г̇аахаанам̣ васзна ваддам̣ д̣̇ассзд̇у’’нд̇и ааха. яасмаа бана д̇ан̣хаабагкигаа д̇хаммаа самуд̣̇аяасажжам̣, жагкаад̣̇аяо д̣̇угкасажжам̣, д̇асмаа вуд̇д̇ам̣ – ‘‘д̣̇виннам̣ сажжаанам̣ васзна ваддам̣ д̣̇ассзд̇у’’нд̇и. д̇ан̣хаамаанад̣̇идтиг̇г̇аахаава взд̣̇ид̇аб̣б̣аа саггааяаг̇ааминибадибад̣̇ааяа ад̇хиббзд̇ад̇д̇аа. ‘‘зд̇ам̣ мамаа’’д̇иаад̣̇инаа г̇ахан̣амзвзд̇т̇а анубассанаад̇и ааха – ‘‘г̇аахад̇д̇аяавасзна бассад̇ий’’д̇и.
424. Yasmā kilesavaṭṭamūlakaṃ kammavaṭṭaṃ, kammavaṭṭamūlakañca vipākavaṭṭaṃ. Kilesuppatti ca taṇhādiggāhapubbikā, tasmā ‘‘tiṇṇaṃ vā gāhānaṃ vasena vaṭṭaṃ dassetu’’nti āha. Yasmā pana taṇhāpakkhikā dhammā samudayasaccaṃ, cakkhādayo dukkhasaccaṃ, tasmā vuttaṃ – ‘‘dvinnaṃ saccānaṃ vasena vaṭṭaṃ dassetu’’nti. Taṇhāmānadiṭṭhiggāhāva veditabbā sakkāyagāminipaṭipadāya adhippetattā. ‘‘Etaṃ mamā’’tiādinā gahaṇamevettha anupassanāti āha – ‘‘gāhattayavasena passatī’’ti.
д̇ин̣н̣ам̣ г̇аахаанам̣ бадибагкавасзнаад̇и д̇ан̣хаад̣̇иг̇г̇аахабадибагкабхууд̇аанам̣ д̣̇угкаанижжаанад̇д̇аанубассанаанам̣ васзна, д̇аахи ваа д̇ин̣н̣ам̣ г̇аахаанам̣ бадибагкавасзна винивзтанавасзна ануббаад̣̇анавасзнаад̇и ад̇т̇о. бадибагкавасзна виваддам̣ д̣̇ассзд̇унд̇и яож̇анаа. саггааяанирод̇хаг̇ааминий бадибад̣̇аад̇и зд̇т̇а нирод̇хад̇хаммо саруубзнзва д̣̇ассид̇од̇и ааха – ‘‘нирод̇хо…бз… д̣̇ассзд̇у’’нд̇и. бадисзд̇хаважанаанийд̇и бадигкзбаважанаани.
Tiṇṇaṃ gāhānaṃ paṭipakkhavasenāti taṇhādiggāhapaṭipakkhabhūtānaṃ dukkhāniccānattānupassanānaṃ vasena, tāhi vā tiṇṇaṃ gāhānaṃ paṭipakkhavasena viniveṭhanavasena anuppādanavasenāti attho. Paṭipakkhavasena vivaṭṭaṃ dassetunti yojanā. Sakkāyanirodhagāminī paṭipadāti ettha nirodhadhammo sarūpeneva dassitoti āha – ‘‘nirodho…pe… dassetu’’nti. Paṭisedhavacanānīti paṭikkhepavacanāni.
425. д̇ан̣хаад̣̇ийнам̣ анубаад̣̇ияанаважанаани д̇ан̣хаад̣̇идтивасзнзва вуд̇д̇аани д̇ан̣хаад̣̇идтийнам̣язва абхинанд̣̇анаад̣̇ивасзна бавад̇д̇исаб̣бхаавад̇о. аббахийнад̇т̇о анусаяад̇т̇од̇и ааха – ‘‘анусзд̇ийд̇и аббахийно ход̇ий’’д̇и арияамаг̇г̇зна хи аббахийно т̇аамаг̇ад̇о рааг̇аад̣̇игилзсо анусаяо гааран̣алаабхз сад̇и уббаж̇ж̇анаарахабхаавад̇о. яам̣ банзд̇т̇а вад̇д̇аб̣б̣ам̣, д̇ам̣ хздтаа вуд̇д̇амзва. ваддад̣̇угкагилзсад̣̇угкассаад̇и ваддад̣̇угкасса жзва гилзсад̣̇угкасса жа. саубаад̣̇исзсаниб̣б̣аанан̃хи гилзсад̣̇угкасса анд̇агаран̣ам̣, анубаад̣̇исзсаниб̣б̣аанам̣ ваддад̣̇угкасса.
425. Taṇhādīnaṃ anupādiyanavacanāni taṇhādiṭṭhivaseneva vuttāni taṇhādiṭṭhīnaṃyeva abhinandanādivasena pavattisabbhāvato. Appahīnattho anusayatthoti āha – ‘‘anusetīti appahīno hotī’’ti ariyamaggena hi appahīno thāmagato rāgādikileso anusayo kāraṇalābhe sati uppajjanārahabhāvato. Yaṃ panettha vattabbaṃ, taṃ heṭṭhā vuttameva. Vaṭṭadukkhakilesadukkhassāti vaṭṭadukkhassa ceva kilesadukkhassa ca. Saupādisesanibbānañhi kilesadukkhassa antakaraṇaṃ, anupādisesanibbānaṃ vaṭṭadukkhassa.
426. д̇зсанд̇и анусаяаанам̣. бадигкзбавасзнаад̇и баж̇аханавасзна, аббавад̇д̇игаран̣авасзнаад̇и ад̇т̇о. авиж̇ж̇ам̣ баж̇ахид̇ваад̇и анавасзсад̇о авиж̇ж̇ам̣ аббавад̇д̇ид̇хаммад̇ам̣ аабаад̣̇зд̇ваа. гаамам̣ хздтимамаг̇г̇ан̃аан̣амби авиж̇ж̇аабахааяиний виж̇ж̇аа зва, д̇ам̣ бана н̃аан̣ам̣ авиж̇ж̇ааяа анавасзсаббахааяагам̣ на ход̇и, аг̇г̇амаг̇г̇ан̃аан̣з бана уббаннз авиж̇ж̇ааяа лзсоби наавасиссад̇ийд̇и д̇ад̣̇зва авиж̇ж̇ааяа бахааяаганд̇и ааха – ‘‘арахад̇д̇амаг̇г̇авиж̇ж̇ам̣ уббаад̣̇зд̇ваа’’д̇и.
426.Tesanti anusayānaṃ. Paṭikkhepavasenāti pajahanavasena, appavattikaraṇavasenāti attho. Avijjaṃ pajahitvāti anavasesato avijjaṃ appavattidhammataṃ āpādetvā. Kāmaṃ heṭṭhimamaggañāṇampi avijjāpahāyinī vijjā eva, taṃ pana ñāṇaṃ avijjāya anavasesappahāyakaṃ na hoti, aggamaggañāṇe pana uppanne avijjāya lesopi nāvasissatīti tadeva avijjāya pahāyakanti āha – ‘‘arahattamaggavijjaṃ uppādetvā’’ti.
427. саяамзва д̇ат̇ааг̇ад̇з ад̇д̇ано б̣уд̣̇д̇хаанубхаавзна д̣̇зсзнд̇з садти бхигкуу арахад̇д̇ам̣ бад̇д̇аад̇и анажчарияамзд̇ам̣, ат̇а гим̣ ажчарияанд̇и ааха ‘‘има’’нд̇иаад̣̇и. гат̇знд̇збийд̇и зд̇т̇а ид̇исад̣̇д̣̇о багаарад̇т̇о, иминаава багаарзнаад̇и ад̇т̇о. бад̇д̇аа зваад̇и садти бхигкуу арахад̇д̇ам̣ бад̇д̇аа зваад̇и яож̇анаа. зд̇амби анажчарияам̣, сад̇т̇у саммукаа саавагаа самуд̣̇ааг̇амаа махаабхин̃н̃аа бабхиннабадисамбхид̣̇аа д̇ат̇аа д̇ат̇аа саббаадихаарияам̣ д̇хаммам̣ д̣̇зсзнд̇ийд̇и. д̇знааха – ‘‘махаабхин̃н̃аббад̇д̇аа хи д̇з саавагаа’’д̇и.
427. Sayameva tathāgate attano buddhānubhāvena desente saṭṭhi bhikkhū arahattaṃ pattāti anacchariyametaṃ, atha kiṃ acchariyanti āha ‘‘ima’’ntiādi. Kathentepīti ettha itisaddo pakārattho, imināva pakārenāti attho. Pattā evāti saṭṭhi bhikkhū arahattaṃ pattā evāti yojanā. Etampi anacchariyaṃ, satthu sammukhā sāvakā samudāgamā mahābhiññā pabhinnapaṭisambhidā tathā tathā sappāṭihāriyaṃ dhammaṃ desentīti. Tenāha – ‘‘mahābhiññappattā hi te sāvakā’’ti.
махааман̣д̣абзд̇и лохабаасаад̣̇асса бурад̇о зва махаабхигкусаннибаад̇о ж̇аад̇од̇и д̇зсам̣ бахонагавасзна гад̇з махад̇и саан̣иман̣д̣абзд̇и вад̣̇анд̇и. д̇зсуби таанзсууд̇и д̇зсу яат̇аавуд̇д̇амахааман̣д̣абаад̣̇ийсу таанзсу. махаат̇зро ад̇т̇ийд̇и бад̣̇ам̣ аанзд̇ваа самб̣анд̇хид̇аб̣б̣ам̣. д̣̇звад̇т̇зрасса г̇ун̣з суд̇ваа басаннамаанасо махаат̇зро, д̇ат̇ааби вад̇т̇асамбад̇д̇ияаа басийд̣̇ид̇ваа ‘‘д̇вам̣ бана нхаабзхий’’д̇и ааха.
Mahāmaṇḍapeti lohapāsādassa purato eva mahābhikkhusannipāto jātoti tesaṃ pahonakavasena kate mahati sāṇimaṇḍapeti vadanti. Tesupi ṭhānesūti tesu yathāvuttamahāmaṇḍapādīsu ṭhānesu. Mahāthero atthīti padaṃ ānetvā sambandhitabbaṃ. Devattherassa guṇe sutvā pasannamānaso mahāthero, tathāpi vatthasampattiyā pasīditvā ‘‘tvaṃ pana nhāpehī’’ti āha.
хздтаабаасаад̣̇зд̇и жа галяаан̣ияамахаавихаарз убосат̇ааг̇аарз хздтаабаасаад̣̇з згад̣̇аа убарибаасаад̣̇з згад̣̇аа, гат̇зсийд̇и. жуул̣анааг̇асса д̇ат̇аа махад̇ий барисаа д̣̇звад̇аанубхаавзна абхин̃н̃аабаад̣̇анам̣ ахосийд̇и гзжи . т̇зро бана махид̣̇д̇хиго ахоси, д̇асмаа д̇аава махад̇им̣ барисам̣ абхин̃н̃аабзсийд̇и абарз.
Heṭṭhāpāsādeti ca kalyāṇiyamahāvihāre uposathāgāre heṭṭhāpāsāde ekadā uparipāsāde ekadā, kathesīti. Cūḷanāgassa tathā mahatī parisā devatānubhāvena abhiññāpādanaṃ ahosīti keci . Thero pana mahiddhiko ahosi, tasmā tāva mahatiṃ parisaṃ abhiññāpesīti apare.
д̇ад̇о д̇ад̇од̇и д̇ассам̣ д̇ассам̣ д̣̇исааяам̣. зговаад̇и згажжо зва, на б̣ахусо, гад̇ибаяаава бут̇уж̇ж̇анаа ахзсунд̇и ад̇т̇о. сзсам̣ хздтаа вуд̇д̇анаяад̇д̇аа сувин̃н̃зяяамзва.
Tato tatoti tassaṃ tassaṃ disāyaṃ. Ekovāti ekacco eva, na bahuso, katipayāva puthujjanā ahesunti attho. Sesaṃ heṭṭhā vuttanayattā suviññeyyameva.
чачаггасуд̇д̇аван̣н̣анааяа лийнад̇т̇аббагаасанаа самад̇д̇аа.
Chachakkasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. чачаггасуд̇д̇ам̣ • 6. Chachakkasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. чачаггасуд̇д̇аван̣н̣анаа • 6. Chachakkasuttavaṇṇanā
