| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੬. ਛਛਕ੍ਕਸੁਤ੍ਤવਣ੍ਣਨਾ
6. Chachakkasuttavaṇṇanā
੪੨੦. ਏવਂ ਮੇ ਸੁਤਨ੍ਤਿ ਛਛਕ੍ਕਸੁਤ੍ਤਂ। ਤਤ੍ਥ ਆਦਿਕਲ੍ਯਾਣਨ੍ਤਿਆਦਿਮ੍ਹਿ ਕਲ੍ਯਾਣਂ ਭਦ੍ਦਕਂ ਨਿਦ੍ਦੋਸਂ ਕਤ੍વਾ ਦੇਸੇਸ੍ਸਾਮਿ। ਮਜ੍ਝਪਰਿਯੋਸਾਨੇਸੁਪਿ ਏਸੇવ ਨਯੋ। ਇਤਿ ਭਗવਾ ਅਰਿਯવਂਸਂ ਨવਹਿ, ਮਹਾਸਤਿਪਟ੍ਠਾਨਂ ਸਤ੍ਤਹਿ, ਮਹਾਅਸ੍ਸਪੁਰਂ ਸਤ੍ਤਹਿਯੇવ ਪਦੇਹਿ ਥੋਮੇਸਿ। ਇਦਂ ਪਨ ਸੁਤ੍ਤਂ ਨવਹਿ ਪਦੇਹਿ ਥੋਮੇਸਿ।
420.Evaṃme sutanti chachakkasuttaṃ. Tattha ādikalyāṇantiādimhi kalyāṇaṃ bhaddakaṃ niddosaṃ katvā desessāmi. Majjhapariyosānesupi eseva nayo. Iti bhagavā ariyavaṃsaṃ navahi, mahāsatipaṭṭhānaṃ sattahi, mahāassapuraṃ sattahiyeva padehi thomesi. Idaṃ pana suttaṃ navahi padehi thomesi.
વੇਦਿਤਬ੍ਬਾਨੀਤਿ ਸਹવਿਪਸ੍ਸਨੇਨ ਮਗ੍ਗੇਨ ਜਾਨਿਤਬ੍ਬਾਨਿ। ਮਨਾਯਤਨੇਨ ਤੇਭੂਮਕਚਿਤ੍ਤਮੇવ ਕਥਿਤਂ, ਧਮ੍ਮਾਯਤਨੇਨ ਬਹਿਦ੍ਧਾ ਤੇਭੂਮਕਧਮ੍ਮਾ ਚ, ਮਨੋવਿਞ੍ਞਾਣੇਨ ਠਪੇਤ੍વਾ ਦ੍વੇ ਪਞ੍ਚવਿਞ੍ਞਾਣਾਨਿ ਸੇਸਂ ਬਾવੀਸਤਿવਿਧਂ ਲੋਕਿਯવਿਪਾਕਚਿਤ੍ਤਂ। ਫਸ੍ਸવੇਦਨਾ ਯਥਾવੁਤ੍ਤવਿਪਾਕવਿਞ੍ਞਾਣਸਮ੍ਪਯੁਤ੍ਤਾવ। ਤਣ੍ਹਾਤਿ વਿਪਾਕવੇਦਨਾਪਚ੍ਚਯਾ ਜવਨਕ੍ਖਣੇ ਉਪ੍ਪਨ੍ਨਤਣ੍ਹਾ।
Veditabbānīti sahavipassanena maggena jānitabbāni. Manāyatanena tebhūmakacittameva kathitaṃ, dhammāyatanena bahiddhā tebhūmakadhammā ca, manoviññāṇena ṭhapetvā dve pañcaviññāṇāni sesaṃ bāvīsatividhaṃ lokiyavipākacittaṃ. Phassavedanā yathāvuttavipākaviññāṇasampayuttāva. Taṇhāti vipākavedanāpaccayā javanakkhaṇe uppannataṇhā.
੪੨੨. ਚਕ੍ਖੁ ਅਤ੍ਤਾਤਿ ਪਾਟਿਯੇਕ੍ਕੋ ਅਨੁਸਨ੍ਧਿ। ਹੇਟ੍ਠਾ ਕਥਿਤਾਨਞ੍ਹਿ ਦ੍વਿਨ੍ਨਂ ਸਚ੍ਚਾਨਂ ਅਨਤ੍ਤਭਾવਦਸ੍ਸਨਤ੍ਥਂ ਅਯਂ ਦੇਸਨਾ ਆਰਦ੍ਧਾ। ਤਤ੍ਥ ਨ ਉਪਪਜ੍ਜਤੀਤਿ ਨ ਯੁਜ੍ਜਤਿ। વੇਤੀਤਿ વਿਗਚ੍ਛਤਿ ਨਿਰੁਜ੍ਝਤਿ।
422.Cakkhu attāti pāṭiyekko anusandhi. Heṭṭhā kathitānañhi dvinnaṃ saccānaṃ anattabhāvadassanatthaṃ ayaṃ desanā āraddhā. Tattha na upapajjatīti na yujjati. Vetīti vigacchati nirujjhati.
੪੨੪. ਅਯਂ ਖੋ ਪਨ, ਭਿਕ੍ਖવੇਤਿ ਅਯਮ੍ਪਿ ਪਾਟਿਯੇਕ੍ਕੋ ਅਨੁਸਨ੍ਧਿ। ਅਯਞ੍ਹਿ ਦੇਸਨਾ ਤਿਣ੍ਣਂ ਗਾਹਾਨਂ વਸੇਨ વਟ੍ਟਂ ਦਸ੍ਸੇਤੁਂ ਆਰਦ੍ਧਾ। ਦੁਕ੍ਖਂ ਸਮੁਦਯੋਤਿ ਦ੍વਿਨ੍ਨਂ ਸਚ੍ਚਾਨਂ વਸੇਨ વਟ੍ਟਂ ਦਸ੍ਸੇਤੁਨ੍ਤਿਪਿ વਦਨ੍ਤਿਯੇવ। ਏਤਂ ਮਮਾਤਿਆਦੀਸੁ ਤਣ੍ਹਾਮਾਨਦਿਟ੍ਠਿਗਾਹਾવ વੇਦਿਤਬ੍ਬਾ। ਸਮਨੁਪਸ੍ਸਤੀਤਿ ਗਾਹਤ੍ਤਯવਸੇਨ ਪਸ੍ਸਤਿ।
424.Ayaṃ kho pana, bhikkhaveti ayampi pāṭiyekko anusandhi. Ayañhi desanā tiṇṇaṃ gāhānaṃ vasena vaṭṭaṃ dassetuṃ āraddhā. Dukkhaṃ samudayoti dvinnaṃ saccānaṃ vasena vaṭṭaṃ dassetuntipi vadantiyeva. Etaṃ mamātiādīsu taṇhāmānadiṭṭhigāhāva veditabbā. Samanupassatīti gāhattayavasena passati.
ਏવਂ વਟ੍ਟਂ ਦਸ੍ਸੇਤ੍વਾ ਇਦਾਨਿ ਤਿਣ੍ਣਂ ਗਾਹਾਨਂ ਪਟਿਪਕ੍ਖવਸੇਨ, ਨਿਰੋਧੋ ਮਗ੍ਗੋਤਿ ਇਮੇਸਂ વਾ ਦ੍વਿਨ੍ਨਂ ਸਚ੍ਚਾਨਂ વਸੇਨ વਿવਟ੍ਟਂ ਦਸ੍ਸੇਤੁਂ ਅਯਂ ਖੋ ਪਨਾਤਿਆਦਿਮਾਹ। ਨੇਤਂ ਮਮਾਤਿਆਦੀਨਿ ਤਣ੍ਹਾਦੀਨਂ ਪਟਿਸੇਧવਚਨਾਨਿ। ਸਮਨੁਪਸ੍ਸਤੀਤਿ ਅਨਿਚ੍ਚਂ ਦੁਕ੍ਖਮਨਤ੍ਤਾਤਿ ਪਸ੍ਸਤਿ।
Evaṃ vaṭṭaṃ dassetvā idāni tiṇṇaṃ gāhānaṃ paṭipakkhavasena, nirodho maggoti imesaṃ vā dvinnaṃ saccānaṃ vasena vivaṭṭaṃ dassetuṃ ayaṃ kho panātiādimāha. Netaṃ mamātiādīni taṇhādīnaṃ paṭisedhavacanāni. Samanupassatīti aniccaṃ dukkhamanattāti passati.
੪੨੫. ਏવਂ વਿવਟ੍ਟਂ ਦਸ੍ਸੇਤ੍વਾ ਇਦਾਨਿ ਤਿਣ੍ਣਂ ਅਨੁਸਯਾਨਂ વਸੇਨ ਪੁਨ વਟ੍ਟਂ ਦਸ੍ਸੇਤੁਂ ਚਕ੍ਖੁਞ੍ਚ, ਭਿਕ੍ਖવੇਤਿਆਦਿਮਾਹ। ਤਤ੍ਥ ਅਭਿਨਨ੍ਦਤੀਤਿਆਦੀਨਿ ਤਣ੍ਹਾਦਿਟ੍ਠਿવਸੇਨੇવ વੁਤ੍ਤਾਨਿ। ਅਨੁਸੇਤੀਤਿ ਅਪ੍ਪਹੀਨੋ ਹੋਤਿ। ਦੁਕ੍ਖਸ੍ਸਾਤਿ વਟ੍ਟਦੁਕ੍ਖਕਿਲੇਸਦੁਕ੍ਖਸ੍ਸ।
425. Evaṃ vivaṭṭaṃ dassetvā idāni tiṇṇaṃ anusayānaṃ vasena puna vaṭṭaṃ dassetuṃ cakkhuñca, bhikkhavetiādimāha. Tattha abhinandatītiādīni taṇhādiṭṭhivaseneva vuttāni. Anusetīti appahīno hoti. Dukkhassāti vaṭṭadukkhakilesadukkhassa.
੪੨੬. ਏવਂ ਤਿਣ੍ਣਂ ਅਨੁਸਯਾਨਂ વਸੇਨ વਟ੍ਟਂ ਕਥੇਤ੍વਾ ਇਦਾਨਿ ਤੇਸਂ ਪਟਿਕ੍ਖੇਪવਸੇਨ વਿવਟ੍ਟਂ ਦਸ੍ਸੇਨ੍ਤੋ ਪੁਨ ਚਕ੍ਖੁਞ੍ਚਾਤਿਆਦਿਮਾਹ। ਅવਿਜ੍ਜਂ ਪਹਾਯਾਤਿ વਟ੍ਟਮੂਲਿਕਂ ਅવਿਜ੍ਜਂ ਪਜਹਿਤ੍વਾ। વਿਜ੍ਜਨ੍ਤਿ ਅਰਹਤ੍ਤਮਗ੍ਗવਿਜ੍ਜਂ ਉਪ੍ਪਾਦੇਤ੍વਾ।
426. Evaṃ tiṇṇaṃ anusayānaṃ vasena vaṭṭaṃ kathetvā idāni tesaṃ paṭikkhepavasena vivaṭṭaṃ dassento puna cakkhuñcātiādimāha. Avijjaṃ pahāyāti vaṭṭamūlikaṃ avijjaṃ pajahitvā. Vijjanti arahattamaggavijjaṃ uppādetvā.
੪੨੭. ਠਾਨਮੇਤਂ વਿਜ੍ਜਤੀਤਿ ਏਤ੍ਤਕੇਨੇવ ਕਥਾਮਗ੍ਗੇਨ વਟ੍ਟવਿવਟ੍ਟવਸੇਨ ਦੇਸਨਂ ਮਤ੍ਥਕਂ ਪਾਪੇਤ੍વਾ ਪੁਨ ਤਦੇવ ਸਮ੍ਪਿਣ੍ਡੇਤ੍વਾ ਦਸ੍ਸੇਨ੍ਤੋ ਏવਂ ਪਸ੍ਸਂ, ਭਿਕ੍ਖવੇਤਿਆਦਿਮਾਹ। ਸਟ੍ਠਿਮਤ੍ਤਾਨਂ ਭਿਕ੍ਖੂਨਨ੍ਤਿ ਏਤ੍ਥ ਅਨਚ੍ਛਰਿਯਮੇਤਂ, ਯਂ ਸਯਮੇવ ਤਥਾਗਤੇ ਦੇਸੇਨ੍ਤੇ ਸਟ੍ਠਿ ਭਿਕ੍ਖੂ ਅਰਹਤ੍ਤਂ ਪਤ੍ਤਾ। ਇਮਞ੍ਹਿ ਸੁਤ੍ਤਂ ਧਮ੍ਮਸੇਨਾਪਤਿਮ੍ਹਿ ਕਥੇਨ੍ਤੇਪਿ ਸਟ੍ਠਿ ਭਿਕ੍ਖੂ ਅਰਹਤ੍ਤਂ ਪਤ੍ਤਾ, ਮਹਾਮੋਗ੍ਗਲ੍ਲਾਨੇ ਕਥੇਨ੍ਤੇਪਿ, ਅਸੀਤਿਮਹਾਥੇਰੇਸੁ ਕਥੇਨ੍ਤੇਸੁਪਿ ਪਤ੍ਤਾ ਏવ। ਏਤਮ੍ਪਿ ਅਨਚ੍ਛਰਿਯਂ। ਮਹਾਭਿਞ੍ਞਪ੍ਪਤ੍ਤਾ ਹਿ ਤੇ ਸਾવਕਾ।
427.Ṭhānametaṃ vijjatīti ettakeneva kathāmaggena vaṭṭavivaṭṭavasena desanaṃ matthakaṃ pāpetvā puna tadeva sampiṇḍetvā dassento evaṃ passaṃ, bhikkhavetiādimāha. Saṭṭhimattānaṃ bhikkhūnanti ettha anacchariyametaṃ, yaṃ sayameva tathāgate desente saṭṭhi bhikkhū arahattaṃ pattā. Imañhi suttaṃ dhammasenāpatimhi kathentepi saṭṭhi bhikkhū arahattaṃ pattā, mahāmoggallāne kathentepi, asītimahātheresu kathentesupi pattā eva. Etampi anacchariyaṃ. Mahābhiññappattā hi te sāvakā.
ਅਪਰਭਾਗੇ ਪਨ ਤਮ੍ਬਪਣ੍ਣਿਦੀਪੇ ਮਾਲੇਯ੍ਯਦੇવਤ੍ਥੇਰੋ ਨਾਮ ਹੇਟ੍ਠਾ ਲੋਹਪਾਸਾਦੇ ਇਦਂ ਸੁਤ੍ਤਂ ਕਥੇਸਿ। ਤਦਾਪਿ ਸਟ੍ਠਿ ਭਿਕ੍ਖੂ ਅਰਹਤ੍ਤਂ ਪਤ੍ਤਾ। ਯਥਾ ਚ ਲੋਹਪਾਸਾਦੇ, ਏવਂ ਥੇਰੋ ਮਹਾਮਣ੍ਡਪੇਪਿ ਇਦਂ ਸੁਤ੍ਤਂ ਕਥੇਸਿ। ਮਹਾવਿਹਾਰਾ ਨਿਕ੍ਖਮਿਤ੍વਾ ਚੇਤਿਯਪਬ੍ਬਤਂ ਗਤੋ, ਤਤ੍ਥਾਪਿ ਕਥੇਸਿ। ਤਤੋ ਸਾਕਿਯવਂਸવਿਹਾਰੇ, ਕੂਟਾਲਿવਿਹਾਰੇ, ਅਨ੍ਤਰਸੋਬ੍ਭੇ, ਮੁਤ੍ਤਙ੍ਗਣੇ, વਾਤਕਪਬ੍ਬਤੇ, ਪਾਚਿਨਘਰਕੇ, ਦੀਘવਾਪਿਯਂ, ਲੋਕਨ੍ਦਰੇ, ਨੋਮਣ੍ਡਲਤਲੇ ਕਥੇਸਿ। ਤੇਸੁਪਿ ਠਾਨੇਸੁ ਸਟ੍ਠਿ ਸਟ੍ਠਿ ਭਿਕ੍ਖੂ ਅਰਹਤ੍ਤਂ ਪਤ੍ਤਾ। ਤਤੋ ਨਿਕ੍ਖਮਿਤ੍વਾ ਪਨ ਥੇਰੋ ਚਿਤ੍ਤਲਪਬ੍ਬਤਂ ਗਤੋ। ਤਦਾ ਚ ਚਿਤ੍ਤਲਪਬ੍ਬਤવਿਹਾਰੇ ਅਤਿਰੇਕਸਟ੍ਠਿવਸ੍ਸੋ ਮਹਾਥੇਰੋ, ਪੋਕ੍ਖਰਣਿਯਂ ਕੁਰੁવਕਤਿਤ੍ਥਂ ਨਾਮ ਪਟਿਚ੍ਛਨ੍ਨਟ੍ਠਾਨਂ ਅਤ੍ਥਿ, ਤਤ੍ਥ ਥੇਰੋ ਨ੍ਹਾਯਿਸ੍ਸਾਮੀਤਿ ਓਤਿਣ੍ਣੋ। ਦੇવਤ੍ਥੇਰੋ ਤਸ੍ਸ ਸਨ੍ਤਿਕਂ ਗਨ੍ਤ੍વਾ ਨ੍ਹਾਪੇਮਿ, ਭਨ੍ਤੇਤਿ ਆਹ। ਥੇਰੋ ਪਟਿਸਨ੍ਥਾਰੇਨੇવ – ‘‘ਮਾਲੇਯ੍ਯਦੇવੋ ਨਾਮ ਅਤ੍ਥੀਤਿ વਦਨ੍ਤਿ, ਸੋ ਅਯਂ ਭવਿਸ੍ਸਤੀ’’ਤਿ ਞਤ੍વਾ ਤ੍વਂ ਦੇવੋਤਿ ਆਹ। ਆਮ, ਭਨ੍ਤੇਤਿ। ਸਟ੍ਠਿવਸ੍ਸਦ੍ਧਾਨਂ ਮੇ, ਆવੁਸੋ, ਕੋਚਿ ਸਰੀਰਂ ਹਤ੍ਥੇਨ ਫੁਸਿਤੁਂ ਨਾਮ ਨ ਲਭਿ, ਤ੍વਂ ਪਨ ਨ੍ਹਾਪੇਹੀਤਿ ਉਤ੍ਤਰਿਤ੍વਾ ਤੀਰੇ ਨਿਸੀਦਿ।
Aparabhāge pana tambapaṇṇidīpe māleyyadevatthero nāma heṭṭhā lohapāsāde idaṃ suttaṃ kathesi. Tadāpi saṭṭhi bhikkhū arahattaṃ pattā. Yathā ca lohapāsāde, evaṃ thero mahāmaṇḍapepi idaṃ suttaṃ kathesi. Mahāvihārā nikkhamitvā cetiyapabbataṃ gato, tatthāpi kathesi. Tato sākiyavaṃsavihāre, kūṭālivihāre, antarasobbhe, muttaṅgaṇe, vātakapabbate, pācinagharake, dīghavāpiyaṃ, lokandare, nomaṇḍalatale kathesi. Tesupi ṭhānesu saṭṭhi saṭṭhi bhikkhū arahattaṃ pattā. Tato nikkhamitvā pana thero cittalapabbataṃ gato. Tadā ca cittalapabbatavihāre atirekasaṭṭhivasso mahāthero, pokkharaṇiyaṃ kuruvakatitthaṃ nāma paṭicchannaṭṭhānaṃ atthi, tattha thero nhāyissāmīti otiṇṇo. Devatthero tassa santikaṃ gantvā nhāpemi, bhanteti āha. Thero paṭisanthāreneva – ‘‘māleyyadevo nāma atthīti vadanti, so ayaṃ bhavissatī’’ti ñatvā tvaṃ devoti āha. Āma, bhanteti. Saṭṭhivassaddhānaṃ me, āvuso, koci sarīraṃ hatthena phusituṃ nāma na labhi, tvaṃ pana nhāpehīti uttaritvā tīre nisīdi.
ਥੇਰੋ ਸਬ੍ਬਮ੍ਪਿ ਹਤ੍ਥਪਾਦਾਦਿਪਰਿਕਮ੍ਮਂ ਕਤ੍વਾ ਮਹਾਥੇਰਂ ਨ੍ਹਾਪੇਸਿ। ਤਂ ਦਿવਸਞ੍ਚ ਧਮ੍ਮਸ੍ਸવਨਦਿવਸੋ ਹੋਤਿ। ਅਥ ਮਹਾਥੇਰੋ – ‘‘ਦੇવ ਅਮ੍ਹਾਕਂ ਧਮ੍ਮਦਾਨਂ ਦਾਤੁਂ વਟ੍ਟਤੀ’’ਤਿ ਆਹ। ਥੇਰੋ ਸਾਧੁ, ਭਨ੍ਤੇਤਿ ਸਮ੍ਪਟਿਚ੍ਛਿ। ਅਤ੍ਥਙ੍ਗਤੇ ਸੂਰਿਯੇ ਧਮ੍ਮਸ੍ਸવਨਂ ਘੋਸੇਸੁਂ। ਅਤਿਕ੍ਕਨ੍ਤਸਟ੍ਠਿવਸ੍ਸਾવ ਸਟ੍ਠਿ ਮਹਾਥੇਰਾ ਧਮ੍ਮਸ੍ਸવਨਤ੍ਥਂ ਅਗਮਂਸੁ। ਦੇવਤ੍ਥੇਰੋ ਸਰਭਾਣਾવਸਾਨੇ ਇਮਂ ਸੁਤ੍ਤਂ ਆਰਭਿ, ਸੁਤ੍ਤਨ੍ਤਪਰਿਯੋਸਾਨੇ ਚ ਸਟ੍ਠਿ ਮਹਾਥੇਰਾ ਅਰਹਤ੍ਤਂ ਪਾਪੁਣਿਂਸੁ। ਤਤੋ ਤਿਸ੍ਸਮਹਾવਿਹਾਰਂ ਗਨ੍ਤ੍વਾ ਕਥੇਸਿ, ਤਸ੍ਮਿਮ੍ਪਿ ਸਟ੍ਠਿ ਥੇਰਾ। ਤਤੋ ਨਾਗਮਹਾવਿਹਾਰੇ ਕਾਲ਼ਕਚ੍ਛਗਾਮੇ ਕਥੇਸਿ, ਤਸ੍ਮਿਮ੍ਪਿ ਸਟ੍ਠਿ ਥੇਰਾ। ਤਤੋ ਕਲ੍ਯਾਣਿਂ ਗਨ੍ਤ੍વਾ ਤਤ੍ਥ ਚਾਤੁਦ੍ਦਸੇ ਹੇਟ੍ਠਾਪਾਸਾਦੇ ਕਥੇਸਿ, ਤਸ੍ਮਿਮ੍ਪਿ ਸਟ੍ਠਿ ਥੇਰਾ। ਉਪੋਸਥਦਿવਸੇ ਉਪਰਿਪਾਸਾਦੇ ਕਥੇਸਿ, ਤਸ੍ਮਿਮ੍ਪਿ ਸਟ੍ਠਿ ਥੇਰਾਤਿ ਏવਂ ਦੇવਤ੍ਥੇਰੇਯੇવ ਇਦਂ ਸੁਤ੍ਤਂ ਕਥੇਨ੍ਤੇ ਸਟ੍ਠਿਟ੍ਠਾਨੇਸੁ ਸਟ੍ਠਿ ਸਟ੍ਠਿ ਜਨਾ ਅਰਹਤ੍ਤਂ ਪਤ੍ਤਾ।
Thero sabbampi hatthapādādiparikammaṃ katvā mahātheraṃ nhāpesi. Taṃ divasañca dhammassavanadivaso hoti. Atha mahāthero – ‘‘deva amhākaṃ dhammadānaṃ dātuṃ vaṭṭatī’’ti āha. Thero sādhu, bhanteti sampaṭicchi. Atthaṅgate sūriye dhammassavanaṃ ghosesuṃ. Atikkantasaṭṭhivassāva saṭṭhi mahātherā dhammassavanatthaṃ agamaṃsu. Devatthero sarabhāṇāvasāne imaṃ suttaṃ ārabhi, suttantapariyosāne ca saṭṭhi mahātherā arahattaṃ pāpuṇiṃsu. Tato tissamahāvihāraṃ gantvā kathesi, tasmimpi saṭṭhi therā. Tato nāgamahāvihāre kāḷakacchagāme kathesi, tasmimpi saṭṭhi therā. Tato kalyāṇiṃ gantvā tattha cātuddase heṭṭhāpāsāde kathesi, tasmimpi saṭṭhi therā. Uposathadivase uparipāsāde kathesi, tasmimpi saṭṭhi therāti evaṃ devatthereyeva idaṃ suttaṃ kathente saṭṭhiṭṭhānesu saṭṭhi saṭṭhi janā arahattaṃ pattā.
ਅਮ੍ਬਿਲਕਾਲ਼ਕવਿਹਾਰੇ ਪਨ ਤਿਪਿਟਕਚੂਲ਼ਨਾਗਤ੍ਥੇਰੇ ਇਮਂ ਸੁਤ੍ਤਂ ਕਥੇਨ੍ਤੇ ਮਨੁਸ੍ਸਪਰਿਸਾ ਗਾવੁਤਂ ਅਹੋਸਿ, ਦੇવਪਰਿਸਾ ਯੋਜਨਿਕਾ। ਸੁਤ੍ਤਪਰਿਯੋਸਾਨੇ ਸਹਸ੍ਸਭਿਕ੍ਖੂ ਅਰਹਤ੍ਤਂ ਪਤ੍ਤਾ, ਦੇવੇਸੁ ਪਨ ਤਤੋ ਤਤੋ ਏਕੇਕੋવ ਪੁਥੁਜ੍ਜਨੋ ਅਹੋਸੀਤਿ।
Ambilakāḷakavihāre pana tipiṭakacūḷanāgatthere imaṃ suttaṃ kathente manussaparisā gāvutaṃ ahosi, devaparisā yojanikā. Suttapariyosāne sahassabhikkhū arahattaṃ pattā, devesu pana tato tato ekekova puthujjano ahosīti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਛਛਕ੍ਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Chachakkasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੬. ਛਛਕ੍ਕਸੁਤ੍ਤਂ • 6. Chachakkasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੬. ਛਛਕ੍ਕਸੁਤ੍ਤવਣ੍ਣਨਾ • 6. Chachakkasuttavaṇṇanā
