| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[514] 4. чад̣̇д̣̇анд̇аж̇аад̇агаван̣н̣анаа
[514] 4. Chaddantajātakavaṇṇanā
гим̣ ну сожасийд̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇ахарабхигкуним̣ аараб̣бха гат̇зси. саа гира саавад̇т̇ияам̣ гулад̇хийд̇аа гхарааваасз аад̣̇ийнавам̣ д̣̇исваа саасанз баб̣б̣аж̇ид̇ваа згад̣̇ивасам̣ бхигкунийхи сад̣̇д̇хим̣ д̇хаммасаванааяа г̇анд̇ваа алан̇гад̇ад̇хаммаасанз нисийд̣̇ид̇ваа д̇хаммам̣ д̣̇зсзнд̇асса д̣̇асаб̣аласса абаримаан̣абун̃н̃абабхааваабхиниб̣б̣ад̇д̇ам̣ уд̇д̇амаруубасамбад̇д̇ияуд̇д̇ам̣ ад̇д̇абхаавам̣ ологзд̇ваа ‘‘барижин̣н̣абуб̣б̣аа ну ко мз бхавасмим̣ вижаранд̇ияаа имасса махаабурисасса баад̣̇абарижааригаа’’д̇и жинд̇зси. ат̇ассаа д̇ан̇кан̣ан̃н̃зва ж̇аад̇иссаран̃аан̣ам̣ уббаж̇ж̇и – ‘‘чад̣̇д̣̇анд̇авааран̣агаалз ахам̣ имасса махаабурисасса баад̣̇абарижааригаа бхууд̇абуб̣б̣аа’’д̇и. ат̇ассаа саранд̇ияаа маханд̇ам̣ бийд̇ибаамож̇ж̇ам̣ уббаж̇ж̇и. саа бийд̇ивзг̇зна махаахасид̇ам̣ хасид̇ваа буна жинд̇зси – ‘‘баад̣̇абарижааригаа наама саамигаанам̣ хид̇аж̇жхаасаяаа аббагаа, ахид̇аж̇жхаасаяаава б̣ахуд̇араа, хид̇аж̇жхаасаяаа ну ко ахам̣ имасса махаабурисасса ахосим̣, ахид̇аж̇жхаасаяаа’’д̇и. саа ануссарамаанаа ‘‘ахам̣ аббамад̇д̇агам̣ д̣̇осам̣ хад̣̇аяз табзд̇ваа вийсарад̇анасад̇игам̣ чад̣̇д̣̇анд̇амахааг̇аж̇иссарам̣ сонуд̇д̇арам̣ наама нзсаад̣̇ам̣ бзсзд̇ваа висабийд̇асаллзна виж̇жхаабзд̇ваа ж̇ийвид̇агкаяам̣ баабзси’’нд̇и ад̣̇д̣̇аса. ат̇ассаа сого уд̣̇абаад̣̇и, хад̣̇аяам̣ ун̣хам̣ ахоси, согам̣ санд̇хаарзд̇ум̣ асаггонд̇ий ассасид̇ваа бассасид̇ваа махаасад̣̇д̣̇зна барод̣̇и. д̇ам̣ д̣̇исваа сад̇т̇аа сид̇ам̣ баад̇у гарид̇ваа ‘‘го ну ко, бханд̇з, хзд̇у, го бажжаяо сид̇асса баад̇угаммааяаа’’д̇и бхигкусан̇гхзна будто ‘‘бхигкавз, аяам̣ д̣̇ахарабхигкуний буб̣б̣з маяи гад̇ам̣ абараад̇хам̣ сарид̇ваа род̣̇ад̇ий’’д̇и вад̇ваа ад̇ийд̇ам̣ аахари.
Kiṃ nu socasīti idaṃ satthā jetavane viharanto ekaṃ daharabhikkhuniṃ ārabbha kathesi. Sā kira sāvatthiyaṃ kuladhītā gharāvāse ādīnavaṃ disvā sāsane pabbajitvā ekadivasaṃ bhikkhunīhi saddhiṃ dhammasavanāya gantvā alaṅkatadhammāsane nisīditvā dhammaṃ desentassa dasabalassa aparimāṇapuññapabhāvābhinibbattaṃ uttamarūpasampattiyuttaṃ attabhāvaṃ oloketvā ‘‘pariciṇṇapubbā nu kho me bhavasmiṃ vicarantiyā imassa mahāpurisassa pādaparicārikā’’ti cintesi. Athassā taṅkhaṇaññeva jātissarañāṇaṃ uppajji – ‘‘chaddantavāraṇakāle ahaṃ imassa mahāpurisassa pādaparicārikā bhūtapubbā’’ti. Athassā sarantiyā mahantaṃ pītipāmojjaṃ uppajji. Sā pītivegena mahāhasitaṃ hasitvā puna cintesi – ‘‘pādaparicārikā nāma sāmikānaṃ hitajjhāsayā appakā, ahitajjhāsayāva bahutarā, hitajjhāsayā nu kho ahaṃ imassa mahāpurisassa ahosiṃ, ahitajjhāsayā’’ti. Sā anussaramānā ‘‘ahaṃ appamattakaṃ dosaṃ hadaye ṭhapetvā vīsaratanasatikaṃ chaddantamahāgajissaraṃ sonuttaraṃ nāma nesādaṃ pesetvā visapītasallena vijjhāpetvā jīvitakkhayaṃ pāpesi’’nti addasa. Athassā soko udapādi, hadayaṃ uṇhaṃ ahosi, sokaṃ sandhāretuṃ asakkontī assasitvā passasitvā mahāsaddena parodi. Taṃ disvā satthā sitaṃ pātu karitvā ‘‘ko nu kho, bhante, hetu, ko paccayo sitassa pātukammāyā’’ti bhikkhusaṅghena puṭṭho ‘‘bhikkhave, ayaṃ daharabhikkhunī pubbe mayi kataṃ aparādhaṃ saritvā rodatī’’ti vatvā atītaṃ āhari.
ад̇ийд̇з химаванд̇абад̣̇зсз чад̣̇д̣̇анд̇ад̣̇ахам̣ убаниссааяа адтасахассаа хад̇т̇инааг̇аа васим̣су ид̣̇д̇химанд̇аа взхаасан̇г̇амаа. д̇ад̣̇аа б̣од̇хисад̇д̇о ж̇здтагавааран̣асса буд̇д̇о худ̇ваа ниб̣б̣ад̇д̇и, со саб̣б̣асзд̇о ахоси рад̇д̇амукабаад̣̇о. со абарабхааг̇з вуд̣̇д̇хиббад̇д̇о адтаасийд̇ихад̇т̇уб̣б̣зд̇хо ахоси вийсарад̇анасад̇ааяаамо. адтабан̣н̣аасахад̇т̇ааяа раж̇ад̇ад̣̇аамасад̣̇исааяа сон̣д̣ааяа саманнааг̇ад̇о. д̣̇анд̇аа банасса баригкзбад̇о баннарасахад̇т̇аа ахзсум̣ д̣̇ийгхад̇о д̇им̣сахад̇т̇аа чаб̣б̣ан̣н̣арам̣сийхи саманнааг̇ад̇аа. со адтаннам̣ нааг̇асахассаанам̣ ж̇здтаго ахоси, бан̃жасад̇з бажжзгаб̣уд̣̇д̇хз бууж̇зси. д̇асса д̣̇вз аг̇г̇амахзсияо ахзсум̣ – жуул̣асубхад̣̇д̣̇аа, махаасубхад̣̇д̣̇аа жаад̇и. нааг̇арааж̇аа адтанааг̇асахассабаривааро ган̃жанаг̇ухааяам̣ васад̇и. со бана чад̣̇д̣̇анд̇ад̣̇ахо ааяаамад̇о жа вид̇т̇аарад̇о жа бан̣н̣аасаяож̇ано ход̇и. д̇асса маж̇жхз д̣̇ваад̣̇асаяож̇анаббамаан̣з таанз сзваало ваа бан̣агам̣ ваа над̇т̇и, ман̣игканд̇хаван̣н̣ауд̣̇агамзва санд̇идтад̇и, д̇ад̣̇ананд̇арам̣ яож̇анавид̇т̇ад̇ам̣ суд̣̇д̇хам̣ галлахаараванам̣, д̇ам̣ уд̣̇агам̣ баригкибид̇ваа тид̇ам̣, д̇ад̣̇ананд̇арам̣ яож̇анавид̇т̇ад̇амзва суд̣̇д̇хам̣ нийлуббалаванам̣ д̇ам̣ баригкибид̇ваа тид̇ам̣, д̇ад̇о яож̇анаяож̇анавид̇т̇ад̇аанзва рад̇д̇уббаласзд̇уббаларад̇д̇абад̣̇умасзд̇абад̣̇умагумуд̣̇аванаани буримам̣ буримам̣ баригкибид̇ваа тид̇аани. имзсам̣ бана сад̇д̇аннам̣ ванаанам̣ ананд̇арам̣ саб̣б̣зсамби д̇зсам̣ галлахаараад̣̇иванаанам̣ васзна омиссагаванам̣ яож̇анавид̇т̇ад̇амзва д̇аани баригкибид̇ваа тид̇ам̣. д̇ад̣̇ананд̇арам̣ нааг̇аанам̣ гадиббамаан̣з уд̣̇агз яож̇анавид̇т̇ад̇амзва рад̇д̇асааливанам̣, д̇ад̣̇ананд̇арам̣ уд̣̇агабарияанд̇з яож̇анавид̇т̇ад̇амзва нийлабийд̇алохид̇аод̣̇аад̇асурабхисукумагусумасамаагин̣н̣ам̣ куд̣̇д̣̇агаг̇ажчаванам̣, ид̇и имаани д̣̇аса ванаани яож̇анавид̇т̇ад̇аанзва. д̇ад̇о куд̣̇д̣̇агарааж̇амаасамахаарааж̇амаасамуг̇г̇аванам̣, д̇ад̣̇ананд̇арам̣ д̇ибусазлаалугалааб̣угумбхан̣д̣авалливанаани, д̇ад̇о бууг̇аругкаббамаан̣ам̣ ужчуванам̣, д̇ад̇о хад̇т̇ид̣̇анд̇аббамаан̣апалам̣ гад̣̇аливанам̣ , д̇ад̇о саалаванам̣, д̇ад̣̇ананд̇арам̣ жаадиббамаан̣апалам̣ банасаванам̣, д̇ад̇о мад̇хурапалам̣ жин̃жаванам̣, д̇ад̇о амб̣аванам̣, д̇ад̇о габидтаванам̣, д̇ад̇о омиссаго махааванасан̣д̣о, д̇ад̇о взл̣уванам̣, аяамасса д̇асмим̣ гаалз самбад̇д̇и. сам̣яуд̇д̇адтагат̇ааяам̣ бана ид̣̇аани бавад̇д̇амаанасамбад̇д̇иязва гат̇ид̇аа.
Atīte himavantapadese chaddantadahaṃ upanissāya aṭṭhasahassā hatthināgā vasiṃsu iddhimantā vehāsaṅgamā. Tadā bodhisatto jeṭṭhakavāraṇassa putto hutvā nibbatti, so sabbaseto ahosi rattamukhapādo. So aparabhāge vuddhippatto aṭṭhāsītihatthubbedho ahosi vīsaratanasatāyāmo. Aṭṭhapaṇṇāsahatthāya rajatadāmasadisāya soṇḍāya samannāgato. Dantā panassa parikkhepato pannarasahatthā ahesuṃ dīghato tiṃsahatthā chabbaṇṇaraṃsīhi samannāgatā. So aṭṭhannaṃ nāgasahassānaṃ jeṭṭhako ahosi, pañcasate paccekabuddhe pūjesi. Tassa dve aggamahesiyo ahesuṃ – cūḷasubhaddā, mahāsubhaddā cāti. Nāgarājā aṭṭhanāgasahassaparivāro kañcanaguhāyaṃ vasati. So pana chaddantadaho āyāmato ca vitthārato ca paṇṇāsayojano hoti. Tassa majjhe dvādasayojanappamāṇe ṭhāne sevālo vā paṇakaṃ vā natthi, maṇikkhandhavaṇṇaudakameva santiṭṭhati, tadanantaraṃ yojanavitthataṃ suddhaṃ kallahāravanaṃ, taṃ udakaṃ parikkhipitvā ṭhitaṃ, tadanantaraṃ yojanavitthatameva suddhaṃ nīluppalavanaṃ taṃ parikkhipitvā ṭhitaṃ, tato yojanayojanavitthatāneva rattuppalasetuppalarattapadumasetapadumakumudavanāni purimaṃ purimaṃ parikkhipitvā ṭhitāni. Imesaṃ pana sattannaṃ vanānaṃ anantaraṃ sabbesampi tesaṃ kallahārādivanānaṃ vasena omissakavanaṃ yojanavitthatameva tāni parikkhipitvā ṭhitaṃ. Tadanantaraṃ nāgānaṃ kaṭippamāṇe udake yojanavitthatameva rattasālivanaṃ, tadanantaraṃ udakapariyante yojanavitthatameva nīlapītalohitaodātasurabhisukhumakusumasamākiṇṇaṃ khuddakagacchavanaṃ, iti imāni dasa vanāni yojanavitthatāneva. Tato khuddakarājamāsamahārājamāsamuggavanaṃ, tadanantaraṃ tipusaelālukalābukumbhaṇḍavallivanāni, tato pūgarukkhappamāṇaṃ ucchuvanaṃ, tato hatthidantappamāṇaphalaṃ kadalivanaṃ , tato sālavanaṃ, tadanantaraṃ cāṭippamāṇaphalaṃ panasavanaṃ, tato madhuraphalaṃ ciñcavanaṃ, tato ambavanaṃ, tato kapiṭṭhavanaṃ, tato omissako mahāvanasaṇḍo, tato veḷuvanaṃ, ayamassa tasmiṃ kāle sampatti. Saṃyuttaṭṭhakathāyaṃ pana idāni pavattamānasampattiyeva kathitā.
взл̣уванам̣ бана баригкибид̇ваа сад̇д̇а баб̣б̣ад̇аа тид̇аа. д̇зсам̣ б̣аахиранд̇ад̇о бадтааяа батамо жуул̣агаал̣абаб̣б̣ад̇о наама, д̣̇уд̇ияо махаагаал̣абаб̣б̣ад̇о наама, д̇ад̇о уд̣̇агабаб̣б̣ад̇о наама, д̇ад̇о жанд̣̇имабассабаб̣б̣ад̇о наама, д̇ад̇о суурияабассабаб̣б̣ад̇о наама, д̇ад̇о ман̣ибассабаб̣б̣ад̇о наама, сад̇д̇амо суван̣н̣абассабаб̣б̣ад̇о наама. со уб̣б̣зд̇хад̇о сад̇д̇аяож̇аниго чад̣̇д̣̇анд̇ад̣̇ахам̣ баригкибид̇ваа бад̇д̇асса мукавадди вияа тид̇о. д̇асса аб̣бханд̇аримам̣ бассам̣ суван̣н̣аван̣н̣ам̣, д̇ад̇о нигканд̇зна обхаасзна чад̣̇д̣̇анд̇ад̣̇ахо самуг̇г̇ад̇аб̣ааласуурияо вияа ход̇и. б̣аахирабаб̣б̣ад̇зсу бана зго уб̣б̣зд̇хад̇о чаяож̇аниго, зго бан̃жа, зго жад̇д̇аари, зго д̇ийн̣и, зго д̣̇вз, зго яож̇аниго, звам̣ сад̇д̇абаб̣б̣ад̇абаригкид̇д̇асса бана д̇асса д̣̇ахасса буб̣б̣уд̇д̇араган̣н̣з уд̣̇агаваад̇аббахаран̣огаасз махааниг̇род̇харугко ад̇т̇и. д̇асса канд̇хо баригкзбад̇о бан̃жаяож̇аниго, уб̣б̣зд̇хад̇о сад̇д̇аяож̇аниго, жад̇уусу д̣̇исаасу жад̇ассо саакаа чаяож̇анигаа, уд̣̇д̇хам̣ уг̇г̇ад̇асаакааби чаяож̇анигаава, ид̇и со муулад̇о бадтааяа уб̣б̣зд̇хзна д̇зрасаяож̇аниго, саакаанам̣ ориманд̇ад̇о яаава баариманд̇аа д̣̇ваад̣̇асаяож̇аниго, адтахи баарохасахассзхи бадиман̣д̣ид̇о мун̣д̣аман̣ибаб̣б̣ад̇о вияа вилаасамаано д̇идтад̇и. чад̣̇д̣̇анд̇ад̣̇ахасса бана бажчимад̣̇исаабхааг̇з суван̣н̣абассабаб̣б̣ад̇з д̣̇ваад̣̇асаяож̇анигаа ган̃жанаг̇ухаа д̇идтад̇и. чад̣̇д̣̇анд̇о наама нааг̇арааж̇аа вассаарад̇д̇з хзманд̇з адтасахассанааг̇абаривуд̇о ган̃жанаг̇ухааяам̣ васад̇и. г̇имхагаалз уд̣̇агаваад̇ам̣ самбадижчамаано махааниг̇род̇хамуулз баароханд̇арз д̇идтад̇ий.
Veḷuvanaṃ pana parikkhipitvā satta pabbatā ṭhitā. Tesaṃ bāhirantato paṭṭhāya paṭhamo cūḷakāḷapabbato nāma, dutiyo mahākāḷapabbato nāma, tato udakapabbato nāma, tato candimapassapabbato nāma, tato sūriyapassapabbato nāma, tato maṇipassapabbato nāma, sattamo suvaṇṇapassapabbato nāma. So ubbedhato sattayojaniko chaddantadahaṃ parikkhipitvā pattassa mukhavaṭṭi viya ṭhito. Tassa abbhantarimaṃ passaṃ suvaṇṇavaṇṇaṃ, tato nikkhantena obhāsena chaddantadaho samuggatabālasūriyo viya hoti. Bāhirapabbatesu pana eko ubbedhato chayojaniko, eko pañca, eko cattāri, eko tīṇi, eko dve, eko yojaniko, evaṃ sattapabbataparikkhittassa pana tassa dahassa pubbuttarakaṇṇe udakavātappaharaṇokāse mahānigrodharukkho atthi. Tassa khandho parikkhepato pañcayojaniko, ubbedhato sattayojaniko, catūsu disāsu catasso sākhā chayojanikā, uddhaṃ uggatasākhāpi chayojanikāva, iti so mūlato paṭṭhāya ubbedhena terasayojaniko, sākhānaṃ orimantato yāva pārimantā dvādasayojaniko, aṭṭhahi pārohasahassehi paṭimaṇḍito muṇḍamaṇipabbato viya vilāsamāno tiṭṭhati. Chaddantadahassa pana pacchimadisābhāge suvaṇṇapassapabbate dvādasayojanikā kañcanaguhā tiṭṭhati. Chaddanto nāma nāgarājā vassāratte hemante aṭṭhasahassanāgaparivuto kañcanaguhāyaṃ vasati. Gimhakāle udakavātaṃ sampaṭicchamāno mahānigrodhamūle pārohantare tiṭṭhatī.
ат̇асса згад̣̇ивасам̣ ‘‘махаасаалаванам̣ бубпид̇а’’нд̇и д̇арун̣анааг̇аа ааг̇анд̇ваа аарожаяим̣су. со сабаривааро ‘‘саалагийл̣ам̣ гийл̣иссаамий’’д̇и саалаванам̣ г̇анд̇ваа згам̣ субубпид̇ам̣ сааларугкам̣ гумбхзна бахари. д̇ад̣̇аа жуул̣асубхад̣̇д̣̇аа бадиваад̇абассз тид̇аа, д̇ассаа сарийрз сугкад̣̇ан̣д̣агамиссагаани бураан̣абан̣н̣аани жзва д̇амб̣агибиллигаани жа бад̇им̣су. махаасубхад̣̇д̣̇аа ад̇ховаад̇абассз тид̇аа, д̇ассаа сарийрз бубпарзн̣угин̃ж̇агкабад̇д̇аани бад̇им̣су. жуул̣асубхад̣̇д̣̇аа ‘‘аяам̣ нааг̇арааж̇аа ад̇д̇ано бияабхарияааяа убари бубпарзн̣угин̃ж̇агкабад̇д̇аани баад̇зси, мама сарийрз сугкад̣̇ан̣д̣агамиссаани бураан̣абан̣н̣аани жзва д̇амб̣агибиллигаани жа баад̇зси, ход̇у, гаад̇аб̣б̣ам̣ ж̇ааниссаамий’’д̇и махаасад̇д̇з взрам̣ б̣анд̇хи.
Athassa ekadivasaṃ ‘‘mahāsālavanaṃ pupphita’’nti taruṇanāgā āgantvā ārocayiṃsu. So saparivāro ‘‘sālakīḷaṃ kīḷissāmī’’ti sālavanaṃ gantvā ekaṃ supupphitaṃ sālarukkhaṃ kumbhena pahari. Tadā cūḷasubhaddā paṭivātapasse ṭhitā, tassā sarīre sukkhadaṇḍakamissakāni purāṇapaṇṇāni ceva tambakipillikāni ca patiṃsu. Mahāsubhaddā adhovātapasse ṭhitā, tassā sarīre pupphareṇukiñjakkhapattāni patiṃsu. Cūḷasubhaddā ‘‘ayaṃ nāgarājā attano piyabhariyāya upari pupphareṇukiñjakkhapattāni pātesi, mama sarīre sukkhadaṇḍakamissāni purāṇapaṇṇāni ceva tambakipillikāni ca pātesi, hotu, kātabbaṃ jānissāmī’’ti mahāsatte veraṃ bandhi.
абарамби д̣̇ивасам̣ нааг̇арааж̇аа сабаривааро нхаанад̇т̇ааяа чад̣̇д̣̇анд̇ад̣̇ахам̣ од̇ари. ат̇а д̣̇вз д̇арун̣анааг̇аа сон̣д̣аахи усирагалаабз г̇ахзд̇ваа гзлаасагуудам̣ маж̇ж̇анд̇аа вияа нхаабзсум̣. д̇асмим̣ нхад̇ваа уд̇д̇ин̣н̣з д̣̇вз гарзн̣уяо нхаабзсум̣. д̇ааби уд̇д̇арид̇ваа махаасад̇д̇асса санд̇игз адтам̣су. д̇ад̇о адтасахассанааг̇аасарам̣ од̇арид̇ваа уд̣̇агагийл̣ам̣ гийл̣ид̇ваа сарад̇о наанаабубпаани аахарид̇ваа раж̇ад̇ат̇уубам̣ алан̇гаронд̇аа вияа махаасад̇д̇ам̣ алан̇гарид̇ваа бажчаа д̣̇вз гарзн̣уяо алан̇гарим̣су. ат̇зго хад̇т̇ий сарз вижаранд̇о сад̇д̇уд̣̇д̣̇аяам̣ наама махаабад̣̇умам̣ лабхид̇ваа аахарид̇ваа махаасад̇д̇асса ад̣̇ааси. со д̇ам̣ сон̣д̣ааяа г̇ахзд̇ваа рзн̣ум̣ гумбхз огирид̇ваа ж̇здтагааяа махаасубхад̣̇д̣̇ааяа ад̣̇ааси. д̇ам̣ д̣̇исваа ид̇араа ‘‘ид̣̇амби сад̇д̇уд̣̇д̣̇аяам̣ махаабад̣̇умам̣ ад̇д̇ано бияабхарияааяа зва ад̣̇ааси, на маяха’’нд̇и бунаби д̇асмим̣ взрам̣ б̣анд̇хи.
Aparampi divasaṃ nāgarājā saparivāro nhānatthāya chaddantadahaṃ otari. Atha dve taruṇanāgā soṇḍāhi usirakalāpe gahetvā kelāsakūṭaṃ majjantā viya nhāpesuṃ. Tasmiṃ nhatvā uttiṇṇe dve kareṇuyo nhāpesuṃ. Tāpi uttaritvā mahāsattassa santike aṭṭhaṃsu. Tato aṭṭhasahassanāgāsaraṃ otaritvā udakakīḷaṃ kīḷitvā sarato nānāpupphāni āharitvā rajatathūpaṃ alaṅkarontā viya mahāsattaṃ alaṅkaritvā pacchā dve kareṇuyo alaṅkariṃsu. Atheko hatthī sare vicaranto sattuddayaṃ nāma mahāpadumaṃ labhitvā āharitvā mahāsattassa adāsi. So taṃ soṇḍāya gahetvā reṇuṃ kumbhe okiritvā jeṭṭhakāya mahāsubhaddāya adāsi. Taṃ disvā itarā ‘‘idampi sattuddayaṃ mahāpadumaṃ attano piyabhariyāya eva adāsi, na mayha’’nti punapi tasmiṃ veraṃ bandhi.
ат̇згад̣̇ивасам̣ б̣од̇хисад̇д̇з мад̇хурапалаани жзва бхисамул̣аалаани жа богкарамад̇хунаа яож̇зд̇ваа бан̃жасад̇з бажжзгаб̣уд̣̇д̇хз бхож̇знд̇з жуул̣асубхад̣̇д̣̇аа ад̇д̇анаа лад̣̇д̇хапалаапалам̣ бажжзгаб̣уд̣̇д̇хаанам̣ д̣̇ад̇ваа ‘‘бханд̇з, ид̇о жавид̇ваа мад̣̇д̣̇арааж̇агулз ниб̣б̣ад̇д̇ид̇ваа субхад̣̇д̣̇аа наама рааж̇аган̃н̃аа худ̇ваа ваяаббад̇д̇аа б̣аараан̣асиран̃н̃о аг̇г̇амахзсибхаавам̣ бад̇ваа д̇асса бияаа манаабаа д̇ам̣ ад̇д̇ано ружим̣ гаарзд̇ум̣ самад̇т̇аа худ̇ваа д̇асса аажигкид̇ваа згам̣ луд̣̇д̣̇агам̣ бзсзд̇ваа имам̣ хад̇т̇им̣ висабийд̇зна саллзна виж̇жхаабзд̇ваа ж̇ийвид̇агкаяам̣ баабзд̇ваа чаб̣б̣ан̣н̣арам̣сим̣ виссаж̇ж̇знд̇з яамагад̣̇анд̇з аахараабзд̇ум̣ самад̇т̇аа хомий’’д̇и бад̇т̇анам̣ табзси. саа д̇ад̇о бадтааяа г̇ожарам̣ аг̇г̇ахзд̇ваа суссид̇ваа нажирассзва гаалам̣ гад̇ваа мад̣̇д̣̇арадтз рааж̇ааг̇г̇амахзсияаа гужчимхи ниб̣б̣ад̇д̇и, субхад̣̇д̣̇аад̇иссаа наамам̣ гарим̣су. ат̇а нам̣ ваяаббад̇д̇ам̣ б̣аараан̣асиран̃н̃о ад̣̇ам̣су. саа д̇асса бияаа ахоси манаабаа, сол̣асаннам̣ ид̇т̇исахассаанам̣ ж̇здтигаа худ̇ваа ж̇аад̇иссаран̃аан̣ан̃жа бадилабхи. саа жинд̇зси – ‘‘самид̣̇д̇хаа мз бад̇т̇анаа, ид̣̇аани д̇асса нааг̇асса яамагад̣̇анд̇з аахараабзссаамий’’д̇и. д̇ад̇о сарийрам̣ д̇злзна магкзд̇ваа гилидтавад̇т̇ам̣ ниваасзд̇ваа г̇илаанаагаарам̣ д̣̇ассзд̇ваа сириг̇аб̣бхам̣ бависид̇ваа ман̃жагз нибаж̇ж̇и. рааж̇аа ‘‘гухим̣ субхад̣̇д̣̇аа’’д̇и вад̇ваа ‘‘г̇илаанаа’’д̇и суд̇ваа сириг̇аб̣бхам̣ бависид̇ваа ман̃жагз нисийд̣̇ид̇ваа д̇ассаа бидтим̣ баримаж̇ж̇анд̇о батамам̣ г̇аат̇амааха –
Athekadivasaṃ bodhisatte madhuraphalāni ceva bhisamuḷālāni ca pokkharamadhunā yojetvā pañcasate paccekabuddhe bhojente cūḷasubhaddā attanā laddhaphalāphalaṃ paccekabuddhānaṃ datvā ‘‘bhante, ito cavitvā maddarājakule nibbattitvā subhaddā nāma rājakaññā hutvā vayappattā bārāṇasirañño aggamahesibhāvaṃ patvā tassa piyā manāpā taṃ attano ruciṃ kāretuṃ samatthā hutvā tassa ācikkhitvā ekaṃ luddakaṃ pesetvā imaṃ hatthiṃ visapītena sallena vijjhāpetvā jīvitakkhayaṃ pāpetvā chabbaṇṇaraṃsiṃ vissajjente yamakadante āharāpetuṃ samatthā homī’’ti patthanaṃ ṭhapesi. Sā tato paṭṭhāya gocaraṃ aggahetvā sussitvā nacirasseva kālaṃ katvā maddaraṭṭhe rājaaggamahesiyā kucchimhi nibbatti, subhaddātissā nāmaṃ kariṃsu. Atha naṃ vayappattaṃ bārāṇasirañño adaṃsu. Sā tassa piyā ahosi manāpā, soḷasannaṃ itthisahassānaṃ jeṭṭhikā hutvā jātissarañāṇañca paṭilabhi. Sā cintesi – ‘‘samiddhā me patthanā, idāni tassa nāgassa yamakadante āharāpessāmī’’ti. Tato sarīraṃ telena makkhetvā kiliṭṭhavatthaṃ nivāsetvā gilānākāraṃ dassetvā sirigabbhaṃ pavisitvā mañcake nipajji. Rājā ‘‘kuhiṃ subhaddā’’ti vatvā ‘‘gilānā’’ti sutvā sirigabbhaṃ pavisitvā mañcake nisīditvā tassā piṭṭhiṃ parimajjanto paṭhamaṃ gāthamāha –
97.
97.
‘‘гим̣ ну сожасинужжан̇г̇и, бан̣д̣ууси вараван̣н̣ини;
‘‘Kiṃ nu socasinuccaṅgi, paṇḍūsi varavaṇṇini;
милааяаси висаалагки, маалаава баримад̣̇д̣̇ид̇аа’’д̇и.
Milāyasi visālakkhi, mālāva parimadditā’’ti.
д̇ад̇т̇а анужжан̇г̇ийд̇и ган̃жанасаннибхасарийрз. маалаава баримад̣̇д̣̇ид̇аад̇и хад̇т̇зхи баримад̣̇д̣̇ид̇аа бад̣̇умамаалаа вияа.
Tattha anuccaṅgīti kañcanasannibhasarīre. Mālāva parimadditāti hatthehi parimadditā padumamālā viya.
д̇ам̣ суд̇ваа саа ид̇арам̣ г̇аат̇амааха –
Taṃ sutvā sā itaraṃ gāthamāha –
98.
98.
‘‘д̣̇охал̣о мз махаарааж̇а, субинанд̇знубаж̇жхаг̇аа;
‘‘Dohaḷo me mahārāja, supinantenupajjhagā;
на со сулабхаруубова, яаад̣̇исо мама д̣̇охал̣о’’д̇и.
Na so sulabharūpova, yādiso mama dohaḷo’’ti.
д̇ад̇т̇а на сод̇и яаад̣̇исо мама субинанд̇знубаж̇жхаг̇аа субинз бассанд̇ияаа маяаа д̣̇идто д̣̇охал̣о, со сулабхаруубо вияа на ход̇и, д̣̇уллабхо со, маяхам̣ бана д̇ам̣ алабханд̇ияаа ж̇ийвид̇ам̣ над̇т̇ийд̇и аважа.
Tattha na soti yādiso mama supinantenupajjhagā supine passantiyā mayā diṭṭho dohaḷo, so sulabharūpo viya na hoti, dullabho so, mayhaṃ pana taṃ alabhantiyā jīvitaṃ natthīti avaca.
д̇ам̣ суд̇ваа рааж̇аа г̇аат̇амааха –
Taṃ sutvā rājā gāthamāha –
99.
99.
‘‘яз гзжи маанусаа гаамаа, ид̇ха логамхи нанд̣̇анз;
‘‘Ye keci mānusā kāmā, idha lokamhi nandane;
саб̣б̣з д̇з бажураа маяхам̣, ахам̣ д̇з д̣̇амми д̣̇охал̣а’’нд̇и.
Sabbe te pacurā mayhaṃ, ahaṃ te dammi dohaḷa’’nti.
д̇ад̇т̇а бажураад̇и б̣ахуу сулабхаа.
Tattha pacurāti bahū sulabhā.
д̇ам̣ суд̇ваа д̣̇звий, ‘‘махаарааж̇а, д̣̇уллабхо мама д̣̇охал̣о, на д̇ам̣ ид̣̇аани гат̇зми, яаавад̇д̇агаа бана д̇з виж̇ид̇з луд̣̇д̣̇аа, д̇з саб̣б̣з саннибаад̇зт̇а , д̇зсам̣ маж̇жхз гат̇зссаамий’’д̇и д̣̇ийбзнд̇ий ананд̇арам̣ г̇аат̇амааха –
Taṃ sutvā devī, ‘‘mahārāja, dullabho mama dohaḷo, na taṃ idāni kathemi, yāvattakā pana te vijite luddā, te sabbe sannipātetha , tesaṃ majjhe kathessāmī’’ti dīpentī anantaraṃ gāthamāha –
100.
100.
‘‘луд̣̇д̣̇аа д̣̇зва самааяанд̇у, яз гзжи виж̇ид̇з д̇ава;
‘‘Luddā deva samāyantu, ye keci vijite tava;
зд̇зсам̣ ахамагкиссам̣, яаад̣̇исо мама д̣̇охал̣о’’д̇и.
Etesaṃ ahamakkhissaṃ, yādiso mama dohaḷo’’ti.
рааж̇аа ‘‘саад̇хуу’’д̇и сириг̇аб̣бхаа нигкамид̇ваа ‘‘яаавад̇игаа д̇ияож̇анасад̇игз гаасигарадтз луд̣̇д̣̇аа, д̇зсам̣ саннибаад̇ад̇т̇ааяа бхзрим̣ жараабзт̇аа’’д̇и амажжз аан̣аабзси. д̇з д̇ат̇аа агам̣су. нажирассзва гаасирадтаваасино луд̣̇д̣̇аа яат̇ааб̣алам̣ бан̣н̣аагаарам̣ г̇ахзд̇ваа ааг̇анд̇ваа ааг̇ад̇абхаавам̣ ран̃н̃о аарожаабзсум̣ . д̇з саб̣б̣зби садтисахассамад̇д̇аа ахзсум̣. рааж̇аа д̇зсам̣ ааг̇ад̇абхаавам̣ н̃ад̇ваа ваад̇абаанз тид̇о хад̇т̇ам̣ басаарзд̇ваа д̇зсам̣ ааг̇ад̇абхаавам̣ д̣̇звияаа гат̇знд̇о ааха –
Rājā ‘‘sādhū’’ti sirigabbhā nikkhamitvā ‘‘yāvatikā tiyojanasatike kāsikaraṭṭhe luddā, tesaṃ sannipātatthāya bheriṃ carāpethā’’ti amacce āṇāpesi. Te tathā akaṃsu. Nacirasseva kāsiraṭṭhavāsino luddā yathābalaṃ paṇṇākāraṃ gahetvā āgantvā āgatabhāvaṃ rañño ārocāpesuṃ . Te sabbepi saṭṭhisahassamattā ahesuṃ. Rājā tesaṃ āgatabhāvaṃ ñatvā vātapāne ṭhito hatthaṃ pasāretvā tesaṃ āgatabhāvaṃ deviyā kathento āha –
101.
101.
‘‘имз д̇з луд̣̇д̣̇агаа д̣̇зви, гад̇ахад̇т̇аа висаарад̣̇аа;
‘‘Ime te luddakā devi, katahatthā visāradā;
ванан̃н̃уу жа миг̇ан̃н̃уу жа, мамад̇т̇з жад̇д̇аж̇ийвид̇аа’’д̇и.
Vanaññū ca migaññū ca, mamatthe cattajīvitā’’ti.
д̇ад̇т̇а имз д̇зд̇и яз д̇вам̣ саннибаад̇аабзси, имз д̇з. гад̇ахад̇т̇аад̇и виж̇жханачзд̣̇анзсу гад̇ахад̇т̇аа гусалаа сусигкид̇аа. висаарад̣̇аад̇и ниб̣бхаяаа. ванан̃н̃уу жа миг̇ан̃н̃уу жаад̇и ванаани жа миг̇з жа ж̇аананд̇и. мамад̇т̇зд̇и саб̣б̣зби жзд̇з мамад̇т̇з жад̇д̇аж̇ийвид̇аа, яамахам̣ ижчаами, д̇ам̣ гаронд̇ийд̇и.
Tattha ime teti ye tvaṃ sannipātāpesi, ime te. Katahatthāti vijjhanachedanesu katahatthā kusalā susikkhitā. Visāradāti nibbhayā. Vanaññū ca migaññū cāti vanāni ca mige ca jānanti. Mamattheti sabbepi cete mamatthe cattajīvitā, yamahaṃ icchāmi, taṃ karontīti.
д̇ам̣ суд̇ваа д̣̇звий д̇з ааманд̇зд̇ваа ид̇арам̣ г̇аат̇амааха –
Taṃ sutvā devī te āmantetvā itaraṃ gāthamāha –
102.
102.
‘‘луд̣̇д̣̇абуд̇д̇аа нисаамзт̇а, яааванд̇зд̇т̇а самааг̇ад̇аа;
‘‘Luddaputtā nisāmetha, yāvantettha samāgatā;
чаб̣б̣исаан̣ам̣ г̇аж̇ам̣ сзд̇ам̣, ад̣̇д̣̇асам̣ субинз ахам̣;
Chabbisāṇaṃ gajaṃ setaṃ, addasaṃ supine ahaṃ;
д̇асса д̣̇анд̇зхи мз ад̇т̇о, алаабхз над̇т̇и ж̇ийвид̇а’’нд̇и.
Tassa dantehi me attho, alābhe natthi jīvita’’nti.
д̇ад̇т̇а нисаамзт̇аад̇и сун̣аат̇а. чаб̣б̣исаан̣анд̇и чаб̣б̣ан̣н̣ависаан̣ам̣.
Tattha nisāmethāti suṇātha. Chabbisāṇanti chabbaṇṇavisāṇaṃ.
д̇ам̣ суд̇ваа луд̣̇д̣̇абуд̇д̇аа аахам̣су –
Taṃ sutvā luddaputtā āhaṃsu –
103.
103.
‘‘на но бид̇уунам̣ на бид̇аамахаанам̣, д̣̇идто суд̇о гун̃ж̇аро чаб̣б̣исаан̣о;
‘‘Na no pitūnaṃ na pitāmahānaṃ, diṭṭho suto kuñjaro chabbisāṇo;
яамад̣̇д̣̇асаа субинз рааж̇абуд̇д̇ий, агкаахи но яаад̣̇исо хад̇т̇инааг̇о’’д̇и.
Yamaddasā supine rājaputtī, akkhāhi no yādiso hatthināgo’’ti.
д̇ад̇т̇а бид̇уунанд̇и гаран̣ад̇т̇з саамиважанам̣. ид̣̇ам̣ вуд̇д̇ам̣ ход̇и – д̣̇зви нзва амхаагам̣ бид̇уухи, на бид̇аамахзхи зваруубо гун̃ж̇аро д̣̇идтабуб̣б̣о, баг̇зва амхзхи, д̇асмаа ад̇д̇анаа д̣̇идталагкан̣авасзна агкаахи но, яаад̣̇исо д̇аяаа д̣̇идто хад̇т̇инааг̇од̇и.
Tattha pitūnanti karaṇatthe sāmivacanaṃ. Idaṃ vuttaṃ hoti – devi neva amhākaṃ pitūhi, na pitāmahehi evarūpo kuñjaro diṭṭhapubbo, pageva amhehi, tasmā attanā diṭṭhalakkhaṇavasena akkhāhi no, yādiso tayā diṭṭho hatthināgoti.
ананд̇араг̇аат̇ааби д̇зхзва вуд̇д̇аа –
Anantaragāthāpi teheva vuttā –
104.
104.
‘‘д̣̇исаа жад̇ассо вид̣̇исаа жад̇ассо, уд̣̇д̇хам̣ ад̇хо д̣̇аса д̣̇исаа имааяо;
‘‘Disā catasso vidisā catasso, uddhaṃ adho dasa disā imāyo;
гад̇амам̣ д̣̇исам̣ д̇идтад̇и нааг̇арааж̇аа, яамад̣̇д̣̇асаа субинз чаб̣б̣исаан̣а’’нд̇и.
Katamaṃ disaṃ tiṭṭhati nāgarājā, yamaddasā supine chabbisāṇa’’nti.
д̇ад̇т̇а д̣̇исаад̇и д̣̇исаасу. гад̇аманд̇и зд̇аасу д̣̇исаасу гад̇амааяа д̣̇исааяаад̇и.
Tattha disāti disāsu. Katamanti etāsu disāsu katamāya disāyāti.
звам̣ вуд̇д̇з субхад̣̇д̣̇аа саб̣б̣з луд̣̇д̣̇з ологзд̇ваа д̇зсам̣ анд̇арз бад̇т̇адабаад̣̇ам̣ бхад̇д̇абудасад̣̇исаж̇ан̇гхам̣ махааж̇аан̣угам̣ махаапаасугам̣ б̣ахаламассуд̇амб̣ад̣̇аатигам̣ ниб̣б̣ид̣̇д̇хабин̇г̇алам̣ д̣̇уссан̣таанам̣ б̣ийбхажчам̣ саб̣б̣зсам̣ мад̇т̇агамад̇т̇агзна бан̃н̃ааяамаанам̣ махаасад̇д̇асса буб̣б̣авзрим̣ сонуд̇д̇арам̣ наама нзсаад̣̇ам̣ д̣̇исваа ‘‘зса мама важанам̣ гаад̇ум̣ сагкиссад̇ий’’д̇и рааж̇аанам̣ ануж̇аанаабзд̇ваа д̇ам̣ аад̣̇ааяа сад̇д̇абхуумигабаасаад̣̇асса убаримад̇алам̣ ааруяха уд̇д̇арасийхабан̃ж̇арам̣ виварид̇ваа уд̇д̇арахимаванд̇аабхимукам̣ хад̇т̇ам̣ басаарзд̇ваа жад̇ассо г̇аат̇аа абхааси –
Evaṃ vutte subhaddā sabbe ludde oloketvā tesaṃ antare patthaṭapādaṃ bhattapuṭasadisajaṅghaṃ mahājāṇukaṃ mahāphāsukaṃ bahalamassutambadāṭhikaṃ nibbiddhapiṅgalaṃ dussaṇṭhānaṃ bībhacchaṃ sabbesaṃ matthakamatthakena paññāyamānaṃ mahāsattassa pubbaveriṃ sonuttaraṃ nāma nesādaṃ disvā ‘‘esa mama vacanaṃ kātuṃ sakkhissatī’’ti rājānaṃ anujānāpetvā taṃ ādāya sattabhūmikapāsādassa uparimatalaṃ āruyha uttarasīhapañjaraṃ vivaritvā uttarahimavantābhimukhaṃ hatthaṃ pasāretvā catasso gāthā abhāsi –
105.
105.
‘‘ид̇о уж̇ум̣ уд̇д̇арияам̣ д̣̇исааяам̣, ад̇иггамма со сад̇д̇а г̇ирий б̣рахманд̇з;
‘‘Ito ujuṃ uttariyaṃ disāyaṃ, atikkamma so satta girī brahmante;
суван̣н̣абассо наама г̇ирий ул̣ааро, субубпид̇о гимбурисаанужин̣н̣о.
Suvaṇṇapasso nāma girī uḷāro, supupphito kimpurisānuciṇṇo.
106.
106.
‘‘ааруяха сзлам̣ бхаванам̣ гиннараанам̣, ологаяа баб̣б̣ад̇абаад̣̇амуулам̣;
‘‘Āruyha selaṃ bhavanaṃ kinnarānaṃ, olokaya pabbatapādamūlaṃ;
ат̇а д̣̇агкасий мзгхасамаанаван̣н̣ам̣, ниг̇род̇харааж̇ам̣ адтасахассабаад̣̇ам̣.
Atha dakkhasī meghasamānavaṇṇaṃ, nigrodharājaṃ aṭṭhasahassapādaṃ.
107.
107.
‘‘д̇ад̇т̇ажчад̇ий гун̃ж̇аро чаб̣б̣исаан̣о, саб̣б̣асзд̇о д̣̇уббасахо барзбхи;
‘‘Tatthacchatī kuñjaro chabbisāṇo, sabbaseto duppasaho parebhi;
рагканд̇и нам̣ адтасахассанааг̇аа, ийсаад̣̇анд̇аа ваад̇аж̇аваббахаарино.
Rakkhanti naṃ aṭṭhasahassanāgā, īsādantā vātajavappahārino.
108.
108.
‘‘д̇идтанд̇и д̇з д̇умуулам̣ бассасанд̇аа, губбанд̇и ваад̇ассаби зрид̇асса;
‘‘Tiṭṭhanti te tumūlaṃ passasantā, kuppanti vātassapi eritassa;
мануссабхууд̇ам̣ бана д̇ад̇т̇а д̣̇исваа, бхасмам̣ гарзяяум̣ наасса раж̇оби д̇ассаа’’д̇и.
Manussabhūtaṃ pana tattha disvā, bhasmaṃ kareyyuṃ nāssa rajopi tassā’’ti.
д̇ад̇т̇а ид̇од̇и имамхаа таанаа. уд̇д̇арияанд̇и уд̇д̇арааяа. ул̣аарод̇и махаа ид̇арзхи чахи баб̣б̣ад̇зхи ужжад̇аро. ологаяаад̇и аалогзяяааси. д̇ад̇т̇ажчад̇ийд̇и д̇асмим̣ ниг̇род̇хамуулз г̇имхасамаяз уд̣̇агаваад̇ам̣ самбадижчанд̇о д̇идтад̇и. д̣̇уббасаход̇и ан̃н̃з д̇ам̣ убаг̇анд̇ваа басаяхагаарам̣ гаад̇ум̣ самад̇т̇аа наама над̇т̇ийд̇и д̣̇уббасахо барзбхи. ийсаад̣̇анд̇аад̇и рат̇ийсааяа самаанад̣̇анд̇аа. ваад̇аж̇аваббахааринод̇и ваад̇аж̇авзна г̇анд̇ваа бажжаамид̇д̇з бахаран̣асийлаа зваруубаа адтасахассанааг̇аа нааг̇арааж̇аанам̣ рагканд̇и. д̇умууланд̇и бхим̣санагам̣ махаасад̣̇д̣̇аануб̣анд̇хам̣ ассаасам̣ мун̃жанд̇аа д̇идтанд̇и. зрид̇ассаад̇и ваад̇абахарид̇асса яам̣ сад̣̇д̣̇аануб̣анд̇хам̣ зрид̇ам̣ жаланам̣ гамбанам̣, д̇ассаби губбанд̇и, звам̣парусаа д̇з нааг̇аа. наассаад̇и д̇асса наасаваад̇зна вид̣̇д̇хам̣сзд̇ваа бхасмам̣ гад̇асса д̇асса раж̇оби на бхавзяяаад̇и.
Tattha itoti imamhā ṭhānā. Uttariyanti uttarāya. Uḷāroti mahā itarehi chahi pabbatehi uccataro. Olokayāti ālokeyyāsi. Tatthacchatīti tasmiṃ nigrodhamūle gimhasamaye udakavātaṃ sampaṭicchanto tiṭṭhati. Duppasahoti aññe taṃ upagantvā pasayhakāraṃ kātuṃ samatthā nāma natthīti duppasaho parebhi. Īsādantāti rathīsāya samānadantā. Vātajavappahārinoti vātajavena gantvā paccāmitte paharaṇasīlā evarūpā aṭṭhasahassanāgā nāgarājānaṃ rakkhanti. Tumūlanti bhiṃsanakaṃ mahāsaddānubandhaṃ assāsaṃ muñcantā tiṭṭhanti. Eritassāti vātapaharitassa yaṃ saddānubandhaṃ eritaṃ calanaṃ kampanaṃ, tassapi kuppanti, evaṃpharusā te nāgā. Nāssāti tassa nāsavātena viddhaṃsetvā bhasmaṃ katassa tassa rajopi na bhaveyyāti.
д̇ам̣ суд̇ваа сонуд̇д̇аро маран̣абхаяабхийд̇о ааха –
Taṃ sutvā sonuttaro maraṇabhayabhīto āha –
109.
109.
‘‘б̣ахуу химз рааж̇агуламхи санд̇и, бил̣анд̇ханаа ж̇аад̇аруубасса д̣̇зви;
‘‘Bahū hime rājakulamhi santi, piḷandhanā jātarūpassa devi;
муд̇д̇аа ман̣ий взл̣урияаамаяаа жа, гим̣ гаахаси д̣̇анд̇абил̣анд̇ханзна;
Muttā maṇī veḷuriyāmayā ca, kiṃ kāhasi dantapiḷandhanena;
маарзд̇угаамаа гун̃ж̇арам̣ чаб̣б̣исаан̣ам̣, уд̣̇ааху гхаад̇зссаси луд̣̇д̣̇абуд̇д̇з’’д̇и.
Māretukāmā kuñjaraṃ chabbisāṇaṃ, udāhu ghātessasi luddaputte’’ti.
д̇ад̇т̇а бил̣анд̇ханаад̇и аабхаран̣аани. взл̣урияаамаяаад̇и взл̣урияамаяаани. гхаад̇зссасийд̇и уд̣̇ааху бил̣анд̇ханаабад̣̇зсзна луд̣̇д̣̇абуд̇д̇з гхаад̇аабзд̇угаамаасийд̇и бужчад̇и.
Tattha piḷandhanāti ābharaṇāni. Veḷuriyāmayāti veḷuriyamayāni. Ghātessasīti udāhu piḷandhanāpadesena luddaputte ghātāpetukāmāsīti pucchati.
д̇ад̇о д̣̇звий г̇аат̇амааха –
Tato devī gāthamāha –
110.
110.
‘‘саа иссид̇аа д̣̇угкид̇аа жасми луд̣̇д̣̇а, уд̣̇д̇хан̃жа суссаами ануссаранд̇ий;
‘‘Sā issitā dukkhitā casmi ludda, uddhañca sussāmi anussarantī;
гарохи мз луд̣̇д̣̇ага зд̇амад̇т̇ам̣, д̣̇ассаами д̇з г̇аамавараани бан̃жаа’’д̇и.
Karohi me luddaka etamatthaṃ, dassāmi te gāmavarāni pañcā’’ti.
д̇ад̇т̇а саад̇и саа ахам̣. ануссаранд̇ийд̇и д̇зна вааран̣зна бурз маяи гад̇ам̣ взрам̣ ануссарамаанаа. д̣̇ассаами д̇зд̇и зд̇асмим̣ д̇з ад̇т̇з нибпаад̣̇ид̇з сам̣важчарз сад̇асахассудтаанагз бан̃жа г̇аамаварз д̣̇ад̣̇аамийд̇и.
Tattha sāti sā ahaṃ. Anussarantīti tena vāraṇena pure mayi kataṃ veraṃ anussaramānā. Dassāmi teti etasmiṃ te atthe nipphādite saṃvacchare satasahassuṭṭhānake pañca gāmavare dadāmīti.
зван̃жа бана вад̇ваа ‘‘самма луд̣̇д̣̇абуд̇д̇а ахам̣ ‘зд̇ам̣ чад̣̇д̣̇анд̇ахад̇т̇им̣ маараабзд̇ваа яамагад̣̇анд̇з аахараабзд̇ум̣ самад̇т̇аа хомий’д̇и буб̣б̣з бажжзгаб̣уд̣̇д̇хаанам̣ д̣̇аанам̣ д̣̇ад̇ваа бад̇т̇анам̣ бадтабзсим̣, маяаа субинанд̇зна д̣̇идтам̣ наама над̇т̇и, саа бана маяаа бад̇т̇ид̇абад̇т̇анаа самиж̇жхиссад̇и, д̇вам̣ г̇ажчанд̇о маа бхааяий’’д̇и д̇ам̣ самассаасзд̇ваа бзсзси. со ‘‘саад̇ху, аяяз’’д̇и д̇ассаа важанам̣ самбадижчид̇ваа ‘‘д̇зна хи мз баагадам̣ гад̇ваа д̇асса васанадтаанам̣ гат̇зхий’’д̇и бужчанд̇о имам̣ г̇аат̇амааха –
Evañca pana vatvā ‘‘samma luddaputta ahaṃ ‘etaṃ chaddantahatthiṃ mārāpetvā yamakadante āharāpetuṃ samatthā homī’ti pubbe paccekabuddhānaṃ dānaṃ datvā patthanaṃ paṭṭhapesiṃ, mayā supinantena diṭṭhaṃ nāma natthi, sā pana mayā patthitapatthanā samijjhissati, tvaṃ gacchanto mā bhāyī’’ti taṃ samassāsetvā pesesi. So ‘‘sādhu, ayye’’ti tassā vacanaṃ sampaṭicchitvā ‘‘tena hi me pākaṭaṃ katvā tassa vasanaṭṭhānaṃ kathehī’’ti pucchanto imaṃ gāthamāha –
111.
111.
‘‘гад̇т̇ажчад̇ий гад̇т̇а мубзд̇и таанам̣, вийт̇исса гаа нхаанаг̇ад̇асса ход̇и;
‘‘Katthacchatī kattha mupeti ṭhānaṃ, vīthissa kā nhānagatassa hoti;
гат̇ан̃хи со нхааяад̇и нааг̇арааж̇аа, гат̇ам̣ виж̇аанзму г̇ад̇им̣ г̇аж̇ассаа’’д̇и.
Kathañhi so nhāyati nāgarājā, kathaṃ vijānemu gatiṃ gajassā’’ti.
д̇ад̇т̇а гад̇т̇ажчад̇ийд̇и гад̇т̇а васад̇и. гад̇т̇а мубзд̇ийд̇и гад̇т̇а убзд̇и, гад̇т̇а д̇идтад̇ийд̇и ад̇т̇о. вийт̇исса гаад̇и д̇асса нхаанаг̇ад̇асса гаа вийт̇и ход̇и, гад̇арамаг̇г̇зна со г̇ажчад̇и. гат̇ам̣ виж̇аанзму г̇ад̇инд̇и д̇аяаа агат̇ид̇з маяам̣ гат̇ам̣ д̇асса нааг̇арааж̇асса г̇ад̇им̣ виж̇ааниссаама, д̇асмаа гат̇зхи нод̇и ад̇т̇о.
Tattha katthacchatīti kattha vasati. Kattha mupetīti kattha upeti, kattha tiṭṭhatīti attho. Vīthissa kāti tassa nhānagatassa kā vīthi hoti, kataramaggena so gacchati. Kathaṃ vijānemu gatinti tayā akathite mayaṃ kathaṃ tassa nāgarājassa gatiṃ vijānissāma, tasmā kathehi noti attho.
д̇ад̇о саа ж̇аад̇иссаран̃аан̣зна бажжагкад̇о д̣̇идтадтаанам̣ д̇асса аажигканд̇ий д̣̇вз г̇аат̇аа абхааси –
Tato sā jātissarañāṇena paccakkhato diṭṭhaṭṭhānaṃ tassa ācikkhantī dve gāthā abhāsi –
112.
112.
‘‘д̇ад̇т̇зва саа богкаран̣ий ад̣̇уурз, раммаа суд̇ид̇т̇аа жа маход̣̇игаа жа;
‘‘Tattheva sā pokkharaṇī adūre, rammā sutitthā ca mahodikā ca;
самбубпид̇аа бхамараг̇ан̣аанужин̣н̣аа, зд̇т̇а хи со нхааяад̇и нааг̇арааж̇аа.
Sampupphitā bhamaragaṇānuciṇṇā, ettha hi so nhāyati nāgarājā.
113.
113.
‘‘сийсам̣ нахаад̇уббаламаалабхаарий, саб̣б̣асзд̇о бун̣д̣арийгад̇д̇ажан̇г̇ий;
‘‘Sīsaṃ nahātuppalamālabhārī, sabbaseto puṇḍarīkattacaṅgī;
аамод̣̇амаано г̇ажчад̇и саннигзд̇ам̣, бурагкад̇ваа махзсим̣ саб̣б̣абхад̣̇д̣̇а’’нд̇и.
Āmodamāno gacchati sanniketaṃ, purakkhatvā mahesiṃ sabbabhadda’’nti.
д̇ад̇т̇а д̇ад̇т̇зваад̇и д̇асса васанадтаанзязва. богкаран̣ийд̇и чад̣̇д̣̇анд̇ад̣̇ахам̣ санд̇хааяааха. самбубпид̇аад̇и д̣̇увид̇хзхи гумуд̣̇зхи д̇ивид̇хзхи уббалзхи бан̃жаван̣н̣зхи жа бад̣̇умзхи саманд̇ад̇о бубпид̇аа. зд̇т̇а хи сод̇и со нааг̇арааж̇аа зд̇т̇а чад̣̇д̣̇анд̇ад̣̇ахз нхааяад̇и. уббаламаалабхаарийд̇и уббалаад̣̇ийнам̣ ж̇алаж̇ат̇алаж̇аанам̣ бубпаанам̣ маалам̣ д̇хаарзнд̇о. бун̣д̣арийгад̇д̇ажан̇г̇ийд̇и бун̣д̣арийгасад̣̇исад̇ажзна од̣̇аад̇зна ан̇г̇зна саманнааг̇ад̇о. аамод̣̇амаанод̇и аамод̣̇ид̇абамод̣̇ид̇о. саннигзд̇анд̇и ад̇д̇ано васанадтаанам̣. бурагкад̇ваад̇и саб̣б̣абхад̣̇д̣̇ам̣ наама махзсим̣ бурад̇о гад̇ваа адтахи нааг̇асахассзхи баривуд̇о ад̇д̇ано васанадтаанам̣ г̇ажчад̇ийд̇и.
Tattha tatthevāti tassa vasanaṭṭhāneyeva. Pokkharaṇīti chaddantadahaṃ sandhāyāha. Sampupphitāti duvidhehi kumudehi tividhehi uppalehi pañcavaṇṇehi ca padumehi samantato pupphitā. Ettha hi soti so nāgarājā ettha chaddantadahe nhāyati. Uppalamālabhārīti uppalādīnaṃ jalajathalajānaṃ pupphānaṃ mālaṃ dhārento. Puṇḍarīkattacaṅgīti puṇḍarīkasadisatacena odātena aṅgena samannāgato. Āmodamānoti āmoditapamodito. Sanniketanti attano vasanaṭṭhānaṃ. Purakkhatvāti sabbabhaddaṃ nāma mahesiṃ purato katvā aṭṭhahi nāgasahassehi parivuto attano vasanaṭṭhānaṃ gacchatīti.
д̇ам̣ суд̇ваа сонуд̇д̇аро ‘‘саад̇ху аяяз, ахам̣ д̇ам̣ вааран̣ам̣ маарзд̇ваа д̇асса д̣̇анд̇з аахариссаамий’’д̇и самбадижчи. ат̇асса саа д̇удтаа сахассам̣ д̣̇ад̇ваа ‘‘г̇зхам̣ д̇аава г̇ажча, ид̇о сад̇д̇аахажжаязна д̇ад̇т̇а г̇амиссасий’’д̇и д̇ам̣ уяяож̇зд̇ваа гаммаарз баггосаабзд̇ваа ‘‘д̇аад̇аа амхаагам̣ ваасипарасу-гуд̣̇д̣̇аала-никаад̣̇ана-мудтигавзл̣уг̇умб̣ажчзд̣̇ана-сад̇т̇а-д̇ин̣алааяана-асилохад̣̇ан̣д̣агагажакаан̣уга- аяасин̇гхаадагзхи ад̇т̇о, саб̣б̣ам̣ сийгхам̣ гад̇ваа аахарат̇аа’’д̇и аан̣аабзд̇ваа жаммагаарз баггосаабзд̇ваа ‘‘д̇аад̇аа амхаагам̣ гумбхабхаараг̇аахид̇ам̣ жаммабхасд̇ам̣ гаад̇ум̣ ваддад̇и, жаммаяод̇д̇аварад̇д̇ахад̇т̇ибаад̣̇аубааханажаммачад̇д̇зхиби но ад̇т̇о, саб̣б̣ам̣ сийгхам̣ гад̇ваа аахарат̇аа’’д̇и аан̣аабзси. д̇з убхоби саб̣б̣аани д̇аани сийгхам̣ гад̇ваа аахарид̇ваа ад̣̇ам̣су. саа д̇асса баат̇зяяам̣ сам̣вид̣̇ахид̇ваа аран̣исахид̇ам̣ аад̣̇им̣ гад̇ваа саб̣б̣ам̣ убагаран̣ан̃жа б̣ад̣̇д̇хасад̇д̇умаад̣̇им̣ гад̇ваа баат̇зяяан̃жа жаммабхасд̇ааяам̣ багкиби, д̇ам̣ саб̣б̣амби гумбхабхаарамад̇д̇ам̣ ахоси.
Taṃ sutvā sonuttaro ‘‘sādhu ayye, ahaṃ taṃ vāraṇaṃ māretvā tassa dante āharissāmī’’ti sampaṭicchi. Athassa sā tuṭṭhā sahassaṃ datvā ‘‘gehaṃ tāva gaccha, ito sattāhaccayena tattha gamissasī’’ti taṃ uyyojetvā kammāre pakkosāpetvā ‘‘tātā amhākaṃ vāsipharasu-kuddāla-nikhādana-muṭṭhikaveḷugumbacchedana-sattha-tiṇalāyana-asilohadaṇḍakakacakhāṇuka- ayasiṅghāṭakehi attho, sabbaṃ sīghaṃ katvā āharathā’’ti āṇāpetvā cammakāre pakkosāpetvā ‘‘tātā amhākaṃ kumbhabhāragāhitaṃ cammabhastaṃ kātuṃ vaṭṭati, cammayottavarattahatthipādaupāhanacammachattehipi no attho, sabbaṃ sīghaṃ katvā āharathā’’ti āṇāpesi. Te ubhopi sabbāni tāni sīghaṃ katvā āharitvā adaṃsu. Sā tassa pātheyyaṃ saṃvidahitvā araṇisahitaṃ ādiṃ katvā sabbaṃ upakaraṇañca baddhasattumādiṃ katvā pātheyyañca cammabhastāyaṃ pakkhipi, taṃ sabbampi kumbhabhāramattaṃ ahosi.
сонуд̇д̇ароби ад̇д̇ано бариважчам̣ гад̇ваа сад̇д̇амз д̣̇ивасз ааг̇анд̇ваа д̣̇звим̣ ванд̣̇ид̇ваа адтааси. ат̇а нам̣ саа ‘‘нидтид̇ам̣ д̇з самма саб̣б̣уубагаран̣ам̣, имам̣ д̇аава басиб̣б̣агам̣ г̇ан̣хаа’’д̇и ааха. со бана махаат̇аамо бан̃жаннам̣ хад̇т̇ийнам̣ б̣алам̣ д̇хаарзд̇и, д̇асмаа д̇амб̣уулабасиб̣б̣агам̣ вияа угкибид̇ваа убагажчанд̇арз табзд̇ваа рид̇д̇ахад̇т̇о вияа адтааси. субхад̣̇д̣̇аа луд̣̇д̣̇асса буд̇д̇ад̣̇аараанам̣ бариб̣б̣аяам̣ д̣̇ад̇ваа ран̃н̃о аажигкид̇ваа сонуд̇д̇арам̣ уяяож̇зси. соби рааж̇аанан̃жа д̣̇звин̃жа ванд̣̇ид̇ваа рааж̇анивзсанаа оруяха рат̇з тад̇ваа маханд̇зна бариваарзна наг̇араа нигкамид̇ваа г̇ааманиг̇амаж̇анабад̣̇абарамбарааяа бажжанд̇ам̣ бад̇ваа ж̇аанабад̣̇з нивад̇д̇зд̇ваа бажжанд̇аваасийхи сад̣̇д̇хим̣ аран̃н̃ам̣ бависид̇ваа мануссабат̇ам̣ ад̇иггамма бажжанд̇аваасиноби нивад̇д̇зд̇ваа згагова г̇ажчанд̇о д̇им̣саяож̇анам̣ бад̇ваа батамам̣ д̣̇аб̣б̣аг̇аханам̣ гаасаг̇аханам̣ д̇ин̣аг̇аханам̣ д̇уласиг̇аханам̣ сараг̇аханам̣ д̇ириважчаг̇ахананд̇и ча г̇аханаани, ган̣дагавзл̣уг̇умб̣аг̇аханаани взд̇д̇аг̇аханам̣ омиссагаг̇аханам̣ нал̣аг̇аханам̣ сараг̇аханасад̣̇исам̣ ураг̇знаби д̣̇уб̣б̣инивиж̇жхам̣ гханаванаг̇аханам̣ ругкаг̇аханам̣ взл̣уг̇аханам̣ абарамби взл̣уг̇умб̣аг̇аханам̣ галалаг̇аханам̣ уд̣̇агаг̇аханам̣ баб̣б̣ад̇аг̇ахананд̇и адтаараса г̇аханаани бадибаадияаа бад̇ваа д̣̇аб̣б̣аг̇аханаад̣̇ийни асид̇зна лааяид̇ваа д̇уласиг̇аханаад̣̇ийни взл̣уг̇умб̣ажчзд̣̇анасад̇т̇зна чинд̣̇ид̇ваа ругкз парасунаа годдзд̇ваа ад̇имаханд̇з ругкз никаад̣̇анзна виж̇жхид̇ваа маг̇г̇ам̣ гаронд̇о взл̣уванз ниссзн̣им̣ гад̇ваа взл̣уг̇умб̣ам̣ ааруяха взл̣ум̣ чинд̣̇ид̇ваа абарасса взл̣уг̇умб̣асса убари баад̇зд̇ваа взл̣уг̇умб̣амад̇т̇агзна г̇анд̇ваа галалаг̇аханз сугкаругкабад̣̇арам̣ ад̇т̇арид̇ваа д̇зна г̇анд̇ваа абарам̣ ад̇т̇арид̇ваа ид̇арам̣ угкибид̇ваа буна бурад̇о ад̇т̇аранд̇о д̇ам̣ ад̇иггамид̇ваа уд̣̇агаг̇аханз д̣̇он̣им̣ гад̇ваа д̇ааяа уд̣̇агаг̇аханам̣ д̇арид̇ваа баб̣б̣ад̇абаад̣̇з тад̇ваа аяасин̇гхаадагам̣ яод̇д̇зна б̣анд̇хид̇ваа уд̣̇д̇хам̣ кибид̇ваа баб̣б̣ад̇з лаг̇г̇аабзд̇ваа яод̇д̇знааруяха важ̇ираг̇г̇зна лохад̣̇ан̣д̣зна баб̣б̣ад̇ам̣ виж̇жхид̇ваа каан̣угам̣ годдзд̇ваа д̇ад̇т̇а тад̇ваа син̇гхаадагам̣ аагад̣дхид̇ваа буна убари лаг̇г̇аабзд̇ваа д̇ад̇т̇а тид̇о жаммаяод̇д̇ам̣ оламб̣зд̇ваа д̇ам̣ аад̣̇ааяа од̇арид̇ваа хздтимакаан̣угз б̣анд̇хид̇ваа ваамахад̇т̇зна яод̇д̇ам̣ г̇ахзд̇ваа д̣̇агкин̣ахад̇т̇зна муг̇г̇арам̣ аад̣̇ааяа яод̇д̇ам̣ бахарид̇ваа каан̣угам̣ нийхарид̇ваа буна абхирухад̇и. зд̇знубааязна баб̣б̣ад̇амад̇т̇агам̣ абхируяха барад̇о од̇аранд̇о буриманаязнзва батамам̣ баб̣б̣ад̇амад̇т̇агз каан̣угам̣ годдзд̇ваа жаммабасиб̣б̣агз яод̇д̇ам̣ б̣анд̇хид̇ваа каан̣угз взтзд̇ваа саяам̣ анд̇обасиб̣б̣агз нисийд̣̇ид̇ваа маггадагаанам̣ маггадасуд̇д̇ависсаж̇ж̇анаагаарзна яод̇д̇ам̣ винивзтзнд̇о од̇арад̇и. жаммачад̇д̇зна ваад̇ам̣ г̇аахаабзд̇ваа сагун̣о вияа од̇арад̇ийд̇иби вад̣̇анд̇иязва.
Sonuttaropi attano parivacchaṃ katvā sattame divase āgantvā deviṃ vanditvā aṭṭhāsi. Atha naṃ sā ‘‘niṭṭhitaṃ te samma sabbūpakaraṇaṃ, imaṃ tāva pasibbakaṃ gaṇhā’’ti āha. So pana mahāthāmo pañcannaṃ hatthīnaṃ balaṃ dhāreti, tasmā tambūlapasibbakaṃ viya ukkhipitvā upakacchantare ṭhapetvā rittahattho viya aṭṭhāsi. Subhaddā luddassa puttadārānaṃ paribbayaṃ datvā rañño ācikkhitvā sonuttaraṃ uyyojesi. Sopi rājānañca deviñca vanditvā rājanivesanā oruyha rathe ṭhatvā mahantena parivārena nagarā nikkhamitvā gāmanigamajanapadaparamparāya paccantaṃ patvā jānapade nivattetvā paccantavāsīhi saddhiṃ araññaṃ pavisitvā manussapathaṃ atikkamma paccantavāsinopi nivattetvā ekakova gacchanto tiṃsayojanaṃ patvā paṭhamaṃ dabbagahanaṃ kāsagahanaṃ tiṇagahanaṃ tulasigahanaṃ saragahanaṃ tirivacchagahananti cha gahanāni, kaṇṭakaveḷugumbagahanāni vettagahanaṃ omissakagahanaṃ naḷagahanaṃ saragahanasadisaṃ uragenapi dubbinivijjhaṃ ghanavanagahanaṃ rukkhagahanaṃ veḷugahanaṃ aparampi veḷugumbagahanaṃ kalalagahanaṃ udakagahanaṃ pabbatagahananti aṭṭhārasa gahanāni paṭipāṭiyā patvā dabbagahanādīni asitena lāyitvā tulasigahanādīni veḷugumbacchedanasatthena chinditvā rukkhe pharasunā koṭṭetvā atimahante rukkhe nikhādanena vijjhitvā maggaṃ karonto veḷuvane nisseṇiṃ katvā veḷugumbaṃ āruyha veḷuṃ chinditvā aparassa veḷugumbassa upari pātetvā veḷugumbamatthakena gantvā kalalagahane sukkharukkhapadaraṃ attharitvā tena gantvā aparaṃ attharitvā itaraṃ ukkhipitvā puna purato attharanto taṃ atikkamitvā udakagahane doṇiṃ katvā tāya udakagahanaṃ taritvā pabbatapāde ṭhatvā ayasiṅghāṭakaṃ yottena bandhitvā uddhaṃ khipitvā pabbate laggāpetvā yottenāruyha vajiraggena lohadaṇḍena pabbataṃ vijjhitvā khāṇukaṃ koṭṭetvā tattha ṭhatvā siṅghāṭakaṃ ākaḍḍhitvā puna upari laggāpetvā tattha ṭhito cammayottaṃ olambetvā taṃ ādāya otaritvā heṭṭhimakhāṇuke bandhitvā vāmahatthena yottaṃ gahetvā dakkhiṇahatthena muggaraṃ ādāya yottaṃ paharitvā khāṇukaṃ nīharitvā puna abhiruhati. Etenupāyena pabbatamatthakaṃ abhiruyha parato otaranto purimanayeneva paṭhamaṃ pabbatamatthake khāṇukaṃ koṭṭetvā cammapasibbake yottaṃ bandhitvā khāṇuke veṭhetvā sayaṃ antopasibbake nisīditvā makkaṭakānaṃ makkaṭasuttavissajjanākārena yottaṃ viniveṭhento otarati. Cammachattena vātaṃ gāhāpetvā sakuṇo viya otaratītipi vadantiyeva.
звам̣ д̇асса субхад̣̇д̣̇ааяа важанам̣ аад̣̇ааяа наг̇араа нигкамид̇ваа сад̇д̇араса г̇аханаани ад̇иггамид̇ваа баб̣б̣ад̇аг̇аханам̣ бад̇ваа д̇ад̇рааби ча баб̣б̣ад̇з ад̇иггамид̇ваа суван̣н̣абассабаб̣б̣ад̇амад̇т̇агам̣ аарул̣хабхаавам̣ аавигаронд̇о сад̇т̇аа ааха –
Evaṃ tassa subhaddāya vacanaṃ ādāya nagarā nikkhamitvā sattarasa gahanāni atikkamitvā pabbatagahanaṃ patvā tatrāpi cha pabbate atikkamitvā suvaṇṇapassapabbatamatthakaṃ āruḷhabhāvaṃ āvikaronto satthā āha –
114.
114.
‘‘д̇ад̇т̇зва со уг̇г̇ахзд̇ваана ваагяам̣, аад̣̇ааяа д̇уун̣ин̃жа д̇ханун̃жа луд̣̇д̣̇о;
‘‘Tattheva so uggahetvāna vākyaṃ, ādāya tūṇiñca dhanuñca luddo;
вид̇урияад̇и сад̇д̇а г̇ирий б̣раханд̇з, суван̣н̣абассам̣ наама г̇ирим̣ ул̣аарам̣.
Vituriyati satta girī brahante, suvaṇṇapassaṃ nāma giriṃ uḷāraṃ.
115.
115.
‘‘ааруяха сзлам̣ бхаванам̣ гиннараанам̣, ологаяий баб̣б̣ад̇абаад̣̇амуулам̣;
‘‘Āruyha selaṃ bhavanaṃ kinnarānaṃ, olokayī pabbatapādamūlaṃ;
д̇ад̇т̇ад̣̇д̣̇асаа мзгхасамаанаван̣н̣ам̣, ниг̇род̇харааж̇ам̣ адтасахассабаад̣̇ам̣.
Tatthaddasā meghasamānavaṇṇaṃ, nigrodharājaṃ aṭṭhasahassapādaṃ.
116.
116.
‘‘д̇ад̇т̇ад̣̇д̣̇асаа гун̃ж̇арам̣ чаб̣б̣исаан̣ам̣, саб̣б̣асзд̇ам̣ д̣̇уббасахам̣ барзбхи;
‘‘Tatthaddasā kuñjaraṃ chabbisāṇaṃ, sabbasetaṃ duppasahaṃ parebhi;
рагканд̇и нам̣ адтасахассанааг̇аа, ийсаад̣̇анд̇аа ваад̇аж̇аваббахаарино.
Rakkhanti naṃ aṭṭhasahassanāgā, īsādantā vātajavappahārino.
117.
117.
‘‘д̇ад̇т̇ад̣̇д̣̇асаа богкаран̣им̣ ад̣̇уурз, раммам̣ суд̇ид̇т̇ан̃жа маход̣̇иган̃жа;
‘‘Tatthaddasā pokkharaṇiṃ adūre, rammaṃ sutitthañca mahodikañca;
самбубпид̇ам̣ бхамараг̇ан̣аанужин̣н̣ам̣, яад̇т̇а хи со нхааяад̇и нааг̇арааж̇аа.
Sampupphitaṃ bhamaragaṇānuciṇṇaṃ, yattha hi so nhāyati nāgarājā.
118.
118.
‘‘д̣̇исваана нааг̇асса г̇ад̇им̣ тид̇ин̃жа, вийт̇иссаяаа нхаанаг̇ад̇асса ход̇и;
‘‘Disvāna nāgassa gatiṃ ṭhitiñca, vīthissayā nhānagatassa hoti;
обаад̇амааг̇ажчи анарияаруубо, баяож̇ид̇о жид̇д̇авасаануг̇ааяаа’’д̇и.
Opātamāgacchi anariyarūpo, payojito cittavasānugāyā’’ti.
д̇ад̇т̇а сод̇и, бхигкавз, со луд̣̇д̣̇о д̇ад̇т̇зва сад̇д̇абхуумигабаасаад̣̇ад̇алз тид̇ааяа д̇ассаа субхад̣̇д̣̇ааяа важанам̣ уг̇г̇ахзд̇ваа сарад̇уун̣ин̃жа махаад̇ханун̃жа аад̣̇ааяа баб̣б̣ад̇аг̇аханам̣ бад̇ваа ‘‘гад̇аро ну ко суван̣н̣абассабаб̣б̣ад̇о наамаа’’д̇и сад̇д̇а махаабаб̣б̣ад̇з вид̇урияад̇и, д̇асмим̣ гаалз д̇улзд̇и д̇ийрзд̇и. со звам̣ д̇ийрзнд̇о суван̣н̣абассам̣ наама г̇ирим̣ ул̣аарам̣ д̣̇исваа ‘‘аяам̣ со бхависсад̇ий’’д̇и жинд̇зси. ологаяийд̇и д̇ам̣ гиннараанам̣ бхаванабхууд̇ам̣ баб̣б̣ад̇ам̣ ааруяха субхад̣̇д̣̇ааяа д̣̇иннасан̃н̃аавасзна хздтаа ологзси. д̇ад̇т̇аад̇и д̇асмим̣ баб̣б̣ад̇абаад̣̇амуулз авид̣̇уурзязва д̇ам̣ ниг̇род̇хам̣ ад̣̇д̣̇аса.
Tattha soti, bhikkhave, so luddo tattheva sattabhūmikapāsādatale ṭhitāya tassā subhaddāya vacanaṃ uggahetvā saratūṇiñca mahādhanuñca ādāya pabbatagahanaṃ patvā ‘‘kataro nu kho suvaṇṇapassapabbato nāmā’’ti satta mahāpabbate vituriyati, tasmiṃ kāle tuleti tīreti. So evaṃ tīrento suvaṇṇapassaṃ nāma giriṃ uḷāraṃ disvā ‘‘ayaṃ so bhavissatī’’ti cintesi. Olokayīti taṃ kinnarānaṃ bhavanabhūtaṃ pabbataṃ āruyha subhaddāya dinnasaññāvasena heṭṭhā olokesi. Tatthāti tasmiṃ pabbatapādamūle avidūreyeva taṃ nigrodhaṃ addasa.
д̇ад̇т̇аад̇и д̇асмим̣ ниг̇род̇харугкамуулз тид̇ам̣. д̇ад̇т̇аад̇и д̇ад̇т̇зва анд̇обаб̣б̣ад̇з д̇асса ниг̇род̇хассаавид̣̇уурз яад̇т̇а со нхааяад̇и, д̇ам̣ богкаран̣им̣ ад̣̇д̣̇аса. д̣̇исваанаад̇и суван̣н̣абассабаб̣б̣ад̇аа оруяха хад̇т̇ийнам̣ г̇ад̇агаалз хад̇т̇ибаад̣̇аубааханам̣ ааруяха д̇асса нааг̇аран̃н̃о г̇ад̇адтаанам̣ ниб̣ад̣̇д̇хавасанадтаанам̣ убад̇хаарзнд̇о ‘‘иминаа маг̇г̇зна г̇ажчад̇и, ид̇ха нхааяад̇и, нхад̇ваа уд̇д̇ин̣н̣о, ид̇ха д̇идтад̇ий’’д̇и саб̣б̣ам̣ д̣̇исваа ахиригабхаавзна анарияаруубо д̇ааяа жид̇д̇авасаануг̇ааяа баяож̇ид̇о, д̇асмаа обаад̇ам̣ ааг̇ажчи бадибаж̇ж̇и, ааваадам̣ кан̣ийд̇и ад̇т̇о.
Tatthāti tasmiṃ nigrodharukkhamūle ṭhitaṃ. Tatthāti tattheva antopabbate tassa nigrodhassāvidūre yattha so nhāyati, taṃ pokkharaṇiṃ addasa. Disvānāti suvaṇṇapassapabbatā oruyha hatthīnaṃ gatakāle hatthipādaupāhanaṃ āruyha tassa nāgarañño gataṭṭhānaṃ nibaddhavasanaṭṭhānaṃ upadhārento ‘‘iminā maggena gacchati, idha nhāyati, nhatvā uttiṇṇo, idha tiṭṭhatī’’ti sabbaṃ disvā ahirikabhāvena anariyarūpo tāya cittavasānugāya payojito, tasmā opātaṃ āgacchi paṭipajji, āvāṭaṃ khaṇīti attho.
д̇ад̇рааяам̣ анубуб̣б̣игат̇аа – ‘‘со гира махаасад̇д̇асса васаногаасам̣ сад̇д̇амаасаад̇хигзхи сад̇д̇ахи сам̣важчарзхи сад̇д̇ахи жа д̣̇ивасзхи бад̇ваа вуд̇д̇анаязнзва д̇асса васаногаасам̣ саллагкзд̇ваа ‘‘ид̇ха ааваадам̣ кан̣ид̇ваа д̇асмим̣ тид̇о вааран̣аад̇хибад̇им̣ висабийд̇зна саллзна виж̇жхид̇ваа ж̇ийвид̇агкаяам̣ баабзссаамий’’д̇и вавад̇т̇абзд̇ваа аран̃н̃ам̣ бависид̇ваа т̇амбхаад̣̇ийнам̣ ад̇т̇ааяа ругкз чинд̣̇ид̇ваа д̣̇аб̣б̣асамбхаарз саж̇ж̇зд̇ваа хад̇т̇ийсу нхаанад̇т̇ааяа г̇ад̇зсу д̇асса васаногаасз махаагуд̣̇д̣̇аалзна жад̇урассам̣ ааваадам̣ кан̣ид̇ваа уд̣̇д̇хад̇абам̣сум̣ б̣ийж̇ам̣ вабанд̇о вияа уд̣̇агзна вигирид̇ваа уд̣̇угкалабаасаан̣аанам̣ убари т̇амбхз бад̇идтабзд̇ваа д̇улаа жа гааж̇з жа д̣̇ад̇ваа бад̣̇араани ад̇т̇арид̇ваа ган̣д̣аббамаан̣ам̣ чид̣̇д̣̇ам̣ гад̇ваа убари бам̣сун̃жа гажаваран̃жа багкибид̇ваа згзна бассзна ад̇д̇ано бависанадтаанам̣ гад̇ваа звам̣ нидтид̇з ааваадз бажжуусагаалзязва бад̇исийсагам̣ бадимун̃жид̇ваа гаасааяаани барид̣̇ахид̇ваа сад̣̇д̇хим̣ висабийд̇зна саллзна д̇ханум̣ аад̣̇ааяа ааваадам̣ од̇арид̇ваа адтааси. д̇амад̇т̇ам̣ багаасзнд̇о сад̇т̇аа ааха –
Tatrāyaṃ anupubbikathā – ‘‘so kira mahāsattassa vasanokāsaṃ sattamāsādhikehi sattahi saṃvaccharehi sattahi ca divasehi patvā vuttanayeneva tassa vasanokāsaṃ sallakkhetvā ‘‘idha āvāṭaṃ khaṇitvā tasmiṃ ṭhito vāraṇādhipatiṃ visapītena sallena vijjhitvā jīvitakkhayaṃ pāpessāmī’’ti vavatthapetvā araññaṃ pavisitvā thambhādīnaṃ atthāya rukkhe chinditvā dabbasambhāre sajjetvā hatthīsu nhānatthāya gatesu tassa vasanokāse mahākuddālena caturassaṃ āvāṭaṃ khaṇitvā uddhatapaṃsuṃ bījaṃ vapanto viya udakena vikiritvā udukkhalapāsāṇānaṃ upari thambhe patiṭṭhapetvā tulā ca kāje ca datvā padarāni attharitvā kaṇḍappamāṇaṃ chiddaṃ katvā upari paṃsuñca kacavarañca pakkhipitvā ekena passena attano pavisanaṭṭhānaṃ katvā evaṃ niṭṭhite āvāṭe paccūsakāleyeva patisīsakaṃ paṭimuñcitvā kāsāyāni paridahitvā saddhiṃ visapītena sallena dhanuṃ ādāya āvāṭaṃ otaritvā aṭṭhāsi. Tamatthaṃ pakāsento satthā āha –
119.
119.
‘‘кан̣ид̇ваана гаасум̣ палагзхи чаад̣̇аяи, ад̇д̇аанамод̇хааяа д̇ханун̃жа луд̣̇д̣̇о;
‘‘Khaṇitvāna kāsuṃ phalakehi chādayi, attānamodhāya dhanuñca luddo;
бассааг̇ад̇ам̣ бут̇усаллзна нааг̇ам̣, самаббаяий д̣̇уггадагаммагаарий.
Passāgataṃ puthusallena nāgaṃ, samappayī dukkaṭakammakārī.
120.
120.
‘‘вид̣̇д̇хо жа нааг̇о гон̃жаманаад̣̇и гхорам̣, саб̣б̣з жа нааг̇аа ниннад̣̇ум̣ гхораруубам̣;
‘‘Viddho ca nāgo koñcamanādi ghoraṃ, sabbe ca nāgā ninnaduṃ ghorarūpaṃ;
д̇ин̣ан̃жа гадтан̃жа ран̣ам̣ гаронд̇аа, д̇хаавим̣су д̇з адта д̣̇исаа саманд̇ад̇о.
Tiṇañca kaṭṭhañca raṇaṃ karontā, dhāviṃsu te aṭṭha disā samantato.
121.
121.
‘‘вад̇хиссамзд̇анд̇и бараамасанд̇о, гаасаавамад̣̇д̣̇агки д̇хаж̇ам̣ исийнам̣;
‘‘Vadhissametanti parāmasanto, kāsāvamaddakkhi dhajaṃ isīnaṃ;
д̣̇угкзна пудтассуд̣̇абаад̣̇и сан̃н̃аа, арахад̣̇д̇хаж̇о саб̣бхи аваж̇жхаруубо’’д̇и.
Dukkhena phuṭṭhassudapādi saññā, arahaddhajo sabbhi avajjharūpo’’ti.
д̇ад̇т̇а од̇хааяаад̇и од̣̇ахид̇ваа бавзсзд̇ваа. бассааг̇ад̇анд̇и ад̇д̇ано ааваадасса бассам̣ ааг̇ад̇ам̣. со гира д̣̇уд̇ияад̣̇ивасз ааг̇анд̇ваа нхад̇ваа уд̇д̇ин̣н̣о д̇асмим̣ махаависааламаалагз наама бад̣̇зсз адтааси. ат̇асса сарийрад̇о уд̣̇агам̣ наабхибад̣̇зсзна ог̇алид̇ваа д̇зна чид̣̇д̣̇зна луд̣̇д̣̇асса сарийрз бад̇и. д̇ааяа сан̃н̃ааяа со махаасад̇д̇асса ааг̇анд̇ваа тид̇абхаавам̣ н̃ад̇ваа д̇ам̣ бассааг̇ад̇ам̣ бут̇унаа саллзна самаббаяи виж̇жхи. д̣̇уггадагаммагаарийд̇и д̇асса махаасад̇д̇асса гааяигажзд̇асигасса д̣̇угкасса уббаад̣̇анзна д̣̇уггадасса гаммасса гаараго.
Tattha odhāyāti odahitvā pavesetvā. Passāgatanti attano āvāṭassa passaṃ āgataṃ. So kira dutiyadivase āgantvā nhatvā uttiṇṇo tasmiṃ mahāvisālamālake nāma padese aṭṭhāsi. Athassa sarīrato udakaṃ nābhipadesena ogalitvā tena chiddena luddassa sarīre pati. Tāya saññāya so mahāsattassa āgantvā ṭhitabhāvaṃ ñatvā taṃ passāgataṃ puthunā sallena samappayi vijjhi. Dukkaṭakammakārīti tassa mahāsattassa kāyikacetasikassa dukkhassa uppādanena dukkaṭassa kammassa kārako.
гон̃жаманаад̣̇ийд̇и гон̃жанаад̣̇ам̣ агари. д̇асса гира д̇ам̣ саллам̣ наабхияам̣ бависид̇ваа бихагаад̣̇ийни сан̃жун̣н̣зд̇ваа анд̇аани чинд̣̇ид̇ваа бидтибхааг̇ам̣ парасунаа бад̣̇аалзнд̇ам̣ вияа уг̇г̇анд̇ваа аагаасз багканд̣̇и. бхиннараж̇ад̇агумбхад̇о раж̇анам̣ вияа бахаарамукзна лохид̇ам̣ баг̇гхари, б̣алававзд̣̇анаа уббаж̇ж̇и. со взд̣̇анам̣ ад̇хиваасзд̇ум̣ асаггонд̇о взд̣̇анааббад̇д̇о сагалабаб̣б̣ад̇ам̣ зганиннаад̣̇ам̣ гаронд̇о д̇игкад̇д̇ум̣ маханд̇ам̣ гон̃жанаад̣̇ам̣ над̣̇и. саб̣б̣з жаад̇и д̇зби саб̣б̣з адтасахассанааг̇аа д̇ам̣ сад̣̇д̣̇ам̣ суд̇ваа маран̣абхаяабхийд̇аа гхораруубам̣ ниннад̣̇ум̣ ануравам̣ гарим̣су. ран̣ам̣ гаронд̇аад̇и д̇зна сад̣̇д̣̇зна г̇анд̇ваа чад̣̇д̣̇анд̇авааран̣ам̣ взд̣̇анааббад̇д̇ам̣ д̣̇исваа ‘‘бажжаамид̇д̇ам̣ г̇ан̣хиссаамаа’’д̇и д̇ин̣ан̃жа гадтан̃жа жун̣н̣авижун̣н̣ам̣ гаронд̇аа саманд̇аа д̇хаавим̣су.
Koñcamanādīti koñcanādaṃ akari. Tassa kira taṃ sallaṃ nābhiyaṃ pavisitvā pihakādīni sañcuṇṇetvā antāni chinditvā piṭṭhibhāgaṃ pharasunā padālentaṃ viya uggantvā ākāse pakkhandi. Bhinnarajatakumbhato rajanaṃ viya pahāramukhena lohitaṃ pagghari, balavavedanā uppajji. So vedanaṃ adhivāsetuṃ asakkonto vedanāppatto sakalapabbataṃ ekaninnādaṃ karonto tikkhattuṃ mahantaṃ koñcanādaṃ nadi. Sabbe cāti tepi sabbe aṭṭhasahassanāgā taṃ saddaṃ sutvā maraṇabhayabhītā ghorarūpaṃ ninnaduṃ anuravaṃ kariṃsu. Raṇaṃ karontāti tena saddena gantvā chaddantavāraṇaṃ vedanāppattaṃ disvā ‘‘paccāmittaṃ gaṇhissāmā’’ti tiṇañca kaṭṭhañca cuṇṇavicuṇṇaṃ karontā samantā dhāviṃsu.
вад̇хиссамзд̇анд̇и ‘‘бхигкавз, со чад̣̇д̣̇анд̇авааран̣о д̣̇исаа багганд̇зсу нааг̇зсу субхад̣̇д̣̇ааяа гарзн̣уяаа бассз тад̇ваа санд̇хаарзд̇ваа самассаасаяамаанааяа взд̣̇анам̣ ад̇хиваасзд̇ваа ган̣д̣асса ааг̇ад̇адтаанам̣ саллагкзнд̇о ‘сажз ид̣̇ам̣ бурад̇т̇имад̣̇исаад̣̇ийхи ааг̇ад̇ам̣ абхависса, гумбхаад̣̇ийхи бависид̇ваа бажчимагааяийд̣̇ийхи нигкамисса, ид̣̇ам̣ бана наабхияаа бависид̇ваа аагаасам̣ багканд̣̇и, д̇асмаа бат̇авияам̣ тид̇зна виссадтам̣ бхависсад̇ий’д̇и убад̇хаарзд̇ваа тид̇адтаанам̣ убабаригкид̇угаамо ‘‘го ж̇аанаад̇и, гим̣ бхависсад̇и, субхад̣̇д̣̇ам̣ абанзд̇ум̣ ваддад̇ий’’д̇и жинд̇зд̇ваа ‘‘бхад̣̇д̣̇з, адтасахассанааг̇аа мама бажжаамид̇д̇ам̣ бариязсанд̇аа д̣̇исаа багканд̣̇аа, д̇вам̣ ид̇ха гим̣ гаросий’’д̇и вад̇ваа, ‘‘д̣̇зва, ахам̣ д̇умхз санд̇хаарзд̇ваа самассаасзнд̇ий тид̇аа, камат̇а мз’’д̇и д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа д̇ааяа аагаасам̣ багканд̣̇ааяа нааг̇арааж̇аа бхуумим̣ баад̣̇анакзна бахари, бад̣̇арам̣ уббад̇ид̇ваа г̇ад̇ам̣. со чид̣̇д̣̇зна ологзнд̇о сонуд̇д̇арам̣ д̣̇исваа ‘‘вад̇хиссаами на’’нд̇и жид̇д̇ам̣ уббаад̣̇зд̇ваа раж̇ад̇ад̣̇аамаван̣н̣асон̣д̣ам̣ бавзсзд̇ваа бараамасанд̇о б̣уд̣̇д̇хаанам̣ исийнам̣ д̇хаж̇ам̣ гаасаавам̣ ад̣̇д̣̇агки. луд̣̇д̣̇о гаасаавам̣ махаасад̇д̇асса хад̇т̇з табзси. со д̇ам̣ угкибид̇ваа бурад̇о табзси. ат̇асса д̇зна д̇ат̇ааруубзнаби д̣̇угкзна пудтасса ‘‘арахад̣̇д̇хаж̇о наама саб̣бхи бан̣д̣ид̇зхи аваж̇жхаруубо, ан̃н̃ад̣̇ад̇т̇у саггаад̇аб̣б̣о г̇аругаад̇аб̣б̣оязваа’’д̇и аяам̣ сан̃н̃аа уд̣̇абаад̣̇и.
Vadhissametanti ‘‘bhikkhave, so chaddantavāraṇo disā pakkantesu nāgesu subhaddāya kareṇuyā passe ṭhatvā sandhāretvā samassāsayamānāya vedanaṃ adhivāsetvā kaṇḍassa āgataṭṭhānaṃ sallakkhento ‘sace idaṃ puratthimadisādīhi āgataṃ abhavissa, kumbhādīhi pavisitvā pacchimakāyīdīhi nikkhamissa, idaṃ pana nābhiyā pavisitvā ākāsaṃ pakkhandi, tasmā pathaviyaṃ ṭhitena vissaṭṭhaṃ bhavissatī’ti upadhāretvā ṭhitaṭṭhānaṃ upaparikkhitukāmo ‘‘ko jānāti, kiṃ bhavissati, subhaddaṃ apanetuṃ vaṭṭatī’’ti cintetvā ‘‘bhadde, aṭṭhasahassanāgā mama paccāmittaṃ pariyesantā disā pakkhandā, tvaṃ idha kiṃ karosī’’ti vatvā, ‘‘deva, ahaṃ tumhe sandhāretvā samassāsentī ṭhitā, khamatha me’’ti tikkhattuṃ padakkhiṇaṃ katvā catūsu ṭhānesu vanditvā tāya ākāsaṃ pakkhandāya nāgarājā bhūmiṃ pādanakhena pahari, padaraṃ uppatitvā gataṃ. So chiddena olokento sonuttaraṃ disvā ‘‘vadhissāmi na’’nti cittaṃ uppādetvā rajatadāmavaṇṇasoṇḍaṃ pavesetvā parāmasanto buddhānaṃ isīnaṃ dhajaṃ kāsāvaṃ addakkhi. Luddo kāsāvaṃ mahāsattassa hatthe ṭhapesi. So taṃ ukkhipitvā purato ṭhapesi. Athassa tena tathārūpenapi dukkhena phuṭṭhassa ‘‘arahaddhajo nāma sabbhi paṇḍitehi avajjharūpo, aññadatthu sakkātabbo garukātabboyevā’’ti ayaṃ saññā udapādi.
со д̇зна сад̣̇д̇хим̣ саллабанд̇о г̇аат̇аад̣̇ваяамааха –
So tena saddhiṃ sallapanto gāthādvayamāha –
122.
122.
‘‘аниггасааво гаасаавам̣, яо вад̇т̇ам̣ барид̣̇ахиссад̇и;
‘‘Anikkasāvo kāsāvaṃ, yo vatthaṃ paridahissati;
абзд̇о д̣̇амасажжзна, на со гаасаавамарахад̇и.
Apeto damasaccena, na so kāsāvamarahati.
123.
123.
‘‘яо жа ванд̇агасаавасса, сийлзсу сусамаахид̇о;
‘‘Yo ca vantakasāvassa, sīlesu susamāhito;
убзд̇о д̣̇амасажжзна, са вз гаасаавамарахад̇ий’’д̇и.
Upeto damasaccena, sa ve kāsāvamarahatī’’ti.
д̇ассад̇т̇о – самма луд̣̇д̣̇абуд̇д̇а яо бурисо рааг̇аад̣̇ийхи гасаавзхи аниггасааво инд̣̇рияад̣̇амзна жзва важийсажжзна жа абзд̇о анубаг̇ад̇о д̇зхи г̇ун̣зхи гасааварасабийд̇ам̣ гаасаававад̇т̇ам̣ барид̣̇ахад̇и, со д̇ам̣ гаасаавам̣ наарахад̇и, наанужчавиго со д̇асса вад̇т̇асса. яо бана д̇зсам̣ гасааваанам̣ ванд̇ад̇д̇аа ванд̇агасааво асса сийлзсу сусамаахид̇о субад̇идтид̇о барибун̣н̣асийлаажааро, со д̇ам̣ гаасаавам̣ арахад̇и наамаад̇и.
Tassattho – samma luddaputta yo puriso rāgādīhi kasāvehi anikkasāvo indriyadamena ceva vacīsaccena ca apeto anupagato tehi guṇehi kasāvarasapītaṃ kāsāvavatthaṃ paridahati, so taṃ kāsāvaṃ nārahati, nānucchaviko so tassa vatthassa. Yo pana tesaṃ kasāvānaṃ vantattā vantakasāvo assa sīlesu susamāhito supatiṭṭhito paripuṇṇasīlācāro, so taṃ kāsāvaṃ arahati nāmāti.
звам̣ вад̇ваа махаасад̇д̇о д̇асмим̣ жид̇д̇ам̣ ниб̣б̣аабзд̇ваа ‘‘самма гимад̇т̇ам̣ д̇вам̣ мам̣ виж̇жхаси, гим̣ ад̇д̇ано ад̇т̇ааяа, уд̣̇ааху ан̃н̃зна баяож̇ид̇осий’’д̇и бужчи. д̇амад̇т̇ам̣ аавийгаронд̇о сад̇т̇аа ааха –
Evaṃ vatvā mahāsatto tasmiṃ cittaṃ nibbāpetvā ‘‘samma kimatthaṃ tvaṃ maṃ vijjhasi, kiṃ attano atthāya, udāhu aññena payojitosī’’ti pucchi. Tamatthaṃ āvīkaronto satthā āha –
124.
124.
‘‘самаббид̇о бут̇усаллзна нааг̇о, ад̣̇удтажид̇д̇о луд̣̇д̣̇агамаж̇жхабхааси;
‘‘Samappito puthusallena nāgo, aduṭṭhacitto luddakamajjhabhāsi;
гимад̇т̇аяам̣ гисса ваа самма хзд̇у, мамам̣ вад̇хий гасса вааяам̣ баяог̇о’’д̇и.
Kimatthayaṃ kissa vā samma hetu, mamaṃ vadhī kassa vāyaṃ payogo’’ti.
д̇ад̇т̇а гимад̇т̇аяанд̇и ааяад̇им̣ гим̣ бад̇т̇знд̇о. гисса ваад̇и гисса хзд̇у гзна гааран̣зна, гим̣ наама д̇ава маяаа сад̣̇д̇хим̣ взранд̇и ад̇хиббааяо. гасса ваад̇и гасса ваа ан̃н̃асса аяам̣ баяог̇о, гзна баяож̇ид̇о мам̣ авад̇хийд̇и ад̇т̇о.
Tattha kimatthayanti āyatiṃ kiṃ patthento. Kissa vāti kissa hetu kena kāraṇena, kiṃ nāma tava mayā saddhiṃ veranti adhippāyo. Kassa vāti kassa vā aññassa ayaṃ payogo, kena payojito maṃ avadhīti attho.
ат̇асса аажигканд̇о луд̣̇д̣̇о г̇аат̇амааха –
Athassa ācikkhanto luddo gāthamāha –
125.
125.
‘‘гаасисса ран̃н̃о махзсий бхад̣̇анд̇з, саа бууж̇ид̇аа рааж̇агулз субхад̣̇д̣̇аа;
‘‘Kāsissa rañño mahesī bhadante, sā pūjitā rājakule subhaddā;
д̇ам̣ ад̣̇д̣̇асаа саа жа мамам̣ асам̣си, д̣̇анд̇зхи ад̇т̇од̇и жа мам̣ авожаа’’д̇и.
Taṃ addasā sā ca mamaṃ asaṃsi, dantehi atthoti ca maṃ avocā’’ti.
д̇ад̇т̇а бууж̇ид̇аад̇и аг̇г̇амахзсидтаанз табзд̇ваа бууж̇ид̇аа. ад̣̇д̣̇асаад̇и саа гира д̇ам̣ субинанд̇з ад̣̇д̣̇аса. асам̣сийд̇и саа жа мама саггаарам̣ гаарзд̇ваа ‘‘химаванд̇абад̣̇зсз зваруубо наама нааг̇о асугасмим̣ наама таанз васад̇ий’’д̇и мамам̣ аажигки. д̣̇анд̇зхийд̇и д̇асса нааг̇асса чаб̣б̣ан̣н̣арам̣сисамуж̇ж̇алаа д̣̇анд̇аа, д̇зхи мама ад̇т̇о, бил̣анд̇ханам̣ гаарзд̇угаамаамхи, д̇з мз аахараад̇и мам̣ авожаад̇и.
Tattha pūjitāti aggamahesiṭṭhāne ṭhapetvā pūjitā. Addasāti sā kira taṃ supinante addasa. Asaṃsīti sā ca mama sakkāraṃ kāretvā ‘‘himavantapadese evarūpo nāma nāgo asukasmiṃ nāma ṭhāne vasatī’’ti mamaṃ ācikkhi. Dantehīti tassa nāgassa chabbaṇṇaraṃsisamujjalā dantā, tehi mama attho, piḷandhanaṃ kāretukāmāmhi, te me āharāti maṃ avocāti.
д̇ам̣ суд̇ваа ‘‘ид̣̇ам̣ жуул̣асубхад̣̇д̣̇ааяа гамма’’нд̇и н̃ад̇ваа махаасад̇д̇о взд̣̇анам̣ ад̇хиваасзд̇ваа ‘‘д̇ассаа мама д̣̇анд̇зхи ад̇т̇о над̇т̇и, мам̣ маарзд̇угаамад̇ааяа бана бахин̣ий’’д̇и д̣̇ийбзнд̇о г̇аат̇аад̣̇ваяамааха –
Taṃ sutvā ‘‘idaṃ cūḷasubhaddāya kamma’’nti ñatvā mahāsatto vedanaṃ adhivāsetvā ‘‘tassā mama dantehi attho natthi, maṃ māretukāmatāya pana pahiṇī’’ti dīpento gāthādvayamāha –
126.
126.
‘‘б̣ахуу химз д̣̇анд̇аяуг̇аа ул̣аараа, яз мз бид̇уунан̃жа бид̇аамахаанам̣;
‘‘Bahū hime dantayugā uḷārā, ye me pitūnañca pitāmahānaṃ;
ж̇аанаад̇и саа год̇ханаа рааж̇абуд̇д̇ий, вад̇хад̇т̇игаа взрамагааси б̣аалаа.
Jānāti sā kodhanā rājaputtī, vadhatthikā veramakāsi bālā.
127.
127.
‘‘удтзхи д̇вам̣ луд̣̇д̣̇а карам̣ г̇ахзд̇ваа, д̣̇анд̇з имз чинд̣̇а бураа мараами;
‘‘Uṭṭhehi tvaṃ ludda kharaṃ gahetvā, dante ime chinda purā marāmi;
важ̇ж̇ааси д̇ам̣ год̇ханам̣ рааж̇абуд̇д̇им̣, нааг̇о хад̇о ханд̣̇а имасса д̣̇анд̇аа’’д̇и.
Vajjāsi taṃ kodhanaṃ rājaputtiṃ, nāgo hato handa imassa dantā’’ti.
д̇ад̇т̇а имзд̇и д̇асса гира бид̇у бид̇аамахаанам̣ д̣̇анд̇аа маа винассанд̇ууд̇и г̇ухааяам̣ саннижид̇аа, д̇з санд̇хааяа звамааха. ж̇аанаад̇ийд̇и б̣ахуунам̣ вааран̣аанам̣ ид̇ха саннижихз д̣̇анд̇з ж̇аанаад̇и. вад̇хад̇т̇игаад̇и гзвалам̣ бана саа мам̣ маарзд̇угаамаа аббамад̇д̇агам̣ д̣̇осам̣ хад̣̇аяз табзд̇ваа ад̇д̇ано взрам̣ агааси, зваруубзна парусагаммзна мад̇т̇агам̣ баабзси. каранд̇и гагажам̣. бураа мараамийд̇и яаава на мараами. важ̇ж̇асийд̇и вад̣̇зяяааси. ханд̣̇а имасса д̣̇анд̇аад̇и хад̇о со маяаа нааг̇о, манорат̇о д̇з мад̇т̇агаббад̇д̇о, г̇ан̣ха, имз д̇асса д̣̇анд̇аад̇и.
Tattha imeti tassa kira pitu pitāmahānaṃ dantā mā vinassantūti guhāyaṃ sannicitā, te sandhāya evamāha. Jānātīti bahūnaṃ vāraṇānaṃ idha sannicihe dante jānāti. Vadhatthikāti kevalaṃ pana sā maṃ māretukāmā appamattakaṃ dosaṃ hadaye ṭhapetvā attano veraṃ akāsi, evarūpena pharusakammena matthakaṃ pāpesi. Kharanti kakacaṃ. Purā marāmīti yāva na marāmi. Vajjasīti vadeyyāsi. Handa imassa dantāti hato so mayā nāgo, manoratho te matthakappatto, gaṇha, ime tassa dantāti.
со д̇асса важанам̣ суд̇ваа нисийд̣̇анадтаанаа вудтааяа гагажам̣ аад̣̇ааяа ‘‘д̣̇анд̇з чинд̣̇иссаамий’’д̇и д̇асса санд̇игам̣ убаг̇ад̇о. со бана уб̣б̣зд̇хад̇о адтаасийд̇ихад̇т̇о раж̇ад̇абаб̣б̣ад̇о вияа тид̇о, д̇знасса со д̣̇анд̇адтаанам̣ на баабун̣и. ат̇а махаасад̇д̇о гааяам̣ убанаамзнд̇о хздтаасийсаго нибаж̇ж̇и. д̇ад̣̇аа нзсаад̣̇о махаасад̇д̇асса раж̇ад̇ад̣̇аамасад̣̇исам̣ сон̣д̣ам̣ мад̣̇д̣̇анд̇о абхирухид̇ваа гзлаасагуудз вияа гумбхз тад̇ваа мукагодимам̣сам̣ д̇ханугзна бахарид̇ваа анд̇о багкибид̇ваа гумбхад̇о оруяха гагажам̣ анд̇омукз бавзсзси, убхохи хад̇т̇зхи д̣̇ал̣хам̣ абараабарам̣ гад̣дхи. махаасад̇д̇асса б̣алававзд̣̇анаа уббаж̇ж̇и, мукам̣ лохид̇зна буури. нзсаад̣̇о ид̇о жид̇о жа сан̃жаарзнд̇о гагажзна чинд̣̇ид̇ум̣ наасагки. ат̇а нам̣ махаасад̇д̇о мукад̇о лохид̇ам̣ чад̣д̣зд̇ваа взд̣̇анам̣ ад̇хиваасзд̇ваа ‘‘гим̣ самма чинд̣̇ид̇ум̣ на саггосий’’д̇и бужчи. ‘‘аама, саамий’’д̇и. махаасад̇д̇о сад̇им̣ бажжубадтабзд̇ваа ‘‘д̇зна хи самма мама сон̣д̣ам̣ угкибид̇ваа гагажагодим̣ г̇ан̣хаабзхи, мама саяам̣ сон̣д̣ам̣ угкибид̇ум̣ б̣алам̣ над̇т̇ий’’д̇и ааха. нзсаад̣̇о д̇ат̇аа агааси.
So tassa vacanaṃ sutvā nisīdanaṭṭhānā vuṭṭhāya kakacaṃ ādāya ‘‘dante chindissāmī’’ti tassa santikaṃ upagato. So pana ubbedhato aṭṭhāsītihattho rajatapabbato viya ṭhito, tenassa so dantaṭṭhānaṃ na pāpuṇi. Atha mahāsatto kāyaṃ upanāmento heṭṭhāsīsako nipajji. Tadā nesādo mahāsattassa rajatadāmasadisaṃ soṇḍaṃ maddanto abhiruhitvā kelāsakūṭe viya kumbhe ṭhatvā mukhakoṭimaṃsaṃ dhanukena paharitvā anto pakkhipitvā kumbhato oruyha kakacaṃ antomukhe pavesesi, ubhohi hatthehi daḷhaṃ aparāparaṃ kaḍḍhi. Mahāsattassa balavavedanā uppajji, mukhaṃ lohitena pūri. Nesādo ito cito ca sañcārento kakacena chindituṃ nāsakkhi. Atha naṃ mahāsatto mukhato lohitaṃ chaḍḍetvā vedanaṃ adhivāsetvā ‘‘kiṃ samma chindituṃ na sakkosī’’ti pucchi. ‘‘Āma, sāmī’’ti. Mahāsatto satiṃ paccupaṭṭhapetvā ‘‘tena hi samma mama soṇḍaṃ ukkhipitvā kakacakoṭiṃ gaṇhāpehi, mama sayaṃ soṇḍaṃ ukkhipituṃ balaṃ natthī’’ti āha. Nesādo tathā akāsi.
махаасад̇д̇о сон̣д̣ааяа гагажам̣ г̇ахзд̇ваа абараабарам̣ жаарзси, д̣̇анд̇аа гал̣ийраа вияа чиж̇ж̇им̣су. ат̇а нам̣ д̇з аахараабзд̇ваа г̇ан̣хид̇ваа ‘‘самма луд̣̇д̣̇абуд̇д̇а ахам̣ имз д̣̇анд̇з д̇уяхам̣ д̣̇ад̣̇амаано нзва ‘маяхам̣ аббияаа’д̇и д̣̇амми, на саггад̇д̇амаарад̇д̇аб̣рахмад̇д̇аани бад̇т̇знд̇о, имзхи бана мз д̣̇анд̇зхи сад̇аг̇ун̣зна сахассаг̇ун̣зна сад̇асахассаг̇ун̣зна саб̣б̣ан̃н̃уд̇ан̃н̃аан̣ад̣̇анд̇аава бияад̇араа, саб̣б̣ан̃н̃уд̇ан̃н̃аан̣аббадивзд̇хааяа мз ид̣̇ам̣ бун̃н̃ам̣ бажжаяо ход̇уу’’д̇и д̣̇анд̇з д̣̇ад̇ваа ‘‘самма ид̣̇ам̣ таанам̣ гид̇д̇агзна гаалзна ааг̇ад̇осий’’д̇и бужчид̇ваа ‘‘сад̇д̇амаасасад̇д̇ад̣̇ивасаад̇хигзхи сад̇д̇ахи сам̣важчарзхий’’д̇и вуд̇д̇з – ‘‘г̇ажча имзсам̣ д̣̇анд̇аанам̣ аанубхаавзна сад̇д̇ад̣̇ивасаб̣бханд̇арзязва б̣аараан̣асим̣ баабун̣иссасий’’д̇и вад̇ваа д̇асса барид̇д̇ам̣ гад̇ваа д̇ам̣ уяяож̇зси . уяяож̇зд̇ваа жа бана анааг̇ад̇зсуязва д̇зсу нааг̇зсу субхад̣̇д̣̇ааяа жа анааг̇ад̇ааяа гааламагааси. д̇амад̇т̇ам̣ багаасзнд̇о сад̇т̇аа ааха –
Mahāsatto soṇḍāya kakacaṃ gahetvā aparāparaṃ cāresi, dantā kaḷīrā viya chijjiṃsu. Atha naṃ te āharāpetvā gaṇhitvā ‘‘samma luddaputta ahaṃ ime dante tuyhaṃ dadamāno neva ‘mayhaṃ appiyā’ti dammi, na sakkattamārattabrahmattāni patthento, imehi pana me dantehi sataguṇena sahassaguṇena satasahassaguṇena sabbaññutaññāṇadantāva piyatarā, sabbaññutaññāṇappaṭivedhāya me idaṃ puññaṃ paccayo hotū’’ti dante datvā ‘‘samma idaṃ ṭhānaṃ kittakena kālena āgatosī’’ti pucchitvā ‘‘sattamāsasattadivasādhikehi sattahi saṃvaccharehī’’ti vutte – ‘‘gaccha imesaṃ dantānaṃ ānubhāvena sattadivasabbhantareyeva bārāṇasiṃ pāpuṇissasī’’ti vatvā tassa parittaṃ katvā taṃ uyyojesi . Uyyojetvā ca pana anāgatesuyeva tesu nāgesu subhaddāya ca anāgatāya kālamakāsi. Tamatthaṃ pakāsento satthā āha –
128.
128.
‘‘удтааяа со луд̣̇д̣̇о карам̣ г̇ахзд̇ваа, чзд̇ваана д̣̇анд̇аани г̇аж̇уд̇д̇амасса;
‘‘Uṭṭhāya so luddo kharaṃ gahetvā, chetvāna dantāni gajuttamassa;
ваг̇г̇уу субхз аббадимз бат̇аб̣яаа, аад̣̇ааяа баггаами д̇ад̇о хи кибба’’нд̇и.
Vaggū subhe appaṭime pathabyā, ādāya pakkāmi tato hi khippa’’nti.
д̇ад̇т̇а ваг̇г̇ууд̇и вилаасаванд̇з. субхзд̇и сунд̣̇арз. аббадимзд̇и имиссам̣ бат̇авияам̣ ан̃н̃зхи д̣̇анд̇зхи асад̣̇исзд̇и.
Tattha vaggūti vilāsavante. Subheti sundare. Appaṭimeti imissaṃ pathaviyaṃ aññehi dantehi asadiseti.
д̇асмим̣ багганд̇з д̇з нааг̇аа бажжаамид̇д̇ам̣ ад̣̇исваа ааг̇амим̣су. д̇амад̇т̇ам̣ багаасзнд̇о сад̇т̇аа ааха –
Tasmiṃ pakkante te nāgā paccāmittaṃ adisvā āgamiṃsu. Tamatthaṃ pakāsento satthā āha –
129.
129.
‘‘бхаяаддид̇аа нааг̇авад̇хзна аддаа, яз д̇з нааг̇аа адта д̣̇исаа вид̇хаавум̣;
‘‘Bhayaṭṭitā nāgavadhena aṭṭā, ye te nāgā aṭṭha disā vidhāvuṃ;
ад̣̇исваана босам̣ г̇аж̇абажжамид̇д̇ам̣, бажжааг̇амум̣ язна со нааг̇арааж̇аа’’д̇и.
Adisvāna posaṃ gajapaccamittaṃ, paccāgamuṃ yena so nāgarājā’’ti.
д̇ад̇т̇а бхаяаддид̇аад̇и маран̣абхаязна убад̣̇д̣̇уд̇аа. аддаад̇и д̣̇угкид̇аа. г̇аж̇абажжамид̇д̇анд̇и г̇аж̇асса бажжаамид̇д̇ам̣. язна сод̇и яад̇т̇а висааламаалагз со нааг̇арааж̇аа гаалам̣ гад̇ваа гзлаасабаб̣б̣ад̇о вияа бад̇ид̇о, д̇ам̣ таанам̣ бажжааг̇амунд̇и ад̇т̇о.
Tattha bhayaṭṭitāti maraṇabhayena upaddutā. Aṭṭāti dukkhitā. Gajapaccamittanti gajassa paccāmittaṃ. Yena soti yattha visālamālake so nāgarājā kālaṃ katvā kelāsapabbato viya patito, taṃ ṭhānaṃ paccāgamunti attho.
д̇зхи бана сад̣̇д̇хим̣ махаасубхад̣̇д̣̇ааби ааг̇ад̇аа. д̇з саб̣б̣зби адтасахассанааг̇аа д̇ад̇т̇а род̣̇ид̇ваа ганд̣̇ид̇ваа махаасад̇д̇асса гулубагаанам̣ бажжзгаб̣уд̣̇д̇хаанам̣ санд̇игам̣ г̇анд̇ваа, ‘‘бханд̇з, д̇умхаагам̣ бажжаяад̣̇ааяаго висабийд̇зна саллзна вид̣̇д̇хо гаалагад̇о, сийват̇игад̣̇ассанамасса ааг̇ажчат̇аа’’д̇и вад̣̇им̣су. бан̃жасад̇аа бажжзгаб̣уд̣̇д̇хааби аагаасзнааг̇анд̇ваа висааламаалагз од̇арим̣су. д̇асмим̣ кан̣з д̣̇вз д̇арун̣анааг̇аа нааг̇аран̃н̃о сарийрам̣ д̣̇анд̇зхи угкибид̇ваа бажжзгаб̣уд̣̇д̇хз ванд̣̇аабзд̇ваа жид̇агам̣ ааробзд̇ваа жхаабаяим̣су. бажжзгаб̣уд̣̇д̇хаа саб̣б̣арад̇д̇им̣ аал̣ааханз д̇хаммасаж̇жхааяамагам̣су. адтасахассанааг̇аа аал̣ааханам̣ ниб̣б̣аабзд̇ваа ванд̣̇ид̇ваа нхад̇ваа махаасубхад̣̇д̣̇ам̣ бурад̇о гад̇ваа ад̇д̇ано васанадтаанам̣ аг̇амам̣су. д̇амад̇т̇ам̣ багаасзнд̇о сад̇т̇аа ааха –
Tehi pana saddhiṃ mahāsubhaddāpi āgatā. Te sabbepi aṭṭhasahassanāgā tattha roditvā kanditvā mahāsattassa kulupakānaṃ paccekabuddhānaṃ santikaṃ gantvā, ‘‘bhante, tumhākaṃ paccayadāyako visapītena sallena viddho kālakato, sīvathikadassanamassa āgacchathā’’ti vadiṃsu. Pañcasatā paccekabuddhāpi ākāsenāgantvā visālamālake otariṃsu. Tasmiṃ khaṇe dve taruṇanāgā nāgarañño sarīraṃ dantehi ukkhipitvā paccekabuddhe vandāpetvā citakaṃ āropetvā jhāpayiṃsu. Paccekabuddhā sabbarattiṃ āḷāhane dhammasajjhāyamakaṃsu. Aṭṭhasahassanāgā āḷāhanaṃ nibbāpetvā vanditvā nhatvā mahāsubhaddaṃ purato katvā attano vasanaṭṭhānaṃ agamaṃsu. Tamatthaṃ pakāsento satthā āha –
130.
130.
‘‘д̇з д̇ад̇т̇а ганд̣̇ид̇ваа род̣̇ид̇ваана нааг̇аа, сийсз сагз бам̣сугам̣ огирид̇ваа;
‘‘Te tattha kanditvā roditvāna nāgā, sīse sake paṃsukaṃ okiritvā;
аг̇амам̣су д̇з саб̣б̣з сагам̣ нигзд̇ам̣, бурагкад̇ваа махзсим̣ саб̣б̣абхад̣̇д̣̇а’’нд̇и.
Agamaṃsu te sabbe sakaṃ niketaṃ, purakkhatvā mahesiṃ sabbabhadda’’nti.
д̇ад̇т̇а бам̣суганд̇и аал̣ааханабам̣сугам̣.
Tattha paṃsukanti āḷāhanapaṃsukaṃ.
сонуд̇д̇ароби аббад̇д̇зязва сад̇д̇амз д̣̇ивасз д̣̇анд̇з аад̣̇ааяа б̣аараан̣асим̣ самбаабун̣и. д̇амад̇т̇ам̣ багаасзнд̇о сад̇т̇аа ааха –
Sonuttaropi appatteyeva sattame divase dante ādāya bārāṇasiṃ sampāpuṇi. Tamatthaṃ pakāsento satthā āha –
131.
131.
‘‘аад̣̇ааяа д̣̇анд̇аани г̇аж̇уд̇д̇амасса, ваг̇г̇уу субхз аббадимз бат̇аб̣яаа;
‘‘Ādāya dantāni gajuttamassa, vaggū subhe appaṭime pathabyā;
суван̣н̣арааж̇ийхи саманд̇амод̣̇арз, со луд̣̇д̣̇аго гаасибурам̣ убааг̇ами;
Suvaṇṇarājīhi samantamodare, so luddako kāsipuraṃ upāgami;
убанзси со рааж̇аган̃н̃ааяа д̣̇анд̇з, нааг̇о хад̇о ханд̣̇а имасса д̣̇анд̇аа’’д̇и.
Upanesi so rājakaññāya dante, nāgo hato handa imassa dantā’’ti.
д̇ад̇т̇а суван̣н̣арааж̇ийхийд̇и суван̣н̣арааж̇ирам̣сийхи. саманд̇амод̣̇арзд̇и саманд̇ад̇о обхаасанд̇з сагалаванасан̣д̣ам̣ суван̣н̣аван̣н̣ам̣ вияа гаронд̇з. убанзсийд̇и ахам̣ чад̣̇д̣̇анд̇авааран̣асса чаб̣б̣ан̣н̣арам̣сивиссаж̇ж̇анз яамагад̣̇анд̇з аад̣̇ааяа ааг̇ажчаами, наг̇арам̣ алан̇гаараабзт̇аад̇и д̣̇звияаа саасанам̣ бзсзд̇ваа д̇ааяа ран̃н̃о аарожаабзд̇ваа д̣̇званаг̇арам̣ вияа наг̇арз алан̇гаараабид̇з сонуд̇д̇ароби наг̇арам̣ бависид̇ваа баасаад̣̇ам̣ аарухид̇ваа д̣̇анд̇з убанзси, убанзд̇ваа жа бана, ‘‘аяяз, яасса гира д̇умхз аббамад̇д̇агам̣ д̣̇осам̣ хад̣̇аяз гарид̇т̇а, со нааг̇о маяаа хад̇о мад̇о, ‘мад̇абхаавам̣ мз аарожзяяаасий’д̇и ааха, д̇асса мад̇абхаавам̣ д̇умхз ж̇аанаат̇а, г̇ан̣хат̇а, имз д̇асса д̣̇анд̇аа’’д̇и д̣̇анд̇з ад̣̇ааси.
Tattha suvaṇṇarājīhīti suvaṇṇarājiraṃsīhi. Samantamodareti samantato obhāsante sakalavanasaṇḍaṃ suvaṇṇavaṇṇaṃ viya karonte. Upanesīti ahaṃ chaddantavāraṇassa chabbaṇṇaraṃsivissajjane yamakadante ādāya āgacchāmi, nagaraṃ alaṅkārāpethāti deviyā sāsanaṃ pesetvā tāya rañño ārocāpetvā devanagaraṃ viya nagare alaṅkārāpite sonuttaropi nagaraṃ pavisitvā pāsādaṃ āruhitvā dante upanesi, upanetvā ca pana, ‘‘ayye, yassa kira tumhe appamattakaṃ dosaṃ hadaye karittha, so nāgo mayā hato mato, ‘matabhāvaṃ me āroceyyāsī’ti āha, tassa matabhāvaṃ tumhe jānātha, gaṇhatha, ime tassa dantā’’ti dante adāsi.
саа махаасад̇д̇асса чаб̣б̣ан̣н̣арам̣сивижид̇д̇ад̣̇анд̇з ман̣ид̇аалаван̣дзна г̇ахзд̇ваа ууруусу табзд̇ваа буримабхавз ад̇д̇ано бирасаамигасса д̣̇анд̇з ологзнд̇ий ‘‘зваруубам̣ собхаг̇г̇аббад̇д̇ам̣ вааран̣ам̣ висабийд̇зна саллзна ж̇ийвид̇агкаяам̣ баабзд̇ваа имз д̣̇анд̇з чинд̣̇ид̇ваа сонуд̇д̇аро ааг̇ад̇о’’д̇и махаасад̇д̇ам̣ ануссаранд̇ий согам̣ уббаад̣̇зд̇ваа ад̇хиваасзд̇ум̣ наасагки. ат̇ассаа д̇ад̇т̇зва хад̣̇аяам̣ пали, д̇ам̣ д̣̇ивасамзва гааламагааси. д̇амад̇т̇ам̣ багаасзнд̇о сад̇т̇аа ааха –
Sā mahāsattassa chabbaṇṇaraṃsivicittadante maṇitālavaṇṭena gahetvā ūrūsu ṭhapetvā purimabhave attano pirasāmikassa dante olokentī ‘‘evarūpaṃ sobhaggappattaṃ vāraṇaṃ visapītena sallena jīvitakkhayaṃ pāpetvā ime dante chinditvā sonuttaro āgato’’ti mahāsattaṃ anussarantī sokaṃ uppādetvā adhivāsetuṃ nāsakkhi. Athassā tattheva hadayaṃ phali, taṃ divasameva kālamakāsi. Tamatthaṃ pakāsento satthā āha –
132.
132.
‘‘д̣̇исваана д̣̇анд̇аани г̇аж̇уд̇д̇амасса, бхад̇д̇уббияасса буримааяа ж̇аад̇ияаа;
‘‘Disvāna dantāni gajuttamassa, bhattuppiyassa purimāya jātiyā;
д̇ад̇т̇зва д̇ассаа хад̣̇аяам̣ апаали, д̇знзва саа гааламагааси б̣аалаа’’д̇и.
Tattheva tassā hadayaṃ aphāli, teneva sā kālamakāsi bālā’’ti.
133.
133.
‘‘самб̣од̇хибад̇д̇о са махаанубхааво, сид̇ам̣ агаасий барисааяа маж̇жхз;
‘‘Sambodhipatto sa mahānubhāvo, sitaṃ akāsī parisāya majjhe;
бужчим̣су бхигкуу сувимуд̇д̇ажид̇д̇аа, наагааран̣з баад̇угаронд̇и б̣уд̣̇д̇хаа.
Pucchiṃsu bhikkhū suvimuttacittā, nākāraṇe pātukaronti buddhā.
134.
134.
‘‘яамад̣̇д̣̇асаат̇а д̣̇ахарим̣ гумаарим̣, гаасааяавад̇т̇ам̣ анаг̇аарияам̣ жаранд̇им̣;
‘‘Yamaddasātha dahariṃ kumāriṃ, kāsāyavatthaṃ anagāriyaṃ carantiṃ;
саа ко д̇ад̣̇аа рааж̇аган̃н̃аа ахоси, ахам̣ д̇ад̣̇аа нааг̇арааж̇аа ахосим̣.
Sā kho tadā rājakaññā ahosi, ahaṃ tadā nāgarājā ahosiṃ.
135.
135.
‘‘аад̣̇ааяа д̣̇анд̇аани г̇аж̇уд̇д̇амасса, ваг̇г̇уу субхз аббадимз бат̇аб̣яаа;
‘‘Ādāya dantāni gajuttamassa, vaggū subhe appaṭime pathabyā;
яо луд̣̇д̣̇аго гаасибурам̣ убааг̇ами, со ко д̇ад̣̇аа д̣̇звад̣̇ад̇д̇о ахоси.
Yo luddako kāsipuraṃ upāgami, so kho tadā devadatto ahosi.
136.
136.
‘‘анаавасуурам̣ жирарад̇д̇асам̣сид̇ам̣, ужжааважам̣ жарид̇амид̣̇ам̣ бураан̣ам̣;
‘‘Anāvasūraṃ cirarattasaṃsitaṃ, uccāvacaṃ caritamidaṃ purāṇaṃ;
вийд̇ад̣̇д̣̇аро вийд̇асого висалло, саяам̣ абхин̃н̃ааяа абхааси б̣уд̣̇д̇хо.
Vītaddaro vītasoko visallo, sayaṃ abhiññāya abhāsi buddho.
137.
137.
‘‘ахам̣ во д̇зна гаалзна, ахосим̣ д̇ад̇т̇а бхигкаво;
‘‘Ahaṃ vo tena kālena, ahosiṃ tattha bhikkhavo;
нааг̇арааж̇аа д̇ад̣̇аа хоми, звам̣ д̇хаарзт̇а ж̇аад̇ага’’нд̇и. –
Nāgarājā tadā homi, evaṃ dhāretha jātaka’’nti. –
имаа г̇аат̇аа д̣̇асаб̣аласса г̇ун̣з ван̣н̣знд̇зхи д̇хаммасан̇г̇аахагад̇т̇зрзхи табид̇аа.
Imā gāthā dasabalassa guṇe vaṇṇentehi dhammasaṅgāhakattherehi ṭhapitā.
д̇ад̇т̇а сид̇ам̣ агаасийд̇и со самб̣од̇хиббад̇д̇о сад̇т̇аа махаанубхааво алан̇гад̇ад̇хаммасабхааяам̣ алан̇гад̇ад̇хаммаасанз барисамаж̇жхз нисинно згад̣̇ивасам̣ сид̇ам̣ агааси. наагааран̣зд̇и ‘‘бханд̇з, б̣уд̣̇д̇хаа наама агааран̣з сид̇ам̣ на гаронд̇и, д̇умхзхи жа сид̇ам̣ гад̇ам̣, гзна ну ко гааран̣зна сид̇ам̣ гад̇а’’нд̇и махаакийн̣аасаваа бхигкуу бужчим̣су. яамад̣̇д̣̇асаат̇аад̇и звам̣ будто, аавусо, сад̇т̇аа ад̇д̇ано сид̇агааран̣ам̣ аажигканд̇о згам̣ д̣̇ахарабхигкуним̣ д̣̇ассзд̇ваа звамааха – ‘‘бхигкавз, яам̣ згам̣ д̣̇ахарам̣ яоб̣б̣анаббад̇д̇ам̣ гумаарим̣ гаасааяавад̇т̇ам̣ анаг̇аарияам̣ убзд̇ам̣ баб̣б̣аж̇ид̇ваа имасмим̣ саасанз жаранд̇им̣ ад̣̇д̣̇асаат̇а бассат̇а, саа д̇ад̣̇аа ‘висабийд̇зна саллзна нааг̇арааж̇ам̣ виж̇жхид̇ваа вад̇хзхий’’’д̇и сонуд̇д̇арасса бзсзд̇аа рааж̇аган̃н̃аа ахоси. д̇зна г̇анд̇ваа ж̇ийвид̇агкаяам̣ баабид̇о ахам̣ д̇ад̣̇аа со нааг̇арааж̇аа ахосинд̇и ад̇т̇о. д̣̇звад̣̇ад̇д̇од̇и, бхигкавз, ид̣̇аани д̣̇звад̣̇ад̇д̇о д̇ад̣̇аа со луд̣̇д̣̇аго ахоси.
Tattha sitaṃ akāsīti so sambodhippatto satthā mahānubhāvo alaṅkatadhammasabhāyaṃ alaṅkatadhammāsane parisamajjhe nisinno ekadivasaṃ sitaṃ akāsi. Nākāraṇeti ‘‘bhante, buddhā nāma akāraṇe sitaṃ na karonti, tumhehi ca sitaṃ kataṃ, kena nu kho kāraṇena sitaṃ kata’’nti mahākhīṇāsavā bhikkhū pucchiṃsu. Yamaddasāthāti evaṃ puṭṭho, āvuso, satthā attano sitakāraṇaṃ ācikkhanto ekaṃ daharabhikkhuniṃ dassetvā evamāha – ‘‘bhikkhave, yaṃ ekaṃ daharaṃ yobbanappattaṃ kumāriṃ kāsāyavatthaṃ anagāriyaṃ upetaṃ pabbajitvā imasmiṃ sāsane carantiṃ addasātha passatha, sā tadā ‘visapītena sallena nāgarājaṃ vijjhitvā vadhehī’’’ti sonuttarassa pesetā rājakaññā ahosi. Tena gantvā jīvitakkhayaṃ pāpito ahaṃ tadā so nāgarājā ahosinti attho. Devadattoti, bhikkhave, idāni devadatto tadā so luddako ahosi.
анаавасууранд̇и на авасуурам̣, анад̇т̇ан̇г̇ад̇асуурияанд̇и ад̇т̇о. жирарад̇д̇асам̣сид̇анд̇и ид̇о жирарад̇д̇з анзгавассагодимад̇т̇агз сам̣сид̇ам̣ сам̣сарид̇ам̣ анужин̣н̣ам̣. ид̣̇ам̣ вуд̇д̇ам̣ ход̇и – аавусо, ид̇о анзгавассагодимад̇т̇агз сам̣сарид̇амби буб̣б̣ан̣хз гад̇ам̣ д̇ам̣ д̣̇ивасамзва сааяанхз саранд̇о вияа ад̇д̇ано жарид̇авасзна ужжад̇д̇аа д̇ааяа рааж̇ад̇хийд̇ааяа жа сонуд̇д̇арасса жа жарид̇авасзна нийжад̇д̇аа ужжаанийжам̣ жарид̇ам̣ ид̣̇ам̣ бураан̣ам̣ рааг̇аад̣̇ийнам̣ д̣̇араанам̣ виг̇ад̇ад̇ааяа вийд̇ад̣̇д̣̇аро, н̃аад̇ид̇ханасогаад̣̇ийнам̣ абхаавзна вийд̇асого, рааг̇асаллаад̣̇ийнам̣ виг̇ад̇ад̇д̇аа висалло ад̇д̇анаава ж̇аанид̇ваа б̣уд̣̇д̇хо абхаасийд̇и. ахам̣ вод̇и зд̇т̇а вод̇и нибаад̇амад̇д̇ам̣, бхигкавз, ахам̣ д̇зна гаалзна д̇ад̇т̇а чад̣̇д̣̇анд̇ад̣̇ахз ахосинд̇и ад̇т̇о. нааг̇арааж̇аад̇и хонд̇о жа бана на ан̃н̃о гожи д̇ад̣̇аа хоми, ат̇а ко нааг̇арааж̇аа хомийд̇и ад̇т̇о. звам̣ жаарзт̇аад̇и д̇умхз д̇ам̣ ж̇аад̇агам̣ звам̣ д̇хаарзт̇а уг̇г̇ан̣хаат̇а барияаабун̣аат̇аад̇и.
Anāvasūranti na avasūraṃ, anatthaṅgatasūriyanti attho. Cirarattasaṃsitanti ito ciraratte anekavassakoṭimatthake saṃsitaṃ saṃsaritaṃ anuciṇṇaṃ. Idaṃ vuttaṃ hoti – āvuso, ito anekavassakoṭimatthake saṃsaritampi pubbaṇhe kataṃ taṃ divasameva sāyanhe saranto viya attano caritavasena uccattā tāya rājadhītāya ca sonuttarassa ca caritavasena nīcattā uccānīcaṃ caritaṃ idaṃ purāṇaṃ rāgādīnaṃ darānaṃ vigatatāya vītaddaro, ñātidhanasokādīnaṃ abhāvena vītasoko, rāgasallādīnaṃ vigatattā visallo attanāva jānitvā buddho abhāsīti. Ahaṃ voti ettha voti nipātamattaṃ, bhikkhave, ahaṃ tena kālena tattha chaddantadahe ahosinti attho. Nāgarājāti honto ca pana na añño koci tadā homi, atha kho nāgarājā homīti attho. Evaṃ cārethāti tumhe taṃ jātakaṃ evaṃ dhāretha uggaṇhātha pariyāpuṇāthāti.
иман̃жа бана д̇хаммад̣̇зсанам̣ суд̇ваа б̣ахуу сод̇аабаннаад̣̇аяо ахзсум̣. саа бана бхигкуний бажчаа вибассид̇ваа арахад̇д̇ам̣ бад̇д̇аад̇и.
Imañca pana dhammadesanaṃ sutvā bahū sotāpannādayo ahesuṃ. Sā pana bhikkhunī pacchā vipassitvā arahattaṃ pattāti.
чад̣̇д̣̇анд̇аж̇аад̇агаван̣н̣анаа жад̇уд̇т̇аа.
Chaddantajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 514. чад̣̇д̣̇анд̇аж̇аад̇агам̣ • 514. Chaddantajātakaṃ
